روايه احمد وياسمين الفصل الخامس 5
الفصل5
ياسمين.طلقني يااحمد
احمد. مقد...قاطعته ياسمين قائله
ياسمين.بقولك طلقني ودا اخر كلام عندي ومتحاولش تبرر ولا تقنعني بحاجه لاني مصممه ع الطلاق ومفيش اطفال بينا عشان افكر ف موضوع الطلاق
احمد.ياسمين انا بح
ياسمين.من فضلك اخرج بقا وورقه طلاقي توصلي عند بابا اتفضل منغير مطرود
احمد.اسمعيني بس واديني اخر فرصه ارجوكي
ياسمين.اتفضل اخرج بره اخرج مش طايقه اسمع صوتك ولا طايقه وجودك
نهض احمد من ع المقعد واضع راسه ارضا يشعر بخيبه امل خرج من الغرفه ومن ثم المستشفي استقل سيارته وجلس يبكي بحرقه علي هذه الجوهره الثمينه الذي فقدها بغبائه ضرب المقود بيده بعنف استرجع راسه الي الخلف مستنده اعلي كرسي القياده يتذكر افعاله مع هذه الياسمين وكيف كانت تعامله انها تعامله بحب ولطف وملبيه جميع طلباته ورغباته رغم عدم اعتذاره لها مع كل مره اساء لها فيها بل كان يستمر ف عذابها معه
داخل المستشفي...دلف الطبيب المعالج لحاله ياسمين ليتابع حالتها الصحيه
الدكتور.ازيك يامدام ياسمين عامله ايه النهارده
ياسمين بتعب.الحمد لله يادكتور انا احسن من الاول
الدكتور وهو يفحصها بمساعده الممرضه التابعه له.تمام احنا بقينا زي الفل اهو ونقدر نخرج بكره من المستشفي
ياسمين.مينفعش النهارده يادكتور
الدكتور.ينفع بس بقول خلينا النهارده كمان زياده اطمئنان
ياسمين بتفهم.تمام اللي تشوفه يادكتور
خرج الدكتور ذهب له محمد
محمد.خير يادكتور طمنا
الدكتور.خير مدام ياسمين بقت كويسه هكتبله ع خروج بكره بس ارجو ان حساب المستشفي يكون اندفع
محمد.تمام يادكتور هنزل الحسابات ادفع كل المصاريف...بابا انا هنزل اشوف حساب المستشفي
الاب.ماشي ياابني
في غرفه ياسمين كانت شارده....فلاش باك
كانت ياسمين تهبط الدرج حتي قابلت امراه ف سن ال50من عمرها
ياسمين.ايه ده مش معقول طنط صباح
صباح.ياسمين حبيبتي وحشتيني قوي
ياسمين.انتي اكتر والله ياطنط بس اخص عليكي كده تسيبي شقتك وتمشي وتسيبينا
صباح.انا مبعتهاش انا سبتها لاحمد ابني يتجوز فيها بس قوليلي ايه الحلاوه دي كبرنا اهو وبقينا عرايس قمر لو الواد احمد ابني مكنش اتجوز العقربه مراته دي والله مكنت سيباكي لحد غيره بس هقول ايه وقعته ع بوزه يلا نصيبه وبخته المهبب
ياسمين بضحك.هو مش كان مسافر باين بيشتغل بره رجع امته
صباح.رجع من زمان خطبها وسافر ولما الشغل بتاعه وقف وحب ينزل يتجوز الهانم مكنش عاجبها الشقه بتاعته قال ايه صغيره فبدلت انا وهو هو جه ظبط شويه حاجات فيها واتجوز فيها وانا روحت شقته
ياسمين.معلش ياطنط انتي كده كنتي بتحافظي ع حياه ابنك بس انا مشفتهوش خالص انا حتي لوشوفته مش هعرفه لاني تقريبا مشفتهوش خالص
هبط الدرج شاب وسيم وقال
احمد.ازيك ياماما وحشتيني
انصدمت ياسمين من هذا الصوت وقالت لنفسها معقول اللي وداني سمعاه ده معقول يكون هو لا لا لا اكيد بيتهيقلي لا اكيد مش هو بس هي قالت انه اسمه احمد وهو قالي انه اسمه احمد يعني مفيش حد غيره ف الدنيا اسمه احمد هتلاقي حد غيره والرجاله كلهم صوتهم شبه بعضه يعني
صباح.اهو ياستي احمد ابني كنتي بتقولي مشوفتهوش قبل كده حظك بقا تشوفيه
كانت ياسمين قلقه من ان تستديرله ويصبح هو حقا من دق له قلبها من اول نظره فتنصدم استدارت ببطء حتي انصدمت انه هو حبيب قلبها ويالا الاسف انه متزوج من اردت ان اكمل معه حياتي متزوج من اخري يعشقها قلبه
احمد.انتي تاني ايه الصدف دي
صباح.انتو تعرفو بعض
احمد.ايوه قبلنا بعض كام مره وكل مره كنا بنخبط ف بعض ههههه مش عايز اقولك الشكل والموقف قد ايه مضحك ياماما بجد ههههه
صباح.دي ياسمين بنت عمك احمد اللي ساكن معاك هنا ف العماره
احمد.ايوه منا عارفها وكل مااجي اعرفها عليا مكنتش بتديني فرصه وتسيبني وتمشي
تقدم منها احمد ليصافحها.احمد.ازيك ياانسه ياسمين المره دي عرفتك عليا اهو
كانت ياسمين تقف ف صدمه ان الشخص الوحيد اللذي احبته وتمنته ان يكون لها زوج واب لاطفالها متزوج من اخري ولم تستطع ان تنطق بكلمه واحده
صباح.مالك يا ياسمين فيكي ايه
ياسمين.هاه لا مفيش بس راجعه من الكليه مصدعه ابي خلينا نشوفك ياطنط عشان انتي وحشانا قوي عن اذنكم انا بقا
صعدت ياسمين الدرج وهي تبكي بحرقه ع حبيب عمرها الذي دق له قلبها من اول نظره دلفت الي شقتهم ثم توجهت الي غرفتها مسرعه ولم تسمع امها حين قالت حمدالله ع سلامتك ياحبيبتي وغلقتها بلمفتاح وارتمت ع فراشها تبكي وجاءت امها خلفها لتفتح الباب لكنها وجدته مغلق بلمفتاح ظلت تنادي وتترك عليها ولم تجد اي رد
عوده من الفلاش باك...
ياسمين تذكرت هذا الموقف وظلت تبكي بحرقه
خارج الغرفه توجهه محمد الي والده
الاب.ها الفلوس اللي معاك كفت حساب المستشفي ولا اروح اجيبلك فلوس
محمد.انا مدفعتش اصلا حاجه يابابا
الاب.ليه يابني مش قلتلي انك معاك فلوس
محمد.ايوه فعلا معايا فلوس بس لما روحت الحسابات لقيت الحساب اندفع كله
الاب.اندفع طيب مين اللي دفعه
قاطعهم دخول احمد
احمد.انا ياعمي اللي دفعت حساب المستشفي لمراتي اللي هتفضل مراتي وهتكون ام عيالي اللي مش هقدر استغني عنها مهما حصل
محمد بعصبيه.انتا اتجننت اختي هنطلقها منك برضاك او غصب عنك فاهم
احمد.من فضلك ياعمي عايزك ع انفراض
محمد.اتكلم قدامنا كلنا هنا
احمد.بعد اذنك ياعمي تعالي ننزل انا وانتا الكافتريا نتكلم شويه
محمد بغضب.انتا مش بتسمع قاطعه الاب قائلا
الاب.خلاص يامحمد بقا الراجل اترجاني ميصحش اللي بتقوله ده عيب يلا يا ابني بينا ع الكافتريا
رايكم يهمني ياريت يبا فيه تفاعل وكومنتات عشان اكمل باقي الاجزاء
مشاهده 👈 الفصل السادس
اكتب تعليق برايك هنا