رواية قمري الفصل العاشر 10 والأخير بقلم ثقتي بربي تكفيني

أخر الاخبار

رواية قمري الفصل العاشر 10 والأخير بقلم ثقتي بربي تكفيني

رواية قمري الفصل العاشر 10 والأخير بقلم ثقتي بربي تكفيني

 رواية قمري الفصل العاشر 10 والأخير 


Part 10 "البارت الآخير"
قمر بصريخ:نوووووووح 
وفجاءه الشرطه دخلت وقبضت على كل الموجودين وفكت قمر وساعتها جريت على نوح 
قمر بعياط:نوح ي نوح انت كويس فوق ي حبيبى نوح انت كويس حقك عليا قوم عشان خاطرى قوم عشانى انا مليش حد غيرك دلوقتى انا بقيت لوحدى ومقدرش اعيش من غيرك
عربيه الإسعاف وصلت وخدت نوح نقلته المستشفى وقمر معاه ودخلوا اوضه ونيموه على السرير وهى قاعده جنبه مستنيه الدكتور يجى عشان يدخل العمليات 
قمر بعياط :نوح انت لازم تكون كويس عشانى انا مليش غيرك دلوقتى وعشان خاطر ابنك قوم احنا ملناش غيرك دلوقتي 
نوح بضحك:اى مبتبطليش عياط وجعتى قلبى وخدها ف حضنه اهدى خلاص انا كويس اهو 
قمر بصدمه وفرحه:انت عايش صح وفوقت كمان انت كويس 
نوح بضحك:لا بكلمك وانا ميت 
قمر بتذكر:انت تعبان بسبب الرصاصة اكيد ارتاح على ما اشوف دكتور 
نوح بضحك:لا هبله هبله يعنى هو انا لو الرصاصة دخلت فيا بجد هيكون فيا حيل اتكلم معاكى نص كلمه 


قمر:اه صح اومال انت ازاى بتتكلم والرصاصه دخلت فيك 
نوح:الجاكت ال كنت لبسه ضد الرصاص 
قمر بخوف:يعنى انت كويس مفيش اى حاجه تعباك 
نوح:متخافيش انا كويس وزى الفل اهو 
قمر بحزن:طب كويس كنت خايفه تروح منى خصوصا انى دلوقتي مليش غيرك انت وأحمد 
نوح بخوف لتكون عرفت:لى بتقولى كده كلنا جنبك انا واحمد و باباكى و
قمر قطعته:متكملش انا عارفه كل حاجه مش هتفضل مخبى عليا كتير 
نوح:بس 
قمر بعياط:لو سمحت متقطعنيش انا عارفه كل حاجه وعرفت انت عملت كل ده لى وحقك عليا انى ظلمتك بس انا فعلا مكنتش فاهمه ولحد دلوقتي مش مصدقه اى حاجه من ال بتحصل مش مصدقه انه طلع خطفنى وحرمنى من ابويا وأمى مش مصدقه ان طول السنين دى كنت مخدوعه صحيح كنت بستغرب من معاملتهم ليا وقسوتهم عليا بس برجع وبقول ف الاول والآخر دول أهلى وبالتاكيد بيعملوا كده عشانى وعشان مصلحتى بس انا دلوقتى عرفت معملتهم كانت بالطريقه دى معايا من الاول لى ربنا ما يسامحهم على وجع قلبى ال هم السبب فيه يارتنى كنت مت قبل ما اعرف اى حاجه ولا كنت حسيت بالوجع ال حساه دلوقتى وأخذت تعيط بشده 


نوح اخدها ف حضنه :خلاص اهدى والله لخدلك حقك منهم كلهم وهدور على اهلك لحد ما نلاقيهم انا معنديش أغلى منك ومقدرش اشوفك بالشكل ده لازم تكونى اقوى ولا اى ومهما حصل انا معاكى وهفضل جانبك وسندك 
قمر:بس انا ظلمتك كتير ولو فضلت معايا هتتعب وتتظلم اكتر لان انا دلوقتى مدمره وهتتعب معايا اوى 
نوح:ي ستى وانتى مالك هو انا اشتكيت هو انا اقدر على بعدك ي جميل 
قمر:تعرف ان انا بحبك اوى 
نوح:اعرف بس اعرف بردو ان انا بحبك اكتر 
قمر:ربنا يديمك ليا وميحرمنيش منك ابدا يارب 
نوح:ويديمك ليا ي قمرى 
نوح:اه صحيح مقولتليش عرفتى ازاى 
قمر:لما نزلت على السلم سمعتكوا 
نوح:اومال مقولتيش لى ساعتها 
قمر:كنت عايزه افكر مع نفسى واشوف هعمل اى او بمعنى اصح مكنتش مصدقه وكنت عايزه اتأكد بنفسى من كل حاجه 
نوح:واتأكدى 
قمر:اه 
نوح:ازاى بقا 
قمر:من أحمد 
نوح :هو أحمد كان يعرف انك عارفه 
قمر:ايوا 
نوح:اومال مقاليش لى 


قمر:عشان لما قالى على خطتكوا عشان تقبضوا عليهم متلبسين انا قولتلوا ميعرفكش انى عرفت عشان كنت ناويه ابعد عنك خالص بمعنى أصح اختفى من حياتك  عشان انت اتأذيت كتير بسببى بس لما لقيتك اضربت بالنار خوفت ومقدرتش انفذ خطتى ال كنت ناويها بس أحمد مقاليش انك هتيجى ولا قال انه هيضربك بالنار انا ساعتها مكنتش بتكلم عشان عارفه انه كله تمثيل بس لما ضربك  بالنار للحظه شكيت ان ده حقيقى وان أحمد باعنا فعلا وانك مت قدامى وبسببى عشان كده صرخت 
أحمد دخل رأسه بعد ما فتح الباب :بقا انا تشكى فيا دا احنا حتى اخوات ف الرضاعه 
قمر:ي سلام ما انت مقولتليش انك هتضربه بالنار وانه هيكون لابس جاكت ضد الرصاص 
أحمد:ي باشا كان لازم اعمل كده عشان انقذ الموقف 
قمر:موقف اى 
أحمد:لو نوح مكنش جه وكانت الشرطه قبضت على الكل ساعتها كان لازم يتقبض عليا عشان ال معايا ميشكوش ف حاجه قولت بالتأكيد انتى هتختفى وساعتها مش هنعرف نوصلك ف وانا بتفق مع نوح عرفته انه لازم يلبس جاكت ضد الرصاص عشان عارف انك استحاله يكون نوح مضروب قدامك بالرصاص وتمشى بالتأكيد هتفضلى معاه وعلى الاقل ساعتها هكون انا جيت 
نوح:حبيبى ي ابو نسب لاول مره تخلينى احبك من قلبى 
أحمد:يعنى انت قبل كده مكنتش بتحبنى 
نوح:ولا بطيقك حتى 
أحمد:والله دا انا لسه عامل معاك خدمه
نوح:اى ي ابو نسب بهزر مبتهزرش ولا اى ي عم 
أحمد:ايوا بان على حقيقتك 
نوح:اه صحيح نستنى أسألك اى ال حصل فيهم 
أحمد:قدمت التسجيلات ال معايا ضدهم وقبضوا على العصابه كلها 
نوح:طب وال كان المفروض ابوها والعريس اتقبض عليهم بردو 
أحمد:ي باشا بقولك كل ال كان مشارك ف الليله دى اتقبض عليه ومعتقدش ان حد فيهم يقدر يخرج منها بسبب ال كانوا بيعملوه قبل كده واخيرا نقدر نقول استريحنا منهم للأبد ومحدش يقدر يقرب من قمر تانى وتعيشوا حياتكوا بقا 
قمر :الحمدلله 


نوح :الحمدلله 
وأخذ يتذكر ما حدث عندما كلمه أحمد تانى يوم لما قمر اغمى عليها واتفقوا يتقابلوا بره بيت نوح عشان يشوفوا هيعملوا اى ويكونوا بعيد عن قمر ف نفس الوقت عشان متعرفش حاجه 
*فلاش باك *
أحمد:ها هنعمل اى معرفتش اسألك امبارح بسبب ال حصل 
نوح:بص احنا لازم نجيب حد ندخله وسطهم ويسجل كل ال هيعملوه بس لازم يطمنوله 
أحمد:ودى هنعملها ازاى 
نوح:ممكن ندخلك وسطهم 
أحمد:وده ازاى 
نوح:سهله كده كده ابو قمر عارف انك مبتحبنيش ف هتروحله عادى اكنك رايح زياره عادى وتسأله عن قمر بالتاكيد هيقولك انها اتخطفت تقوله مين ممكن يكون خطفها غير طليقها هيقولك ساعتها ان انا مخطفتهاش عشان انا بدور عليها هتقوله هتلاقيه بيضحك عليك بس انا هحاول أقرب منه عشان لو هو ال خطفها اعرف ساعتها هيوافق على طول عشان هو عايز يلاقيها ف أقرب وقت وبعد اسبوعين تقوله انك عرفت ان انا ال خطفتها فعلا وردتها ليا و عرفتها ان انا قايل لابوها انها معايا عشان نبعد عن الدوشه والخنقات وساعتها انت هتقوله ان انا قولتلك متعرفهوش بقا انا قولتلك عشان بثق فيك وكده وساعتها هيقولك لازم نروح نجبها منه بأى طريقه تقوله مش هنعرف عشان هو دلوقتى جوزها ومحدش له الحق يخدها منه بس انا عايز انتقم منه على ال بيعمله ده عايز انتقم منه بأى طريقه عايز أحرق قلبه واوجعه لازم تفهمه انك مش طايق تبص ف وشى وانك عايز تقتلنى لو تطول وخلى بالك لازم يأمنلك عشان الخطه تتنفذ صح ونعرف نوقعهم 


أحمد:وأنت اش ضمنك ان كلامك كله هيتنفذ مهو ممكن ميثقش فيا وممكن يشك 
نوح:اسمع منى بس انا اعرفه اكتر منك وعارف هو هيتصرف ازاى وهو غبى اساسا رغم المصايب ال بيعملها بس ممكن يقع بسهوله هو ميتخفش منه هو يتخاف من ال معاه عشان هما ال بيمشوه بالحرف اسمع منى بس ومش هتندم 
أحمد:طب نفترض ان كل ال قلته اتحقق ها هنعمل اى بعد ما يثق فيا 
نوح:لا احنا دورنا لحد هنا يكون انتهى هو دوره ال هيبدأ هو بعد ما يثق فيك هيقولك على موضوع قتل قمر خصوصا انك عايز تنتقم منى بس استحاله يقولهالك بطريقه مباشره يعنى قصدى استحاله يقولك اقتل اختك هو هيجبها بطريقه تنتقم منى انا عشان كده بقولك دورنا لحد هنا انتهى هنستنى نشوف هيقولك اى وبعد كده نظبط كل حاجه 
أحمد :ربنا يستر والخطه تظبط ان شاءالله 
نوح:متقلقش ان شاءالله كل حاجه هتتم بخير 
أحمد بخوف:اتمنى 
نوح :لو مش حابب تكون انت خصوصا انه عمك ف الموضوع لو هيكون جارح ليك بلاش وانا هعرف اتصرف 
أحمد :لا عمى اى بقا خلاص اذا كان عمى بيكرهنى وانا عمرى ما شوفت الباطل وسكت عنه وحقيقى انا بعد ما عرفت ال بيعملوه وانا بقيت بكرهه كره ميخلنيش طايق ابص ف وشه بس هعمل كل ده عشان قمر عشان هى ليها حق ولازم تخده 
نوح:صدقنى اقدر اقولك دلوقتى انى مش شايفك غير اخويا 
أحمد:انا شايفك اخويا من ساعه ما اتقدمت لقمر بس هى كانت بتحب تغيظك بيا عشان كده بقيت اتفق معاها عليك وكده انت فاهم اكيد 


نوح:صدقنى كنت بكون عايز اولع فيك 
أحمد:لا وعلى اى طلعت اخوها اهوه ولا تزعل 
نوح:ما هى مكنتش قايلالى 
أحمد:خلاص ي عم ميبقاش قلبك اسود 
نوح:سماح المره دى بس عشان خاطر قمر مش عشان خاطر حد تانى 
أحمد:ربنا يديمكوا لبعض وميحرمكوش من بعض ابدا يارب 
نوح:يارب ويديمك لينا يارب 
*وفعلا تمت الخطه زى ما نوح قال بالظبط واخيرا ابو قمر وثق ف أحمد ابن اخوه وقالوا على كل حاجه واحمد سجل كل كلمه قالها 
ابو قمر:انت متأكد ي أحمد انك عايز تنتقم من نوح 
أحمد:انت لسه بتسأل ي عمى دا انا نفسى اقتله واشرب من دمه 
أبو قمر:بأى طريقه كانت 
أحمد:بأى طريقه 
ابو قمر بغباء:بص احنا عايزين نجيب قمر بأى طريقه منه عشان نقتلها ونتاجر بأعضائها وهنكسب فلوس كتير من الموضوع ده ونلبسه هو الليله كلها وكده تكون انتقمت منه ولا حد هيعرف بال هيحصل 


أحمد بعصبيه:عايزنى اقتل اختى ال هى بنتك انا استحاله اوافق على حاجه زى دى وبعدين انا قولتلك عايز انتقم من نوح مش من اختى 
ابو قمر بسرعه:لا مقصدش زى ما انت فهمت كده انا استحاله اعمل كده ف بنتى هو انا كنت اتجننت عشان اعمل كده دا انا حتى لو اتجننت مش هعمل كده 
أحمد:ما كلامك ميتفهمش غير كده 
ابو قمر:انت ال بتفهم غلط 
أحمد:خلاص قول انت الصح 
ابو قمر : بص انت لازم تقول لنوح ان يجيب لقمرحاجه تكون معاها ف اى مكان تروحه عشان يعرف مكانها بسهوله وبعد كده انت هتعرفنا مكان نوح وقمر وهنخطف قمر وساعتها نوح لما يرجع البيت مش هيلاقيها هيتصل عليك على طول عشان انت الوحيد ال تعرف مكانهم ساعتها هتقوله ان انت عمال ترن عليه وهو مش بيرد وتقوله ان قمر اتخطفت وانهم هيقتلوها وهيتاجروا بأعضائها ولازم تلحقها وتقوله ان قمر ف أمانتك وساعتها هو هيجى يكتشف انك معانا اكيد هيتصدم وتقتل قمر قدامه ونخليه وهو ف صدمته يشيل الليله كلها 
أحمد:ما انت كده برضو هتقتل قمر 
ابو قمر:لا مش هنقتلها هنلبسها جاكت ضد الرصاص متخفش انت انا هظبط كل حاجه ملكش دعوه انت بحاجه 
أحمد:متأكد ان محدش هيشيلها غير نوح 
أبو قمر:ايوا 


أحمد:تمام 
وفعلا تمت خطه أبو قمر وأحمد زى ما قالوا وبردو خطه نوح وأحمد تمت زى ما خططوا بعد ما بلغوا البوليس كل حاجه وتم القبض على كل ال كان ليه يد ف الموضوع ده والحمدلله خلصوا منهم على خير
__________________________________________
قمر:مش انت كويس ما تيجى نروح بقا اى ال مقعدنا هنا 
نوح:عندك حق يلا 
وفعلا روحوا وأحمد روح معاهم 
نوح:اى 
أحمد:اى 
نوح:مش شايف واحد ومراته تعبانين وعايزين يستريحوا بقا بعد كل ال فات ده 
أحمد:طيب ما تستريحوا كنت منعتكوا 
نوح:هو حضرتك مش هتروح 
أحمد:هو انا مقولتلكش 
نوح:لا مقولتليش فى اى 


أحمد:مش انا قررت ابات معاكوا انهارده واقعد مع اختى حبيبتى يجى شهر كده على ما نفسيتها تتحسن 
نوح:اولا مفيش بيات ثانيا بقا انت ملكش دعوه بأختك وانا هحسنلها نفسيتها مش محتاجك والله ويلا اتكل على الله بقا 
أحمد:يرضيكى ي قمر ال نوح بيعمله ده 
قمر بتعب:خلاص ي نوح سيبه يبات مفيهاش مشكله 
أحمد بضحك:اختى حبيبتى شوفت بقا هى قالتلك سبنى ابات معاكوا 
نوح:والله ابدا يلا على بيتك يابا 
أحمد بتمثيل الحزن:بتطردنى 
نوح:اه 
أحمد:مكنش العشم دا انا وقفت جنبك قد كده وانا السبب ان قمر ترجعلك 
نوح:بص من غير كلام كتير شكلك وحشك الضرب بتاعى اى رأيك 
أحمد:لا وعلى اى الطيب احسن سلام ي قمرى 
نوح:محدش يقولها قمرى غيرى 
أحمد:طب ي قمرى ي قمرى ي قمرى 
نوح:والله وكان رايحله عشان يضربه
أحمد بضحك: سلام ي قمرى ونزل جرى 
نوح:ينفع ال اخوكى بيعمله ده بس كله يهون عشانك ي قمر 
قمر بحزن:انا تعبانه وهدخل انام تصبح على خير 
نوح:تنامى اى بس انتى لازم تكلى الاول وبعد كده نامى برحتك انتى مش شايفه نفسك بقيتى عامله ازاى من عدم الاكل 
قمر:لا مش عايزه 


نوح بضحك:قولى انك خايفه يحصلك حاجه من أكلى اكمنى يعنى انا مش بعرف اعمل اكل عشان كده متخافيش ي ستى خلاص هجبلك اكل من بره 
قمر بعصبيه:انا مش عايزه حاجه انا عايزه انام عايزه انام وبس ممكن
نوح بهدوء مسك ايديها وقعدها:بصى ي قمر انا عارف ان الموضوع صعب عليكى وكمان مش بالسهوله دى انك من يوم وليله تكتشفي انك كنتى عايشه مع ناس مش اهلك ولا ليكى علاقه بيهم اصلا بس ربنا بيحط كل واحد ف اختبارات عشان يشوف مدى صبره وبالتاكيد الموضوع ده فيه حاجه خير ليكى مش لازم تكون واضحه قدامنا بس الأهم انك تكونى واثقه ان تدابير ربنا لينا كلها خير مفيش حاجه وحشه بتحصلنا ابدا عشان رب الخير لا يأتي إلا بالخير 
قمر بدموع:بس انا بقيت لوحدى بقى مليش حد 
نوح:اولا انتى مينفعش تقولى كده عشان ربنا معاكى دايما ثانيا بقى اى ملكيش حد دى اومال انا ابقى اى عابر سبيل بالنسبالك عايزك تفهمى انك مش لوحدك انا جنبك وعمرى ما اسيبك وهفضل طول العمر جنبك لحد ما أموت 
قمر:بعد الشر عليك


نوح:وعايزك تتأكدى ان هعمل كل جهدي عشان ادور على اهلك وان شاءالله نلاقيهم 
قمر:بس صعب نلاقيهم ويمكن مستحيل كمان 
نوح:مفيش حاجه اسمها مستحيل طول ما انتى عايشه فى حاجه اسمها هتتعبى و تبذلى أعلى جهدك ف الحاجه دى وربنا ساعتها هيكرمك وبعدين مفيش مستحيل عند ربنا وبالدعاء كل حاجه هتتحل ان شاءالله وان شاءالله هقعد ادور عليهم لحد ما القيهم لو كان آخر يوم ف عمرى عايزك تثقى فيا انى هعمل أقصى جهدى عشان القيهم 
قمر:انا واثقه فيك من غير حاجه 
نوح بضحك:ياه واثقه فيك وحشتنى الكلمه دى اوى
قمر بضحكه:والله
نوح:ايوا كده اضحكى مفيش حاجه تستاهل زعلك وعايزك تتأكدى انى هكون جنبك ف كل وقت وعمرى ما هسيبك لاى سبب كان حتى لو انتى ال طلبتى 
قمر:من غير ما تقول انا متأكده من ده 
نوح بضحك:ي واثق انت والله بحبك 
قمر :ربنا يديمك ليا وميحرمنيش منك ابدا يارب 
نوح: ولا يحرمنى منك ي قمرى 


*الايام بتعدى ونوح مازال انه بيدور على اهل قمر خصوصا بعد ما سألوا ابو قمر انه خطفها من انهى مكان مقابل انه يخففو له الحكم ومن ساعتها ونوح كل يوم بيدور عليهم وهو وقمر بيدعوا ربنا أنهم يلاقوا أهلها  و نوح ميأسش ابدا وكان متأكد ان فى يوم هيلاقيهم ومع ذلك كان مهتم بقمر كان واقف جنبها على طول ومسبهاش بيتحمل وقت زعلها وحزنها بيحاول يخرجها من المود بكل الطرق وعمره ما زهق منها ف يوم بالعكس كان جنبها ف كل وقت و لما كانت تسأله انه مزهقش منها ومن حزنها الدائم كان يقولها ال يزهق من حبيبه يبقى محبش وانا حبيتك وبحبك وهفضل أحبك 
والايام بتعدى كالعاده لحد ما ف يوم 
قمر:نوح فاضى كنت عايزه اتكلم معاك شويه 
نوح:افضالك لو مش فاضى 
قمر:انا آسفه 
نوح:آسفه على اى 
قمر:آسفه على كل حاجه حصلت بسببى وانت ملكش ذنب فيها حقك عليا 
نوح:تانى هنعيد ونزيد ف الكلام ده تانى احنا مش قولنا اى 
قمر:يعنى مسامحنى 
نوح:هو انتى عملتى حاجه عشان اسامحك عليها ولا مسمحكيش 
قمر بخوف:والبيبي مسامحنى عليه 
نوح علامات وشه اتغيرت :ما بلاش الكلام ف الموضوع ده دلوقتى 
قمر:حقك عليا والله سامحنى بالله عليك انا مكنتش اقصد
نوح:انا مكنتش حابب اتكلم ف الموضوع ده خصوصا انك لسه متحسنتيش انتى مش غلطى ف حاجه ممكن تتصلح ف هقولك عادى مسامحك انا كنت واثق فيكى انك استحاله تعملى حاجه زى دى بس انتى ف الموقف ده مطلعتيش قد الثقه ال اديتهالك انا ايوا بحبك بس صعب اسامحك وسابها وقام 


تانى يوم لما نوح رجع البيت لقى البيت كله ضلمه فخاف ليكون قمر حصلها حاجه فتح النور بسرعه لقى البيت كله متزين وهى واقفه مستنياه وشكلها قمر زى العاده ومحضره الاكل ال هو بيحبه وجايبه تورته وعليها شموع فعرف انها بتحاول تصلحه بس مرضيش يزعلها واتعامل عادى خصوصا انه عارف انها لسه مبقتش كويسه بالقدر الكافي وكفايه انها بتحاول هو لو عليه كان سامحها بس صعب عليه جدا انه يسامحها كان بيتمنى ان كل ده ميكونش حصل ف الأساس ولكن مش كل حاجه بيتمناها الانسان بتحصل 
نوح:اى القمر ده انتى كل يوم بتحلوى عن ال قبله ولا اى 
قمر بحب:دا انت ال عيونك حلوه عشان كده شايف كل حاجه حلوه
نوح:انا مش شايف غيرك اصلا 
قمر:اصلا 
نوح:اصلا ها بقى قوليلى اى المناسبه ال انتى عامله عشانها كل ده 
قمر:مفيش مناسبه ولا حاجه بس حبيت نفتح صفحه جديده ونرمى الزعل وراء ضهرنا ونعوض الايام ال فاتت ها موافق 
نوح:موافق طبعا 
قمر بلطف:يعنى مسامحنى 


نوح بتردد هو لو عليه عايز يسامحها بس مش عارف بس قرر انه لازم يحاول مع نفسه انه يسامحها عشانها هى وانها بتحاول معاه وعشان يبدأوا صفحه جديده مع بعض سوا وينسوا الماضى ووجعه :مسامحك ي قمر 
قمر بفرحه:انا بحبك اوى وبعد كده مسكت ايده وحطتها على بطنها وساعتها هو حس بحركه 
نوح بفرحه:انتى حامل صح 
قمر :ايوا 
نوح:ي أجمل يوم ف عمرى وشالها لف بيها براحه عشان خايف عليها انا بحبك اوى
قمر:انا بحبك اكتر 
نوح بفرحه ممزوجه بخوف وربكه:طب انتى كشفتى شوفتى انتى ف الشهر الكام طب عرفتى نوع الجنين اى اى الغباء بتاعى ده طبعا مش هيبان دلوقتى هتلاقيه لسه مكملش ٣ شهور حتى 
قمر بضحك:اهدى حاول تركز شويه واه عرفت نوع الجنين 
نوح:اركز ف اى عرفتيه ازاى وهو مفروض على ما اعتقد انه مبيتعرفش ف الشهور الاولى نوع الجنين اى 
قمر:ومين قالك انى ف الشهور الأولى 
نوح:انا مش فاهم حاجه 


قمر:هو انا لو ف الشهور الأولى هتحس بحركه الجنين ازاى بعقلك حركه الجنين مبيتحسش بيها غير ف الشهور الآخيره 
نوح بغباء:مش فاهم بردو قصدك اى 
قمر بصراحه:انا ف الشهر السابع وفاضل شهرين و اولد 
نوح بغباء:ازاى ف السابع يعنى
قمر:انا ما اجهضتش الجنين زى ما خليتك تفتكر انى اجهضت البيبى 
نوح بصدمه ممزوجه بفرحه:عايزه تفهمينى انك ما اجهضتش البيبى صح يعنى مموتيش ابنى وابنى لسه عايش صح 
قمر:وخليتك تحس بحركته كمان 
نوح:طب ازاى وانا شوفتك بعينى عند الدكتوره 
قمر:كنت متفقه مع الدكتوره على كل حاجه وعرفتها انا هعمل كده لى هى ف الاول مكنتش موافقه بس لما عرفت السبب وانى مش هجهض فعلا وكله مجرد تمثيل وافقت
نوح:طب مقولتليش من بدرى لى 
قمر بتردد:اصل اصل 


نوح:مش مهم خلاص فكك من الماضى وخلينا ف دلوقتى
نوح:طب عرفتى نوع البيبى اى 
قمر:اه 
نوح:طب قولى مستنيه اى 
قمر:انا كان نفسى ف ولد وانت كان نفسك ف بنت تفتكر هيكون اى 
نوح:ان شاءالله بنت 
قمر:وامنيتك اتحققت واول طفل لينا بنت 
نوح بفرحه :ده اى اليوم القمر ده طب انتى كويسه البسى طيب خلينا ننزل نكشف عليكى واطمن 
قمر:متخفش انا تمام والبيبي بخير مفيش داعى ننزل دلوقتى ها قولى بقا هنسميها اى 
نوح:اى رايك روح 
قمر :اشمعنا روح 
نوح:بحب الاسم ده وكان نفسى لو جبت بنت اسميها روح
قمر:وانا موافقه روح روح
نوح حضنها بفرحه:تعرفى انى بحبك اوى 
قمر:وانا بموت فيك 


والايام بتمر ونوح بقى يرجع بدرى من الشغل عشان يكون معاها وبقى معظم الوقت مش مخليها تعمل حاجه ونزلوا اشتروا لبس للنونه سوا 
قمر:شوف شكلى بقا عامل ازاى وانا عامله زى القنبله كده ومقلبظه من بنتك ينفع كده 
نوح:بردو قمر ف كل حلاتك 
قمر:انت هتفضل تحبنى بردو بعد ما اولد زى الاول ولا حبك هيقل 
نوح:بالعكس انا حبى ليكى بيزيد كل يوم عن التانى 
قمر:يعنى مش هتحب بنتك اكتر منى 
نوح:اى حوار بنتك بنتك ي حبيبتى اسمها بنتنا وبعدين انتى ليكى حب مختلف عنها اكيد انا بحبك عشان انتى بنتى قبل ما تكونى مراتى وهى هتكون بنتى التانيه ف كل واحد فيكوا ليه حب مختلف بس الاكيد انى بحبكوا اوى وبعدين انتى هتغيرى منها قبل ما تيجى 
قمر:اصل معروف ان البنت حبيبه ابوها 
نوح:وانا بحبك 


قمر:وانا كمان بحبك اوى 
واخيرا بتعدى الايام وقمر ولدت وبعد ٣ شهور من ولادتها  كان نوح وقمر ماشين سوا ونوح شايل بنتهم روح 
قمر:هدخل اشترى حاجه من المحل ده ي نوح استناني هنا مش هتأخر عليك 
نوح:طب لو روح عيطت أعمل اى 
قمر:متخفش انا هاجى على طول 
واول ما قمر دخلت المحل روح اشتغلت عياط 
نوح:ي حبيبتى اهدى ما انتى كنتى ساكته وهى موجوده اهدى طيب هى زمانها جايه على اساس انها هتفهمنى اوى يخربيت غبائى بجد
شافته ست كبيره كانت معديه من جنبه :هاتها يبنى هحاول اسكتها على ما مامتها تيجى 
نوح بخوف:لا هى مامتها زمانها جاى 
الست:متخفش انا هقف معاك لحد ما تيجى انا هسكتها بس وبعدين انت واقف معايا مش هعمل فيها حاجه متخفش 
وفعلا نوح ادهالها 
الست فعلا حاولت تسكتها وسكتت :تعرف ي بنى بنتك اللهم مبارك عليها زى القمر ربنا يحفظهالك يارب وميحرمكش منها ابدا يارب 
نوح:يارب ي ايمى 
الست:فيها شبه كبير اوى من بنتى وهى صغيره حاسها هى لولا ان زمانها كبرت كنت افتكرت انها هى ربنا يحفظهالك استنى اوريك صورتها وهى صغيره 


نوح:ما شاء الله مش عارف اى الشبه ده فعلا ربنا يخليهالك وميحرمكيش منها ابدا يارب 
الست بحزن:ما انا اتحرمت منها من زمان يبنى يلا عوضى على ربنا 
نوح:لى هى حصلها اى 
الست:اتخطفت منى وهى صغيره ي حبه عينى ملحقتش اشبع منها منه لله ال كان السبب 
نوح:طب محاولتيش تتدورى عليها 
الست:حاولت كتير بس كان من غير فايده بردو ملقتهاش ربنا ينتقم من ال خطفها 
نوح بشك بعد تشابه الصوره ال معاها مع شكل بنته:طب بنتك عندها كام سنه دلوقتى ال اتخطفت دى 
الست بحزن:٢٤ سنه 
وبعد كده جت قمر 
الست:هى دى مامتها صح يبنى 
نوح:ايوه ي امى 
الست :ربنا يخليكوا لبعض وميحرمكوش من بعض ابدا وجت تمشى الصوره وقعت من ايدها 
قمر:ي امى استنى الصوره دى وقعت منك ولسه هتدهلها شافت الصوره 
قمر:هى مين ال ف الصوره دى 


الست:دى بنتى وهى صغيره 
قمر:اه ربنا يخليهالك اصل معايا صوره ليا نفسها بالظبط فاستغربت فعلا يخلق من الشبه أربعين 
الست بتردد:ممكن توريني الصوره ال معاكى ي بنتى 
قمر:اكيد و ورتلها الصوره على الفون بتاعها 
الست بصدمه ودموع:قمر هى دى بنتى انا ال صورتها الصوره دى وكانت على طول بتشلها معاها ف كل حته انتى بنتى 
قمر بصدمه:قصدك اى 
نوح:بصى ي قمر هى بنتها اتخطفت منها وهى صغيره واول ما شافت روح قالتلى انها شبها بالظبط ودلوقتي الصوره ال معاكى هى نفسها ال معاها باختلاف بسيط ف ممكن تكون هى مامتك وممكن لا 
الست بدموع:لا هى بنتى انا حسيت بيها بس كنت بكذب احساسى 
نوح:على العموم هنعمل تحاليل وساعتها هنشوف هى بنتك فعلا ولا لا لأن قمر بردو كانت مخطوفه وهى صغيره وانا مازلت بدور على أهلها بس ملقتهمش 
الست:من غير تحاليل بقولك انها بنتى بس عشان تتأكد نعمل تحاليل معنديش مشكله 
وقمر كانت مصدومه وساكته 


وفعلا عملوا التحاليل وطلعت بنتها 
الست بدموع وحضنتها:ي حبيبتى ي بنتى بقالى اكتر من عشرين سنه بدعى ربنا انى القيكى وعمرى ما يأست أبدا بل صبرت وربنا عوض صبرى خير الحمدلله يارب أحمدك واشكرك يارب 
قمر بدموع:ماما 
الست بدموع:قلب ماما من جوا والله 
ونوح كان شايل روح وبيبص عليهم بفرحه اخيرا الحزن هينتهى من حياتهم وبعد كده قمر اتعرفت على عيلتها واخيرا خدت عليهم 
قمر بفرحه:انا مش مصدقه ال بيحصل ي نوح لو حكيت لحد الحكايه دى محدش هيصدقك هيقولك مستحيل صدفه تحصل بالشكل ده 
نوح بفرحه : رب صدفه خير من ألف ميعاد وانا قولتلك مفيش مستحيل عند ربنا والدعاء بيغير القدر وانتوا اتكتبلكوا تقابلوا بعض وكانت الصغننه القمر دى مجرد سبب 
نوح:تعالى ف حضنى تعالى وفعلا حضنها وكان شايل بنتهم على ايده مبروك ي روحى يارب دايما تكونى فرحانه يارب 
قمر:يارب 
نوح بحب:تعرفى انى بحبكوا اوى 
قمر بحب:واحنا كمان بنحبك اوى 
نوح بحب:ربنا يديمكوا ليا وميحرمنيش منكوا ابدا يارب 
قمر:ولا يحرمنا منك ي حياتى 
#تمت
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة 

   (  اترك تعليق ليصلك كل جديد  قراءه ممتعه للجميع )
تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -