رواية أحببت صعيدى الحلقه الرابعه والخامسه بقلم شاهنده إمام

أخر الاخبار

رواية أحببت صعيدى الحلقه الرابعه والخامسه بقلم شاهنده إمام

 دار الرواية المصرية

رواية أحببت صعيدى الحلقه الرابعه والخامسه بقلم شاهنده إمام

رواية أحببت صعيدى الحلقه الرابعه والخامسه بقلم شاهنده إمام


فى الداخل فيروز كانت معديه فسمعت ساميه بتقول 
ساميه: مش ناويه تفرحى بدياب يا هاله يعنى يونس خاطب أمل وقاسم خاطب ليلى وسليم خاطب ورد مش فاضل غيره ولا هو عشان مش ولدك تعملى كده 
هاله بحده: ايه الحديت الماسخ دا يا ساميه وأنا من امته بفرق بين دياب واخواته ناديه الله يرحمها كانت موصيانى عليه وانا لحد دلوقتي عمرى ما جصرت مع دياب بالذات أنا عارفه انك بتدورى على مصلحه بتك ودا مش عيب وبعدين فاطمه بتك قدامه على طول لو عايز يتجوزها كان قال 
ساميه: متزعليش منى يا هاله بس قوليلى اعمل ايه البت بترفض اى عريس يتقدم ليها ولسه حاطه امل فى دياب انه يحبها 
هاله بطيبه: لا يا ساميه أنا مزعلتش بس حاولى مع بتك وقوليلها كل حاجه قسمه ونصيب 
ساميه: يلا ربنا يقدم اللي فيه الخير 
هاله: اه صحيح اخبار سليم ولدك ايه يا احلام 
احلام: الحمدلله بخير 
هاله: يبقى قوليلو هاله مرت عمك زعلانه منك جوى عشان بطل ما ياجى عندنا 
احلام: طب تصدقى هو جاى مع قاسم النهارده بعد ما يخلصو الشغل
هاله: يلا ربنا يعينهم 
احلام: يارب تعالو نقعد بره احسن 
هاله وساميه: يلا بينا 
طلعت فيروز على اوضتها وهى مش فاهمه حاجه ازاى دياب مش ابنها قاطع تفكيرها حد خبط علي الباب فتحت فيروز لقت ورد 
ورد: ايه يا فيروز مش اتفقنا انى اعرفك على بنات عمى 
فيروز: اه تصدقى نسيت طب يلا أنا جايه معاكى 
راحت فيروز مع ورد ودخلو اوضه فيروز 
ورد: دى فيروز يابنات 
امل بإبتسامة: ايوه اتعرفنا عليها تحت كانت مع دياب 
ورد بهزار: ايه دا كده يا فيروز مش تقوليلى 
فيروز بضحك: يابنتى انا مشفتكيش إلا دلوقتى عشان اقولك 
ليلى بإبتسامة: هو انتِ فى كليه ايه يا فيروز 
فيروز بإبتسامه: أنا فى كليه ألسن أخر سنه السنادى وانتو
ليلى: أنا وورد وامل فى تانيه كليه اعلام وفاطمه فى اخر سنه كليه تربيه نوعيه 
فيروز بابتسامة: مش بتتكلمى ليه يا فاطمه 
فاطمه بضيق: مش حابه اتكلم مع حد 
فيروز حست بإحراج وورد بصت ليها بضيق 
فيروز: عن ازنكم أنا هروح اوضتى 
امل: خليكى يا فيروز احنا عايزين نتكلم معاكى اكتر 
ليلى: اه ياريت قعدتك حلو خالص 
فيروز: معلش أنا تعبانه شويه وعايزه انام مره تانى إن شاءلله عن ازنكم وخرجت فيروز مقدرتش تمسك دموعها اكتر من كده كانت رايحه على اوضتها قابلها يونس 
يونس وهو شايف دموعها: فى ايه مالك يا فيروز 
فيروز وهى بتمسح دموعها: لا مفيش فى حاجه بس دخلت فى عينى عن ازنك أنا رايحه اوضتى وبعدين افتكرت الكلام اللى ساميه قالتو 
فيروز: يونس أنا كنت عايزه اتكلم معاك لو معندكش مانع 
يونس: لا طبعاً اكيد معنديش اسبقينى على الجنينه وانا هعمل نسكافيه وهحصلك 
فيروز: تمام 
راحت فيروز الجنينه وبعد فتره اجى يونس ومعاه اتنين نسكافيه 
يونس بهزار: اتفضلى ياستى عملت ليكى كوبايه معايا بس متتعوديش على كده 
فيروز بضحك: خلاص ياعم انت هتزلنى 
يونس بضحك: ياستى خلاص مش هزلك المهم كُنتى عايزانى فى ايه 
فيروز: هو سؤال خاص بدياب 
يونس باستغراب: مالو دياب 
فيروز: هو دياب اخوك  
يونس: ايوه اخويا بس انتِ ليه بتسألى السؤال دا 
فيروز: أصل انا كُنت رايحه اوضتى فسمعت طنط ساميه بتقول لماما هاله ان هى مش راضيه تجوزو عشان هو مش ابنها 
يونس بإبتسامة: بصى دياب اخويا من الاب بس اما اخواتى من الاب والام هما قاسم وورد بس احنا عمرنا ما حسينا انو اخونا من الاب خالتى ناديه الله يرحمها ماتت ودياب كان وقتها تسع سنين ماتت فى حضن دياب عشان كده هتلاقيه اغلب الوقت بيكون ساكت وهى وصت امى على دياب ومن ساعتها وامى مش بتفرق دياب عننا 
فيروز بحزن على دياب: ربنا يصبره الا قولى ايه حكايه اسطبل الخيول دى 
يونس بضحك: دياب كان كُل ما نعمل حاجه غلط يخلينا ننضف اسطبل الخيول كلو لوحدنا أنا وقاسم من غير الشغالين اللي هناك وكان بيقف علينا يراقب الشغل عارفه فيلم شئ من الخوف بتاع عتريس وفؤاده اهو دياب بقا كان عامل زى عتريس ماسك الكُرباج وبيشوفنا شاغلين ولا لاء 
فيروز عيونها دمعت من كُتر الضحك ويونس كمان وكملو ضحك وهزار 
فى اوضه ورد 
امل: حرام عليكى يا فاطمه احرجتى البت 
ليلى بضيق: متبقاش فاطمه لو معملتش كده 
فاطمه: والله كلكم دلوقتي جايين عليا هى واحده مش محترمه أصلا أنا شايفاها قاعده مع دياب فى الجنينه دا أنا بنت عمو وعمرى ما عملتها 
ورد بإستفزاز: وليه متقوليش ان دياب هو اللي عايزها تقعد معاه 
فاطمه: قصدك ايه يعنى 
ورد: قصدى انو ممكن يكون حبها 
فاطمه: أنا خارجه اقعد بره اصلك بقيتى بارده يا ورد 
فاطمه خرجت بره وهى بتتوعد لفيروز 
فاطمه فى التليفون: ايوه يابت يا تهانى اللي هقولك عليه دا تعمليه بالحرف الواحد......................... فهمتى يابت الفلوس ابعتى حد ياجى ياخدها أنا قاعده فى بيت عمى عثمان بس ياجى من الباب الورانى قفلت مع تهانى وهى بتبتسم بشر 
عند فيروز 
فيروز: هى الساعه كام دلوقتى 
يونس وهو بيبص فى ساعته: الساعه اتنين ونص 
فيروز: طب عن ازنك أنا هروح اوضتى 
يونس: اتفضلى اه صح دياب قال لورد انها تطلع الشنطه بتاعتك الاوضه بس يمكن ورد نسيت ما تقولك 
فيروز: اه ممكن يكون نسيت هروح انا بقى عشان ارتب الهدوم فى الدلاب 
يونس: اه طبعاً اتفضلى 
راحت فيروز اوضتها ورتبت هدومها فى الدولاب لقت حد بيخبط على الباب راحت فتحت 
ليلى: تعالى يا فيروز صلى معانا  
فيروز: حاضر بس 
ليلى: بس ايه 
فيروز بإحراج: أنا مش معايا إسدال 
ليلى بإبتسامة: يستى متشليش هم الاسدال معانا زياده 
فيروز بإبتسامة: طب يلا بينا 
راحت فيروز وليلى على اوضه ورد وامل اديتها إسدال 
فيروز: هى فين فاطمه 
ورد: مش عارفه والله راحت فين تعالو نصلى احنا يلا 
وصلو كلهم وبعدين قلعو الاسدالات بتاعتهم ماعدا فيروز 
فيروز واقفه بتبص لشكلها بالحجاب فى المرايه وانها متغيره كتير 
أمل: شكلك حلو خالص بالحجاب 
فيروز: عندك حق هو هنا فى محالات هدوم 
ليلى: ايوه فى 
فيروز: طب ايه رأيكم تيجو معايا فى يوم اصلى عايزه اشترى هدوم 
ورد: تمام احنا موافقين فجأه سمعو صوت عالى تحت فيروز والبنات نزلو يبصو من الشباك اللي بيطل على الجنينه وفيروز نسيت انها لسه بالاسدال وفاطمه عملت نفسها طالعه من المطبخ 
دياب ويونس طلعو بره طلعو بره فى نفس الوقت اللي بيوصل فيه قاسم وسليم 
دياب وهو شايف اهل البلد متجمعين عند البوابه والحراس منعين دخولهم بس دخلو قاسم وسليم عادى 
دياب بغضب: فى ايه وايه الصوت العالى دا 
واحد من الواقفين وهو اللى فهمهم كده: مش عيب عليك يا حضره العُمده لما تجيب واحده ماشيها بطال شايفين يا اهل البلد بقا العُمده بتاعنا جايب واحده كده امال احنا نعمل ايه 
دياب وعيونه حمرت من الغضب وعروقه برزت قال: افتحو الباب وهاتو اللي بيتكلم دا وانتو يا اهل البلد بجا واحد ميسواش زى دا يجول على عمدتكم كده وانتو تصدقو 
كل اهل البلد منزلين راسهم فى الارض والحُراس ماسكين الشخص اللى حرض اهل البلد 
دياب: الواحده اللي بيتكلم عليها دى تبجى خطيبتى واللى هسمعو بيقول نص كلمه عليها هدفنو صاحو 
يونس وقاسم وسليم بيبصو لبعض بدهشه 
اهل البلد كلهم: احنا أسفين يا حضره العُمده 
كل اهل البلد مشيو 
دياب بغضب: هاتولى الكلب دا على المخزن 
بعد فتره
وصل دياب البيت وكانت فيروز بتبكى وحوليها البنات بيهدوها وفاطمه جمب فيروز 
اول ما دخل دياب ووراه يونس وقاسم وسليم كلهم وقفو 
فاطمه كانت جمب فيروز قرب دياب منهم بخطوات ثابته وفجأه طخخخخخخخ قلم نزل على وش........

الحلقه الخامسه 


بعد فتره
وصل دياب ووراه قاسم ويونس وسليم 
دياب شاف فيروز بتبكى وحوليها البنات بيهدوها وفاطمه جمب فيروز وبتمثل انها زعلانه دياب قرب من فيروز وفاطمه بخطوات ثابته وفجأه طخخخخخ كلهم برقو من قوه القلم اللي نزل على وش فاطمه
دياب سمك فك فاطمه وضغط عليه جامد وقال: مش عيب عليكِ يابت عمى لما تأجرى واحد ميسواش يجول على واد عمك إكده 
فاطمه بتبكى وحاطه ايدها علي وشها دياب ساب فك فاطمه وقال: تعرفى يا فاطمه ايه اللي خلانى محبكيش عشان طول عمرى شايفك زى ورد كُنت زى مابهتم بورد كُنت بهتم بكل واحده فيكم انتِ وهمتى نفسك يا فاطمه انى بحبك ومحدش اتوجع غيرك دلوجتى من النهارده انسى ان ليكى اخ وواد عم اسمو دياب 
فاطمه مقدرتش تستحمل الكلام وطلعت فوق بتبكى 
فيروز بدموع: حرام عليك يا دياب عملت فيها كده ليه 
وطلعت ورى فاطمه 
دياب قرب من ساميه مرت عمه وباس ايدها وقال 
دياب: سامحينى يا مرت عمي بس أنا لازم افوجها من اللى هى فيه دا 
ساميه: مسمحاك ياولدى انت اخوها برضو 
عند فاطمه
فيروز: متزعليش يا فاطمه من دياب هو اكيد عايز مصلحتك 
فاطمه بصت لفيروز بدموع وقالت: بعد كُل اللى أنا عملتو فيكى وبرضو بتكلمينى 
فيروز بطيبه: انتِ زى اختى يا فاطمه وأنا هبقى معاكى دايما 
فاطمه حضنت فيروز جامد 
فاطمه: سامحينى يا فيروز 
فيروز: مسمحاكى بس توعدينى انك هتتغيرى 
فاطمه: أنا فعلاً هتغير كلام دياب خلانى افوق من اللى انا فيه دا انا كنت فاكره اهتمام دياب دا حب بس هو كان بيحبنى زى ورد واكملت بدموع وأنا نفسى اعتذر ليه بس هو قال انسى ان ليك واد عم اسمو دياب 
فيروز: صدقينى دياب قلبو طيب وهيسامحك زى ما انا سامحتك وهنبقى صحاب صح 
فاطمه: صح 
فيروز: خلاص تعالى معايا واعتذرى ليهم 
فيروز اخدت فاطمه ونزلو تحت 
فاطمه بدموع ليهم كلهم وهى منزله راسها فى الارض: أنا عارفه ان مليش عين اعتذر بس أنا كُنت فاكره انى كده هتجوز دياب أنا بعتذر ليكم كلكم ولسه هتمشى هاله مسكت إيدها 
هاله بطيبه وهى بتمسح دموعها: اللى حصل حصل يابتى المهم انك تتغيرى وانا متأكده ان جلبك ابيض بس جنانك موديكى فى داهيه تعالى فى حضنى يابت 
فاطمه بتضحك وبتروح فى حضنها وبتقوم احلام وامها ساميه وبيحضنوها وبيقومو البنات كمان يحضنوها 
وفيروز واقفه مبتسمه فاطمه بتفتح دراعها لفيروز وفيروز راحت حضنتها ودياب واقف بيبص عليهم فاطمه راحت لدياب 
فاطمه لدياب: أنا اسفه يا دياب سامحنى 
دياب: المهم انك تتغيرى يا فاطمه واذا كان عليا فتعالى فى حضن اخوكى 
فاطمه اتفاجأت وراحت حضنتو 
فاطمه بدموع: انت احسن اخ فى الدنيا يادياب 
دياب بهزار: يابت انتى اختى يعنى كان لازم اضربك بالقلم عشان تفوجى 
فاطمه وكلهم ضحكو 
سليم بهزار: ياعنى اليوم اللي اجى فيه يحصل كده دا ايه العيله الفقريه دى 
قاسم بضحك: احنا اللي عيله فقريه ولا انت اللي نحس 
هاله: انت تسكت خالص يا سليم باجى يا واد متجيش بيت عمك 
سليم بإعتذار: معلش يامرت عمى المهم انى جيت بس القاعده عندكم حلوه جوى (قصده على ورد) 
يونس فهمو وقال بهمس: اتلم ياد بدل ما اقول لدياب 
سليم بهمس: يا عم اختك خطيبتى هو أنا شاقطها 
قاسم: انتو بتقولو ايه 
يونس: خليك فى حالك انت بس 
هاله: تعالو ناكل كلنا بما اننا اتجمعنا يلا وراحو على سفره الاكل 
فى فيلا والد فيروز 
سالم: يعنى هتكون راحت فين 
عبير: والله علمى علمك شوف بنتك قليله الر*بايه راحت فين فعلا ماهى ملقتش حد يربيها 
سالم: مش وقته الكلام دا انا هتصل بجمال خليه ياجى دلوقتى ويشوف معانا حل فى المصيبه دى 
عفاف الخدامه: جمال بيه بره يا سالم بيه 
سالم: دخليه بسرعه أنا كده كده كُنت عايزه 
عفاف: حاضر يابيه 
راحت عفاف وبعدين دخل جمال 
جمال: عاجبك اللي عملتو بتك المحترمه دا 
سالم: وطى صوتك وتعالى نفكر هنعمل ايه فى المصيبه دى 
جمال: أنا دورت عليها عند صحابها كلهم محدش يعرف عنها حاجه والنهارده كمان مرحتش الكليه بتاعتها 
عبير: يعنى هتكون الارض انشقت وبلعتها 
جمال: أنا مش عارف ممكن تكون راحت فين بس أنا هفضل مراقب الكليه بتاعتها وصحابها قالو لو عرفو حاجه هيبلغونى علطول 
هند: طب ما تعملو اعلان فى الجرايد عنها انها مختفيه 
سالم برفض: لا طبعاً لان سمعتنا هتبوظ ويقولو ان هى هربت 
عبير: مش هى دى الحقيقه 
سالم: ايوه هى دى الحقيقه بس محدش يعرف حاجه ولا عايزين حد يعرف 
عبير: يعنى بعد اللى عملتو كلو دا وبرضو بتدافع عنها 
سالم: أنا عمرى ما دفعت عنها كنت دايما بفضلك انتِ و بنتك عليها كان المفروض انى ابقي ليها الحاجه اللي تتسند عليها واعوضها عن حنان الام اللي مش عاشته ولاكن اعمل ايه معرفتش قيمتها الا بعد ما ضاعت منى  أنا رايح فوق لانى تعبان ومش قادر 
طلع سالم فوق 
عبير: ها هتعمل ايه يا جمال هتسيب البت وكل اللي عملناه دا ضاع 
جمال: والله مانا سايبها فى حالها لازم اجيبها تحت رجلى 
هند: هتعمل ايه يعنى 
جمال: متخفيش انا مرتب لكل حاجه وسايب عيون فى الكليه بتاعتها واول ما تظهر هجيبها وامضيها على بيع المصنع واكمل فى نفسه (وهاخد اللى أنا عايزه) 
عبير: جدع يا جمال 
جمال: بس متنسيش هاخد نص المصنع 
عبير: اللي انت عايزه هدهولك 
جمال بطمع: كدا اتفقنا 
عند فيروز 
بعد ما خلصو اكل 
فيروز: ماما هاله أنا قولت لدياب انى هروح الكُليه بكره وهو معترضش 
دياب: أنا وافقت علشان هتروحى بحراسه 
فيروز: ايه دا هو انت لسه فاكر 
دياب: ايوه انا قولتلك هتروحى يبقى بحراسه مش هتروحى يبقى فى حراسه مفيش حراسه يبقى مش هتروحى 
فيروز: خلاص حراسه حراسه 
دياب: ايوه كده أنا كلمت حُراس من الشركه عندى وبكره الصبح هتلاقيهم على البوابه 
فيروز: هو انتو مش بتروحو ليه 
فاطمه: لا انا كُنت واخده كام يوم اجازه عشان عندى محاضرات مخلصتهاش وهروح بكرا وامل وورد وليلى لسه مخلصوش محاضراتهم 
فيروز: انتو كلياتكم فين 
امل: احنا كلنا فمحافظه سوهاج نفسها 
فيروز: ممكن يادياب بعد الكُليه بتاعتى نروح المول اصلى عايزه اشترى هدوم واسعه غير بتاعتى لانى هتحجب 
هاله: ربنا يهديكى يابتى 
فيروز: يارب يا ماما هاله 
دياب: ماشى أنا معنديش مانع بس تيجى على القصر الاول 
فيروز: أنا كنت هعمل كده عشان هاخد البنات معايا 
دياب: خلاص تمام معنديش مانع 
فيروز: هو أنا ممكن اتكلم معاك فى الجنينه 
دياب: ايوه طبعا روحى وانا هحصلك 
تسريع الاحداث راحو الجنينه 
فيروز: هو انت عرفت الحقيقه ازاى 
دياب: هحكيلك 
فلاش باك 
دياب: هتنطج ولا اخلى الرجاله يقومو بالواجب معاك مع ان مفيش فى وشك حته سليمه 
قاسم: ما قولتلك سيبو ليا وانا وسليم نربهولك فى القسم 
الراجل: لا لا يابيه هقولالبت اللي اسمها تهانى اللى بتنضف فى البيوت هى اللى قالت اعمل كُل دا 
دياب: يونس خلى الرجاله يجبوها دلوجتى 
بعد فتره الرجاله جابت تهانى 
دياب: انا مش بمد ايدى على واحده ست فاحسن ليكى انك تقولى كل حاجه بالزوق 
تهانى بخوف: حاضر يا حضره العُمده فاطمه بت عمك هى اللى قالتلى اعمل كده وادتنى الفلوس من الباب الورانى 
دياب: قسما عظما لو الكلام دا حد من اهل البلد عرفو أنا هدفنك صاحيه فاااهمه 
تهانى بخوف: فاهمه يا حضره العُمده 
بااااك 
دياب: بس ياستى هى دى الحكايه 
فيروز بابتسامة: أنا مش عارفه اشكرك ازاى على اللى عملتو معايا 
دياب بإبتسامة: لا متشكرنيش انا معملتش غير الواجب 
فيروز: عن ازنك أنا هروح انام عشان هصحى بدرى 
دياب: اتفضلى 
فيروز مشيت وهو كان بيبص للاثر بتاعها 
فى اليوم التالى...... 

شاهد 👈 الحلقه السادسه 

تعليقات
تعليق واحد
إرسال تعليق
  • Hasna ansi
    Hasna ansi 9 فبراير 2022 في 11:53 ص

    تم

    إرسال ردحذف



    وضع القراءة :
    حجم الخط
    +
    16
    -
    تباعد السطور
    +
    2
    -