اسكريبت يونس الحلقه الاولي و الثاني للكاتبه حبيبه عمرو

أخر الاخبار

اسكريبت يونس الحلقه الاولي و الثاني للكاتبه حبيبه عمرو

 دار الرواية المصرية


-بنت تاني يـَ يُونس! 
-مالهم البنات يعني يـ اُمي دول رزق! 
-يبني عايزه اشوفلك وَلد يشيلك لما تكبر وتعجز. 
-بس انا راضي يـ امي وانتِ عارفه اني بحب البنات ومع البنت التانيه هبقاا ابو البنات. 
-طب بص بقاا، انا م اول ماشوفت سِت فرح بتاعتك دي وانا عارفه ان خلفتها بنات، هي كلمه تتجوز سُهيله بنت خالتك او احرمك م الميراث. 
-بصدمه: اتجوز ع مراتي!! 
-ايوه سُهيله هتجبلك الولد اللي هيشيل اسم العيله ف الآخر. 
-وانتِ ايه اللي عرفك انها هتجبلي الولد؟ 
-قلبي حاسس. 
-ماشي يـ امي وانا مش هتجوز ع مراتي. 
-بعصبيه: قلبي وربي غضبانيين عليك ي يونس. 
ـــــــــــــــــــــــــــــــــــــــــــــــــــــــــــــــ
-نوووووور
-نعم ي ماما. 
-اهديي شويه بقاا انا لسه مروقه الشقه! 
-بلعب مع چيسي! 
-كفايا لعب بقاا والله انا تعبت منكوا. 
دخل يونس: هيييييه بابااا
-شالها وحضنها: قلب بابا وحشتيني ي حبيبتي. 
-وانت كمان، ها جبتلي الشيكولاته؟ 
-وانا اقدر انسى؟ اهيه الشيكولاته يروح بابا
خدتها ونزلت تجري ع اوضتها
-يونس انت كويس؟ 
-اه ي فرح الحمدلله. 
-متأكد؟ 
-لاء
قربت منه: في ايه اللي حصل!؟ 
-امي. 
-مالها!!؟ 
-خيرتني اتجوز سُهيله او تحرمني م الميراث! 
-انتفضت م حضنه: هتتجوز عليا!!! 
-شدها لحضنه تاني: مقدرش اعملها
دموعها نزلت: طب ليه عايزه كده! 
-عشان عيزاني اخلف وَلد مش بنت. 
-هو بإيدينا يـ يُونس!! 
-والله العظيم لو بإيدينا ف انا هختار ان خلفتي كلها تبقى بنات! 
-اكيد في سبب يخليها تعمل كده! 
-عشان نُوح ابن عمي خلفته كلها صبيان 
-ومرتاح؟ 
-لما بيجيي يشوف نُور وهي بتلعب معايا بيبقى بيتمنى ضَفرها! 
-البنات رزق ي يونس هي مش مقدراه!! 
-اكيد ف يوم هتقدر، المهم انتِ عامله ايه!؟ 
-كويسه الحمدلله. 
-احنا صحيح مفكرناش هنسميها ايه؟ 
-رؤيا
-هو اسم جميل وكل حاجه بس ليه رؤيا؟ 
-مش عارفه بس حلمت ف بابا كان شايل بيبي امور اوي واخدته منه وسمعت صوته وهو بيبعد وبيقول رؤيا. 
-خلاص يبقى رؤيا يونس أحمد الاسيوطي. 
ربنا يجبيهلنا بالسلامه يارب. 
-يارب، يلا قوم غير وخُد دش واقعد مع نُور شويه ع ما اجهز الغدا
-ماشي. 

-بابا
-نعم يـ حبيبتي. 
-هو النونو اللي ماما هتجيبوا انتوا هتحبوه اكتر مني! 
-لاء طبعاً احنا مش بنحب حد قدك يـ نور عين بابا
-طب هو النونو بنت ولا ولد
-انتِ عايزاه ايه؟ 
-ولد. 
-ليه!!؟ 
-عشان تيته قالت انك لازم تجيب ولد او هي هتزعل منك ومش هتكلمك تاني وانا مش عيزاه تخصمك
-وانتِ عرفتي منين الكلام دا؟ 
-سمعتها وهي بتتكلم مع عَمو نُوح. 
-عمو نُوح!! 
-اه
-طيب ي نور بس اوعي تتصنتي ع حد تاني عشان حرام اتفقنا؟؟ 
-حاضر ي بابا. 
-شطوره ي حبيبة بابا 

-فرح، نور انا نازل عايزيين حاجه!؟ 
-رايح فين؟ 
-مشوار سريع وجاي هقابل نُوح ابن عَمي وفارس ويحيٰ اخواتك. 
-ماشي سليملي عليهم. 

-ايوه جايه اهوو ثواني ياللي بتخبط. 
سهيله!!!!!!! 
ـــــــــــــــــــــــــــــــــــــــــــــــــــــــــــــــ
يتبع.... 
#حبيبه عمرو 💙✨
البارت 2

-بس دا اللي حصل.. 
خلص كلامه وبص ع فارس ويحيٰ: مش عارفه اتصرف!! 
-فارس: اسمع يـ يُونس، احنا مش هنتكلم بس خليك عارف انك لو عملت اي تصرف يجرح اختي وقتها هنسىٰ انك صاحبي وعشرة عمري. 
-يحيٰ: اعمل اللي انتَ شايفه صح بس بلاش تأذي فرح يـَ يُونس، ارجوك. 
-انتوا هُبل يـ جدعااان!!! 
انا جايلكوا عشان تفيدوني.. مش عشان تحذروني! 
-نُوح: خلينا متفقيين ان سُهيله بتحبك من زمان، وان ممكن هي ووالدتك تأذي فرح او نور، حاول تبعدهم عنها.. 
بس انا عندي حَل.. 
ـــــــــــــــــــــــــــــــــــــــــــــــــــــــــــــــ
-سُهيله!!!!!! 
-ايه مش هدخليني ولا ايه يـَفرح؟ 
-لاء طبعاً ازاي اتفضلي، نورتي. 
-اسمعي يــفرح انا بقىٰ عندي 28 سنه بقالي 6 سنين بحاول اخلي يُونس ع الاقل يبصلي، جيتِ انتِ اخدتيه مننا كلنا اتجوزك وبقا عاشق ليكِ، خلفتيلُه البنت اللي كان بيحلم بيها طول عُمرُه، انا بس جايه احذرك وبقولك كفايا لحد هنا ابعدي عن يُونس عشان بناتك ع الاقل.. لاني ممكن بسهوله آذيهم، سلام يـ كتكوته.. 
-استني.! 
بصتلها وفرح اتكلمت والدموع ع خدها: عيزاني اعمل ايه وتبعدي عن بناتي..؟ 
-ضحكت بسخريه: ابتديتي تفهميني، اطلبِ الطلاق يـ فرح. 
-مستحيـــــــــــــــــل. 
ـــــــــــــــــــــــــــــــــــــــــــــــــــــــــــــــ
-نوح: كده كل واحد فِهم هيعمل ايه؟ 
-فارس: فهمنا يـَ كبيير. 
--يُونس: تمام.. صحيح مش انتَ كُنت قايلي انك هتروح مع مراتك عند الدكتور عشان تعرفوا ولد ولا بنت. 
-اتكلم نوح بحزن: ولد،ولد يـ يونس. 
-متزعلش ي صاحبي، دول رزق بردو. 
-طول عُمرِي لما كُنت بشوف حنيه نِيار اختي ع ابويا بتمنى يبقى عندي بنت، تكون حنينه ودلوعه عليا كده بس هعمل ايه يلا الحمدلله كده بقيت خلفت نص دسته صبيان! 
6 صبيان يـ يُونس انتَ متخيل 6 صبيان!!!! 
يونس بضحك: المهم تعلمهم يبقوا سند لبعض ولبناتي.. 
-غور يـ يونس يلعن ابو اللي يتكلم معاك ي آخي. 
-خلاص يعم والله بهزر، يلا سلام يرجاله انا رايح لفروحتي ونور حياتي.. 
-كتك القرف عيل ممحون!! 
ـــــــــــــــــــــــــــــــــــــــــــــــــــــــــــــــ
-فررحتي!؟ 
فروحه انتِ فين. 
-انا هنا اهوو يـ يونس. 
-بتعملوا ايه؟؟ 
-ماما بتذاكرلي ي بابا عشان عندي امتحان. 
-امتحان؟ امتحان ايه يمفعوصه انتِ يا ام كيچي 1 انتِ؟ 
-بابا لو سمحت انا كبرت احترمني من فضلك! 
-وحياة امك!! 
-بس بقاا انتوا الاتنين وانتِ انتفضلي ذاكري 
-في ايه ي فرح؟ 
-مَفييش ممكن تسيبنا بقا عشان نركز
-لاء هقعد اذاكر معاكم. 
-خلاص ذاكر انتَ انا قايمه وسيبهالكوا
-ماما مالها ي نور؟ 
-معرفش، من وقت م طنط سُهيله جت وهي كده. 
-سُهيله جت هناا!!!!!!!!! 

-فرح. 
-بزهق: نعم. 
-انتِ ازاي متقوليليش ان سهيله كانت هنا!!؟ 
-وانتَ عرفت منين؟ 
-متجاوبيش ع سؤالي بسؤال!! 
سيهله كانت هنا ليه!؟ 
-كانت بتزورنا عادي ي يونس. 
-فررررح متستعبطييش 
-يوووووه هو كل يوم خناق ونكد انا زهقتت. 
-مسك دراعها: 100 مره قولتلك متعلييش صوتك عليا وتجاوبي ع سؤالي. 
-بعدت عنه: انا حقيقي زهقت منك طلقنيي يـَ يُونس.. 
-انتِ اتجننتي!!! 
-قولتلك طلقني خلي عندك كرامه انا مش عايزه اعييييش معااااك ي اخيييي. 
-مش هطلق ي فرح! انا لحد الآن ماسك نفسي وعارف انك تعبانه بسبب الحمل..!! 
-طلقنااااااااااااي... انا بكرهك وبكره العيشه معاك. 
-انتِ طاالق. 
بصتله بصدمه: ايه!!! 
ـــــــــــــــــــــــــــــــــــــــــــــــــــــــــــــــ
#يتبع 
#حبيبه عمرو. 💙✨

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -