رواية خادمة الصقر الفصل الثالث عشر 13 بقلم يوستينا سامي

أخر الاخبار

رواية خادمة الصقر الفصل الثالث عشر 13 بقلم يوستينا سامي

 رواية خادمة الصقر الفصل 13



رواية خادمة الصقر الفصل الثالث عشر 13 بقلم يوستينا سامي

رواية خادمة الصقر الفصل الثالث عشر 13  

و طلع موبايله و رن علي نانسي/ لقيتها يا نانسي
و فاجأه و هو بيتكلم سمع صوت حد برا عند الباب 
تفتكروا ايه اللي هيحصل ..
#خادمة_الصقر
#يوستينا_سامي 
13 

جاسر اتر.عب اول ما حس ان باب الاوضه بيتفتح وما كانش عارف يعمل ايه بس فجاه لقه عساف واقف قدامه 

جاسر / ايه يا عساف ده وق.عت قل.بي بجد.. انت حمار يلاا 

عساف بحذ.ر / بس وطي صوتك و يلا بسرعه عشان انا شفت جدك وهو داخل البيت فممكن يطلع الدور ده في اي لحظه .... انت لقيت الورقه 

جاسر بخوف. / اه لاقيتها وقفلت الخزنه يلا بينا نخرج بسرعه قبل ما حد ياخد باله 

نزل جاسر العساف وخرجوا بره الدوار وجاسر كانت ايده لسه بتتر.عش من الخ.ضه ..

عساف بضحك. / مالك يا ابني ما تجمد شويه ما حصلش حاجه كل ده يعني ..و بعدين خوفك ده هيخليهم يشكوا فيك 

 جاسر / ما حصلش حاجه ده انا قل.بي 
هيقف انت مش حاسس بالي انا حسيته ، تخيل لو صقر دخل الاوضه عليا او كريم .. كان ايه اللي هيحصل .

عساف بخوف / تصدق بقى انه تخيل مخيف فعلا ..
تعالي علشان تسلم علي خالد..انت مسلمتش عليه 

جاسر / ما بلاش يا عم .. انا و هو مش بنطيق بعض اصلا 

عساف / بطل سماجة بقي و تعالي .

_____________________________________________

خالد كان واقف جمب صقر بيرحبوا بالناس .. 🧔

خالد بيكلم راجل عجوز / اهم حاجة يا حاج ان الاكل عجبك ،و تكون شبعت 

الراجل بيتكلم ببجئ/ ايوة شبعت بس هاخد معايا تاني علشان لو عوزت اكل ..علشان... علشان انا مش معايا حد في البيت 

خالد وطي و باس راسه بحب / عينيه ليك يا حبيبي .. و لو عوزت اي حاجة في اي وقت تعالي ليا علطول.

و سابه خالد بعد ما وصي عليه الغفر ..لكن صقر قرب من خالد و اتكلم بصوت واطي / ما كنتش اعرف ان انت عندك د.م و بتحس بالناس كدة .. غريبة اومال مش بتحس باخوك ليه ، بس عموما ما كانش فيه لازمه يعمل الشووو ده 
اوعي تنسى انك تبقى اخو العمده 

خالد ببرود / ليه هو العمده ما ينفعش يحترم و يتعاطف من الناس وبعدين يا اخي يخر.ب بيت دول خمس دقائق جيت فيهم قبلي الدنيا وبتذ.لني بهم

صقر بشماته/ لا الخمس دقائق دول فرقوا في حياتي كثير خلوني الكبير ، المسؤول عن كل حاجه العموديه والشركات و المصانع 
وخلوك انت شغال عندي شفت بقى الخمس دقائق اللي مش عاجبينك دول فرقوا ازاي

خالد ضحك جامد وبصله بغد.ر / بس ممكن كل الحاجات دي تبقى بتاعتي بعد خبر مو.تك مش كده برده يا صقر

صقر اتو.جع جدا من كلمه خالد وقال له / ورح.مه ابويا يا خالد ما هنولهالك ولو هر.مي فلوسي كلها في الشارع برضو مش هتطو.ل مليم مني الا بمزاجي

خالد / صدقني هطوول وهطول قوي كمان
 عارف يا صقر مره ابوك قال حاجه انا ما صدقتهاش

 قال لو انتم الاثنين وقفتم في نفس المكان ولابسين نفس اللبس وعمري ما هاعرف افرق بينكم الا لما ابص في عين كل واحد فيكم ... و كان بيعرفك من عينيك .. علشان من صغرك عينيك بجحة 

و سابه خالد و بعد عنه و صقر راح وقف جمب جده و بيرحب بالمعازيم ..

____________________________________________

في المطبخ في الدوار 🕍

قمر كانت بتساعد الستات في الطبيخ و نغم كمان 

نغم و هي ماسكة ضهرها بتع.ب / لا يا قمر كدة كتير اوي انا ضهري قفش و ربنا .. حاسة انه عايز يقولي كفاية يا بت الناس هو انا ناقص مرمطة 

قمر بضحك / لا ده انتي مش متعودة علي الطبخ خالص .. ده حتي الرز كان هيش.يط .. والله حرا.م عليكي 

نغم/ ما انا قلتلك يا بنتي انا بتوتر في العزومات لكن انا طباخه ماهره في الاكل بس العزمات الصغيره اللي بيننا وبين بعضينا حتى اسالي خالد عملتله حته مكرونه نجرسكو حلف بها 

قمر بضحك / مش عارفه ليه مش قادره اصدقك حاساكي اكذوبة عموما مش مشكله تعالي بس انت هنا قط.عي الخضار ده ...و الفاكهه اغسليها

نغم / حاضر ما انا ناقصه مرمطه ، عارفه يا بنت يا قمر اول ما شفتك امبارح افتكرتك شغا.له هنا بس النهارده لما جيتي تساعديهم في الطبيخ حسيتك ان انتي ليكي كلمة و حد مهم كدة

قمر فضلت تضحك جامد / لا يا نغم انتي ما غلطتيش في تحليلك بتاع اول مره انا فعلا شغا.له او بمعنى ثاني انا كنت خد.امه في فيلا صقر الحديدي . لحد ما في مره قال لامي انه مش عايز يشوفني ثاني في الفيلا. و اني امشي
 الكلام ده من سنتين تقريبا وفعلا رجعت الصعيد و اتخطبت كمان 

نغم / طب وصقر عمل كده ليه هو انت سر.قتي حاجه من الفيلا ، شوفي برغم ان ما فيش عمار بيني وما بين صقر ده الا ان هو احسن الوحشين يعني ربنا ما يوريك خالد ولا قلبته
السودة 

قمر بضحك/ سر..قت ايه يا زفته انتي ..اكيد لاا يعني 
و بعدين خالد ده ما كانش فيه اطيب منه والله لحد ما والده ما..ت .. و كل حاجة اتغيرت 

نغم/ واضح انك عارفة كل حاجة حصلت بينهم 
قوليلي بقي كل حاجة انتي عارفاها بس بالتفصيل الممل

_____________________________________________

كريم واقف مضايق بيحاول يكلم ياسمين بس هي مش بترد عليه..

خالد / مالك واقف كدة ليه لوحدك في حاجة حصلت 

كريم/ مضايق بس شوية ، ياسمين قافشة مني بسبب نغم . غيرانة منها و عمال اكلمها و هي مش راضية ترد عليها و بعدها عملتلي بلوك 

خالد /. نغم ليه يعني ، هو في حاجة بينك و بين نغم يا كريم 

كريم ابتسم و بص لخالد بمكر / و انت مالك وشك قلب ليه كدة ، سواء في حاجة بينا او لااا 

خالد بحرج / لا انت فهمت ايه .. انا نغم دي متفرقش معايا اطلاقا .و

و قطع كلام خالد قرب جاسر منه / ازيك يا خالد عامل ايه ، وقت ما وصلت ملقتكش موجود .. بس شوفتك دلوقتي و قولت لازم اجي اطمن عليك 

خالد / ما انا اول ما عرفت انك جاي مشيت من الدوار و لو كنت اقدر امشي من الصعيد كلها كنت عملت كدة ...و متمد.ش ايديك علشان مش هسلم عليك يا جاسر 

جاسر اتحرج جدا و مشي و سابه و كريم راح وراه 

عساف/ د.مك تقيل تقل يا خالد ، ده جاي يكلمك بنفسه يا اخي 

خالد / اللي يحط ايده في ايد صقر و يبقي بيحاول يكسر.ني و ينسي انه ابن عمي يبقي ميلزمنيش 
و اللي يحب.سني في المخزن برضو زي الكل.ب لوحدي 
 ميلزمنيش 

عساف / خالد هو عمل كدة علشان يفض بينكم.. بس جاسر صدقني بيحبك اوي ..و 

خالد سابه و مشي و هو كا.ره كل حاجة حواليه .

عساف بملل / ربنا يهديك يا خالد علشان قرفت اصلا 

 ويبوص علي موبايله اللي بيرن لقى رقم غريب 

عساف / ايه ده الرقم ده 
وقرر يرد / الو ايوه انا عساف مين معايا .... ايه 😱

تفتكروا مين كلمه ؟؟؟ 

______________________________________________

في المطبخ. .

نغم / ايه يا بنتي العكك ده انا ما فهمتش حاجه مين حب.س مين

قمر بعصبيه / لا واضح انك غب.يه فعلا زي ما صقر قالي عليكي افهمي خالد لما عرف اني صقر واقف ضده بعد مو.ت والده كان بيفكر يخل.ص عليه واللي حصل

و بدات قمر تفتكر ايه اللي حصل يومها 😱

فلاش باك 💫
في الفيلا 

قمر وكل الخدامين هناك كانوا سامعين صوتهم وهم بيتخا.نقوا وصقر بقوله بصوت عالي / انا هح.بسك زي الكل.ب في الس.جن علشان تقول حقي بالر.قبتي 

وبعدها سمعوا صوت ضر.ب وتك.سير وقمر كانت خائفه قوي على صقر ..

سماح بخوف. / ايه الصوت ده يا قمر.. هما بيتخا..نقوا ولا ايه ، انا لازم اطلع ليهم 

قمر مسك..تها بخوف / لا يا مدام سماح بلاش ، احسن يحصلك حاجة.. انا هنادي الامن برا يجي يفكوا بينهم 

في الوقت ده جاسر كان وصل الفيلا وقمر جريت عليه بخوف / الحق يا جاسر بيه خالد وصقر بيه بيتخا..نقوا فوق والموضوع شكله خط..ير ..

سماح بدموع / الح.قهم يا ابني الله يخليك. انا معنديش استعداد اخ.سر واحد فيهم 

جاسر / حاضر يا طنط ..ربنا يستر 

وفعلا طلع جاسر الاوضه وقمر حاولت تطلع وراءه عشان تطمن على صقر لكنها افاجئت بخالد وهو قاعد فو.ق صقر وبيحاول يخ.نقه ..

قمر و هي واقفة علي السلم بتعيط / لا صقر .. لاااااا 

جاسر بصدمة مس.ك ايديها / اهدي يا قمر .. انا هحاول اسي.طر علي خالد .. بس وطي صو.تك 

قمر قعدت علي ر.كبتها يتعيط علي صقر / بسرعة ده هيمو..ت في ايده .. ربنا يسامحك يا خالد 

و دخل جاسر حاول يبعد خالد عن صقر لكن خالد كان غض..به اتمل.كه جامد و صقر كان مش قادر يا..خد نفسه .. جاسر في اللحظة دي خب.ط خالد علي دماغه 

باااااااااااااااااااااك 😁💫

قمر فاقت من ذكرياتها علي صوت عياط نغم

قمر. / اي ده انتي بتعيطي كدة ليه .

نغم / اصل صعب عليا صقر اوي .. و صعبت عليا نفسي اكتر بصراحة لان خالد حاول يخنق.ني برضوو و كنت ممكن امو.ت 

قمر ضحكت / طب متخفيش هو مافيش حاجة. بينه و بينك علشان ياذ..يكي ممكن تكوني انتي استفز.تيه مش اكتر . اهدي بقي 

نغم بدموع / لا يا ستي انا عايزة امشي من هناا 
انا لسه عندي طموح و احلام .. اينعم مش هيتحققوا 
بس سيبوني احلمهم 

قمر ضحكت جامد و حضنت نغم/ و النبي انتي فاضية اوي .. اوعي من طريقي علشان انتي عطلتيني اوي 

_____________________________________

بره الدوار 🕍

.... نغم خرجت تتفرج على الوليمه وبالمره تكلم عزه عشان تطمئن على والدتها وكانت لابسه بنطلون وبلوزه كم ..

نغم / الوو يا عزة . و حشتيني اوي اوي بجد 
يا ريتك كنتي معايا .. انا وربنا بعاني هناا

عزة بقلق / اي ده يا بت مالك . انتي كويسة حد ضايقك 

نغم بهزار / لا مش مرتاحه والناس حواليا بتساعدني وبتحضر لي الاكل والفطار ...وقاعده في جناين و بلعب في المراجيح و بصحي براحتي 
مش مرتاحة يا عزة حاسة اني مرهقة 

عزة / وحياتك الحاجة .. انتي يا بت متصلة تفرسيني مش كدة ، طب غور.ي بقي يا نغم علشان لسه متخا..نقة النهاردة مع سالي و حلفت لو شفتها قدامي تاني لاحد..فها بطو..بة في نص دما...غها 

نغم / يا شيخه طب وحياه امك لتعمليها على الاقل لما خلصت منك ومنها في نفس الوقت

عايزه باستفزاز/ اضحكي اضحكي ما انا اصلي ناقصاكي ما هو كده في ناس تشتغل مع سالي وناس تشتغل مع صقر الحديدي وتقبض بالالوف كمان

نغم ضحكت بتريقة / والله في حاله اللي انا فيها دي يا عزه شكل الور.ثه هم اللي هيقبضوا مكاني اصلك مش عارفه انا فين انا في جوب الاسود

عزة / ايوه.. ايوه انت هتقوليلي ما انا عارفه انت بتحاولي تحوشي العين بتاعتي عنك وعن شغلك عموما ربنا يوفقك ..هااا يا نغم ربنا يوفقك انا مش باحسد.ك ولا باح.قد عليكي تماما و لا نفسي ابقي مكانك. 

نغم ضحكت/ الهي يا عزه يا بنت ام عزه اشوفك في نفس الموقف اللي انا فيه دلوقت و اشوف حب خالد و احترامه معاكي زي ما هو معايا بالضبط..
يلا بقي اقفلي سلام ..
         شاهد 👈 الفصل الرابع عشر 
   

            ( مدونه دار الروايه المصريه )
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -