اسكربيت انساني الفصل الخامس 5 والاخير بقلم يارا عبدالسلام

أخر الاخبار

اسكربيت انساني الفصل الخامس 5 والاخير بقلم يارا عبدالسلام

 

اسكربيت انساني الفصل الخامس 5 بقلم يارا عبدالسلام

اسكربيت انساني الفصل الخامس 5 

#اسكريبت
#البارت_الخامس_والاخير
#انساني

مراد بتوتر:تتجوزيني يا ساره
ساره بتوتر:انا انا
مراد بمقاطعة:انا مش عاوز اسمع منك اي حاجه دلوقتي واى رد دلوقتي فكري براحتك وانا هستنى ردك ومن غير تسرع وعاوز اقولك حاجه انى بحبك جدا من اول يوم شوفتك فيه في الشركه بس للاسف انتى مكنتيش شايفاني لان زين كان محتل كل افكارك علشان كدا انا هسيبك على راحتك ..
يلا علشان اوصلك

مراد وصلها وهى كانت سرحانه الف سؤال وسؤال بيدور في بالها ..
لى حياتها مهدومه كدا لي!!!
لي بيحصل فيها كدا لي الغدر من اقرب الناس على قلبنا !
لي بنحب الشخص الغلط !
لي بنشوف اللي مش بيحبنا ومش بنشوف اللي بيحبنا!
لي احنا معدومين الكرامه كدا لي بنفضل نحب في شخص مش عاوزنا وفي الاخر يغدر بينا وبعد الغدر بتفضل مكانته محفوظه كدا!!

مراد وصلها وهى نزلت من العربيه من غير كلام 
طلعت البيت 

استمرت في شغلها وكانت بتتفادي تتكلم مع مراد أو تشوف زين مكنتش حمل اي مواجهه تاني مش عوزا تظلم مراد ومش عوزا ترجع لزين خوفا من انانيته وغدره ايوا هى بقت تخاف منه هى اصلا بتمثل انها قويه لكن هى من جواها ضعيفه ومش حمل كل اللي بيحصلها دا ...

زين كان بيحاول دائما يتكلم معاها علشان ترجعله لكن هى بتصده هى شافت منه غدر ووش تاني وخيانه وحاجات كتير مكنتش تتوقعها...
هى عارفه أن زين عاوز يرجع علشان الشركه تبقى ملكه هوا وبس..

مراد كان حزين لانه كان شايف زين وهوا بيحاول يقربلها وكمان بيحاول يبررلها كل اللي حصل وافتكر انها لسه بتحبه وهترجعله!!
فقرر أنه يسيب الشركه ويسافر....
لانه مش حمل أنه يشوفها معاه تاني ولا مع حد غيره ...

ساره بدأت تنسي زين وتشيله من قلبها !!
هوا كان في قلبها من البدايه اصلا!!

*انا خايفه اظلم مراد معايا انا بشوف دائما الحب في عنيه معقول انا هحبه!ولا هحب حبه!!تفرق!؟

في يوم ساره كانت راجعه من الشغل ...
الشغل اللي كانت بتحاول تطلع كل الطاقه السلبيه اللي جواها بيه تعبت من العالم اللي محاوطها حست أن طاقتها استنزفت لكن كل اللي هي بقت عارفاه انها استحاله ترجع لزين!!!
دخلت الشقه..
والصدمه انها لقت زين قاعد مع مامتها
اي اللي جابه!
طيب لي جاي !
معقول يكون عاوز يرجع !!
كرامتى مش هتستحمل اي اهانه تاني كفايه كدا!!
انا مستحيل ارجعله لانه انانى واستغلالي!!

ساره بعصبية:انت اي اللي جابك هنا انت شكلك غلطان في العنوان شقة السنيوره بتاعتك تحت مش هنا
زين :انا جاي لعمتى دا اولا ثانيا بقى ودا الأهم انى جايلك يا ساره علشان تسامحيني وترجعى انا خلاص سبتها اكتشفت انى بحبك انتى انا اسف على كل اللي حصل انا ندمان انا كنت متجاهل حبك ليا بس اسف انا مشيت ورا عقلي وفضلت اقنع نفسي انى مش بحبك لكن اكتشفت انى بحبك يا ساره ارجعيلي وصدقيني هنسيكي كل اللي فات بس ارجعى ..
ساره اتنهدت اول مره تحس انها مش ضعيفه قدام زين ولا نظرته ولا كلامه ولا حتى كلمه بحبك اللي كانت مستنياها سنين منه اللي شايفاه قدامها دا شخص مريض وبس..
ساره:برافو عليك يا زين انك سبتها بس انت متخيل انى زيها وهفرح انك رجعتلى!
تبقى غلطان يا زين مش كل المواقف اللي سهل فيها كلمه اسف مش كل حاجه بنسامح عليها بسهوله انا عوزا اقولك انك مش هتتغير يا زين علشان بكل بساطه انت انسان مريض واخدها لعبه انا أو بنت عمى عادي المهم أن زين بيه يبقى مبسوط المهم انو يبقى عايش مرتاح لكن مبيهموش كسر القلوب اللي بيكسرها بكلامه وافعاله مبيهموش اي حاجه غير أنه يكون مبسوط...
امشي يا زين انا استحاله ارجعلك لأن قلبي مبقاش يحبك وغير كدا مبقاش ليك ..ربنا يصلحلك حالك مع واحده تحبها بقلبك مش بعقلك يا زين ...ومتقلقش انا مش هاجي الشركه تاني وهستنى منك انك تديني حقى فيها فلوس وهبدا 
حياتي مع الشخص اللي يستاهل حبى وتضحيتي...
انا مش هقبل انى اكون تجربه في حياتك تاني يا زين 
انسانى يا زين انساني انا عمري مهرجعلك انا مكنتش ليك من البدايه اساسا ....
ربنا يسعدك مع واحده غيري ...
عن اذنك...

دخلت الاوضه بتاعتها وحست انها منتصره حست أن قلبها ارتاح وهى ارتاحت عموما...وان كل الكلام دا كان من قلبها وأنها فعلا قلبها مع حد تاني قلبها بقى مع مراد اللي بيحبها واللي بعد عنها علشان ميفرضش نفسه عليها لكن فعلا هى حست أنه هوا الشخص المناسب ليها ..
بيسمعلها وبيحس بيها حبها رغم عيوبها حبها رغم دبشها ولسانها الطويل ...
فعلا اللي بيحب بيشوف عيوب اللي بيحبه مميزات ...

ساره اتصلت بمراد 
رد عليها
ساره :مراد انا عوزا اقابلك
مراد:لي يا ساره في حاجه
_لما هقابلك هتعرف..
_تمام نتقابل فين
_في******

ساره لبست ونزلت تقابله وهي حاسه انها كانت مغفله السنين اللي فاتت دي كلها حقيقي مكنتش بتشوف الاهتمام اللي في عيون مراد ولا الاحتواء وكمان كانت دائما تجرحه وتقوله احنا صحاب وهوا كان راضي لحد اللحظه دى وهوا عارف انها بتحب زين!!

_ازيك يا ساره
_احم ازيك يا مراد عامل اي
_الحمد لله خير في اي
ساره بتوتر:انا عوزا اقولك انى موافقه
_على اي!؟
_على الجواز 
_اه 
_مالك انت مش فرحان!
_ساره انا قدمت استقالتي ومسافر بكرا الساعه ٧ لو فعلا عوزا تكملى معايا وفعلا موافقه على جوازنا فانا هستناكي
بكرا في المطار الساعه 7وليكي طبعا مطلق الحريه 
عن اذنك...

مراد قام وسابها هوا مش هيسمح لنفسه يكون لعبه في ايديها لانه عارف انها كانت بتحب زين ...

ساره روحت 
وكانت عينيها مليانه دموع اول مره تحس بالهزيمة هى حتى حست أن مراد مش واثق في كلامها علشان كدا قالها أنه مسافر وخيرها بين انها تعيش هنا او تسافر معاه وتكمل حياتها معاه 
اترمت في حضن امها بدموع امها طبطبت عليها 
_مالك يا ضنايا 
ساره حكتلها كل حاجه عن مراد لحد الكلام اللي قاله النهارده
_حقه يا بنتى اي حد في مكانه كان عمل كدا لانه شايف انك بتحبي زين وعاش معاكي كل التفاصيل
_لكن انا مبقتش احب زين أو حبي لزين مكنش حب اصلا كان اعجاب أو انبهار من الطفوله بس انا محبتهوش اول مره قلبي يوجعني كدا هوا انا اذيت مراد للدرجادي
_يبنتى انتى مكنش ليكي ذنب في كل اللي حصل دا كل دا نصيب ومتقدر اهم حاجه انك تاخدي خطوه وتنسي كل دا وتفكري في نفسك بعد كدا ...
_حاضر
_ربنا يسعدك يا بنتى ويريح بالك

تاني يوم مراد جهز شنطته وراح المطار 
وقف قدام المطار واستنى وبص حواليه كتير 
حس أن قلبه بيوجعه
*للدرجادي انا مش فارق معاها ومش عوزاني!!
تتنهد بتعب ولسه هيدخل
_مراد
حس أن قلبه رجع ودقاته رجعت
بص لمصدر الصوت علشان يصدق يعنيه
_انتى هنا
ساره قربت منه بابتسامه
_ايوا هنا انا هسافر معاك 
_مش خايفه!
_من اي
_اخذلك مثلا او اضحك عليكي أو....
ساره حطت ايديها علي بقه:اللي بيحب مش بيأذي وانا شايفه الحب في عنيك وكمان انت عارف يسطا انى مش بخاف دانا ساره برضو
_اممممم المصيبه انى عارف كل حاجه وبحبك برضو
_وانا كمان
_انتى كمان اي
_بحبك
_قولتى اي؟
_بحباااااااك 
_خلاص المطار كله بص علينا
_انت عاوزني أعلى صوتي اكتر
_لا خلاص انا اسف يلابينا
_استنى
ساره بصتله بدموع:مش هتخذلني صح
_ابدا
_مش هتضحك عليا وتاخدني بلاد برا تبيعني في سوق العبيد
_اي!؟
_بتحبني
_بحبك
_قولها تاني
_بحباااك يا مجنونه ...
_المأذون يا رجاله

*اليوم سأكتب سطوري الاولى في قصة عشق لا تنتهى✍️
*مش كل اللي بنحبه بيبقى لينا اوقات بنكتشف أننا اختارنا الشخص الغلط من البدايه لكن بيكون بعد فوات الاوان✨✨
#يارا_عبد_السلام


تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -