رواية خادمة بقصر أبي الفصل 16
رواية خادمة بقصر أبي الفصل السادس عشر
شاهي: انا لازم اتغير و اللي هيغيرني هو عمران نتجوز و ابدأ معاه حياة جديدة بعيد عن دوشة العالم كله
بصت لـ صوته و قالت: أنا بحبك و محبتش حد غير يا عمران ولازم هنتجوز
خادمة بقصر أبي ١٦
جه معاد الحفلة و كل واحد منهم لية شعور مختلف عن التاني
فاطمة اللي خايفة من المواجهة دي و فتون اللي بتتصرف ببرود كأن مفيش حاجه حصلت
عمران اللي منتظر وصول فتون في أي وقت و متحمس جدا
سليم اللي عاوز يصلح كل حاجه بينه و بين فتون عشان خاطر الشغل
شاهي اللي فرحانة بوجود عمران و بتحاول تتخطي اللي حصل ليها
محمود اللي لسة مصمم على قراره و هو تربيه عيلتة من أول و جديد
و أخيراً سالم اللي بيفكر إزاي يرجع محمود تاني تحت طوعة و ميكسرش كلامة
فتون لبست و نازلة على السلم بثقة كانت لابسة دريس أسود و في وسطة شريط دهبي بيلمع و طرحة من نفس اللون
فاطمة: إنتي لسة مصممة برضوا نروح الحفلة دي يا فتون
فتون بإصرار: أيوة و دلوقتي مصممة اكتر يا أمي
فاطمة: أنا خايفة يا فتون
فتون مسكت ايديها و باست عليها و هي بتقول: طول ما أنا في ظهرك اوعي تقلقي يا أمي انتي فوق الكل يا ست الكل
فاطمة طبطبت عليها و قالت:- ربنا يديمك ليا يا بنتي
فتون مسكت ايديها و مشيت و هي في دماغها مليون حاجة و علامات تفسير لكل حاجة
وصلوا الحفلة أخيراً لقوا سليم بيستقبلهم على الباب سليم عليهم و فاطمة بقت تبصلهم بدموع محبوسة كان نفسها تاخده في حضنها هو اينعم مش ابنها بس هي اللي ربته قعدت ست سنين تربية
سليم بص لـ فاطمة و قال: هو انا مشوفتكيش قبل كدا
فاطمة لسة هترد فتون سبقتها و قالت: هتشوفها فين إحنا عمرنا كلة في اسكندرية
سليم دخلهم و دخل معاهم
عمران كان بيتكلم مع واحد أول ما لمح فتون سرح فيها و مبقاش سامع حاجة بقي يتحرك ناحيتها و مش شايف حاجه غيرها
شاهي لحظت حالتة و بصت علي اللي بيبص عليه لقيته بيبص على فتون الغيرة زادت في قلبها و هي راحة ناحيتهم و نسيت إن فتون لسة مخلصاها من مشكلة
عمران سلم عليها و هو بيقول: نورتي الحفلة آنسة فتون مش آنسة برضوا
فتون هزت رأسها بايجاب و قالت: الحفلة منوره بأهلها يا ريت يعني رجاء شخصي صوري ممنوع تنزل في مجلات أو صحف
شاهي سمعت آخر جملة و ابتسمت بخبث و هي يتقول: حلو أوي كدا و راحت ليهم و قالت: عمران أنت واقف هنا لية
عمران أول ما شافها نفخ بضيق و قال: برحب بـ ضيفة الشرف الآنسة فتون شريكتنا الجديدة
شاهي بغيظ: أهلا وسهلا
فاطمة شافت شاهي و طريقة لبسها زعلت جداً عليها و اتمنت لو كانت اخدتها مع فتون هي بنتها غصب عن الكل بنتها هي اللي مرضعاها
محمود كان بيرحب بالكل و سالم قاعد على الكرسي متابع الكل
سليم : اتفضلي معانا آنسة فتون تتعرفي على جدي سالم النمر صاحب كل حاجه
فتون هزت رأسها و ميلت على فاطمة و قالت: مش هتاخر تحبي تيجي معايا
فاطمة: لا أنا هقعد استريح هنا و شاورت على ترابيزة فاضية
فتون وصلتها الأول للترابيزة و راحت مع سليم تتعرف على سالم
سليم : جدي سليم النمر و دي الآنسة فتون يا جدي شريكتنا
سالم : أهلا وسهلا يا بنتي منورانا
فتون : البيوت منوره بأهلها سالم بيه
-------
فاطمة قاعدة متابعة فتون من مكانها لحد ما اتفاجئت بالايد اللي بتتمد ليها
رفعت عينها و اتقابلت مع عنية بعد سنين فرقة و عذاب عذاب لطرف كانت الدنيا كلها جاية عليه و طرف تاني معرفش قميتها غير بعد فراقها
محمود كان مبتسم الابتسامة اختفت من وشة و قال بهمس: فاطمة
فاطمة قامت وقفت قدامة ببرود و قالت: العنوان غلط حضرتك و لفت عشان تمشي لكنه كان أسرع منها و مسك ايديها
فاطمة بصتلة أوي و شدت ايديها منه بعنف و لسة هتتكلم لقت اللي جت وقفت معاهم
------ اذكروا الله
مني كانت واقفة مع واحدة من سيدات المجتمع الراقي و بتتكلم و تهزر معاها لحد ما لمحت محمود واقف مع واحدة و طول معاها و شافته مسك اديها اتعصبت و راحت عندهم جري
مني بصت على فاطمة بصدمة و قالت بهمس : فاطمة معقول بعد السنين دي كلها
بصت لمحمود و قالت: انتي هتشوهه سمعتي بوقوفك مع الخدامة دي
محمود مدهاش أي اهتمام خاص و لسة هيتكلم مع فاطمة فتون جت و قالت: بطوك واقفة عندك لية
محمود بصلها باستغراب بمعني مين دي
----- اذكروا الله
فتون كانت واقفة معاهم لحد ما لمحت والدتها في حصار فمستنش ثانية و راحت ليها فورا
محمود: انتي مين معقولة تكوني
قطع كلامهم صوت سليم و هو بيقول: نرحب يا جماعة بضيفة الشرف اللي الحافلة دي معمولة علشانها شريكتنا الجديدة الآنسة
يتبع. شاهد 👈 الفصل السابع عشر
شاهد 👈 جميع حلقات الرواية كامله هنا
قراءه ممتعه
اكتب تعليق برايك هنا