أخر الاخبار

روايه احببتها بعد زواجنا البارت التاني بقلم فاطمه مصطفي

 دار الروايةالمصرية 

احببتها بعد زواجنا 

روايه احببتها بعد زواجناالبارت التاني بقلم فاطمه مصطفي

البارت  2 
نزل مؤمن و كان لبس تيشرت كات و برمودا و حاجه تهبل و قعدنا نفطر 
ممكن اسأل حاجه هو انت اتجوزتني ليه لما انت مش بتحبني 
مؤمن: تقدري تقولي صفقه كدا  
يااا يعني اعيش حياه بائسه و كلها حزن و في الآخر  اتجوز جواز صفقه منك لله يا عمي بعتني في اقرب لحظه علشان الفلوس 
مؤمن: الفطار حلو تسلم ايدك 
الله يسلمك 
مؤمن: انا طالع فوق عندي شغل لو احتجتي اي حاجه اندهي عليا 
طلع فوق قعد يشتغل و سابني قاعده زهقانه و مش عارفه اعمل اي جبت التليفون و فتحت الفيس و فضلت قاعده لحد ما نمت على نفسي صحيت كانت الساعه ٢ الضهر اتصدمت طلعت الاوضه لقيته لسه قاعد نزلت عملت كام سندوتش و خدتله كوباية قهوه خبطت على الباب و بعدين دخلت و حطيت السندويشات  جنبه 
مؤمن: شكرا تسلميلي 
الله يسلمك انا نازله اعمل غدا على ما تخلص شغل 
مؤمن: متتعبيش نفسك نطلب اكل من برا 
لا انا بعرف اعمل اكل و كمان زهقانه من القعده 
مؤمن: خلاص اللي يريحك 
نزلت عملت اكل و خلصت و كانت الساعه 6 
طلعت ندهت على مؤمن علشان ناكل و قعدنا كلنا و هو طلع يقعد  في الجنينه و انا شلت الاكل و عملت كوبايتين  شاي و طلعت 
مؤمن: ممكن تعتبريني صحبك و متتكسفيش مني لما تكوني عايزه حاجه 
بصراحه انا لسه في أولى كليه و انا كنت حابه اكمل تعليمي بس عمي منه لله مرضيش يخليني اكمل 
مؤمن: طالما حابه انك تكملي معنديش مانع بس مش هرضى غير بالامتياز علشان نتفق 
كنت خلاص هطير من الفرحه انه وافق إني اكمل تعليمي و احقق حلمي 
كملت بفرحه يعني انت معندكش اعتراض 
مؤمن: و هعترض ليه ربنا يوفقك 
ربنا يخليك ليا اقصد ربنا يخليك  و شكرا 
مؤمن" مفيش شكر انتي مراتي و كمان صحبتي مفيش داعي 
انا هطلع انام علشان الوقت اتأخر تصبح على خير ان شاء الله مؤمن: و انتي من اهله 
روحت نمت و انا في قمة السعاده ان هحقق حلمي بس زعلت  لما افتكرت عمي و انه باعني و كمان ما صدق انه اتجوزت و خلاص ارتاح مني بس دا انا اللي ارتحت من الذل اللي كنت فيه 
تاني يوم صحيت اتوضيت و صليت و جهزت الفطار علشان مؤمن عنده شغل و روحت اصحيه 
مؤمن اصحى الساعه داخله على ٨ 
 مؤمن: طيب شويه كدا 
لا مفيش وقت يلا بسرعه 
صحي مؤمن اتوضى و صلى و نزل و قعدنا نفطر  و بعدين خلصنا و هو طلع لبس علشان ينزل الشغل نزل و كان لابس بنطلون أسود و تيشرت ابيض فوقه جاكيت أسود و كوتش ابيض و شعره البني و عيونه اللي تسحر حاجه تسحر من الاخر فضلت واقفه و باصه و متنحه 
مؤمن" هتفضلي كدا كتير 
هاا لا مفيش حاجه 
مؤمن: طيب انا ماشي و خلي بالك من نفسك و متفتحيش لحد و لو عايزه حاجه اتصلي بيا و انا هتصرف 
حاضر مع السلامه 
مؤمن: سلام  
مشي مؤمن على الشغل و انا عملت  شغل البيت و فضلت قاعده زهقانه اذن الضهر روحت اتوضيت وصليت و روحت المطبخ عملت غدا و عملت كوباية شاي و ساندويتش و طلعت  في الصاله  فتحت التليفزيون اكلت و شربت الشاي و قعدت اتفرج على المسلسل و نمت و محستش بنفسي غير و في ايد بتتحط على كتفي فتحت عيوني لقيت مؤمن 
معلش كنت قاعده و نمت من غير ما  احس 
مؤمن: لا عادي و لا يهمك انا طالع اغير و انزل 
ماشي و انا هسخن الاكل على ما تنزل 
و انا في المطبخ رن التليفون و كانت ليلى 
الو ازيك يا ليلى 
ليلى: ازيك يا واطيه يلي مبتسأليش و لا بتيجي الجامعه 
اسكتي مش انا اتجوزت 
ليلى: كمان و من غير ما تقوليلي دا انتي يومك مش فايت😒😒
عمي جوزني بالعافيه و كان واخد مني الفون علشان متكلمش مع حد😔😔😒😒😒
ليلى: عمك دا منه لله 😒😒
ربنا ياخده يلا سلام دلوقتي و هرجع اكلمك تاني 
ليلى: مع السلامه 
نزل مؤمن و اتعشينا و طلعنا نقعد  في الجنينه 
مؤمن: مش ناويه تنزلي الكليه و لا اتعودت  على القعده 
لا هنزل بكرا ان شاء الله المهم انت يومك كان عامل اي 
مؤمن: كان يوم روتيني كالعاده محصلش جديد 
سكت شويه و بعدين قولت انا مش مصدقه ان عمي قدر يبيعني و ينساني بالسهولة دي حتى مرنش سال عليا 
مؤمن مد ايده مسح دموعي و قال " اللي زي عمك دا اهم حاجه عنده الفلوس و بس مش هامه حاجه تاني 
فعلا و الله 
مؤمن: انا مكنتش حابب اظلمك معايا و عارف انك مش بتحبيني بس عمك حط شرط ان اتجوزك علشان يكمل الصفقة و مكنش فيه حل تاني 
عادي اللي حصل حصل انا عارفه ان اهم حاجه عنده الفلوس و بس 
مؤمن: خلاص بقا فكك و متزعليش نفسك و قومي نامي علشان تصحي علشان الكليه 
حاضر و انت كمان متسهرش كتير علشان الشغل 
مؤمن: حاضر تصبحي على خير ان شاء الله 
و انت من اهله 
الجزء الثالث هنا 👇

(___الحلقه_الثالثه___)

تعليقات



    حجم الخط
    +
    16
    -
    تباعد السطور
    +
    2
    -