أخر الاخبار

روايه كذبه صنعت عشق الحلقه الرأبعه للكاتبه نورهان اشرف

 دار الروايه المصريه 

روايه كذبه صنعت عشق الفصل الرابع للكاتبه نورهان اشرف 


ميرنا بغضب: باقولك ايه يا جاسر ريح نفسك وريحني يونس ما ينفعش  يكون اكتر من هو يكون صاحبك لكن غير كده لا وانا مش هاقدر ان انا اتجوز واحد يقل مني في المستوى المادي او قمتى  وسط الناس 


جاسر بسخريه: وهو شريف اللي انت تعرفيه ده اللي بيجيبلك الصنف هو اللي هيرفع منك بصي يا ميرنا انا قرفت منك خلاص عشان كده احب اقولك مفيش اي خروج من البيت وهتفضلي هنا كلبه مش اكثر من كده لان لما عملتلك قيمه طلعت صنف واسخ  ماينفعش يتعمل قيمه ليه 

 قال ذلك وخرج من غرفه الطعام ترك ميرنا تنظر له بقرف وهي تقول: ربنا يسامحك يا بابي انت اللي ركبت زباله ده علي قالت ذلك وصعدت الى غرفتها بسرعة

🌺🌺🌺🌺🌺🌺🌺🌺🌺🌺🌺🌺
في شقه روح كان يجلس يونس بجانب امه الدموع فى عينه ولكن يرفض البكاء فهو لم ولن يبكي عليها هي من خسرته 


تحدثت في روح بهدوء : والله  بت غبيه وهى الى خسرت انا اصلا مكنتش بحب  البنت دي من ساعه ماشفتها  كده متكبره ورفعه مناخيرها السماء مش عارفه على خيبت يا اخويا 


يونس بهدوء  : الله يسهلها يا ماما 


روح بهدوء:انت عارف يا يونس لو  سمر دي كانت لسه قاعده معي كنت هاقولك اتجوزها بت  كده طيبه و تدخل القلب على طول مش زي البومه التانيه   اللي انت كنت جايبها بس مش مشكله الواحد مش عارف الخير فين وبعدين  ده يابنى نصيب 


 يونس بحزن: بس انا كنت باحبها يا امي وهي كانت بتعملنى كويس لحد ما ولدها مات بس بعد موته انا مش عارف ايه اللي حصل


 روح بجديه: يا ابنى البنت دي مابتحبكش البنت دي فاكره نفسها بنت بارن ديلو  وفاكره انا بالفلوس  هتقدر تشتري كل حاجه ما تعرفش ان الفلوس  ورق مش اكثر من كده وبعدين هي لما تيجي تتجوز هتشوفها هتبص على ايه هتبص على واحد معاه  فلوس الخايبه بنت الخايبه  فاكرك شحات متعرفش انك بسم الله ما شاء الله الله اكبر عليك معك الفلوس بالكوم بس الحمدلله اللى انت مقولتلهاش اصل الصنف اللي بيجري واره الفلوس ده ما بيروح غير على الفلوس وبس ما بيبصش على اي حاجه ثانيه


 يونس بهدوء: مش مشكله يعني انا خلصت الموضوع مع اخوها وانا كده كده مش هارجع لها لانها نزلت من نظري بعد اللي حصل انا بس كنت بافكر في اخوها بافكر في تصرفاته معي  جاسر كويس معايا


 روح بهدوء: يا ابني لا يتكسف من بنت عمه ما يجيبش منها عيالي وكده كده الموضوع بتاعها خالص انساها ابدا من جديد وانت لو جدع تكلم الولد صاحبك ده يجوزك اخته البنت كويسه تستاهل كل خير والله انت عارف والله العظيم البنت دي غلبانه وطيبه  يا عارف يايونس عمري ما كنت احس ان في واحده تستحق تتجوزك غير  البنت دي كانت قاعده معي يوم بس غلبانه مكسوره وطيبه وبنت حلال 


يونس بحب:  اللي في الخير يقدمه ربنا يا ماما

🌺🌺🌺🌺🌺🌺🌺🌺🌺🌺🌺🌺

في الشقه عند عبد الحميد يدخل الشقه بتعب  فاهو  بحث عن سمر في كل مكان ولكن لم يجدها في اي مكان وجد سوسن تجلس على الاريكه بكل تعب سوسن بتساؤل:اى يا عبد الحميد لقيت  حاجه 


عبد الحميد بغضب: البت فص ملح وداب  يا  سوسن مش عارف راحت فين زي ما تقولي الارض انشقت وبلعته  بس وحياه امي هلاقيها واجيبها وربيها من اول وجديد لو معرفتش اربيها بقى انا تكسرني الكسره دي تخلي راقبتى قد السمسمه في قلب الشارع مش عارف احط عيني في عيني المعلم عبد الله كل ما يشوف خلقتي يقولي يا هتجيب الفلوس يا تخلي بنتك تظهر من تحت الارض 


سوسن بغضب: انما راجى  عين وبجحه صحيح مش يتكسف على دمه عاوز يتجوز واحده قد بناته بس الغلط مش عليه الغلط عليان احنا احنا اللي وفقنا على الموضوع دوت باقولك ايه   يا اخويا انا فاضل معايا  2000 ونصف روح  اديهمله من 5000 جنيه بدل ماهو بيكلمك  كده


 عبد الحميد بغضب: هاعمل ايه بس رجل مش غلطان العيب كله على بنتك بنتك قليله الربايه اللي هربت من البيت وفضحتنا فى الشارع  كله  بس والله لا دور عليها واجيبها لازما اقتلهة  مش مهمه تتجوز الراجل بس اهم حاجه اغسل عري واعرف المنطقه كلها اني عبد الحميد  بنته مكسرتهوش 

 سوسن بغضب: هتقتل بنتك طب ما انت اللي غلطان انت بس مش انت لوحدك احنا الاثنين اللي غلطان يعني مش بنتك  بس هاقول ايه ربنا يرجعك تاني يا سمر يا بنتي لحضني والله قلبى واكلني عليها


 عبد الحميد بغضب: باقولك ايه يا زفته  اتلمي وادعي ان بنتك تموت قبل ما اروح اجيبها ان  لان كده كده  هتجيلك جثه برده

 نظرت له سوسن بغضب وهي تقول: حسبي الله ونعم الوكيل فيك حسبي الله ونعم الوكيل فيك يا عبد الحميد

🌺🌺🌺🌺🌺🌺🌺🌺🌺🌺🌺🌺

في غرفه الجاسر كان يتحدث معها يونس في الهاتف بجديه: بقولك ايه يا يونس عايزك تحضر للحفله الثانويه عشان  يوم الخميس للمجموعه كلها عاوز الشغل فيها يكون على اعلى مستوى لان اللى  هيحضر ناس مش من مصر بس لا ده من مصر ومن بره  كمان عشان كده عاوزك تكلم الشركه المتخصصه انهم يحضره كل حاجه والبنات او الشباب الهي يقدم والاكل لازم يكونو لبسين على اعل.حاجه  عاوز كل حاجه تبقي ترى شيك 


يونس بهدوء: تمام يا جاسر باذن الله على يوم الخميس كل حاجه تكوني جاهزه بس عاوز اسالك سؤال انت ليه مش هتخلى  اللي في القصر وهم ليقدموا الضيافه للحاضرين 


جاسر بجديه: ملهمش لازمه الناس اللي في قلب القصر مهما كان ومش هيكون عددهم كبير زي المفروض يقدمه  للحاضرين اهم حاجه دلوقت عايز كل الشغل يكون على اعلى اعلى مستوى


 يونس بهدوء: حاضر باذن الله الشغل هيكون عالي بس انت بعت دعوى لضيوف اللي من بره مصر 


جاسر بهدوء: اه  من اسبوع الدعوه وصلت بس انا نسيت خالص موضوع الحفله والتجهيزات عشان الصفقه اللي خسرناها بس مش مشكله الحفله دي لو نجحت هنكسب باذن الله اكتر من اللى خسرنه  في صفقه عشر مرات 


يونس بجديه: طب انا عايز اكلمك في موضوع  الموظفين اللي انت رفضتهم  انت ما شايف انك  قطعت عيش ناس كثير جدا 


يونس بجديه : والله يا يونس انا عارف انا باعمل ايه بعد اذنك عشان ادخل  اخذ شاور اغلق جاسر الخط دون ان ينتظر اجابه من يونس

🌺🌺🌺🌺🌺🌺🌺🌺🌺🌺🌺🌺

مره اسبوع وها هو قد اتي يوم الخميس كانت الاعمال في فيلا تقام على قدم وساق فكل من فى شركه المنفذه للحفله تريد ان تكسب ثقه جاسر السيوفي لكي  ياتوا ويمسكه جميع شغله اما في المطبخ كانت تنظر سمر الى رنا بتساؤل 

سمر بهدوء: ايه يا رنا الحاجات اللي بتحصل دي كلها 


رنا بهدوء: دي الحفله اللى بتقيم هنا كل سنه كانت الاول كان الباشا الكبير هو اللي بيعملها لكن من بعد موته بقى للباشا الصغير هو اللي بيعملها بصراحه الحفله دي بتبقى احلى حفله ممكن تشوفها في حياتك اكل ايه ولبس ايه واغاني ايه بس يا خساره احنا  ملناش ان احنا  نخرج  نتفرج عليها عشان بيقولوا ان لو احد خرج من الخدم بره والباشا شايفه ممكن يقطع عيش ويقطع عرراقبته  كمان لاحسن الباشا بتاعنا دوت ملوش حل انت عارفه انا قريت على النت ان هو قطع عيش 300 موظف عشان خسر صفقه بس محدش يقدر يتكلم معاه اصل هو على اوي ومسنود من ناس كبيره في البلد عشان كده كله بيحط جزمه في بقه ويسكت 


سمر بدعاء: اللهم علينا ووطى انفسنا ده ايه ده يا اختي


 رنا بجديه: يا بنت واحد معه فلوس ده انت ما شفتيش شكله واحد جاي من بلد برا مفيش بعد كده وفلوسه اكوام اكوام لو وقف عليها يوصل للسماء ده حته الستات بيموتوا عليه ده انا  شفت حبه بنات في قلب الحفله عاوزين يجو بس يمسكه يده لكن هو يا لهوي عليه كان قاعد ادامه بكل ثقه وغرور وعمل يبصلهم بقرف كانهم زباله 


سمر بسخريه: ليه يا اختي يعني كان مين تامر حسني


 رنا بهيام: اسكتى يا هبله والنبي انت خايبه تامر حسني مين يا بنت ده احلى من تامر حسني بكثير حاجه كده زي بلاد الخواجات بس هو عيبه ان هو عصبي عصبي جامد لو شافك قدامه ممكن نقسمه نصفين وهو متعصب 


سمر بتساؤل: طب والعادي


 رنا بسخريه:  برده بصي هو بيعمل الخدام على انهم ولا حاجه  واخته برده  بس اخته واكثر منه هما بيقولوا  انا الخدام عبيد عندهم ودي حاجه غريبه اوى مع ان ابوه كان رجل طيب بس هم طالعين يا اختي زي امهم انفين و مناخيرهم في السماء متعرفيش على خيبتى 


سمر بتساؤل: طب هى امهم لسه عايشه 


رنا بهدوء: اه يا اختي عايشه بس بعد موت ابوهم محدش يعرف  هي بقت فين زي ما تقولي كده فص ملح وداب
ولكن قطعهم صوت سماح الذي دب بغضب بينهم لو بتشتغلوا قد ما بتتكلموا  كنتوا هتبقى في حته ثانيه ثم نظرت الى سمر بغضب'وانتي استاذه مش معنى ان يونس باشا هو اللي جابك هنا و موصينى  عليكي انك تتكلمي وما تشتغليش لا انت هنا اقل من اي واحده فاهمه تفضلي تشتغلي وانت ساكته ولو سمعت انك بتتكلمي مع احد هتكوني بره القصر كله تفضلي


 نظرات لها سمر بهدوء وهي تقول: حاضر وانا اسفه


ماذا سوف يحدث في الحفل وماذا ينتظر سمر لا احد يعلم سوي الله كل هذا واكثر مع نورهان اشرف في كذبه صنعت عشقا

(. الحلقه الخامسه. )


تعليقات



    حجم الخط
    +
    16
    -
    تباعد السطور
    +
    2
    -