أخر الاخبار

روايه طريق الظلام الحلقه الاولى بقلم عمرو علي

روايه طريق الظلام الحلقه الاولى بقلم عمرو علي


الحلقه الاولي


 الحق مراتك بترقص في التليفزيون!!


= انت اتجننت ولا ايه 


تعالى شوف بنفسك


" روحت وانا هموت وبدعي متطلعش هي ، لكن الدعاء مكنش مستجاب وطلعت هي فعلا " 


اعملك ايه يعني ، مفيش فلوس


= وهناكل منين يا وليد ، البيت مفيهوش اكل ، انزل شوفلك شغلانة واشتغل زي الرجالة كدا


و انتي شيفاني قاعد ، طول النهار بدور على شغل ومش لاقي


= وهنعمل ايه يا سيد الرجالة


في واحد صاحبي قالي انه هيشغلني معاه في سوبر ماركت 


= اااه وعلى كدا هتقبض كام


تقريبا 1200 جنيه في الشهر


= هيعملو ايه دول ، مش هيكفو اكل ولا شرب ولا لبس ولا اي حاجة


نعيش على قدنا يا سهام ، هي دي ظروفي ، و انتي مراتي والمفروض تستحمليني 


= استحملك اااه ، لا ماهو انا استحملت وصبرت كتير أوي بس لحد هنا وكفاية


يعني ايه


= يعني هتصرف انا ، طالما راجل البيت مش عارف يتصرف


ليه دايما بتحسسيني اني عاجز 


= انا قاصدة احسسك بكدا يكش تتعدل وتشتغل زي البني آدمين


" نزلت من البيت وانا مخنوق ، معترضتش على ظروفي لكن هي ليه بتعمل كدا معايا ، دايما بعاملها ب احترام وبحسسها انها ملكة ، وهي دايما بتعاملني بالشكل دا ، اصعب حاجة على اي راجل انه يحس بالعجز قدام عيلته ، فوقت وانا ماشي في الشارع على صوت رنة موبايلي 


الو


= عد الجمايل يا عم وليد ، المدير وافق انك تشتغل معانا في السوبر ماركت


بجد والله


= اه والله بجد ، عايزك تيجي من بكرا عشان تستلم الشغل


حاضر ، شكرا جدا يا حسام ، مش هنسالك الموقف دا


= احنا اخوات متقولش كدا 


" الحمدلله لقيت شغل ، رجعت البيت بسرعة عشان اقول ليها الخبر دا يمكن تفرح بس ملقتهاش ، كلمتها تليفونها مقفول ، قعدت مستنيها كتير ، ساعة تعدي ورا التانية وانا لسة قاعد لحد الساعة 10 ، لقيتها رجعت


كنتي فين


= عند ماما


وتليفونك مقفول ليه


= معلش اصله فصل شحن


طب انا خلاص لقيت شغل ، وهبدأ من بكرا 


= اه ربنا معاك ، انا هدخل انام عشان تعبانة شوية


" استغربت جدا من رد فعلها ، كنت فاكرها هتفرح اني اخيرا لقيت شغل ، لكن رد فعلها غريب بالنسبالي كأنها مش هاممها اصلا ، مفكرتش كتير و دخلت نمت عشان استعد ل شغل بكرا ، صحيت في معادي ولبست وروحت الشغل الجديد ، نوعا ما كنت مبسوط ولكن كان ناقصني سهام ، أسبوع عدا واحنا تقريبا مش بنتكلم ، بقت تخرج كتير بدون مبرر مقنع ، ولكن كنت دايما سايبها بحجة أنها مخنوقة شوية ، لحد ما كنت بشتغل في يوم ولقيت حسام صاحبي بيقول

الحق مراتك بترقص في التليفزيون!!


= انت اتجننت ولا ايه 


تعالى شوف بنفسك


" روحت وانا هموت وبدعي متطلعش هي ، لكن الدعاء مكنش مستجاب وطلعت هي فعلا ، كانت سهام مراتي ، حاسس اني هقع من طولي ، سندت على اقرب حيطة عشان اقدر اقف ، ازاي تعمل كدا وليه ، انا عملتلها ايه ، بدأت اتسند لحد ما قدرت اقف وخرجت روحت البيت ، دخلت الشقة لقيتها قاعدة بتتفرج على التليفزيون ، خدت بالها مني اني واقف ببصلها 


ايه مالك ، هما رفدوك ولا ايه


" قالتها بسخرية ، مكنتش قادر اتكلم من الصدمة ، لساني واقف


طب هتفضل واقف عندك كتير


" استجمعت قوتي وقولت


ليه عملتي كدا


= عملت ايه


انا شوفتك وأنتي بترقصي في التليفزيون ، ليه تعملي فيا كدا ، انا مأذتكيش ف حاجة ، انا...


" مقدرتش اكمل الجملة لاني اتصدمت من ردها


= طب ايه ، مش هتقولي مبروك ، انا سيبتك تعرف بنفسك عشان لو كنت قولتلك كنت هتنكد عليا زي ما انت عامل دلوقتي ، بس بجد قولي ايه رأيك فيا


أنتي مبتحسيش ، شكلي ايه وسط الناس لما يشوفوكي وانتي بترقصي ، لما يشوفو جسمك ، انا مش قادر استوعب لحد دلوقتي انك عملتي فيا كدا


= على الاقل بعرف اجيب فلوس مش زيك ، لو كنت استنيت شوية كنت هتقولي يلا نشحت ، معيشنا في فقر وقرف ، ليه انا استحمل كل دا 


هي دي ظروفي وانتي مطلوب منك تستحملي طالما قبلتي انك تتجوزيني


= دا كان يوم اسود يوم ما اتجوزتك


للدرجادي


= ما انا لو كنت متجوزة راجل مكنتش هعمل كدا ، لو كنت متجوزة راجل يعرف يصرف عليا ويكفي احتياجاتي مكنتش هرقص ، لكن انا حظي زفت متجوزة واحد وانا اللي بشتغل عشان اصرف على نفسي وهو قاعد في البيت زي النسوان


" لم أتمالك نفسي وضربتها بالقلم ، مكنتش مصدق اللي انا بسمعه ، رد فعلها كان صادم بالنسبالي 


انت بتمد ايدك عليا يا عرة الرجالة ، بقيت راجل اهو وبتمد ايدك على واحدة ست


" قلبي كان بياخد صدمات كل دقيقة من كلامها اللي بيقطع فيا ، مش ممكن تكون دي سهام أبدا  لكن قررت اني اريح قلبي من الصدمات دي


أنتي طالق!!


#بقلم : #عمرو_علي


#طريق_الظلام


#يتبع

شاهد 👈 الحلقه الثانيه

تعليقات



    حجم الخط
    +
    16
    -
    تباعد السطور
    +
    2
    -