روايه احببت ميكانيكيا الفصل الثالث 3والاخير بقلم مريم سرور

أخر الاخبار

روايه احببت ميكانيكيا الفصل الثالث 3والاخير بقلم مريم سرور

روايه احببت ميكانيكيا الفصل الثالث 3والاخير بقلم مريم سرور

 روايه احببت ميكانيكيا الفصل الثالث 3والاخير بقلم مريم سرور 

الجزء الثالث 
اتخضيت لما لقيتها بتتنفس بصعوبه ..كانها مش بتتنفس مسكت وشها ...اعمل ايه ؟
حاولت اشيلها بايد واحده معرفتش ...بس انا لازم اتصرف ممكن تموت مني ..
مكنش قدامي غير اني اتصل علي مامتها تيجي تلحقني ...مامتها جت وجابت اخوها بس لقيتهم بيتعاملو ببرود واعطوها دوا وفاقت 
لقيت اخوها بيقولي:هي عندها ربو بس لما بتعيط كتير بياثر علي تنفسها ...
بصيت عليها مكننش بتبصلي كانت بتعيط بس 
مامتها بصتلها وحضنتها وقالت ..حبيبتي اللي حصل ده غصب عن اكرم هو كان هيعرف منين انهم هييجو!؟

بعد ما روحو فضلت قاعده علي الكنبه بتعيط 
بصتلها بهدوء:فلك انا اسف ..انا مكنتش اقصد اجيب اسمها في الحوار ...انا كنت بفكر في الاذيه اللي اذتها ليا انا عمري ما احب حد اهانني وقلل مني ...صدقيني يا فلك 
بصيت في عنيها كانها كانت بتقول :صعب عليا انا كمان كست الاقيك بتقول اسم واحده تانيه!

قالت لي:خلاص مش مشكله ..سامحتك 

بصيت لها وابتسمت :بجد ؟!
اه والله 
قولتلها ممكن نبدا حياتنا سوا نتصالح وبلاش نوش بينا 
بصت لي وضحكت وقالت:اشطا يا كبير 
الاه الاه 
قعدت معاها شويه ..اه لسه محبتهاش بس بحترمها اصلا شخصييه كيوت وقمر وضحكتها حلوه وفيها حاجات كتير حلوه 

كل ده ومحبتهاش !!!

بعد ما نامت صليت ودعيت ربنا يهدينا لبعض ويرحمني وييسر حياتي ...
المفروض بعد اسبوع هركب طرف صناعي عشان لازم ارجع شغلي 
سمعت ان في اطراف صناعيه كانها ايد بالظبط ..اه الشغل هيبقي صعب بس اكل عيش بقا 

قررت اعاملها كاي زوجه هي ملهاش ذنب في اللي حصلي 
حطيت فطار ملوكي علي السرير
ودخلت ليها بصيت عليها وهي نايمه ..كانت حلوه اووي 
وفتحت الستاره في جو شاعري ورايح اصحيها بكل حب لقيت في صوت جعفري خررج وبيقول:الح*وان اللي بيصحيني يبطل عشان مكسرلوش دماغه ..

دقائق من الصمت ببص علي فلك او سوري جعفر باشا 
خدت الفطار بهدوء وخرجت واستنيت تصحي براحتها خرجت 
ولقيتها وبتقولي برقه :ازيك يا أكرم 
عندها انفصام باين لقت الفطار علي السفر فضحكت وقالت:عملت لينا فطار 
ضحكت جامد وقولتلها علي اللي حصل 
لقيتها اتكسفت وقالت:انا لما ببقي نايمه بقول كلام مش وعياه ... وانا مش بشتم في الحقيقه 

كنتي شبه جعفر ههه

بس يا ظريف 
هههههههه
علي فكره انت رخم 
بصيتله كان بيضحك جامد معقوله كان شكلي يضحك كده يلهوووب يعني من اول يوم عملت كده ربنا يستر 
ضحكت معاه انا فعلا ببقي نكته وانا لسه صاحيه ...ههههه 
فضلنا نضحك بصيتله :انت جميل اوووي يا أكرم علي فكره 

بصلي بدهشه :شكرا 
مسكت دراعه :لا بجد انت حلو اووي يا تري مامي كانت بترضعك ايه؟!؟
وشه كانه مش مصدقني انا عارفه انه عاني بسبب البهاق بس هو فعلا جميل 
بوست خده وقولت :انت اجمل راجل شوفته في حياتي 
بصلي بنظرة غريبه وراح حضني جامد وكان مبسوط اووي 

.......
بعد اسبوع روحنا نركبله طرف صناعي اللي كان غالي لانه من بره 
بعد ما ركب الطرف الصناعي بدا يروح الشغل تاني ...
كان واحشني اوووي بجد هييجي امتي ده 

فضلت مستنياه علي نار لغايه ما جه روحت جري وحضنته بس هو زقني 

بصتله باستغراب:في ايه؟

قالي بتوتر:ريحتي شحم استني استحمي وعشان موسخكيش 
ابتسمت بلين وحضنته جامد :ماله الشحم يا اكرم بعدين انا بحبك حتي لو بقيت اجرب ...
حضنتها بقوه :انتي اللي جميله اوووي يا فلك 
جهزتلي الحمام وساعدتني اغير لبسي كنت مركز اشوف هي قرفانه مني ولا لا بس كانت مبتسمه وعادي
فضلت افتكر الفرق بينها وبين سما ..
فاكر كويس لما رجعت في يوم وجيت احضنها قالتلي استحمي الاول بلاش قرف ريحتك هتخليني ارجع 
كل ما مدي بكتشف فرق بينهم 
كنت هنزل الشغل التاني لقيتها بتقولي:رايح فين؟!
قولتلها :عندي شغل في مكان تاني؟
مسكتني وقالت وهي بتدمع:ليه يا اكرم انا من الصبح لوحدي اقعد معايا شويه
لازم يا فلك معلش عشان المصاريف 
مصاريف ايه يا اكرم ؟! انت ماشاء الله شغلك بيجيب فلوس كويسه انت محتاج اكتر من كده!

مش انا بس عشان لما تطلبي حاجات تكفي الفلوس ما كانتش بتكفي س....

بصتلي وقالت:انا مش زيها مش هشتري ماركات وحاجات غاليه كده هعيش علي قدك ايه المشكله لما البس لبس عادي مقابل اني اشوفك ...انت اغلي من الماركات يا اكرم .
مش هنكر اني فرحت جامد ان حد اهتم بيا وابتسمت ايوه انا فرحان بجد فرحان عمر ما حد اهتم بيا كلمة(انت اغلي من الماركات) لازقه في دماغي 
قد يبدو الأمر بسيطا بس هو جميل 
قولتلها بحماس ومسكت ايديها :انا فرحان اووي بيكي 
قالتلي : وانا عايزاك علي طول فرحان 
بصتلها بهدوء:ننزل ناكل بره؟
بصتلي بحماس : طبق كشري حجم عائلي ليا وقصب الله 
حجم عائلي؟!!!!! هتاكلي حجم عائلي لوحدك!؟؟

مش فاهمه طمعان في الحجم العائلي بتاعي 
لا يستي بالهنا والشفا ..بس بعد حجم عائلي ..بتهيالي انا هشتغل تلات شغلانات 
ضحكت :خلاص يا سيدي هرضي بالجامبو 
اكرم ضحك جامد:ماشي يلا 
خرجنا قعدنا علي النيل اكلنا اكل بسيط وعصير قصب واصرت علي رايها حجم عائلي
بصبت لها وهي بتتفرج علي النيل 
فعلا بسيطه سما كانت بتجبرني اروح اماكن بدفع فيها مرتب شهر  وكانت بتتامر 
اكرم :فلك انا ...انا 
بصتلي بحماس :انت ايه؟!!
ضحكت وقولت:انا عايز اروح ههههه 
بصتلي بغضب:عيل بارد ..انا غلطانه اني ماشيه مع بني ادم شبهك 
مسكتها وضحكت:خلاص خلاص 
انا يا ستي بحبك ❤️
بصتلي بخبث:عارفه انك بتحبني 
...انا كمان بحبك 
وعارفه منين اني بحبك يا هانم 

ضحكت بخبث :في مره وانت نايم وتعبان كنت بتهلوس وبتقول :فلك متسبنيش انا بحبك ..خديني معاكي فلك عشان خاطري فلك 

اتحرجت :انا قولت كل ده ؟!!!
اها 
يكسفتك يا حازم 
ولايهمك كرومي 
كرومي؟!!!
روحنا البيت وكنت فرحان اووي مسكتها حضنتها جامد وهزتها جامد:انا مبسووووووط يا فلاااااك 
وداني يا اكرم في ايه ؟!
مبسوط مبسوط 
طب حاسب كده عاوزه انام ..
تؤ تؤ ده كان زمان انما دلوقتي في حاجات تانيه تتعمل 
بس بقاااا انا عايزه انام 
لا مش هتنامي 
كرومي 
قلبه 
(كفاية محن وقرف لحد كده) 

صحيت علي عياط فلك 
اتخضيت في ايه يا فلك انا زعلتك ؟!
اطلع بره وانت تشوف 
طلعت لقيت سما بره 
اتعصبت:ايه اللي جابك هنا اتفضلي بره 
لقيتها بتقولي :مالك يا اكرم كده تسلم علي مراتك!!!
مش مراتي مراتي تبقي فلك وبس اطلعي بره بدل ما اطلعك بالضرب 
هتضرب ست يا اكرم؟!
واموتك كمان يلا يا ست بره 

جاية اقولك حاجه واحده:وانت بتمضيي باوراق الطلاق خليتك تمضي علي وصل امامه بميت الف جنيه وقدامك من هنا للاسبوع الجاي تجبلي الفلوس سلام 
انهارت علي الارض ميت الف جنيه؟!!
انا محلمتش بالمبلغ ده حتي ؟!
يا اما اجبهم او اتسجن 
فلك حضنتني وهي بتعيط :هنعمل ايه ؟!
مش عارف ..مش عارف المبلغ كبير اووي 
قومت اصلي لربنا منا مليش غيره 
عيطت جامد وانا بصلي يارب انا مقدرش ادفع مبلغ زي ده يارب نجني يارب يارب انت القادر على كل شيء ...
فضلت قاعد بفكر اعمل ايه 
فلك حطت الغدا وقعدنا ناكل 
جالي اتصال رديت كان بلال :اكرم سما وهي مروحه عربيه خبطتها وولعت هي والعربيه 
.....
صحيح مش بحبها بس مش فرحان فيها 
.....
عدي فتره روحت البيت لقيت فلك لابسه فستان احمر ويتغمز لي 
في ايه انا خايف ؟!!
تعالي بس عندي مفاجاه 
ايه ؟!
انا هجيب لك عيل صغنون 
وتجيبي ليه مش فاهم
انت عبيط يا بني 
مش فاهم 
اهه انا حامل 
بصلي وهو بيستوعب :يعني ايه ؟
بصتله بغضب: يعني هتبقي اب يا متخلف 
بصلي بفرح وصدمه:قولي والله؟
ضحكت :اه والله مسكني وقال:انا فرحان اووي 
اكرم انت جول الاسكربت بتقولي انك فرحان اووي 

بحبك يا فلكي 
وانا بموت فيك يا كرومتي ❤️

تزوجت ميكانيكيا
Mariam soror❤️✨
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -