دار الرواية المصرية
رواية/ غدر ٠٠٠٠ حياة
الفصل / السابع عشر
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
منار / وندفع ايجار شقة منهم للدكتور مجدى وايجار الشقة التانية نشيله لمصاريف الولاده
الحاجة بدرية / بلاش تمشوا على طول خليكم لما الناس هنا تعرف انك حامل يا نوسة وانك تعبان جامد والدكتور قال لازمك متابعة مستمرة وهتقعدى عند اختك قريب من الدكتور وعلشان تاخد بالها منك
منار / انتم مرتبين كل حاجة ربنا يستركم ويحفظكم
نوسة / امين يارب العالمين حاضر ياخالتى
منار / معاكى رقم عمك مصلحى ابت
نوسة / انوكل مصلحى لاع ياقلبى
الحاج ايوب / انا ممكن اروح اتكلم معاه لو تحبوا
منار / لا بلاش هو لو عرف اننا هنبيع الشقة ممكن يتفق مع المشترى وياخد منة فلوس كتير ولا ممكن مصطفى يكون بيتوصل معاه انا هابقى اكلم الاستاذ اشرف المحامى يشترىها لو كان صادق فى كلامه
الحاج ايوب / تمام كده راتبوا مع الحاجة بدرية على اللى هيتعمل
نوسة / كان نفسى الحاج جابر يكون موجود كنا بقينا تحت ضله
منار / بدموع اسفة يا نوسة انا السبب فى موت ابوية
الحاج ايوب / دى اعمار يابنتى ربنا يرحمه
نوسة / ربنا يرحمه ربنا كبير وكريم شوفتى انا وانتى ربنا سبحانه وهب لينا الذرية من حيث لا ندرى ولا نحتسب
منار / ونعم بالله العلى العظيم
الحاجة بدرية / فين نرجس علشان نسيبكم ترتاحوا
منار / نرجس نامت جواه سيبيها ياطنط هى معايا
الحاج ايوب / يلا ياحاجة تصبحوا على خير خلوا بالكم دكتور مجدى بيكون ابن ابن عمى ومرأتة بنت اخوية اطمنوا من ناحيتهم هم ناس شبعانة
منار / مش فاهمة تقصد اية بكلامك
الحاج ايوب / اقصد مش هيفرق معاهم تدفعوا ايجار ولا لااا
منار / الحق حق ياعمى انا الحمد لله معايا مبلغ كويس فى البنك بابا الله يرحمه كان مخلينى احط قبضى من شغلى وكمان نصيبى فى ورثى من امى
الحاج ايوب / حافظى على فلوسك انتم قدامكم رحلة طويلة وصعبة ربنا يقويكم ويصلح حالكم
نوسة / امين يارب العالمين ويبارك فيكم معلش شيلناكم همنا
الحاج ايوب / بلاش كلامك دة يا مرأت الغالى
الحاجة. بدرية / على عينى انكم تبعدو عنى بس للضرورة احكام انتم تولدو وبعد اسبوع تاجوا هنا تانى
منار / بامر الله هنعمل السبوع هنا
نوسة / لو هتروحى السوق ابقى فوتى علية
الحاجة بدرية /حاضر وهاخد ام صابر معانا وانتى تقول انك تعبانه من الحمل وهى هتنشر الخبر
منار / هههههههههه ام صابر دى شكلها وكالة انباء
الحاجة بدرية / على قولك هى كده فعلا
الحاج ايوب / يلا ياحاجة شقة الدكتور مجدى بعفشها جديد ونضيف
منار / تمام تشكر ياعمى
بعد حوالى عشرين يوم قامت نوسة ومنار باغلاق شقتهم واعطاء مفتاحها للحاجة بدرية وركوب التاكسى مع الحاج ايوب لتوصيلهم الى شقة دكتور مجدى والبقاء فيها لحين ولداتهم
الحاج ايوب/ اتفضلوا وصلنا يلا ياحاجة معاهم وانت ياصادق تعالى نطلع الشنط
صادق / حاضر ياجدى
نرجس / انا هاقعد معاكم ماشى
منار / ياريت
دكتورة هدى/ مجدى الجماعة وصلوا
دكتور مجدى / انا خلاص السفرة جاهزة يلا البسى حجابك علشان نمشى
دكتورة هدى / ربنا يقويهم والله اللى اسمها منار دى صعبانة عليه منه لله اللى كان السبب
دكتور مجدى / لعله خير ليها محدش عارف الزمن مخبئ اية يمكن ربنا يرزقها بولد صالح
دكتورة هدى / بس دة ابن مش شرعى دلولا كرم نوسة مش عارفة منار كانت هتعمل اية
دكتور مجدى / ربنا هو اللى بيدبر الامور
دكتورة هدى / ونعم بالله افتح الباب
دكتور مجدى / اتفضلوا نورتوا الدنيا
منار / السلام عليكم
دكتورة هدى / وعليكم السلام اتفضلوا اهلا يا عمى ازيك ياطنط
الحاج ايوب / هانزل اجيب شوية حاجات من تحت
دكتور مجدى / التلاجة مليانة والمطبخ فيه خزين و الغدا جاهز على السفرة اخلصوا البنت حنان وحشتنى
نوسة / ببكاء انتم طيبين اوى ربنا يجزيكم عننا خير
دكتورة هدى / هاجى كل اسبوعين اتابع معاكم وفونى انا ومجدى اهو ابقوا اتصلوا على طول
منار / حاضر
دكتورة هدى / هابقى اروح معاكم عيادة الدكتور انيس علشان تتابعوا معاه
منار / لية دكتور انيس طب وحضرتك
دكتورة هدى / علشان مش هينفع تاجوا عندى العيادة
منار / طب لية
دكتورة هدى / مش عوز٠٠٠٠٠٠٠٠٠٠٠٠٠٠٠
للاحداث باقية
بقلمى/ #هبة_أحمد. ( بنت الجهمى )
رواية / غدر ٠٠٠٠ حياة
الفصل / الثامن عشر
===============
دكتورة هدى / علشان مش هينفع تاجوا عندى فى العيادة
منار / طب لية
دكتورة هدى / مش عوزة حد من المنطقة يعرف انك حامل علشان لما ترجعوا والولاد معاكم الكل يصدق انهم ولاد نوسة
منار / وطت وشها فى الارض وقالت صح كلامك انا هاكون سبب مشاكل للكل
الحاج ايوب / سبب مشاكل لية الحمد لله ربنا يكمل ليكم بخير يلا ياحاجة هنمشى احنا خليكم على اتصال ديما مع الحاجة
نوسة / حاضر
دكتورة هدى / التلاجة مليانة وفى خزين كمان فى دلاب المطبخ عوزين حاجة
منار / ربنا يفك كربكم ويشفى بنتكم امين يارب
دكتور مجدى / يارب يشفيكى ياحنان انتى واللى زيك
دكتورة هدى / هنمشى احنا كمان اشوفكم على خير
وتمر الايام ومع مرورها يظهر الحمل على نوسة ومنار ويبقى الحال عند طارق زى ما هو طول الوقت مهموم وحزين وحاسس بتأنيپ الضمير
حاجة فريدة / روق يابنى ربنا يحفظها ويلم شملك بيها
طارق / يارب يا امى انا جوايا بيوجعنى اوى علشان عمرى ما كنت ظالم منها لله بنتك
حاجة فريدة / هى طول عمرها كدة ورثة الحقد والغل من عمتك منى الله يرحمها
طارق / نفسى انام من غير كوابيس
الحاجة فريد / رد على تلفونك هاروح اصلى العصر
طارق / دعواتك ياماما
الحاجة فريدة / ربنا يريح بالك. ويحفظك ياابن بطنى
نروح لشقة عزيزة
*****************
عزيزة / كنت فين يا مراد
مراد / كنت بدور على شغل واطمنى محدش رضى يشغلنى عنده د زى مايكون اخوكى منبة على الكل محدش يشغلنى
عزيزة / لا اخوية اكبر من كدة عمره مايشغل نفسة بينا
مراد / انا زهقت من القعدة والحوجة ليكى
عزيزة / ما قولت ليك تعالى اقعد معايا فى السوبر ماركت انت اللى وش فقر
مراد / احترمى نفسك انتى هتنسى نفسك
عزيزة / شاورت بايدها وتركتة ونزلت تقول انتى بنى ادم معندكش دم اصلا
منار / نوسة اومى عوزة افطر
نوسة / صباح الورد يخرببيتك كنت بحلم بابوكى قطعت الحلم
منار / يابختك انا نفسى اشوفة الله يرحمه
نوسة / يارب يرحمه هو واموات المسلمين كان بيوصينى عليكى
منار / كان نفسى يكون معانا هو وحشنى اوى
نوسة / ادعيله الحمد لله سابنا مستورين ولينا بدل السكن شقة وبيت من بابه
منار / فكرتينى يابت عوزة اكلم الاستاذ اشرف نشوف لو هو عاوز فعلأ يشترى الشقة ونحط تمنها فى البنك نصرف من الريع بتاعة
نوسة / ربنا يرزقك بمشترى فلوسة جاهزة علشان متتعبيش فى المواصلات
منار / ربنا كريم يلا نفطر جوعانة
نوسة / تعالى ناكل فى المطبخ ربنا يشفى بنت الدكتور مجدى دراجل عنده ضمير
منار / على قولك دمفيش فيزيتا ب 30 جنية دلوقت
نوسة / على قولك ابت بقولك عوزين نشترك فى النت
منار / صح كلامك علشان شغلى كمان
نوسة / هابقى اتكلم مع جارتنا لما اشوفها
منار / بلاش الاختلاط يابطة انتى عارفه احنا هنا لحد ما نولد وبعد كدة هنرجع بيتنا والله نرجس وحشتنى
نوسة / فى ايدها فونها بتقلب فية بت يا منار تعالى بصى
منار / هاجيب القهوة وجاية اهو
نوسة / لا تعالى الاول
منار / خدى قهوتك فى اية ابت
نوسة/ مش دة الزفت اللى كان متزوجك
منار / هاتى كدة ايوة هو شوفى كاتب اية
#من الغباء ان تمشى مغمض العينين وراء كلام الناس و #من الظلم ان تصدر حكم على اساس هذا الكلام
نوسة / كلام موزون بجد انت بنى ادم منافق
منار / بقولك يابت انا عوزة ابعت لة طلب صداقة اية رأيك
نوسة / بلاش والنبى خلينا فى حالنا
منار / هو الاكونت بتاع بابا لسة شغال
نوسة / شغال ياقلبى عندك الفون فى الشنطة بتاعتى بس اعرف انتى عوزة اية منة دراجل سم ربنا يكفينا شره
منار / عوزة افضل على تواصل معاه عوزة اموت الخوف اللى جواية عوزة افكر نفسى بخيبتى وكسرتى عوزة وبكت
نوسة / انتى مش خايبة انتى انضحك عليكى انت شيئ جميل هو اللى منه لله هو واخوكى مصطفى دى تصفية حسابات انتى المفروض ملكيش دعوة بيها
منار / نصيبى كدة الحمد لله ربنا هيجعل ليه مخرج بقولك انا غيرت اسم الاكونت خليتة باسم / #غدر ٠٠٠٠حياة
نوسة / دة اسم كئي٠٠٠٠٠٠٠٠٠٠٠٠
للاحداث باقية
شاهد👈 (الحلقه التاسعه عشر و العشرون)
بقلمى/#هبة_أحمد. (( بنت الجهمى ))
اكتب تعليق برايك هنا