رواية غيث وغزل الفصل الثاني عشر 12 بقلم حبيبة الشاهد

البارت التاسع 
€ الف مبروك .. المدام حامل 
مروان بص ل نور بصدمه الي هي كمان من صدمتها معرفتش تنطق
€شكلكم مش عارفين تردو من فرحتكم .. هسيبكم انا بقا .. حمدلله علي سلامه المدام 
ومشي وسابهم 
اما هي ف قامت من علي سرير المرضي و لبست الشوز بتاعها 
=امشي ورايا
و راحت وراه و ركبت معاه العربيه 
بعياط -اقسم بالله مليش ذنب ف الي بيحصل يا مروان 
بس هو كان ساكت طول الطريق .. هي تتكلم وهو ساكت 
بعياط - يمروان كلمني طيب .. زعقلي او حتي اضربي بالقلم و مش هلومك بس متفضلش ساكت كدا !! سكوتك بيوجعني اكتر 
= مين ابو الطفل 
-اوعدني بس انك هتسمعني للاخر وانا هقولك كل حاجه 
بزعيق = مين ابوه بقولك !! 
زادت اكتر فالعياط 
وكانو وقتها وصلو البيت 

نزل من العربيه وفتح باب القصر بالمفتاح و نور وراه بتترجاه يسمعها بس وقتها الناني راحت تكلم مروان و نور طلعت علي اوضتها 
¥ فيه رساله حد سابهالك من ساعه ي بيه 
= مين الشخص دا
¥ مش عارفه والله يا بيه 
فتح الرساله و قرأها و بعدها ضرب ب كف ايده علي الحيطه ومن قوه الضربه ايده نزلت دم 
نور كانت نازله عالسلم وقتها وهي ماسكه شنطه 
بص عليها وهو بيحاول يتحكم ف عصبيته 
= رايحه فين !! 
-هسيبلك البيت .. و هستني ورقه طلاقها
بس اول لما شافت ايده جريت عليه 
-ايدك مالها !! ايه حصلها 
زقها بعيد عنه و رمالها الرساله 
-رساله ايه دي !! 
= اقرأي 
'ازيك يا مروان .. علي فكره انت وحشتني بس طبعا مش اكتر مما نور وحشاني .. بما انك اخدتها عندي المستشفي و خبر انها حامل انتشر هناك و طبعا انا عارف انك مقربتلهاش ف حبيت اقولك ان الطفل دا هو ابني .. اصل دي خطه بيني وبينها عشان تطلقها . انت صعبت عليا ف قولت ابعتلك الرساله دي ارسيك علي كل حاجه . وبالمناسبه خلي بالك من ابني يا مغفل لغايه لما ارجع من السفر '
الرساله وقعت من ايد نور و هي مصدومه 
نزلت عند رجل مروان وهي بتترجاه 
-اقسم بالله بيكدب يا مروان .. والله بيكدب .. انا متفقتش معاه علي حاجه والله ولا عمري خونتك 
= اه طبعا عمرك م خونتيني عشان كدا انتي حامل .. حامل ازاي وانا ملمستكيش 
نور معرفتش ترد

مروان قومها من عند رجله و مسكها من ايدها جامد 
بزعيق و عصبيه = الطفل دا ابن مازن بجد !!! 
بعياط -ايوه ابنه 
بعد عنها و هو بيضرب كف ايده بكف ايده التانيه 
= يبقا انا مغفل زي م قال … اصلا كان فاضل شهر ونتطلق مقدرتيش تستحمليني شهر كمان !! هو انا مش بتطاق للدرجه !! تحملي من غيري عشان متقضيش الشهر الباقي معايا !! 
-مروان والله انا معملتش حاجه انا ..
قاطع كلامها 
بقلم magnona chan 
= اطلعي بس علي اوضتك دلوقتي عشان لو فضلتي قدامي دقيقه واحده تاني مش ضامن هعمل ايه فيكي
-مش هتحرك من مكاني غير لما تسمعني 
راح ناحيتها و زنقها عند الحيطه 
بزعيق = اسمع ايه ها !! هتقولي ايه !! هتشرحيلي مثلا عن الليله الي سلمتي فيها نفسك لمازن !! ولا هتكلميني عن رفضك اني المسك احسن تبقي حامل مني و تضطري تكملي معايا باقي حياتك !! هسمع ايه !! 
بعياط -فاكر اول يوم شغل نزلته بعد م انت خفيت ؟ وقتها مازن قالي ان عامر بلغ عني فالنقابه اني كنت السبب فموت مريضه و اننا لازم نروح نشوفه فبيته ونشوف عمل كدا ليه و بعدها ..
لسا كانت هتكمل بس مروان قاطعها 
= مش عايز اسمع حاجه !! بعدين لو الي قولتيه صح ف كنتي عالاقل هتكلميني وقتها هتقوليلي .. شوفي قصه احسن من كدا 
بعياط  -مرضيتش اكلمك عشان كنت تعبان ومكنتش متوقعه مازن يعمل كدا
بعد عنها و مشي خالص من القصر و قفل الباب بالمفتاح قبل م يمشي 
اما نور ف مقدرتش طبعا تخرج من القصر لانه قافل الباب 
بمجرد م قفل الباب مامتها جريت عليها 
~ فيه ايه يا نور صوتكم جايب اخر الدنيا !! فيه مشاكل بينكم ؟ 
بعياط -اه يا ماما 

بقلم magnona chan
~ متقلقيش كل اتنين لازم يتخانقو .. مفيش جواز بيعدي من غير خناق بس المهم ان كله بيتحل فالاخر 
بعياط -يعني هيتحل ؟
~ ايوه و اصلا اتلاقيكم اتخانقتو علي حاجه تافهه ولما تيجي تفتكريها بعدين هتضحكي
-ياريت كان كدا يا ماما ياريت . عن اذنك رايحه الاوضه 
وطلعت اوضتها و اترمت عالسرير وهي بتعيط 
مسكت موبايلها و حاولت تتصل بمازن و المفاجأه ان كان فيه رنه .. مكنش بيقولها مغلق زي كل مره 
*ازيك يا نوري .. عامله ايه و ابني اخباره ايه 
بعصبيه و زعيق ممزوجين بالعياط - انت بني ادم حقير و زباله … ليه تعمل كدا حرام عليك انا عملتلك ايه 
*يعني تضحكي عليا و تتجوزي مروان و تعتبريني مغفل واسكتلك !! فكراني مش هشك مثلا فيكي و ابعت حد يراقبك عشان يعرف بقيتي ساكنه فين ! تبقي معرفتنيش كويس يا نور 
-ايوه انا فعلا معرفتكش كويس .. كنت فكراك انسان كويس طلعت اسوء انسان قابلته فحياتي
*علي اساس انك انتي الكويسه مثلا .. بعدين صحيح ازاي جوزك ملمسكيش لغايه اليوم بتاع شقه عامر المزيفه .. بصراحه قضيت معاكي وقت تحفه
-اخرس يا حقير أخرس 
وقفلت المكالمه ف وشه 
نزلت تحت وقعدت فالصاله .. كانت مامتها نامت وقتها 
فضلت مستنيه مروان لغايه لما جه 
جريت عليه 
-مروان انت لازم تصدقني .. لو بتحبني بجد هتصدقني 
= ابعدي بس عني و سبيني فحالي .. خليكي ف مازن و ابنك 
بعياط - طلقني يا مروان .. خلاص احنا جوازنا انتهي و بقا صعب اننا نكمل مع بعض 
= حاضر هطلقك 
اول لما سمعت الكلمه دي قلبها اتكسر .. كانت مستنياه يتمسك بيها ويقولها لا انا بحبك و مش هطلقك و انتي ملكيش ذنب .. هنتصرف فالمشكله دي وكله هيتحل 
بعياط و حزن - بجد هتطلقني ؟! 
= ايوه بس بشرط .. زي م قبلتي تتجوزيني بشرطين انا كمان هقبل اطلقك بشرط .. عشان تعرفي بس اني طيب ومش هفرض عليكي شرطين 
بقلم magnona chan
-ايه هو 
= تديني حقي الشرعي قبل م اطلقك 
بصدمه -انت بجد كل تفكيرك ف كدا !! هتطلقني بس الاول تاخد حقك !! 

= هتعملي فيها الشريفه العفيفه الي محدش لمسها قبل كدا ؟! اومال لو كنتي بنت كنتي عملتي فيا ايه .. يا بجاحتك يشيخه تخلي الغريب يلمسك وجوزك لا 
بعياط - انا مش هقول حاجه ولا هرد عليك لان انت متعصب و اكيد مش واعي للي بتقوله 
وبعدها جريت بسرعه عالاوضه و قفلت الباب بالمفتاح
و مروان نام فالصاله 
صحيت الصبح و خرجت من الاوضه عشان تشوف مروان وتتكلم معاه وتشوف ناوي علي ايه و هيطلقها بالشرط الي هو قاله فعلا ولا عشان كان متعصب قال كدا
بس دورت عليه فكل الشقه ومكنش موجود 
طول اليوم مستنياه بس مجاش البيت وحست ب ارهاق ف اخر اليوم ف نامت بس مقفلتش باب الاوضه 
صحيت الضهر وهي مخضوضه .. كان مروان نايم جمبها .. هزته بقوه 
-ليه نمت هنا !! 
= متقلقيش نمت بس .. اصلا مش هلمس واحده لمسها غيري ف اطمني 
نور عيطت 
-انت شايفني حقيره للدرجه دي ؟! ايه ذنبي مثلا ؟! هو الي اغتصبني والله ومكنش بمزاجي 
= جو الدموع دا مش هينفع معايا .. انتي هتعيشي معايا بس تتجنبي خالص الكلام معايا و ابنك دا تكتبيه ب اسم ابوه لان مش هكتبه ب اسمي 
بعياط -طب متطلقني طالما مش عايزني !
مشي وسابها و خرج من القصر خالص
فضلو عالحال دا شهرين .. هي بتحاول تتكلم معاه وهو بيتجاهلها خالص .. حتي انه اشتري سرير ف اوضه من الاوض الفاضيه فالقصر و بقا ينام عليه .. بس قدام مامتها وقت الفطار و الغدا والعشا كان بيمثل انهم سعداء و انه بيحبها ( عشان كلهم بياكلو مع بعض عالسفره) و بعد الاكل بيرجع زي م كان .. كان رغم الي حصل مش عايز مامتها تعرف حاجه او تشك فحاجه و كمان مكنش بيعاملها وحش( يضربها او يشتمها او يزعق حتي ) كان بس بيتجاهلها 
لغايه لما ف يوم 
بقلم magnona chan
راحتله اوضته 
-عايزه اتكلم معاك 
=ماشي بس انجزي 
-انا تعبت من الحياه بالشكل دا بجد .. انا موافقه علي شرطك بس بعدها تطلقني 
= فكك من الشرط بتاعي .. انا مش عايزك واصلا قرفان المسك 
اتجمعت الدموع ف عيون نور 
-يعني اجي علي نفسي و اقبل بشرطك عشان تطلقني فالاخر تقولي كدا !
= وليه جيتي اوي علي نفسك كدا .. ولا عايزه حد يلمسك وخلاص ؟! روحي لمازن لو عايزه دا .. انا عن نفسي مبلمسش بضاعه اتلمست قبل كدا 
بصدمه وعياط -بضاعه !! 
= لو خلصتي كلامك ياريت تطلعي برا عشان تعبان و عايز انام 
جريت علي اوضتها و فضلت تعيط طول الليل بعدها قررت قرار .. 

اليوم الي بعدو رجع من الشغل بالليل وكالعاده كان رايح اوضته عشان ينام فيها بس المفاجأه انه لما فتح باب اوضته شافها قدامه
كانت لابسه قميص نوم يكشف اكتر مما بيغطي و فارده شعرها و حاطه ميكب و بيرفيوم تحفه 
-متأكد مش عايزني ؟! 
و طبعا ليلتها حصل بينهم كل حاجه و بقت مراتي رسمي مش عالورق بس 
صحي الصبح و لبس هدومه و هي فتحت عينها اول لما قام من جمبها
-ورقه طلاقي هتوصلني امتي 
=مفيش طلاق 
مسكته من دراعه 
بانهيار - مفيش طلاق ازاي يعني !! 
= يعني البضاعه عجبتني و مش هطلقها 
بعياط - تاني بتقول عليا بضاعه … انا جيت علي نفسي بس عشان تطلقني 
= و انا قولت مفيش طلاق 
ولبس و راح الشغل 
بقلم magnona chan 
اما هي ف كانت بتعيط طول اليوم علي حالها .. كانت شايفه نفسها رخيصه و دي كانت اكتر حاجه وجعتها من كلامه 
بس بالليل مجاش 
عدي شهر ولسا مجاش و هي حاولت تعرف مكانه بس مقدرتش 
بعدين الناني ادتلها رساله 
-دي من مروان ؟! 
هزتلها راسها بمعني ايوه 
فتحتها بسرعه 
' انا سافرت برا مصر وهستقر برا و مش هطلقك و هتفضلي ف بيتي و لو فكرتي بس تمشي من بيتي و ترجعي بيتك هقول لمامتك انك حامل من حد غيري'
طبعا انهارت لما قرأت الرساله .. هو للدرجه دي مش طايقها .. لدرجه انه يسافر عشان ميقعدش معاها فنفس البيت …
عدت الايام وهي حست ان بطنها فيها حاجه غريبه .. المفروض هي حامل من مازن فالشهر الخامس بس مفيش بطن حتي 

راحت للدكتوره تطمن لانها تقريبا متابعتش الحمل دا خالص .. مكنش حتي عندها دماغ تفكر فالطفل وهي فحالتها دي 
الدكتوره شافت البيبي فالسونار 
£ متأكده انك حامل فالشهر الخامس ؟!!!
£ السونار عندي بيوضح انك حامل فبدايه الشهر التاني
-ازاي !!! 
يتبع 

-ايوه 

شاهد 👈 (الحلقه العاشره)

تعديل المقال