عمي الفصل السادس عشر 16 والسابع عشر 17 بقلم ملك احمد
Part 16💜
فى الصباح
أميرة:اعاااااااا
سيف قام من النوم مفزوع
سيف بفزع:فى ايه
أميرة:انت ايه اللى جابك هنا ياض
سيف:يعنى انتى مصحيانى من النوم وكمان صاحية بتجعرى عشان تسألني انا ايه اللى جابنى هنا
سيف: ياشيخة حسبي الله ونعم الوكيل فيكى
أميرة:انت بتحسبن عليا يا ابن نهى
سيف:اه
نطيت من على السرير
أميرة وهى بتشرشح:لأااااااااا يا حبييييبى هوانت عشان اتجوزتنى تبهدلنىىى كددددددة لأ أنا هارجع بيت ابوياااا ده ايه المرمطة دى بيخرجونى عن شعورى وانا جوايا ست مؤدبة ده ايه الناس دشى
سيف:خلصتى
أميرة:اه
سيف:طيب
ونط من على السرير وشالنى ابن المجنونه
أميرة:اعاااااا ولااااا ابعد يالا
سيف: لأ
أميرة:وحياة امك نزلنى
سيف: ماشى
نزلنى وبدأ يقرب منى
أميرة:سيف متتهورش ابعد
سيف:تؤتؤ
ولسه بيقرب الباب خبط
أميرة:ياااس انا ربنا بيحبنى
سيف:مين الكلب اللى جاى دلوقتى ده
راح فتح الباب وانصدم
سيف:عمى
أميرة بهمس:كلب ها والله لا اروح أقوله
سيف: ابوس ايدك اكتمى
أميرة:ياجبان
محمد:عاملة ايه يا بنتى وحشتينى
حضنته
أميرة:وانت كمان يا بابا وحشتنى اوى اوى متسبنيش خدنى معاك
سيف:حاسبى ياخدك معاه فين يا ختى
محمد:انت عملت حاجه في البت ولا ايه
سيف:يعنى هاعمل فيها ايه بس يا عمى
نهى ومنى: لولولولولوللولى 🌸❤️ مبروك يا عرايس صباحية مباركه لولولولولوللولى 🌸❤️
منى:مبروك يا حبيبتي لولولولولوللولى 🌸❤️
أميرة: الله يبارك فيكى يا ماما
سيف:حماتشى بالحضن
منى: تعالى يا ولا
محمد:ايه يا ولية هتعملى ايه
منى:هاحضن الواد
محمد:انا هاحضنه بدالك تعال. يا خويا
أميرة:قشطة الحاج بيغير يا منمن
سيف:اتفضلوا يا جماعه مش هنتكلم على الباب
أميرة:انا هاروح اجبلكوا حاجة تشربوها
دخلت المطبخ وكنت بيجبلهم عصير
سيف:اساعدك فى حاجة يا عسل
أميرة بخضة: اعاااااااا أعوذ بالله هو الواحد لما يخش مش يكح يعطس حتى يموت يااخى خضتنى
سيف:هو انتى ماينفعش تبقى بنت شوية
أميرة:يعنى انت مش شايفنى بنت طب طلقنى
سيف:ا ايه اطلقك طب....ااا
نهى:ايه يا ولاد اتخرتوا كدة ليه
سيف:جايين اهو ياماما
نهى: ماشى يا بنى
سيف:لما يمشوا انا هوريكى
طلعت له لسانى
أميرة:موت يا حمار
سبته وهو كان هايموت من الغيظ
بصراحة أنا بحبه جداً وبحب انكشه دايماً والعبه بحس بمتعة نفسى انا وهو نسكن فى بيت صغنن فى
جزيره لوحدنا والعنب طالع وريحة البحر هافة على رأي سعاد حسني
أميرة: اتفضلو
نهى:تعالى يا اميرة نخش جوة عايزينك فى موضوع
أميرة: ماشى
دخلت اوضتى انا وامى واختى وحماتشى وسلوى
منى:قوليلى يا بت
أميرة:يابت
منى:هاجيب الشبشب
أميرة: خلاص أنا آسفة عايزين ايه
نعمة:قولى ايه حصل
أميرة:حصل فى ايه
نهى:يابت احكى حصل ايه امبارح
أميرة بكسوف:ايه لأ لا لا لأ ايه....هو اللى احكى اللى. .. حصل امبارح.....عيب ياجماعة
سلوى: مش عيب قولى بقى
أميرة: لأ
_______________________________________
آسر:مبروك يا عريث (عريس)
سيف بضحك:مبروك يا أخويا
عادل بهمس:ها عملت ايه
سيف:اكتم ياض
احمد: مبروك يا بنى
سيف: الله يبارك فيك يا بابا
احمد:شيد حيلك بقى عايز اشوف ولادك قبل ما اموت
سيف: بعد الشر عليك يا بابا وبعدين جو اشوف عيالك قبل ما اموت ده بلدى اوى
احمد: والله انت حلال فيك أميرة وعاميلها
سيف:على قلبي زى العسل
نهى:يالا بقى نمشي ونسيب العرايس لوحدهم شوية
آدم: لأ يا تيتة عايزين نعقد مع عمتو وجوثها(جوزها)
سيف:شطبنا ياحبيبى فوت علينا بكرة
نهى بضحك:ماشى
أميرة:يالا باى
وقفلنا الباب
سيف:اطلقك ها
أميرة:استهدى بالله ومضيعش نفسك عشان واحدة متخلفة
سيف:وهبلة كمان ياروحى
أميرة:وزبالة وكل حاجه كمان ابعد ياخويا
قام شلنى ودخل الأوضة
أميرة: بحبك
سيف:وانا كمان بحبك
____________________________________
منى'الولاد كان شكلهم حلو اوى
محمد:اه ربنا يتمم لهم على خير يا رب
منى:يارب وكمان نفرح بى نعمة وميادة
محمد:يارب
سلوى: احكيلي بقى ايه اللى حصل امبارح
نعمة: حاضر
Flash back
نعمة كانت ماشية فى خبطت في شخص
نعمة:انا آسفة والله مكنتش اقصد
على: لأ ولا يهمك انا على صاحب عادل اخو العروسه
نعمة:تشرفنا انا نعمة اخت العروسه
على:انتى اخت عادل
نعمة:اه .... مالك فى ايه
على:اصل مكنتش اعرف انك جميله كدة
نعمة:افندم
على:انا اسف انا مكنتش اقصد ادايقك
نعمة: بعد اذنك
على:شكلها ادايقت ولا ايه
نعمة خرجت برة القاعة عشان تشم هوا
على:ادايقك لو وقفت معاكى
نعمة:لا أبداً اتفضل.
على:احم انا اسف يعنى لو دايقتك بى كلامى جوة.
نعمة:ها لا أبداً مدايقتش
على:انا تشرفت بمعرفتك وان شاء الله اشوفك تانى
back
نعمة:يابت ده بنى آدم محترم ولذوذ وعسل ومؤدب أوى أوى
سلوى: خلاص يامة هى غمزت ولا ايه
نعمة: لأ طبعاً
خلصنا
التفاعل بعد اذنكم لأن التفاعل قل.... شكراً 💜
Malak Ahmed 🤟❤️
احببت ابن عمى
Part 17💜
فى الصباح
كنت بكلم نعمة فى التليفون
أميرة: اعاااااااا
نعمة: مالك يا مجنونه
أميرة:الحقينى الحقينى يا ختى
نعمة: فى ايه يا بت خضيتينى
أميرة:انا دلوقتي بعمل الاكل حلو
نعمة:حلو
أميرة:بس مش عارفة اعملوا حلو
نعمة:مش فاهمه حاجه يعنى عايزة منى ايه
أميرة: تيجى تساعدينى
نعمة:ماشى اقفلى
وقفلت
الباب بيخبط
نعمة خبطت على شقة سلوى
سلوى:خير يانعمة فى حاجة
نعمة: حالة طوارئ عند أميرة من الدرجة الأولى لازماً نلحقها
سلوى:تعالى يا ختى نساعدها
وهما طالعين لقوا ميادة طالعة على السلم
نعمة:فيكى الخير صحبتك بتولع جوة
ميادة:ايه هاتطلق
سلوى:ياشيخة تيفى من بوقك
ميادة: اتفوووووو
نعمة: على فكره هى قالت تيفى من بوقك مش تيفى فى وشنا
سلوى:ماعلينا يالا عند أميرة
نعمة:انا جبت معايا ميادة وسلوى وجينا
أميرة:ماشى يالا الحقونى
دخلوا المطبخ والتلاتة اول ما دخلوا شهقوا
لقوا المطبخ متبهدل وبايظ بلاش اشرح لكوا
نعمة:ده ايه ده ولا مين ده ولا اسمه اااااايه
أميرة:دى فراخ بس متجبسة
سلوى:وده
أميرة:ده رز
ميادة:طب ماهو شكله حلو اهو
أميرة:هو اه شكله حلو بس طعمه
التلاتة:ماااالو
أميرة:يقرف
سلوى:ليه
أميرة:اصلى حطيت سكر بدل الملح
ميادة:زى اسماعيل ياسين في الفيلم
أميرة:اه
نعمة:يا خيبتك ياختى ياخيبتك
أميرة: فى مشكلة اكبر
التلاتة:ااااايه تااااانى
أميرة:قالى انو جاى فى سكة وقدامه ربع ساعة
نعمة: لأ براافوا عليكى
سلوى:طب حوالى تخليه يتأخر اعملى اى حاجه عشان نلحق نظبط الدنيا
أميرة:حاولت ياختى على قد ماقدر لحد مازهق منى
ميادة:ده انتى مسبتيش فيلم ولا مسرحية غير واخدتى منها حاجات
الفراخ زى مسرحيه سمير غانم والسكر زى اسماعيل ياسين في الفيلم يعنى اعمل فيكى ايه
أميرة: معرفش بقى اتصرفوا لحسن والله اعيط
ولقينا الباب بيخبط
سلوى:اوبااااا
نعمة: حلاوتك
ميادة: قشطة
أميرة:حلاوة وقشطة ايه دلوقتي أعمل انا فى الراجل ده
سيف:هى أميرة فين يكونشى طفشت
طلع مفاتيحه وفتح الباب
سيف: أميرة يا مرمر يا ولية انتى فين
خرجنا من المطبخ
أميرة:انا هنا اهو يا حبيبي
نعمة: أهلاً يا عريس عامل ايه
سيف:كويس
ميادة:كنت فين لحد دلوقتي يا بيه
سيف: ميادة حبيبتي ابعدى عن البت متبوظيهاش عشان مبوظش وشك فاهمه
ميادة:عيب عليك هو انا بتاعة الكلام ده
سيف: أبداً
سلوى:احم مش نسيب العرسان لوحدهم بقى
نعمة:اه يالا سلام يا أميرة
أميرة بهمس:ابوس ايدك متسبنيش لأ الولا هاينفخنى
نعمة: متخافيش ياحبيبتي يالا سلام
أميرة: سلام
أميرة:٥دقايق والأكل هيبقى جاهز
سيف:ماشى يا حبيبتي
بعد شويه
أميرة:يالا يا حبيبي الاكل جاهز
سيف:ماشى ياروحى
(ياختشى ايه المحن ده دى الواحدة مرارتها اتفقعت مش عاملين اعتبار للسناجل)
سيف:هو ايه ده
أميرة بخوف:دى دى دى فراخ .....اه فراخ
سيف:فراخ
أميرة:اه كل يالا
سيف:حاضر
أميرة:ها الاكل حلو
سيف بقرف:امممم
أميرة:بقول الاكل حلو
سيف:اه اه ياحبيبتى
أميرة:طب كمل أكلك
سيف:ها.
أميرة:كمل أكلك
سيف:حاضر ......انتى مش هاتكلى
أميرة:ها لأ مليش نفس
سيف: لأ مش قادر.......
وجرى على الحمام
أميرة:انا طلبت اكل من برة
سيف:ماشى
____________________________________
بعد اسبوع
أميرة: بيبي
سيف:انا بيجيلى تشاؤم من الكلمة دى
سيف:نعم
أميرة:هوانت ليه مش بتخونى
سيف بصدمة:نعم ليه مش بخونك
أميرة:ماكل الرجالة بتخون مراتتها صح....صح
سيف:يا حبيبتي ماشى بس الخيانة مش بتبقى بعد اسبوعين جواز
أميرة:نعم يا عمرررر يعنى انت عايز تخونى
سيف: لأ طبعاً بس عشان انتى هبلة فالازماً اكلمك بنفس مستوى تفكيرك
أميرة:عارف ياض لو لقيتك بتخونى هاعمل فيك ايه
سيف:ايه
أميرة: عادى خالص هاقتلك وهاقتلها وهاقتل نفسى عشان مرحمكش ولا دنيا ولا آخرة
سيف:يا عبيطة انا مش هاعرف اخونك لأنك حياتى روحى وكمان انا لو لفيت مش هالاقى وحدة زيك انتى حاجة كدة ملكيش مثيل مافيش منك اتنين فاهمة وهافضل احبك طول عمرى
حضنته
أميرة:وانا كمان بحبك وعمرى ماهبطل احبك لانك برضوا حياتى وكل حاجه انت أبويا واخويا وابنى وصديقى انت كل حاجة
_________&&_______________________
بعد ٣ شهور
كنت قاعدة انا وميادة ونعمة فى البيت
أميرة بوجع:ااااه
ميادة: مالك يا أميرة
أميرة:مش عارفة بس بيجيلى مغص كدة كل شوية
نعمة:طب هو الدوخة والصداع لسة بيجولك
أميرة:ااااااه مش قادره
وجريت على الحمام
نعمة بقلق:أميرة افتحى يااميرة
أميرة بعياط:بطنى بتوجعنى اوى
بعد شويه خرجت
ميادة:خير بقيتى كويسة
أميرة:اه شوية
نعمة:انا هاروح اعملك حاجة دافية تشربيها
أميرة:ماشى
ميادة:على فكره لازماً تروحى عند الدكتورة
أميرة: لأ دكتورة ايه انا أن شاء الله هابقى كويسة
نعمة: اتفضلى
أميرة: شكراً اااااا وأغمى عليا
نعمة: أميرة
ميادة: أميرة فوقى هاتى مية بسرعة
نعمة:طيب طيب
نعمة:اهى
ميادة:يالا فوقى بقى
نعمة:اهى فاقت
ميادة: الحمد لله
نعمة: لازماً ناخدك عند الدكتورة بسرعة عشان نعرف عندك ايه
أميرة بتعب:ماشى
___________________________________
الدكتورة: اتفضلى بتشتكى من ايه
أميرة: بيجيلى مغص كدة فى بطنى وعلى طول عندى صداع وحاسة بدوخة
الدكتورة:امممم طب اتفضلى اقعدى هنا عشان اكشف عليكى
أميرة:ماشى
بعد شويه
نعمة:ها يا دكتوره عندها ايه
الدكتورة: مبروك المدام حامل
أميرة: وحياة امك
الدكتورة:افندم
ميادة:معلش يا دكتورة هى متقصدش
الدكتورة:ماشى
نعمة:احنا متشكرين جدا يا دكتوره
خرجت من عندها وانا مش مصدقه نفسي ومش مصدقة أن انا هابقى حامل كنت فرحانه اوي اوى اوى ومش عارفه اعمل ايه وبفكر فى رد فعل سيف هيبقى عامل ازاي
خلصنا
اكتب تعليق برايك هنا