🌸 عشقت زين الرجال 🌸
البارت السابع
.......................
- اقسم بالله عيله مجنونه
زين بعد ما قال كدا فريحه وضحي وفي وقت واحد
- يا سلام مهو انت من العيله بردو
وهما بيتكلموا جه حازم
- استنا يا زفت قولت جاااي
- اي يا عم كل دا عشان!!!!!!!!!!!!!!!!!
- اي يا ابني مالك
- هو انا كل ما اجي عندك الاقي معاك قمر شكل يا بختك يا ولا
- انت بتاعكس مين يا زفت انت دي اختي.
- يا فرج الله اختك دي طلعت حلوه اووووووي
حازم راح ناحيه فريحه
- ازيك انا حازم صاحب زين واااا وهو انتي حلوه كدا ازاي
- ولا يا زين انا خلاص قررت اتجوز
- وهو انت لحقت تتعرف علي حد اصلا
- مهو يا مغفل في حاجه اسمها خطوبه وهنتعرف اكتر
- اه قولتلي
حازم خد فون زين ونقل رقم للفون بتاعه وجاب الفون لزين ومشي
- يا نهاااار اي الولا المجنون دا هو انتو بتعملوا في الرجاله كدا ليه
- اللي هو اي اصلا
- انتي شايفه هو عمل اي او ما شافها
- اولا هي معملتش حاجه ثانيا صاحبك ماشي يحب علي نفسه ثالثا انت كمان كنت كدا يوم لما شوفتني اول مره
ومش مشكلتنا اننا ملكات جمال بس هقول اي في ناس جبله
- بدات المحاضره بتاعتك
- يلا يا فريحه في كلام كتير عايزه احكيهولك
- يلا
- طب انا رايح الشغل
- تمام
خرج زين وضحي قعدت تحكي لفريحه كل حاجه حصلت وجت عند الحلم
- انتي لسه بتحلمي نفس الحلم
- اه انا لاقيت نفسي الصبح زين قاعد علي الكرسي وماسك ايديا صحيت صوت عشان اتفجات فقالي ان انه صحي بالليل علي صوت صويت مني وانا بقول زين لا متسبنيش وقالي انه جه وقعد يصحي فيا روحت حضنته ومسكت فيه جامد وبقوله متسبنيش كانوا عايزين يقتلوك
- انتي فعلا مش بتهدي غير بكده انتي كنتي بتمسكي في جدك وبتعيطي
- انا تعبت من الحلم دا انا خايفه عليه اووي
- سيبك من الحلم دلوقتي زين اخباره معاكي اي
- والله مش عارفه مبقتش فاهمه حاجه مره احس ان في حاجه من ناحيته ومره احس انه مش طايقني
- اخويا اكيد لسه مش عارف مشاعره
اي دا
- في اي
- جدك بيتصل بيا ثانيه هرد
- الو يا جدو عامل اي
- كويس يا حبيبه جدك عندي خبر ليكي هيفرحك زين
- جد!! جول يا جدي
- في عريس جايلك من مصر وانا جاي ليكم انهارده في الجطر خلي زين الرجال يجي ياخدني
- حاضر يا جدي هاخبره بوصلك
- يلا سلام دلوجت يا حبيبه جدك وسلميلي علي زينه البنات اتوحشتها جوووي
- حاضر يا جدي يوصل سلام
- في اي يا فريحه
- جايلي عريس ومن البندر كمان
- معقوله يكون عملها المجنون
- جصدك مين
- لا ولا حاجه اتصلي بزين قوليله
- حاضر
...........
فريحه اتصلت بزين وقالتله علي جدها قاله وقالها انه هيروح يجيبه
.......ووو كفايه عشان انا كنت مشغوله وملحقتش اكمل كتابه وكمان عايزه اقول يا جماعه روايه عشق الزين اللي بتتكلموا عليها حاجه وروايتي عشقت زين الرجال حاجه تانيه واتمني تكون وصلت
كومنتاتكو فرحتني جدااااا
#ضحي ابراهيم
اكتب تعليق برايك هنا