الحلقه الاولى والثانيه
الدم ما يغسلوش غير الدم واحنا اذا كان مات عندنا راجل في بداله الف احنا مش نسوان ولا عويل عشان نسيب طأرنا لبيت الرحايمه
كانت تلك الكلمات تخرج من فم كبير الحوامديه بكل غضب وجبروت فبرغم كبر سنه الى انه يتميز بصحه وقوه جيده نظر له كبير الرحايمه هو ايضا بقوه وجبروت وهو يقول
اذا كان عندك انت الف احنا عندنا 2000 و محدش هيجدر يمس شعره واحده من اي راچل من دار الرحايمه
هنا انتفخت صدور رجال الرحايمه بسبب قوه كبيرهم فبرغم انه لم يكمل عامه ال 35 الى انه يمتلك قوه وفطين الى حد كبير
نظر شيخ البلد الي العمده وجده يرتعش بقوه فهو الان ليس بطار بين عائلتين ضعيفتان بل هو جار بين اكبر عائلات البلد تحدث شيخ البلد بعقلانيه وهدوء وهو يقول: يا حاج محمدي انت والحاج رحيم متاكدين ان كل عيله من الاتنين تقدر تقدم بدل الراجل الف بس احنا محدش فينا هيستفاد لما نشوف عيالنا بتموت جدام عينينا
تحدث الحاج محمدي كبير الحوامديه وهو يقول: يا شيخ البلد لو كان اللي مات من الرحايمه كنت هتقول نفس الكلام
نظر له شيخ البلد بابتسامه وهو يقول :يا حج محمدي شرع ربنا مابيتجزاش وانت عارف ومتاكد ان اللي باجوله مابيرچعش في حتى لو عشان مين ولو كان من الرحايمه حد اتجتل على يديكم كنت هاجولكم نفس الكلام
نظر له محمدي بغضب وهو يقول :ما تجولنا نلبس طرح كمان عاوز يذيع في البلد الحوامديه سابوا طار ابنهم لا احنا مش هنسيب طأرنا ولا وحقنا هناخده بدراعنا ولو كنت فاكر ان بالكلام اللي بتجوله هتقدر تخلينا نسكت تبقى فاهم غلط
نظر له شيخ البلد وهو يقول بهدوء :طب يا حاج انا هامشي معك في الكلام هتاخذ طار بنك وبعدين هتموت لهم واحد وهم يموتوا لكم واحد ونفضل في كده لحد يوم الدين انت تموت وهم يموتوا لغايه اما تقضوا على نسلهم وهم يقضي على ناسلكم يبقى ايه الفائده
نظر له العمده بهدوء وهو ينظر الى شيخ البلد بامتنان ويقول: يا حاج محمد فكر في الموضوع بلاش من اتجاهك انت بس فكر في الموضوع كله وانك هتخسر شباب كثير زي الورد
محمدي بقو:ه وانا ايش ضمني ان هو دوت هيكون اخر واحد في عيله اللي يموت ممكن دوت هيخلي الرحايمه تركب وتدلدل رجليها و بدل ما تجتل واحد تجتل اتنين وتلاته
نظر له شيخ البلد بابتسامه وهو يقول: وانا عندي الحل
محمدي بقوه :ايه هو ان شاء الله
شيخ البلد بهدوء : بنت ابنك تتجوز كبير الرحايمه واحد من احفادك يتجوز اخت كبير الرحيم وكده يكونوا العلتين عيله واحده وكمان الرحايمه هتقدم لكم مليون جنيه ديه
هنا اعتلت الغضب ملامح رجال الحوامديه وهم يقولون :عاوزنا نقبل ديه في دم ولدنا
شيخ البلد بهدوء :مين اللي قال كده بس يا ولدي محدش يقدر يقول كده الفلوس اللي هيدفعها الحاج رحيم هتكون مهر عروستنا وطبعا ده ماهر قليل جدا على بنت الحوامديه ده غير ان كل اللي تعويذه عروستنا هيكون تحت امرها و تحت رجليها كمان
نظر الحاج محمدي الى ابنائه بتفكير وهو يقول: خلاص يا شيخ البلد سبلنا وقت نفكر في الموضوع ده
هز الشيخ البلد راسه وهو يقول: تمام يا حاج محمدي قدامك اسبوع وتفكر وتقولي انت اختارت مين اللي تتجوز كبير الرحايمه
كل هذا يحدث تحت انظار رحيم دون ان يتفوه بكلمه فهو متاكد 300 المئه ان لا يوجد اي عروس لدي كبير الحوامديه
🌺🌺🌺🌺🌺🌺🌺🌺🌺🌺🌺🌺
في مجلس الخاص ب كبيره الحوامديه يجلس محمدي امام اولاده بتفكير فهو يفكر من هي التي سوف تتزوج رحيم تحدث ابنه الاكبر بقوه وهو يقول : انت ازاى يا حج توفق على كدا ثم أكمل بغضب وتفكير وبعدين هنجيب عروسه منين نجوزهاله ده احنا محدناش غير البنات الصغيره لكن الكبيره كلهم اتجوزوا ده اكبر واحده عندنا في الصغيرين عندها 10 سنين معجوله نجوزه واحده عندها 10 سنين
محمدي بهدوء :مين قال كده يا بكري احنا عندنا عروسه كبير وسنها مناسب كمان
نظام له بكري باستغراب وهو يقول: مين دي يا حاج
محمدي بهدوء : وبنت اخوك طارق
هنا توسعت اعين محمد ابنه الاوسط وهو يقول بصدمه :طارق اخوي يابا ده انت طردت طارق من البيت من يجي25 سنه لما احب يتجوز الست الاجنبيه هنروح نقول اى دلوقتي بنتك هتتجوز ازاي بس وبعدين احنا ايه عرفنا ان عنده بنت في السن دوت
نظر له محمدى بقوه وهو يقول: ان انا اللي قولته هو اللي هيمشي ولو على رقبه مين وحضروا نفسكم عشان بكره هنروح لاخوكم عشان هنرجع البلد والعروسه معنا قال ذلك وصعد الى غرفته دون ان يتفوه باي كلمه اخرى فهو يعرف كيف يضغط على ابنه لكي ينفذ ما يريده دون تفكير
🌺🌺🌺🌺🌺🌺🌺🌺🌺🌺🌺🌺
في ذلك البيت الضخم الذي اقل شيء يقول عليه قصر كان يجلس رحيم امام زوجته في الجناح الخاص به و هي تتحرك في الغرفه بكل غضب وقوه وتقول :عايز تتجوز علي يا رحيم بعد ده كله عايز تتجوز علي بعد كل الحب اللي انت بتقولي عليه عاوز تتجوز على ثم اكملت بسخريه وهي تقلده ده انا باحبك يا نواره مفيش لي غيرك يا نواره انتي الحب كله يا نواره في الاخر هتتجوز علي
كان كل ذلك يحدث ام ام رحيم الذي كان يجلس علي الكرسي بكل هدوء فهو يشعر بسعاده كبيره لسبب لغيرة زوجته عليه قال بهدوء :
للدرجه دي بتغيري علي
نواره بغضب هو ده كل اللي فارق معك مش فارق معك انك عايز تتجوز علي مانا هقول ايه ما انت مش حاسس بالنار اللي جوه قلبي
قام رحيم من على الكرسي و اتجه اليها و على وجه ابتسامه و حوطها بيده وهو يقول: مين قال بس كده بالعكس انا متاكد ان الحج محمدي معندوش عروسه لي وبعدين يا نوره حتى لو انا اتجوزت انتي عارفه و متاكده ان انا بحبك انتي وعمري ما احب حد غيرك خليكي متاكده من الموضوع ده يا نورتى ده انتي كل حاجه في حياتي ده انتي حب طفولتي
نواره بابتسامه :وانا كمان بحبك يا رحيم بس ده مايمنعش ان انا رافضه موضوع الجواز دي ثم اكملت بعشق وغرام اهون عليك يا رحيم تتجوز عليا واحده تانيه تشاركني فيك ده انا روحي تروح مني لو حسيت بالاحساس ده
رحيم بعشق :وانا عمري ما احطك في الموقف ده انتي كل حاجه في حياتي و المفروض تكوني عارفه و متاكده من كده ثم حوط خصرها وهو يشتم وعبير رائحتها بكل حب وهيام وهو يقول: المهم دلوقتي خليكي معايا وماتفكريش في اي حاجه تانيه وخليكي متاكده ان انا عمري ما هبص لواحده غيرك
ظهره ابتسامه على شفايف نواره وهي تقول بهدوء: بجد يا رحيم
رحيم بابتسامه :عندك شك في كده
نواره بحب :معنديش شك فيك
اخذ ينثر رحيم قبلاته على نواره بكل عشق وهيام فهي حب طفولته وعشق شبابه لا يتمنى شيء في الدنيا سوا راحتها ذهب رحيم ونواره الى عالمهم الخاص الذي لا يوجد فيه سوى هم فقط لا يوجد اي مشاكل او اشياء تعكر صفوهم
🌺🌺🌺🌺🌺🌺🌺🌺🌺🌺🌺🌺
في صباح اليوم التالي تحديدا في احد المناطق المتوسطه الحال تحديدا في ذلك البيت الذي يخص طارق كانت تدخل تلك السيده الشقراء التي تحمل الجمال الاجنبي بكل غضب الى غرفه ابنتها جنه وهي تصرخ بقوه لا تليق بجمالها ولا باصولها الاجنبيه: انتي يا زفته يا اللي اسمك جنه قومي يا هانم عشان الكورس بتاعك انتي ناسيه ان عندك امتحان ولا ايه
رفعت جنه راسها من على المخده ونظرت الى امها بحزن وهي تقول: مامي سيبيني انام بليز عايزه انام
نظرت لها امها بسخريه وهي تقول :طبعا ما الهانم قاعده طول النهار على الزفت اكيد مش عايزه تروح الامتحان
ثم مسكت ذلك السلاح المصري الاصيل وهو فرده الشبشب وصفعت بها جنه وهي تقول :قومي يا زفته عشان امتحانك ولا انتي مش عايزه تروحي كورس
جنه بهدوء: اه يا امي وبعدين انا مش عايز اروح الامتحان لانى عارفه ان انا مش هاجيب درجه كويسه يبقا سيبيني انام بقى
مسحت جانيت على وجهها بغضب وهي تقول :قدامك خمس دقائق بالضبط وتكوني قمتي جهزتي نفسك عشان الامتحان و الا اقسم بالله ما هيحصلك كويس
قالت ذلك وخرجت من الغرفه وتركت جنى تقوم من على الفراش بملل وغضب بعد غضون 20 دقيقه كانت تقف جنى امام المراه وهي تضبط حجابها خرجت من الغرفه وما كادت ان تصل الى باب الشقه الان ارتفع رنين الجرس
سارت جنه تجاه الباب بملل وهي تقول حاضر يا خلود جايه فتحه الباب ولكن وجدت اخر شيء يمكن لها ان تجده فهي تعلمهم جيده صوارهم موضوعه في غرفه الصالون فوالدها يعتز بهم الى حد كبير
#روايه_عروس_الصعيد
#التانى
#نورهان_اشرف
ارتمت جنه داخل احضان جدها وهي تقول بفرحه وسعاده جدي انت جئت عشان تشوفنا بابا هيفرح جدا لما يعرف ان حضرتك جيت انت واحشني اوي يا جدو انا بجد مبسوطه اوي
تحدث محمدي بهدوء ينافي مشاعر جنه التي كانت تظهر بها امام عينه : ابوكي فين يا بنت طارق
جنه بابتسامه :بابا في الشغل
ثم دخلت الى الشقه وهي تقول :اتفضل يا جدو اتفضل واخذت تندى على امها بقوه وهي تقول ماما جدو جاه يا ماما ثم نظرت الى جدها واعمامها الذين كانوا يقفوا عند الباب بقوه وهي تقول اتفضل يا جدو تفضل يا عمي
دخل محمدي وخلفه كل من بكري ومحمد الى الشقه وهم ينظرون الى المنزل بقرف فتحت لهم جنه غرفه الصالون :اتفضل يا جدي
عندما خطط قدم محمدي غرفه الصالون راي صورته معلقه على الجدران كدة ان تظهر ابتسامه على وجهه ولكنه تذكر كيف وقف ابنه امامه لكي يتزوج تلك الاجنبيه التي لا تناسب عاداته وتقاليده وتقاليد عائلته اختفت الابتسامه وظهر مكانها الغضب ولكن حاول ان يرسم الابتسامه لكي ينفذ ما اتى له ولكن اخرجهم من ذلك صوت جنه وهي تنظر الى عمها الاكبر بكري وهي تقول بسعاده
جنه :حضرتك عم بكري صح بابا دايما بيحكيلي قد ايه انك كويس طيب وحكىلي كمان ان حضرتك قوي جدا و انك على طول كنت بتقف جنبه وكنت بتضرب اى حد يزعله
ثم نظرت الى عمها الاوسط محمد وهي تقول بفرحه وهي ترتمي داخل حضانه وتقول: وبابا كان بيقول ان حضرتك كمان كنت بتحبه جدا حتى بيقول ان حضرتك انت اللي مختار اسمي
اخذت محمد في حضنه وهو يقول: فعلا انا اللي اخترتلك اسمك واحنا صغيرين و هو فعلا نفذ الوعد
نظرات له جنه بابتسامه :طب وحضرتك وفيت بوعدك وسميت رقيه
محمد بابتسامه: اه وفيت بوعدي يا ستي وسميت رقيه
كدت ان ترد عليه جنه ولكن اوقفها صوت امها وهي تقول بقوه: انتي يا زفت يا اللي اسمك جنه
كانت تقول ذلك وهي تخرج من المطبخ وتجفف يدها في الفوطه ولكن وقعت تلك الفوطه من يدها عندما رات محمدي يصوب نظروا تجاهها ابتلعت رايقها بتوتر وخوف وهي تقول بترحيب زائف :اهلا اهلا بيك يا عمي
محمدي بسخريه: اهلا يا بتى كلمي جوزك وخليه يجي
هزت جانيت راسها بتوتر وهي تنظر الى جنه بخوف وتقول: تعالى يا جنه معايا
قطاعها محمدي وهو يقول بهدوء :سيب جنه تقعد مع عمامها وانتي روحي خبر جوزك وقوليله ان ابوه هنا واني عايزه في موضوع مهم
هزت جانيت راسها وذهبت الى هاتفها واخذ تتصل بزوجها بكل سرعه فقلبها انقبض عندما رات محمدي يجلس على الكرسي في خلال دقائق كان يصدح صوت طارق من على الطرف الاخر وهو يقول بحب :اى يا روحي عامله اى
جانيت بتوتر: طارق تعال بسرعه
طارق بخوف من نبره صوتها: في ايه يا جانيت ايه اللي حصل
جانيت بتوتر :ابوك هنا يا طارق شكل في حاجه ارجوك تعال بسرعه
طارق بسعاده :بابا عندنا اكيد جاي عشان يسامحني
هزت جانيت راسها بنفي كان طارق امامها وهي تقول: لا انا قلبي مقبوض ابوك جاي ونبرته مش مسامحه وظهر أن فيها حاجه ثانيه يا طارق طارق ارجوك تعال بسرعه عشان انا خايفه
طارق بتهدئه :طب اهدى يا وانا 10 دقائق واكون عندك
اغلقت جانيت الهاتف وهي تقرا القران لكي تهدئ قلبها وذهبت الى المطبخ لكي تحضر مشروب لكي تقدمه الى محمدي و اخوات زوجها
🌺🌺🌺🌺🌺🌺🌺🌺🌺🌺🌺🌺
في قصر رحيم كان ينزل من على السلم وهو يده تحتضن خصر نواره وعلى وجهه ابتسامه سعيده ما ان نزل الى الاسفل وجد والدته الحاجه بهيئه تجلس على كرسيها وهي تنظر له بقوه
رحيم بهدوء: صباح الخير ياما
بهيئه بقوه :صباح النور يا ولدي
ثم نظرات بتساؤل وهي تقول: ايه اللي حصل امبارح مع شيخ البلد والعمده فقعدت الصلح اللي كانوا عاملينها
نظر لها رحيم بسخريه وهو يقول: على اساس انك مش عارفه يا حاجه يعني انتي عايزه تجوليلي ان يونس ود اخوكي ماجلكيش
بهيئه بقوه :وانت ايه ردك موافق ولا لع
تحدث رحيم بابتسامه وهو يقول: والله يا اما انا مستني كبير الحوامديه يجيب العروسه مجابش العروسه ف خلال الوقت المطلوب يبقى خلاص الموضوع يتلغي من اساسه
نظرت له بهيئه بقوه وهي تقول :هو مين جال ان الموضوع يتلغى لو كبير الحوامديه مجابش عروسه انا عندي عروسه
نظر لها رحيم بسخريه وهو يقول :ليه ياما هو انتي عندك ليا طار ايك طب انا هتجوز عشان الطار هتجوز اللي انتي هتجيبها ليه
نظرات له بهيئه بقوه وهي تقول :هجوزك عشان الخلفه وعشان النسل
نظر لها رحيم بصدمه وكدا ان يتحدث
ولكن قطعها صوت نواره وهى تقول :خلفه ايه ياما
تحدثت بهيئه بقوه وهي تقول لها :بقى له خمس سنين متجوزك رحيم اني ما شفت لكى ضفر عيل اللي يتجوز جابلك جابوا بدل العيل اتنين واللي اتجوز بعدك جابوا بدل العيل اثنين وانتي حتى ماجبتيش عيل و لا حته سجطتي وانا مش هافضل مستنياك لما تحبلي انا عاوز اشوف نسل لولدي ادامي
تحدث رحيم بقوه :لا يا ماما انت لو عاوزاني اتجوز عشان كده يبقى لا انا مش هتجوز عشان اجيب عيل انا لو هتجوز بت الحوامديه عشان الدم ميكترش لكن انا لو عليا انا عندي نواره بالدنيا وما فيها
ردت بهيئه بقوه : لو انت بتحب نواره قراط انا عحبك 24 و لو انت عندك نواره بالدنيا وما فيها انا عندي اي اشفلك عيل بالدنيا وما فيها وانا من حقي اشوفلك عيل قبل ما اموت
رحيم بقوه: يا اما نواره معندهاش مشكله في الخلفه رحنا بدل الدكتور 10 وجالوا ان هي كويسه وانا كويس يعني موضوع وجت بس مش اكثر
بهيئه بسخريه :وقت وقت يا ابو وقت بجالك خمس سنين متجوزها عاوز وقت اكثر من كده ايه ده انت قربت تتم الاربعين ولسه مفيش حدك لا يا عيال ثم نظرات الى نواره وهى تقول :وانت يا بتى انا مش هاقول ان انا عايزاه يحب واحده تانيه لا انا عايزه اجيب واحده للخلفه بس وانتي مراته وحبيبته وانا عارفه ان هو بيحبك وبيحطك فوق دماغه بس كمان انا من حجي اشوف عيل و لو انتي مكاني هتعمل اللي انا عايزه اعمله واكثر ما هو اعز الولد ولد الولد وانا عاوزه اشوف ضنا ابنى
تحرك رحيم وهو يمسك يد نواره الى الباب البيت دون ان يرد على امه وقف خارج المنزل وهو ينظر الى عيون نواره التي ترقرقت فيها دموع وهو يقول: اهدي نوره اهدي متخافيش
نواره بحزن: شكل موضوع الجواز بقى شيء اساسي يا رحيم وشكل حياتنا هيدخلها حد ثاني غيرنا حد ثاني ممكن ياخذك مني
رحيم بحب: عمر ما احد يقدر ياخذني منك انتي كل حاجه في حياتي يا نواره متخافيش وانا اوعدك ان طول ما انا موجود على وش الدنيا ديت محدش ثاني هيقدر ياخذ مكانك
قال ذلك وهو يضع قبله على راسه ويقول مع السلامه يا نواره
نواره بابتسامه مع السلامه يا رحيم
غدر رحيم المنزل لكي يذهب الى الاراضي الخاصه به وترك نواره تدخل الى القصر وهي تحاول انت تظبط نفسها ولا تغضب على حماتها لانها تعلم ان حماتها امراه قويه وصعبه الى حد كبير
🌺🌺🌺🌺🌺🌺🌺🌺🌺🌺🌺🌺
اما في شقه طارق كان يجلس محمدي ينتظر عوده ابنه بفارغ الصبر وهو ينظر الى تلك الفتاه بغضب فهي منذ ان اتي لا تكف عن الاسئله والحديث وانظر ايضا بغضب كبير الى ابنه الاوسط محمد الذي يتحدث معها بكل حب قطع كل ذلك دخول طارق وعلى وجهه ابتسامه سعيده وهو ينظر الى والده بفرحه وهو يقول: اهلا اهلا اهلا يا حاج محمدي
قال ذلك وهو ينحني على يد والده ويضع قبله عليها بعد الترحيب والسلام نظر الى جنه وهو يقول بقولك ايه يا جنخ اخرج يا حبيبتي اقعدي مع ماما بره
هزت جنه راسها و خرجت لكى تجلس مع امها اخذتها جانيت في حضنها وهي تنتظر خروج زوجها لكي تفهم ماذا يريد والد زوجها بعض مرور 10 دقائق صدح صوت طارق الغاضب وهو يقول :ايه اللي انت بتقوله ده يا بابا عاوزني اجوز بنتي لواحد عنده ليكم طار عاوز وبعدين انا اى دخلنى فى موضوع الطار ده وانا مالي ده انت اطردتيني من البلد وكنت هتقتلنى انا وامراته لما جتلك دلوقتي عاوزني اضحى ب بنتى عشان خاطركم انتم بتقولوا ايه
وقعت تلك الكلمه على اذن جانيت بصدمه كبيره حتى شعرت ان قلبها قد توقف الدقائق ولكن سمعت صوت محمدي وهو يقول
يتبع .....شاهد👈(الحلقه الثالثه والرابعه)
اكتب تعليق برايك هنا