روايه شهد الفصل السابع عشر 17 بقلم يارا عبدالسلام

أخر الاخبار

روايه شهد الفصل السابع عشر 17 بقلم يارا عبدالسلام

 

روايه شهد الفصل السابع عشر 17 بقلم يارا عبدالسلام

روايه شهد الفصل السابع عشر 17 


#شهد
#البارت_السابع_عشر

اي فارس ماله 
في المستشفي!!
طيب طيب انا جاي حالا
بص لشهد اللي بصتله بترقب واستغراب:فارس ماله
معتز بقلق وتوتر:في المستشفي في اسكندريه لازم اروحله حالا
شهد بدموع:انا هاجى معاك 
معتز:ازاي 
_ارجوك يا معتز خدنى معاك اوعدك انى هنفذلك كل اللي انت عاوزه ارجوك خدني اتطمن عليه 
معتز بصلها بطريقة مبهمه وهز رأسه :ماشي هاخدك ومسيري اعرف الدموع دي اي سببها واي اللي عوزا توصليله بالظبط..
شهد بصتله وسكتت
وهوا مشي بالعربيه في طريقه للسفر لاسكندريه اللي هيتغير فيها حاجات كتير وهييجي وقت المواجهه..
شهد كانت ساكته طول الطريق دموعها نازله مش عارفه سببها مش عارفه هى عاوزة اي بتحب معتز ولا زكريات فارس وأيامه الحلوة ولا خايفه ولا اي!!!
تايهه حاسه ان اللي جاي اصعب من اللي فات و عمرها ما هتعرف تتخطى فارس ولا اللي بينهم ولا اللي حصلها بسببه بس هى خافت عليه لي مش عارفه؟!
بصت ناحية معتز اللي كانت ملامحه جديه جدا ومش بيتكلم ساكت مثبت عينيه على طريق كل اللي همه دلوقتي اخوه وبس اقرب شخص ليه، ولقلبه اصحاب رغم فرق السن بينهم، بيعتبره ابنه قبل اخوه
دموع شهد عرفته أنه عمرهم ما هيتخطوا اللي حصل بسهوله ولا اللي كان بينهم صعب يتجوزها وهى لسه قلبها مع اخوه قرر أنه هيبعد عنها ويخليها حره بعد ما يرجعوا من اسكندريه!!

عند بسمه 
كانت قاعده جنب فارس وبس بتتكلم معاه عن أحلامها وطموحتها وكان نفسها تطلع اي احيانا بتقول نكت واحيانا بتضحك واحيانا بتعيط ميكس غريب .
_اقولك سر
ابتسمت
_عارف لما بكون زهقانه ومكتئبه بروح فين
ههههه بروح اقعد في الدولاب وبقفل على نفسي واعيط واتكلم كل اللي جوايا ولما أهدى واروق بخرج منه
انا عارفه انك هتستغرب بس انا كدا هبله زي مانت بتقول 
عارف كنت دائما اتمنى أن قلبي يدق بحب شخص وللاسف دق بحبك انت مع انى عارفه أنه مينفعش وانك عمرك ما هتكون ليا انت مش بتحبني ولا هتبصلي انا عارفه 
انت دائما بتضايق منى بس والله انا دمى خفيف وبحبك اصحى وانا مش هخليك تضايق منى تاني شويه صغننه...

في الوقت دا وصل معتز وشهد 
سأل على الاوضه بتاعت فارس 
وصل الأوضه ووراه شهد اللي كانت تايهه مش عارفه مالها
معتز فتح الباب 
وشاف بسمه وهى قاعده قدام فارس وماسكه ايده
معتز:بسمه
رفعت راسها 
بسمه بدموع:معتز بيه قامت وقربت منه
انا معرفتش اساعده الدكتور قال أنه تعبان اوووي
معتز حط ايده على كتفها:طيب أهدى انا جيت وان شاء الله هيبقى كويس متخافيش
شهد بصت لبسمه باستغراب
مين البنت دي وتعرف معتز منين وقاعده جنب فارس لي ؟
معتز :احكيلي براحه اي اللي حصل
بسمه بدأت تحكيله اللي حصل معاها ومعاه والحاله اللي كان فيها..
شهد كانت بتسمع الكلام باستغراب ومش فاهمه حاجه 
معتز :طيب هوا فين الدكتور المشرف على حالته
بسمه قالتله على اسمه وراح يشوفه
شهد بصتلها :انتى تعرفي فارس منين 
بسمه:انا شغاله عنده في الشركه 
شهد:ااه ودا يخليكي تخافى عليه كدا
بسمه:ها
شهد قربت منها وطبطبت عليها بحنيه:انتى شكلك بتحبيه باين عليكي وعلى دموعك وتوترك
بسمه:انا...
شهد بمقاطعه:تعرفي انى كنت مراته وكنت حامل كمان وكان متجوز ومش معرفني. انا اتضايقت وتعبت وانهارت انا كنت متجوزاه في السر من ورا أهلى ،ولما كنت في عز انهياري ابويا ضربني ضرب عنيف أدى انى فقدت ابني ...كنت منهاره ميته وقلبي واجعنى من الحسره على نفسي وفارس سابني وطلقني...
اللي وقف جنبي هوا معتز وساعدنى كتير ووقف قدام أهلى ووقف جنبي ...
فعلشان كدا بقولك لو بتحبي فارس لازم تخليه يحبك الحب اللي يقدر يحميكي بيه مش يجرحك ويمرمطك بيه انا كنت ممكن اموت فيها لكن ربنا أراد انى اعيش ويعوضني..
بسمه:انتى بتقوليلي الكلام دا لى
شهد:انا كنت جايه وزعلانه عليه وبفتكر كل اللحظات اللي بينا لكن لما شوفتك وشوفت خوفك عليه وحبك ليه عرفت أن محدش هيقدر يغيره غيرك ...
انا مش شريره انا حاولت اخد حقى لكن معرفتش معتز اقوى منى وفارس قوي علشان معتز اخوه علشان كدا لو تقدري تخلى فارس يحبك الحب اللي يحميكي بيه خليكي جنبه واستمتعى بقربه لكن لو مقدرتيش انصحك تبعدي عنه لأنه مقدرش يحمى ابنه مش هيقدر يحميكي...
بسمه:خلصتى اللي عندك !افتكر انك كنتي مراته لكن متعرفيش اي حاجه عن اللي بيمر بيها فارس فارس قدام عينيه فقد اعز انسانه على قلبه ودا اللي خلاه بالوضع دا اظن أنه لو كان في حالته الطبيعيه كان قدر يحميكي وقدر يقف معاكى بس الواضح أنه محبتيهوش ولا عرفتي تحبيه اصلا مع أن فارس يتحب بكل حاجه فيه وانا هفضل جنبه ومش هتخلى عن حلم القرب ليه وانى اساعده يبقى احسن من الاول اعتقد دا الحب الحقيقي من وجهة نظري يا مدام شهد..
ومشيت من قدامها ورجعت مكانها قدام فارس ومسكت ايده تاني ودموعها نزلت على ايده اللي مسكاها
بدأ يحرك ايده ويحرك عينيه في جميع الاتجاهات فتح عينيه وبص على بسمه اللي ابتسمت اول ما شافته بيفتح
فارس بص حواليه:انا فين
بسمه بفرحه:انت في المستشفي انت بجد فقت
فارس هز رأسه بآه
_طيب انا مين
فارس انتى هبله !انتى بسمه يبنتى في اي انتى لسه هبله زي مانتى 
بسمه قامت من مكانها وزغرطت
_لولولولولولوى قالي بسمه قال انى بسمه جريت على شهد وحضنتها وقالت:قالي بسمه قالي بسمه
الدكتور جه بسمه قابلته بفرحه
_قال انى بسمه يا دكتور مغلطش فيا قال انى بسمه
معتز بصلها وضحك على جنانها
دخل وقرب من سرير اخوه وكانت شهد واقفه
_حمد الله على سلامتك يا فارس قلقتني عليك
فارس بصله ومش عارف يقول اي :الله يسلمك وبص لشهد :تعبت نفسك انت وخطيبتك وجيتو لي انا بقيت كويس ومفييش حاجه 
شهد:قلقتنا عليك يا فارس حمد الله على سلامتك
فارس هز راسه وبص لبسمه اللي بصت لشهد بغيره
_اي يا مجنونه سكتى لي
بسمه:اصلي فرحانه اووي انك صحيت مش عارف انا كنت من غيرك حاصلي اي
فارس بضحكه:اي دا هوا انتى عندك دموع زينا وبتعيطي كدا يا شيخه انا كنت ناسي انك بنى ادمه
بسمه:لا حاسب انا دموعى مش بتنزل الا على الغاليين يابا امال اي
فارس:ايوا قولتيلي انا بقى من الغاليين صح 
بسمه سكتت ومردتش
فارس:اي دا انتى طلعتى بتتكسفى كمان لا اله الا الله هوا انا كنت في غيبوبه ولا اي 
الدكتور:ايوا كنت في غيبوبه ومعجزه انك فقت دلوقتي لانك لو كنت عديت اليومين كنت ممكن تستمر معاك. سنين ومش هتفوق المفروض تشكر بسمه لأنها بقالها يومين جنبك ومسابتكش
فارس. يصلها وابتسم 
معتز:طيب هوا هيخرج امتى
_لو تحبو اكتبله خروج النهارده هوا كدا كدا بقى كويس متقلقوش
بسمه:الحمد لله أنك بقيت كويس 
فارس بصلها وسكت هوا سمع كل كلامها علشان كدا عافر أنه يفوق وينسى معاها كل حاجه!
شهد كانت واقفه قريبه من معتز للي كان تعبان وزعلان أن اخوه بعيد عنه ومش بيكلمه حست أنه مش كويس قربت منه ومسكت ايده يمكن تعرف تطمنه وتقوله انها جنبها ...
شهد مبقتش عارفه هى عوزا اي !لي قلبها وجعها على فارس !ولى بتطمن معتز وبتقوله انها جنبه!
فارس بص لايديهم اللي ماسكه بعض محسش أنه غيران ولا حس انها فرقاله هوا فعلا محبش شهد؟
بص لبسمه وحس أن قلبه دق دقة خفيفه فابتسم..
افتكر نور وقرر أنه يتغير علشان ميخسرهاش للمرة التانيه وهتبقى صعبه بالنسبه ليه ...

في البيت عند نيره
كانت قاعده في الاوضه وسرحانه في الي حصل وفي احمد اللي بتحبه ودائما بيجرحها واخر مره القلم اللي اداهولها
احمد خبط الباب عليها بتردد
نيره قامت وفتحت بصتله بغضب:نعم عاوز اي
_نيرة انا عاوز اتكلم معاكى شويه ممكن تسمعيني
_مبقاش في كلام بينا يا احمد وعن اذنك امشي بدل ما اقول لمعتز عالقلم اللي ضربتهولى
_انتى ازاي بتحاولى تكونى قويه وانتى عيونك بتقول غير دا 
_ازاي يعني
_يعنى عيونك بتقول انك بتحبيني لي بتهربي وبتبعدى
نيره بانهيار بعدت عن الباب:لو سمحت اتفضل انا مش عوزا اتكلم معاك 
_لا لازم نتكلم يا نيرة انا مستنى اللحظه دي انتى لى بتعملى كدا لى بتحسسيني انى مش فارق معاكى مع انك باين عليكي بتحبيني
عيونها لمعت بالدموع:وانت من امتى عندك قلب وبيحس بيا من امتى وانت انسان كدا
_انا خايف ترفضيني علشان فرق السن اللي بينا مش عاوز اغصبك
_انا خايف ترفضيني علشان فرق السن اللي بينا مش عاوز اغصبك على حاجه انتى مش عوزاها بس لما اتأكدت انك بتحبيني جتلك
_بعد اي بعد ما اهنتني وشكيت فيا بعد لما كنت كل يوم بنام معيطه بسببك وبسبب البنات اللي تعرفهم اللي تخرج معاها واللي تتمرقع عليك واللي تتصور معاها في امريكا مكنتش عامل حساب ليا ولا لقلبي لما انت بتحبني كنت بتعمل دا كله لي
_صدقيني كنت بحاول ابعد علشان مغصبش نفسي عليكي بحاول انسي أن قلبي دق ليكي ومقدرتش الغيره عمتنى خلتنى امد ايدي عليكي انا اسف اسف يا نيرة
_مبقاش يفيد الكلام انا كنت بستنى منك نظره واحده وانت بخلت عليا بيها ويوم ما كنت مقرره انى اعترفلك لقيتك بتكلم واحده بتتفق معاها على خروجه وسهره حلوة وانا قلبي بيتقطع هنا انت حياتك غير حياتى
_لا انتى حياتك هى حياتى وانتى ملكى يا نيره وانا بحبك ومش هسيبك الا لما توافقي وتبقى في حضني
مش هستسلم بسهوله يا نيرة مش هستسلم...
ومشي وسابها وهي وقفت مبتسمه:أن ما خليتك تلف حوالين نفسك مبقاش انا نيرة وفي الاخر هتجوزك ..

عند فارس 
كان خارج من المستشفى
حس بدوخه وبسمه حست بيه فقربت منه تسنده
فارس بص في عينيها وهى كمان 
القليل من الصمت مع الكثير من المشاعر ودقات القلوب تتعالى ونظرات العيون تتبادل هل من عشق جديد!هل من حب جديد!
قطع الصمت فارس وهوا يقول:تتجوزيني يا بسمه
            شاهد 👈 الفصل الثامن عشر 

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -