روايه احببت ابن عمي الفصل العشرين و الحادي والعشرين بقلم ملك احمد

أخر الاخبار

روايه احببت ابن عمي الفصل العشرين و الحادي والعشرين بقلم ملك احمد

 روايه احببت ابن عمي الفصل العشرين

روايه احببت ابن عمي الفصل الحادي والعشرين 

روايه احببت ابن عمي الفصل العشرين و الحادي والعشرين بقلم ملك احمد

احببت إبن عمى
Part 20 💜
فى الصباح
أميرة:انت يالا اصحى احنا بقينا العصر
أميرة:ولا اصحى ....انت مت ولا ايه ...... الله يخربيتك خرتيت نايم على السرير..... ماشى انا هاعرف ازاى اصحيك
روحت جبت ازازة مية ساقعة وحطيت فيها تلج
أميرة:استنى اشرب الأول
أميرة:١...٢...٣.... استعانة على شقى بالله
وكبتها عليه
سيف:ااااااه.....يابت التيت ..... والمصحف يا اميرة لندمك على اللى انتى عملتيه ده
وطلعت اجرى
أميرة:استهدى بالله انا غلط عليا الحركة الكتير بلاش كدة
سيف بعصبية: ولما هو غلط يا جزمة بتعمليه ليه
أميرة:اهدى بقى متبقاش افوش كدة يا برنس
وبدأ يقرب منى
سيف بعصبية:أميرة متجننيش
أميرة: ياحبيبى انت مجنون على طول
راح مسكنى 
أميرة بتمثيل:ااااااااه
سيف بخوف: مالك يا أميرة ايه اللي حصل
أميرة:بطنى بتوجعنى اوى
سيف:بجد طب استنى
شلنى وقعدنى على الكنبة
سيف:اقعدى هنا ومتتحركيش
أميرة: شكراً يا حبيبي
سيف: بيبي بعد كدة لما تيجى تمثلى مثلى كويس يا جزمة
أميرة:ايه ده انت مصدقتش
سيف: لأ طبعاً عشان تمثيلك زبالة يا جزمه
أميرة:بأمانة
سيف: أيوة أمانة.......نتكلم جد بقى 
سيف:انتى معادك مع الدكتورة امتى
أميرة: النهاردة كمان ساعتين ونص
سيف: ماشى نلحق نلبس
أميرة:بقولك ايه ياض انى جلجانة
سيف:قلقانة ليه
أميرة:مش عارفه بس المشوار بتاع الدكتورة ده مخلينى قلقانة
سيف: لأ متخافيش هو عشان انتى هبلة وطيبة بس
أميرة:تصدق ياض انك خرتيت
سيف:بصى انا ولا هامد أيدى ولا هاشتم ولا هازعق......بس بعد ما تولدى
أميرة:مش يالا نلبس بقى قبل ما الولية تطردنا
سيف:ماشى
________________________________________
أميرة:ها يا دكتوره فيه حاجة
دكتوره: لأ الحمد لله صحة الجنين كويسة جدا
سيف:طب هو نقدر نعرف جنس المولود ايه
دكتوره: لأ مش دلوقتي يعنى كمان شهرين كدة بكتير
سيف: ماشى شكراً يا دكتوره
خرجنا من العيادة
سيف: الدكتورة دى قمر أوى بتكلم بذوق وآدب كدة عسولة خالص
أميرة بغيرة:لا اله الا الله يعنى اطلع اقتلها بقى دى ولا ايه
أميرة: أسمع يلا انت ماتجيش معايا عند رجل المعزة دى تانى فاهم
سيف بخوف: حاضر يسطا
أميرة:يالا بقى اعزمنى على حاجه أكلها
سيف: نعم اعزمك ......ماشى أمرى لله عايزة تروحى فين
أميرة:فى نو........
سيف: ماشى.... اتفضلى اقعدى فى العربية يا فندم
أميرة: شكراً سوق بقى بسويس بسويس
سيف:بسويس بسويس..... ماشى يا ختى
بعد شويه
سيف:ها يا ستى عايزه ايه
أميرة:لو سمحت 
الجرسون:أيوة يا فندم
أميرة:عندكوا بيتزا
الجرسون:اه يا فندم عندنا
اميرة: ماشى عايزة اتنين بالفراخ
الجرسون:تحبى يا فندم البيتزا تكون .... small.....madium..... large
أميرة:هاتلى اكبر واحدة....ماشى وعايزة تلاتة كريب ....وووواربعة شاورما فراخ وواحدة بيبسى كبيرة
أميرة:تاخد حاجه يا حبيبي
سيف:ها ولا حاجة مية مية لو سمحت
الجرسون بيبص لسيف بصدمة وبيقوله اجيب
سيف:روح جيب الحاجة
الجرسون بصدمة: حاضر
سيف:مشاء الله عليكى يا حبيبتي باين عليكي أن نفسك مسدودة
أميرة:اه والله يا حبيبي نفسي مسدودة خالص مش باكل كويس خالص 
سيف:اه ماهو باين
سيف بهمس:انا عملت ايه ياربى عشان يجرالى كل ده اكيد دى ذنوب اه ذنوب
الجرسون: اتفضلى يا فندم
_____________________________________
فى مكان تانى
او فى السجن
مايا:ها قولى بقيت الأخبار
حسن:انا برااقبوا هو ومراته بقالى ٣شهور مافيش جديد بس اااااا
مايا:بس ايه
حسن:احم البت حامل
مايا:ايه حامل.... لأ لأ متقولش كدة.....انا انا المفروض ابقى مكانها مش هى انا المفروض ابقى حامل مش هى المفروض تموت تموت لازماً اخلص منها
حسن:انتى لسه بتحبيه
مايا ساكتة ومش بترد بتعيط بس
حسن:ردى لسة بتحبيه
مايا بعياط: أيوة أيوة لسة بحبه ومش عارفه اكره ارتحت خلاص
حسن:ليه ليه بتحبيه عملك ايه يخليكى تحبيه بشكل ده ومش قادرة تنسيه ....انا انا اللي بحبك مش هو شوفى انا بعمل ايه عشانك وهو بيعمل عشان يخلص منك وبعد كل ده لسة بتحبيه مع أنه سبب فى حبسك هنا
(نعرفكوا حسن مع سيف فى الكلية بيكره جداً عشان احسن واحد فى الجامعة وناجح واللى خلاه يكره اكتر مايا لأنه بيحبها اوى ولما عرف انها بتحبوا اوى لدرجة أنها فى لحظة كانت هاتضيع شرفها خلاه يكره اكتر ويتمنالوا الآذية+)
مايا بعياط: بس بس بس......اسكت خالص مش عايزه اتكلم فى الموضوع ده اهم حاجه دلوقتى هى البت اللى متجوزها لازماً تموت هى واللى فى بطنها....فاهم
لازم تخلص منها ياحسن
حسن بوجع: حاضر يا مايا..... اوعدك انى هاخلص منها فى أقرب وقت
Part 21💜
بعد شهرين
سيف:يالا يا أميرة هانتأخر على الدكتور
أميرة: حاضر يا حبيبي اهو ٥دقايق
سيف: اعتقد انك قولتى ٥دقايق دى من ساعة ولا انا بيتهيألى
أميرة بضيق:اعمل ايه الهدوم مش داخلة فيا خالص مش عارفه اعمل ايه كل ما البس حاجة تتقطع
سيف:أيوة حبيبتي الكلام ده لما كنتى بتجيبى لبسك من محل الأطفال دلوقتى مقاساتك زى مقاس الفيل
أميرة بغيظ:طب يالا يالا بقى عشان الفيل خلقه دايق
سيف:قصدك زلومته دايقة
أميرة بغضب:على فكره بقى انت عيل مهزء وخرتيت وكلمة كمان ياسيف هازعلك
سيف:طيب ماشى يالا بقى عشان اتأخرنا
أميرة:يالا
______________________________________
أميرة:ها يا دكتوره البيبى صحته كويسة
الدكتورة:اه الحمد لله صحته كويسة
سيف:هو ولد ولا بنت
الدكتورة: لأ بنت
سيف بفرحة:ايه بنت بجد
أميرة: الحمد لله
الدكتورة:حتى بصوا دى رجليها ودى دماغها
أميرة:اه بص ياسيف
سيف:اه شكلها جميل اوى
الدكتورة:بس فراكة أوى وشقية
أميرة:شبه أبوها
سيف:قصدك ايه
أميرة:ياعم مش قصدى حاجة
الدكتورة بضحك:ربنا يخليكوا لبعض
سيف:يارب
سيف: شكراً شكراً ليكى يا دكتوره
الدكتورة: العفو على ايه ربنا يقومها بالسلامة يارب
سيف:يارب
نزلنا من عند الدكتورة واحنا مبسوطين جيداً
أميرة:شوفت شكلها كان حلو ازاى
سيف:اه
من بعيد فى عربية بتراقبهم من اول نزلوا من بيتهم
......:أيوة يا باشا أهم نزلوا
حسن:عايزك تاخد بالك ومتخليش حد يشوفك .....فاهم
......: متقلقش ياباشا العملية هاتخلص وهتبقى فى السليم
حسن:ماشى يالا
أميرة:هى العربية فين
سيف:هناك فى اخر الشارع
أميرة:ماشى
وأحنا ماشيين كان فى عربية ماشية بسرعة جنونية
سيف بزعيق: اميييييييرة حاااااااسبى
وخبطتنى العربية وجريت
سيف:لأاااااااااا أمييييييييرة لأاااااااه
كنت مرمية على الأرض والدم مغرق الدنيا وبينزل من كل حتة
سيف بزعيق:هاتوووووو الأسعااااف بسرعهههه
بعد شويه وصلوا الأسعاف والبوليس ونقلونى على المستشفى
ممرض بزعيق: افتحوا الطوارئ بسرعههههه حالة طوارئ يالا
الدكتور:لازما تدخل بسرعه العمليات يااالا جهزوا الأوضة
الممرضين: حاضر
بعد نص ساعة
وصلوا أهلى
منى بانهيار:بنتى بنتى فين....عملت فيها ايه قول(وفضلت تضرب فيه)
منى بعياط:قول احكى اعمل اى حاجة بنتى جرالها ايه
سيف بعصبية:معرفش معرفش....احنا كنا ماشيين وفجأة لقينا فى عربية خبطتها وجرت 
منى:ااااه يابنتى ااااه
محمد بحزن:أهدى اهدى يا منى ماينفعش كدة
منى بانهيار:أهدى اهدى ايه بنتى جوة بين الحياة والموت وتقولى اهدى انت ايه مابتحسش
نعمة بعياط: حرام والله اللى بيحصل ده مش بتلحق تتهنى بى حاجة
عادل حضنها
عادل بحزن:شششش اهدى يا حبيبتي خلاص هى أن شاء الله هاتكون كويسة
نهى بعياط:هى بقالها قد ايه جوة يابنى
سيف:ن..ن..نص ساعة
كانوا قاعدين في حالة من التوتر والقلق
ولقوا الممرضين بيخرجوا ويجروا
منى:هو فى ايه
نهى:مش عارفه....لو سمحتى هو فى ايه
الممرضه:الحالة اللى جوة بتموت ونبضات القلب مش مستقرة وكمان محتاجين نقل دم مش موجود هنا
منى بشقه:يالهوى بنتى اااااه بنتى
عادل:طب ايه هى عاينة الدم اللى مش موجوده
الممرضه:O-
عادل وسيف:دى فصيلة دمى
الممرضه:كويس لازماً حد فيكوا يجى معايا عشان اسحب منه الدم
عادل:انا اللى هاتبرع
سيف: لأ أنا
عادل: ماينفعش ياسيف انا اللى هات....(قاطعه سيف)
سيف بعصبية: بقولك انا اللى هاتبرع فاهم انا السبب فاهم.....وبدأ يعيط انا السبب انا السبب
سيف:يالا انا جاى معاكى
وبدأت تسحب له الدم
وبعد ساعة
خرج الدكتور
سيف بلهفة:دكتور خير ابوس ايدك طمنى
الدكتور: الحمد لله قدرنا نسيطر على الوضع هو فى كسر فى الرجل و
هى دلوقتى بخير بس هاتفوق كمان ساعتين
منى:طب الجنين اللى فى بطنها يادكتور كويس
الدكتور:للأسف الجنين مستحملش الخبطة ومات
سيف: لأااااااااا متقولش كدة
الدكتور:انا آسف مش بى أيدى
(سيف مسك الدكتور من هدومه)
سيف بعصبية:ازاااااى مش بى ايدك ها ازاااااى قوووولى
عادل: خلاص يا سيف سيبه هو ملوش ذنب
سيف:يعنى ايه ملوش ذنب بنتى تموت ويقول ملوش ذنب
محمد:بنتك 
سيف:اه بنتى كنا عند الدكتورة وقالت لنا أنها بنت
الدكتور:اهدى والحمد لله أن أمها لسة عايشة احمد ربك
سيف: الحمد لله... الحمد لله.... الحمد لله
بعد ساعتين
أميرة بتعب ووجع:اااااه ااااه سيف
سيف:ششش اهدى يا حبيبتي انا اهو جمبك
منى:حمدلله على سلامتك يا ضنايا
أميرة:اااه انا فين
نعمة:انتى فى المستشفى
أميرة: مستشفى......(وبعدين حطيت ايدى على بطنى)
أميرة:بنتى بنتى كويسة رد ياسيف
سيف لف وشه وعيط مش عارف يقول ايه
أميرة وعلى وشك العياط: لأ ياسيف لأ متقولش كدة...ماما ماما...ردى عليا بنتى جرالها ايه (بعدين زعقت)ماترودوااا
منى بعياط:بنتك...م....م..م...ماتت
أميرة بانهيار:لأاااااااااااا بنتى لأ حراااام بنتى لأ انتوا بتكدبوا عليا انتو كدابين (مسكت سيف وفضلت احرك فيه)
أميرة:قولى ياسيف قولى أن هما بيكدبوا قوووول ساكت ليه
نعمة طلعت تجرى عشان تنادى الدكتور
نعمة:يا دكتور يا دكتور يا دكتور
الدكتور: نعم فى ايه
نعمة: أميرة فاقت. منهارة اوى تعال. شوفها
الدكتور: حاضر..... وبعدين زعق يا ممرضات تعالوا بسرعة يالا
سيف: أهدى يا حبيبتي أهدى
أميرة:اهدى ايه انت اتجننت بنتى ماتت وتقولى اهدى
الدكتور:امسكوها
أميرة:ابعدوا عنى لأ حراااام ابعدوا عنى سيف قولهم يسبونى ياسيف
وبعدين الدكتور عطالى حقنة مهدئة.
الدكتور:أن شاء الله هاتبقى كويسة

     شاهد 👈 الفصل الثاني والعشرون و الثالث والعشرين

انا عارفه انها نكدية وانا نكدية اكتر منها انا المفروض والله امثل بدل نيللى كريم صح...قوله صح😂) (Malak Ahmed ❤️)
تعليقات
تعليق واحد
إرسال تعليق
  • غير معرف 1 يونيو 2022 في 4:03 م

    رغم انها نكدية بس حلوه بجد

    إرسال ردحذف



    وضع القراءة :
    حجم الخط
    +
    16
    -
    تباعد السطور
    +
    2
    -