روايه غدر حياه الحلقه الثالث عشر والرابع عشر بقلم هبه احمد

أخر الاخبار

روايه غدر حياه الحلقه الثالث عشر والرابع عشر بقلم هبه احمد

روايه غدر حياه الحلقه الثالث عشر والرابع عشر بقلم هبه احمد


رواية  / غدر ٠٠٠٠ حياة


الفصل الثالث عشر

#############


نوسة /ماهى كانت متزوجة و زوجها مع الاسف يوم الفرح انتق


منار / بعصبية انت كادب انا مش حامل  يلا يا نوسة نمشى


دكتور مجدى / انتى مرعوبة كدة لية مش يمكن الطفل دة يكون عوض ليكى وابن صالح 


منار / بدموع عمر ابن الزنا ماهيكون ابن صالح وقعدت تبكى جامد 


دكتور مجدى / ضغط على الجرس جنبة 


جاءت الممرضة ثريا / تحت امر حضرتك 


دكتور مجدى/ هاتى اربعة ليمون ولو دكتورة هدى معندهاش كشف خليها تاجى 


الممرضة ثريا / هى عندها كشف لسة المريضة داخلة 


دكتور مجدى / بعد الكشف تاجى 


الممرضة ثريا / حاضر هابلغها 


نوسة / حضنت منار  كفاية عياط ارحمى نفسك 


منار / والله لولا الانتحار حرام كنت موت نفسى من زمان 


دكتور مجدى / مش يمكن بل اكيد اللى انتى فية دة اختبار من ربنا ليكى اصبرى واحتسبى 


منار / انا عمرى ماعملت حاجة غلط هو ذنبى انى لا عرفت حد ولا صاحبت حد زى البنات طول عمرى باشتغل واعافر  علشان لما ياجى ابن الحلال اكون زوجة صالحة هو ذنبى انى مش وحشة 


دكتور مجدى / اهدى كدة واشربى الليمون بتاعك وانتى كمان اشربى


نوسة / معلش يادكتور هى مش مستوعبة الموقف بصراحة دى حاجة تحير وبعدين كتر خيرها وقعت فى ايد  زوج نصاب اتسبب فى موت ابوها وكمان تبقى حامل منة 


دكتور مجدى / موت ابوها ده عمره انتهى ربنا يرحمه دى اعمار 


منار / انا عوزة امشى وقامت واقفة وفجاه اغمى عليها 


نوسة / حبيبتى بصوت عالى الحقونى 


دكتور مجدى / شالها ونيمها على السرير 


دكتورة هدى /( مرأت دكتور مجدى ) وزميلتة فى العيادة جت تجرى على صرخة نوسة  هو فى اية مين دى 


دكتور مجدى / دى عوزة تنفس صناعى عندك انبوبة اكسجين صح 


دكتورة هدى /  هى بشرتها ازرقت كدة ليه ايوة فى الاوضة اللى جنبك ثريا تعالى 


ثريا الممرضة/ تحت امرك يادكتورة


دكتور مجدى / رجعى الفيزيتا للمرضى اللى برة وقولى ليهم العيادة هتفتح بعد المغرب لو حد منهم حب ياجى يكشف واعتذرى ليهم 


ثريا الممرضة / حاضر 


دكتورة هدى / شيلها وحطها على السرير فى الاوضة التانية وانا هاشوف ضغطها 


دكتور مجدى / حاضر وشالها وضعها على السرير ووصلها التنفس الصناعى وعلق ليها محلول بة حقن لتنزيل الضغط 


دكتورة هدى / هى مالها وانتى تقربى ليها اية وبصت  لنوسة 


نوسة /  هى بتكون بنت زوجى وفى نفس الوقت انا خالتها متربية معاها انا اكبر منها بتلات سنين وام منار لما امى ماتت اخدتنى وربتنى مع مصطفى ومنار ولما ماتت اخوية جة اخدنى غصب عنى بحجة انه حرام اعيش مع زوج اختى وكان عوز يزوجنى لواحد صاحبة تلفان وبتاع مخدرات انا كلمت الحاج جابر ابو منار واترجيتة يكتب عليه وجة اخدنى وكتب علية الله يرحمه 


دكتور مجدى / دى حكايتك طب ودى ليه جواها اليأس دة 


نوسة / علشان وحكت كيف تزوجت طارق وكان السبب فى موت ابوها وتدمير حياتها


دكتورة هدى / معقولة لسة فى ناس قلوبها ميتة للدرجة دى 


نوسة / هى قلبها طيب اوى علشان كدة انظلمت جامد 


دكتور مجدى/ ربنا كريم وكبير هى هتفوق كمان شوية اقعدى معاها ياهدى حاولى تمتصى غضبها انا معنديش مانع اقعد معاها بس هى شكلها مرعوب من كل الرجاله 


دكتورة هدى / حاضر اطلع كمل الاكل وانا هاخلص واقفل واطلع


نوسة / لو كدة هانزل اشوف توكتوك وحد ينزل منار معايا ونمشى كفاية لاغيتوا كشفات النهاردة بسببنا


دكتورة هدى / الارزاق بيد الله 


نوسة / هى مضغوطة جامد  ومش حمل تعرف انها  حامل كمان 


دكتورة هدى / ربنا معاها هى هتبدأ تفوق 


منار / عوزة اشرب عطشانة اوى  يانوسة 


نوسة / حاضر ياقلبى اتفضلى 


منار / انا فين  وشدت مسك التنفس عوزة اروح 


دكتورة هدى / اهدى كدة عوزين نتكلم بالعقل 


منار / مين حضرتك احنا فى العيادة لسة انا تعبانة مصدعة جامد


دكتورة هدى/ اية رأيكم نتغدا مع بعض دكتور مجدى راح يعمل بيتزا وبصراحة هو بيعملها حلوة اوى 


نوسة / لو مشطشطة بتكون حلوة 


دكتورة هدى/ مشطشطة وبالسدق وفي كمان باللانشون انما اية عجب 


منار / حطة ايدها على بطنها  هنروح نعمل ونتغدا يلا يانوسة 


دكتورة هدى / انا معنديش اخوات بنات ممكن تبقوا اخواتى 


نوسة / ياريت دشرف لية بس منار توافق 


منار / انا مشرفش حد انا جوايا بذرة حرام المفروض تموت بس خايفة اخد زنبها 


دكتورة هدى / انا و دكتور مجدى خريجين طب الازهر ومن كلام نوسة زوجك مشهر يعنى زواج شرعى ناقصة التوثيق بس وعيلك مش ابن حرام 


منار /طب لو فرض وخلفت مين هيكون ابوه 


نوسة / ابوه هيكون الحا٠٠٠٠٠٠٠٠٠٠٠٠٠٠٠٠


رواية / غدر ٠٠٠٠ حياة 


الفصل الرابع عشر 

*****************


منار / طب لو فرض وانا خلفت مين هيكون ابوه 


نوسة / هيكون ابوه  الحاج جابر عوض السيوفى 


منار / نععععمممممم مين طب ازاى


نوسة / انا وانتى حوامل فى وقت واحد. وبنتك او ابنك هيتكتب توأم للعيل اللى انا هأولده 


دكتورة هدى / والله ربنا  هو اللى بيدبر الامر من حيث  لاندرى ولا نحتسب 


نوسة / عدى الجمايل يا قلبى عيشى حياتك افرحى بعطية ربنا 


منار  / لا مش عوزة اشيل اسم ابوية لابن ياعالم يطلع صالح ولا فاسد 


دكتورة هدى / اهدى كدة وفكرى بقلبك وافرحى بهدية ربنا ليكى 


نوسة / لو الحاج جابر عايش كان عمل كدة 


منار / نفسى اعرف هو مصطفى اخوية عمل اية فى معدوم الضمير دة علشان انا اتعاقب من غير ذنب اذنبتة 


نوسة / كل اللى ياجى من ربنا كويس يعنى هو انا كنت اتوقع انى احمل والحمد لله هابقى ام زى العسل 


منار / هههههههههه ام هبله 


نوسة / على وضعك استنى وصورتها 


دكتورة هدى / هاطلع اطمن على الولاد ثريا خدى دول هاتى حاجة حلوة لاولادك وبلاش تاجى النهاردة تانى 


ثريا الممرضة  / منحرمش منك يادكتورة هارتب حالى واجالى بعد المغرب 


دكتور مجدى / لا خليكى انتى انا خلصت الاكل 


دكتورة هدى / ادخل تعالى اتعرف على القمر دى 


منار / لبست حجابها بسرعة


دكتور مجدى / السلام عليكم انا اخواكم مجدى وبس


دكتورة هدى / هات البيتزا والولاد وتعالى هناكل كلنا مع بعض ولا تتكسفوا من مجدى 


دكتور مجدى / هاجيب الاكل وبعدين الولاد


نوسة / فوقى ابت انتى بخير 


دكتورة هدى / هاطلع اجيب الولاد بسرعة وطلعت وشوية ونزلت شايلة بنت فى عمر الزهور عندها حوالى 14 سنة معاقة قعيدة الفراش لا تستطيع حتى اطعام نفسها 


دكتور مجدى / اتفضلوا الاكل برة انا هاكل حنان وهابقى اكل  


محمد / ( ولد عنده 8 سنين ) انا هاكل جنب اختى وهاكلها يابابا 


بسنت / ( طفله ذات ال 6 سنوات )  السلام عليكم محمد نسى يقول السلام عليكم 


محمد / اسف والله اصل  كنت عوز ااكل حنان لانها جعانة 


منار / بنتكم دى 


دكتورة هدى / ايوة وهى مولدة كدة ودوخنا بيها على الدكاتر الحمد لله محمد اخوها هو اللى بيعمل ليها  كل حاجة وبسنت بتساعده 


دكتور مجدى / لما خلفنا حنان الدكتور قال هى هتفضل معاقة ممكن تحصل معجزة وحالها يتغير وتبقى شبة طبيعية و ممكن نعطيها  حقنة ونخلص الليلة انا اخدت بنتى انا وامها ورجعنا بيها وبصراحة الحمد لله ربنا وسع رزقنا الحال انصلح واخدنا الشقتين دول واحدة عيادة والتانية سكن وربنا كرمنا بمحمد وبسنت وهدى حامل فى ولد 


منار / الدنيا فيها يامة فعلا 


دكتورة هدى / انا كنت عارفة ان بنتى هتنزل معاقة وقولت لمجدى قال كل اللى يجيبة ربنا خير  


منار / انتم اية عندكم صبر وعزيمة ربنا يبارك فيكم 


دكتور مجدى / كل اللى يجيبة ربنا خير ارضى بعطاء الله يجعل ليكى مخرج 


نوسة / بس انتم المفروض ترفعوا الفيزيتا شوية هو فى حد بيكشف ب 30 جنية دلوقت


دكتور مجدى / ربنا مبارك فيهم الحمد لله هاعمل الشاى 


منار / اسفة ليك يادكتور 


دكتور مجدى / مفيش اسف بين الاخوات 


دكتورة هدى / بقولكم اية انتم المفروض تقعدو فى مكان محدش يعرفكم فية لحد ما تولدو علشان لما نوسة تكتب العيال على اسمها هى وابوكى محدش ياخد باله 


دكتور مجدى / عندك حق ياهدى اية رأيك يقعدو فى شقتنا القديمة 


دكتورة هدى / فكرة حلوة شوف مين بيخبط هى ثريا ما حطتش اليفطة اللى مكتوب عليها العيادة مغلقة 


دكتور مجدى / هاشوف مين وقام باغلاف الاوضة اللى فيها ولاده وفتح الباب اتفضل ياعمى نورت 


الحاج ايوب / الست نوسة ومنار كانوا جاين يكشفوا واتأخروا جيت اسأل عليهم هم جم كاشفوا 


دكتورة هدى / تعالى ياعمى هم معايا اصل منار كانت تعبانه شوية


الحاج ايوب / الف سلامة عليكى يا بنت الغالى 


منار / الله يسلمك ياعمى 


دكتور مجدى / بما ان حضرتك جايت عوز اخد رأيك فى حاجة  وبعد انتهئ كلامة اية رأيك


 الحاج ايوب / هو دة الكلام الصح انا موافق اية رأيكم يا بنات


منار / موافقة بشرط حضرتك ياعمى تأجر الشقة اللى فوق شقتنا وتعطى الايجار للدكتور مجدى 


الحاج ايوب / حاضر هاشوف حد ياجرها 


نوسة / هنمشى احنا 


الحاج ايوب / وانا هاصلى المغرب وجاى فاتوا على الحاجة طمنوها انكم بخير 


دكتور مجدى / هاطلع حنان وانزل اروح اصلى معاك


الحاج ايوب / هأن٠٠٠٠٠٠٠٠٠٠٠٠٠٠


للاحداث باقية

شاهد 👈 (الحلقه الخامسه عشر و السادسه عشر)

بقلمى /#هبة_أحمد.  (( بنت الجهمى ))

تعليقات
تعليق واحد
إرسال تعليق
  • Unknown
    Unknown 14 يناير 2022 في 5:50 م

    قصة جميلة برجاء الاستمرار و أكمالها بانتظام

    إرسال ردحذف



    وضع القراءة :
    حجم الخط
    +
    16
    -
    تباعد السطور
    +
    2
    -