أخر الاخبار

روايه انا لست ضعيفه الحلقه السادسه بقلم هبه احمد

روايه انا لست ضعيفه الحلقه السادسه بقلم هبه احمد



 الفصل  ( 6 )


&&&&&&&&&


الاستاذ محمد /علشان تتسرمح براحتك على العموم انا جاى بكرة اتغدا معاكم واتكلم مع مرأتك


جاسر / لا بلاش دلوقت خالص خاليك بعد اسبوعين كدة


الاستاذ محمد / لية بئا اكيد عامل مصيبة


جاسر / ولا مصيبة ولا حاجة انا تمام اهو


الاستاذ محمد / انا جاى بكرة اشوف مرأتك واتكلم معاها ولو حبت تعيش معانا تنور 


جاسر/  على مضض حاضر ياحاج هاعمل حسابى نتغدا مع بعض وتتكلم معاها انا خلصت هامشى دلوقت


الاستاذ محمد/ علشان خاطر انت عريس ماشى روح خلى بالك الاسبوع الجاى هتنزل تخلص البضاعة من الجمارك طلما خالد استقال 


جاسر / يومين كدة ارجعة بامر الله سلام بئا

وركب عربيتة وفى الطريق فونة رن 


جاسر / الوووو مين معايا 


سهام / ازيك ياجسوووور وحشنى كتير


جاسر / انا كويس انتى عاملة اية 


سهام / ازاى تحط رقمى فى البلاك 


جاسر / ابدا ياسهام ممكن تكون شبكة بقولك مبتشوفيش خالد

 

سهام / خالد شفتة امبارح  هو اشتغل فى مكتب محامى قريبى 


جاسر / اوكية سلام دلوقت


سهام / هنتجتمع الخميس اكلم الولاد


جاسر / بسرعة لا لا متكلميش حد 


سهام / لية بئا 


جاسر / علشان انا مسافر لمدة اسبوعين


سهام /انت بتتهرب اكيد وراك حاجة كبير سلام 


جاسر / سلام وقفل  وكان وصل الفيلا


جاسر  / سعدية  سعدية انتى فين 


سعدية / ايوة يابنى حمد الله على سلامتك  احضرك الغدا 


جاسر / شهد اكلت واخدت العلاج 


سعدية/ ايوة يابنى وهى نايمة من شوية


جاسر / اعملى حسابك بابا جاى يتغدا معايا بكرة


سعدية/ حاضر بكرة انزل اجيب الطلبات واجهز الاكل


جاسر / تمام حضريلى اتغدة 


سعدية/ حاضر 


شهد سمعت الحوار كلة وقررت تمشى بكرة


جاسر دخل اوضتة شهد لقاها نايمة خرج اتغدا ونزل 

قامت شهد ودخلت اوضة نوم جاسر ولمت كذا عباية بطرحتها وكذا طقم بيتى وحطة الشنطة تحت السرير ومسكت ورقة وقلم وكتبت


 #__بابا_حبيبى


 بلاش تدور علية لانى خلاص هاعيش مع نفسى ولنفسى انت بعتنى وقبض التمن والبضاعة المباعة صعب ترجع خلى بالك من مشيرة ومن اخواتى وقول لطنط فريدة تطمن مش هاتقل عليها  

بابا اعتبرنى مت فانا فعلا كل حاجة جوايا ماتت سبنى يمكن القاكى نفسى واكمل حياتى بعيد عن زل طنط فريدة ومزلة زوجى اللى قال انة دفع تمنى  ليك   انا مسامحك ارجوك خلى بالك من مشيرة وقول لطنط فريدة كفاية اللى انتى وولادك اخدتوا منى فابعدى عن مشيرة الا هابعت اخدها وساعتها هاخد كل حاجة بتاعتى وهى عارفة انا بقصد اية وقادرة اعمل اية 

#__بنتك_شهد هتوحشنى يااغلى الناس


وكتبت رسالة تانية لجاسر 

#__كان نفسى تكون زوجى العمر كلة ونخلف ونربى ولادنا ونعطيهم الحب والحنان ونعلمهم الصح من الغلط ولكن مع الاسف مينفعش تكون اب لاولاد وانت  بتعير امهم بتقول ليها انتى حتة خدامة لية انا واصحابى انتى لازم تبوسى على رجلى وتتأسفى غير الضرب اقول لك حياتى معاك كانت حصة وانتهت لانك انسان لا يؤتمن علية ف اللى يقول لاصحابة كل تفصيل علاقتة الخاصة مع مرأتة دة لايدرج تحت قائمة الرجولة واللى يغتصب مرأتة بالقوى لا يستحق ان تعيش معاه تحت سقف واحد انا كان ممكن اقدم فيك بلاغ باللى حصل معايا ولكنى عارفة ان سلطة والدك وفلوسة هتخرجك منها صاغ سليم ومش بعيد ساعتها كنت لفقت لية قضية او حبستنى 

انا جايت معاك مش خوف ابدا انا جيت معاك علشان ارتب حياتى فى هدوء

 واقول لك ريح نفسك لانك لو فتشت بيوت مصر بيت بيت مش هتلاقى لية اثر وكمان مفيش مشكلة انك تطلقنى من عدمة فانا مش معتبرة نفسى زوجة ليك انا مش اكثر من واحد اغتصب واحدة بالاكراة  هذا دهبى وهدومى وكل شيئ يخصنى كم هو  تركتك لرب العباد الذى لا يضيع حق المظلموين حسبى الله ونعم الوكيل فيك وفى امثالك 

بعتذر لوالد حضرتك فانا سمعت انة راجل محترم هذا هو صورة من التقرير  الطبى وصورة شخصية لشكلى بعد ضرب ابنك صدقنى مش عارفة انام من كتر الجروح والكدمات  احكم يااستاذ محمد بضميرك انا فقيرة ايوة ولكنى بنى ادمة لحم ودم كاسائر البشر واكرر قولى لاتبحدث عنى لانك لن تجدنى ربنا كبير وقادر على رد المظالم الى اهلها شهد المعذبة


 وكلمت رحمة على الوتس واخبارتها انها ستذهب الية بكرة  وهتبقى تكلمها وهى خارجة من الفيلا وخرجت لقت دادة سعدية فى المطبخ فقالت لها عوزة كوبية شاى ممكن


سعدية/ حاضر وهاجيب ليكى سندوتشات كمان 


شهد / ماشى يادادة ربنا يكرمك معلش تعباكى معايا


سعدية/ مفيش تعب انتى زى بنتى ربنا يسعدكم


شهد / هادخل اصل دايخة يادادة 


سعدية/ انا خلصت وجاية وراكى


شهد اكلت ونامت  وجاسر جة فتح الباب عليها لقاها نايمة خرج نام هو كمان

 

صبااااااااااح يوم جديد

********************* 


شهد فضلت نايمة صاحية فجاسر خبط ودخل 


جاسر /صباح الخير  بابا جاى يتغدا معانا النهاردة ياريت تقعدى تأكلى معاه علشان ميزعلش 


شهد / ينور حاضر 


جاسر / انا نازل الشركة عوزة حاجة


شهد/ لا شكرآ


جاسر خرج وقال / سعدية فطرى شهد قبل ماتنزلى 


سعدية /حاضر يابنى شوية وجابت الفطار والشاى لشهد وقالت انا هنزل علشان الحق اجهز الغدا وانتى ابقى حطى الصنية على الطرابيزة اللى جنبك 


شهد/ حاضر يادادة بالسلامة


وفطرت وسحبت شنطتها بعد وحطت الحاجة  على الطرابيزة واخدت قسيمة الزواج  وعلى الشارع عدل 


صالح الغفير / على فين ياست هانم 


شهد / رايحة اشوف بابا وجاسر هيحصلنى يتغدا معانا 


صالح / طيب استنى اجيبلك تاكسى


شهد /ياريت  ياعمى صالح 


صالح جاب التاكسى وجة 


شهد / ركبت وقالت تشكر ياعمى صالح 


ويدوب شارعين وقالت للسواق على جنب ياسطى خد اجرتك كتر خير 


السواق /دة كتير اوى يااستازة 


شهد /  انا مسامحة ربنا يسهللنك وسبتة ومش٠٠٠٠٠٠٠٠

شاهد 👈 (_الحلقه_السابعه_)

#_بقلمى_هبة_أحمد.   ( بنت الجهمى )

تعليقات



    حجم الخط
    +
    16
    -
    تباعد السطور
    +
    2
    -