رواية غرام الأكابر الجزء الثالث الفصل السابع 7 بقلم منال عباس

أخر الاخبار

رواية غرام الأكابر الجزء الثالث الفصل السابع 7 بقلم منال عباس

 

رواية غرام الأكابر الجزء الثالث الفصل السابع 7 بقلم منال عباس

رواية غرام الأكابر الجزء الثالث الفصل السابع 7 

سما :تفتكر هيعرف يرسم ملامحه صح 
لؤى : اهى محاوله 
وجلسوا ينتظروا جميعا زياد وما أن انتهى 
وجدوا 
الجزء الثالث سكريبت 7 
عند سما ولؤى وهم فى انتظار ابنهم زياد فهو عنده موهبه الرسم ..حيث طلب منه لؤى رسم الشخص اللى كان هياخدهم من عند البيسين وما أن انتهى زياد ..
زياد : خلصت يا بابي 
جرى لؤى ليمسك الرسمه بسرعه ..ولكنه وجده 
رجل يلبس نضارة وماسك فلا تبدو له ملامح واضحه ....
سما : ايه دا ..ودا هنعرفه ازاى 
زياد : هو كان لابسك ماسك ومش باين منه حاجه يا مامى ...
لؤى : خلاص يا حبيبي..يلا قوم اجهز علشان تفطروا هنسافر بعد الضهر ..
سما : انت شايف ايه يا لؤى انا قلقانه اوووى
لؤى : كويس أننا فى إجازة من المدرسه خلى بالك وعينك ديما من الأولاد ...وعاصم قال هيتصرف .
سما بصوت مرتفع : كل حاجه عندك عاصم ...انا ماليش دعوة ب عاصم ..انت اللى جوزى ولازم تحمينا ...
نظر لها لؤى وتركها وخرج ...
سما بعتاب لنفسها : هو ايه اللى انا قولته دا ..
خرجت لتبحث عنه وجدته يحضر ملابسه فى الحقيبه ..
سما : لؤى 
لم يرد عليها 
سما : انا اسفه يا لؤى ..حقك عليا . بس انا من خوفى متوترة ..ارجوك ما تزعلش 
لؤى : تمام ..جهزى الشنط ليكى وللاولاد ..ثم تركها وخرج 
سما : لؤى انت رايح فين ..لم يرد عليها وخرج باتجاه الشاطئ 
بدأ لؤى بالتفكير فى حديث سما 
معقول يا سما بعد كل السنين دى مش شيفانى اد المسئوليه .وضرب الرمل بقدميه من شده غضبه ..

عند رامز 
رامز:  حبيبتى لو حابه نكمل هنا اسبوع شهر سنه براحتك احنا لسه عرسان ..ما تربطيش نفسك بيهم 
هند بابتسامه : اى مكان معاك يا رامز يبقي جنه ...
بس ما يصحش نعرف اللى حصل مع الاولاد ونسيبهم فى الظروف دى ..عموما الايام جايه كتير ونيجى وقت ما تحب 
رامز بحب : ربنا يكملك بعقلك حبيبتى

عند نورى 
رن هاتفها برقم سامر 
سامر : صباح احلى عيون فى الدنيا
نورى : صبا ح الخير ..شكلك بكاش اوووى 
سامر : فى واحده تقول لزوجها المستقبلى بكاش برضووو 
نورى. : هههههه ما هو انت مبالغ اوووى فى كلامك 
سامر : لا ابدا حبيبتى ..انتى فعلا عيونك تهبل ..
يلا اجهزى علشان هجيلك واستأذن اونكل ونخرج نتغدى برا ..
نورى : مش هينفع للاسف .
.سامر : ليه بس 
قصت عليه نورى ما حدث وأنهم سيغادرون جميعا بعد الضهر ...
سامر : الموضوع فعلا مش لذيذ ومقلق
طب خلاص هكلم بابا ونرجع احنا كمان 
ونتقابل هناك واخليها بقي عشا ..
نورى : تمام .يلا باى علشان اجهز شنطتى ..
سامر : خلى بالك من نفسك اموااااااااه 
نورى بخجل : سلام وأغلقت الهاتف..

عند عاصم 
خلاص جهزتى كل حاجه يا غرام 
غرام : ايوا حبيبي 
واسد وادهم طلعوا الشنط فى العربيه 
عاصم : تمام حبيبتى 
هتصل عليهم علشان نتحرك كلنا فى وقت واحد 
اتصل عاصم على الجميع ..للمغادرة 
وفعلا تحركت كل أسرة بسيارتها 
اما ادهم أخذ معه جده حكيم بسيارته 
حكيم : عارف انك كنت عايز نورين هى اللى تبقي معاك ..
ادهم : لا ازاى يا جدو حضرتك الخير والبركه ..
حكيم : عارف يا أدهم كأنى شايف عاصم امامى وهو صغير ..انت نسخه منه بالضبط 
ادهم : ربنا يخليك لينا يا جدووو الفضل لحضرتك فى كل حاجه..
حكيم : الفضل لله تعالى ..ثم ل والدتك يا أدهم 
غرام : بنت اصول وديما مجمعه العائله 
عايزك لما تكبروا تفضلوا متجمعين كدا ..ولاد الأكابر ما يتفرقوش ابدا مهما تغيرت الظروف ...
ادهم : اكيد يا جدو وحضرتك وبابا وماما رباتونا على كدا ..
عند غرام 
غرام : عاصم انت سايق بسرعه ليه 
عاصم : ولا سرعه ولا حاجه انتى اللى قلبك خفيف 
بتعملى كل حاجه يا غرام الا انك تسوقى ...
غرام : بخاف بجد يا عاصم بحس انى لو سوقت هدوس حد ...
تعالى بس يا غرام وانا جنبك اهوووو 
غرام : لا والله خايفه 
اسد : يا مامى انا بعرف اسوق..جربي بس 
ينزل عاصم من السيارة ويفتح الباب لغرام يلا انزلى 
هتسوقى يعنى هتسوقى 
تنزل غرام وتركب مكان القياده بخوف وتبدأ فى قياده السيارة 
عاصم : شوفتى أن خوفك ماكنش ليه اى لازمه ...
يلا زودى السرعه 
غرام : بلاش يا عاصم ..انا فعلا خايفه ..انت اللى ديما بتسوق ..بلاش انا ..
لينتبه عاصم بقدوم سيارة فى اتجاههم 
عاصم : حاسبي يا غرام العربيه جايه عليكى 
لتصتدم السيارة بالسيارة القادمه ....
لتصرخ غراااااام 
 أوقف عاصم  السيارة على جنب الطريق
عاصم : مالك حبيبتى فيكى ايه 
اسد : مالك يا مامى 
غرام وهى تبلع ريقها وتتنفس بصعوبه ..العربيه ..الحادثه ...
يحتضنها عاصم 
عاصم : أهدى يا غرام واضح انك كنتى بتحلمى 
تنظر غرام حولها وتجد عاصم هو الجالس بكرسي القياده ...
غرام : الحمد لله ..انتم كويسين ؟
عاصم : احنا بخير اطمنى ...واعطاها زجاجه الماء ..اشربي يا غرامى 
شكرته غرام .واستكمل عاصم طريقه وقاد السيارة 
سرحت غرام فى ذلك الحلم 
غرام فى نفسها : خير يارب 
مر الوقت ووصل أبطالنا إلى منازلهم
عند شمس 
يسندها باسم إلى حجرتهم فالسفر قد اجهدها 
شمس : تعبتك معايا يا باسم 
باسم : انتى روحى يا شمس ..وتعبك راحه حبيبتى 
هنزل اخلى الخدم يعملوا ليكى كوبايه لبن ..انتى محتاجه تغذيه ..اشربيها على ما الغدا يجهز 
شمس : بلاش اللبن والنبي 
ضحك باسم : كدا عرفت بدر بيهرب من اللبن ليه
عموما احلى حاجه فى بدر لما بيكون مع جدو مراد ..بيسمع الكلام ..
هنزل اشوفهم على ما تغيرى هدومك ....

         وصلت رغد 
وطلبت من بناتها تفريغ الحقائب
رغد : يلا انتم الاتنين النهارده على المطبخ نحضر الغدا 
نورى باستغراب : ليه بقي وفين الخدم 
رغد : انا وعندى 15 سنه كنت بعرف اعمل كل حاجه ..مش كفايه لما عريسك طلب قهوة ..ما شوفتيش نفسك كنتى عامله ازاى 
نورين : طب انا ادهم مش بيشرب قهوة 
رغد : ماليش فيه .شكلى دلعتكم ولازم كل دا يتعدل ..ومفيش زواج لأى واحده فيكم غير لما تتعلموا كل حاجه..
نورين وعلى ايه .يلا يا نورى بينا على المطبخ 
يوسف : الله عليكى يا رغد .عندك قدرة على انك تنفذى اللى عايزاه 
رغد : طبعا هو انا اى حد ... 

عند رامز 
يصل رامز وهند ومعهم حسناء وحسن 
حسن : الحمد لله اننا وصلنا بالسلامه 
أستاذنكم هنسافر النهارده انا وحسناء 
هند : احنا لسه راجعين من السفر وما ارتحتوش مستعجل ليه يا بابا
حسن : سيبينى على راحتى يا هند والحمد لله هنسافر وانا مطمن عليكى
ونظر إلى رامز 
حسن : خلى بالك منها يا ابنى 
رامز : دى فى عنيا يا عمى .. بس انا كمان رأيي من رأي هند ارتاحوا على الأقل النهارده 
حسناء : النهارده زى بكرة ..وانا الحقيقه مشتاقه ارجع البلد ..
ودع حسن وحسناء هند ورامز وسافروا إلى البلد ...
        عند هنا 
.........يتبع  شاهد 👈 الفصل الثامن
 

               ( مدونه دار الروايه المصريه )

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -