رواية مر الاختيار الفصل الخامس عشر 15 الاخير بقلم حبيبه ممدوح

أخر الاخبار

رواية مر الاختيار الفصل الخامس عشر 15 الاخير بقلم حبيبه ممدوح

رواية مر الاختيار الفصل الخامس عشر 15 الاخير

 رواية مر الاختيار الفصل الخامس عشر 15 


ف نص الليوم كنت معدية من جنب اوضتها سمعتها بتقول 
_ايوا ي محروس هي معايا دلوقتي.
اول ما سمعت اسم محروس طلعت جري ع الاوضة اخدت حاجتي واتسحبت وفتحت الباب ونزلت جري قبل ما تلمحني..
كنت مش فاهمة حاجة ومش عارفة اي ال بيحصل ولى كل دا اصلا بيحصل .
لى يوصلني للمرحلة دي ولي بردو هو يوصل لكدا؟
هو مبيحرمش من الحيل الق..ذرة ال بقا يعملها معايا
مشيت كتير او جريت بمعنى اصح لحد ما تعبت لقيت رصيف قعدت علية شوية..
حطيت راسى بين ايدى وحاولت افكر انا هعمل اي دلوقتى وهروح فين..والامل الوحيد ال كان ف ايدي طلعت بتخدعني..
اخدت نفسي وقومت بسرعة وانا محددة اخيراً هعمل اى..

طول اليوم مكنتش مركز ف اي حاجة بعملها..دماغي كانت بتودي وتجيب ف افكار ومش عارف اعمل اي..مش قادر انسى بُعدها عنى 
ولا قادر اسامح نفسى ع ال عملتة فيها.
سبت كل ال ف ايدي ونزلت ع اكتر مكان بحس روحها ونفسها فى




قعدت وافتكرت كل تفصيلة فيها..كل ثانية عشتها معايا..كل حاجة بتعدى قدامى ببطئ زى فليم قديم ف السينما..
افتكرت بعد كتب الكتاب علطول.. 

_انا مش مصدق نفسى 
بصيت ل صباعى ال علية الحبر ووقولت 
_هو انتِ كدا خلاص مراتى 
بصتلي بضحك وقالت 
_بيقولو 
حضنتها جامد وقولت 
_اخيرا لقيتك 
_لقتني !
هو انا كنت تايهة 
_روحي يشيخة منك لله زي ما بتفصلني .
ضحكت وقالت 
_لقتني ازاي طيبب انا بقالى ست سنين معاك اصلا!
قولت بنفاذ صبر
_لقيتك..ف حضني 
قالت بتعجب 
_ايوا ايوا ايوا 



_انا عارف إن ايامى الجايةة سواد ع دماغي 
_ع الاساس ال فاتت كانت اى فسدقي !
_خفة دمك دي هتموتني ف يوم من الايام
يحبيبتي انا دلوقتي جوزك اي كلمة حلوة تبل ريقي ارحميني 
_مش كفايا بردو
_اكتر من انى اتجوزتك خلاص اعمل اي؟
_هو انتَ كدا خلاص علشان اتجوزتني هتبطل تعمل علشانى حاجة؟
قربت منها وشاورت لفوق وقولت
_دا انا لو اطول اجبلك نجمة ال بتلمع ف السما دى اجبهالك..
_ياااة نحنوح اوى 
_ارحمنى ياارب 
_خلاص يعم متزقش ... بقولك اي طيب 
_امم يارب خير يارب 
_بحبك 
برقت وقولت 
_قولى تانى كدا؟
_لا ماهى بتطلع مرة واحدة..
_طيب وعلشانى!
سابتني ورايحة تطلع برة وقالت
_بردو مرة واحدة احنا هنستعبط ولااى 
_بت خدى هنا..شكل بيت ابوكي ال احنا فى دا مش هيوحشك أصلا 




رجعت من سرحانى بصيت للبحر ال اصواتة عمالة تعلى وتزيد وكأن الأمواج ف سباق، والمطر ال نزل فجأة وكان يشبهة الاعاصير.
لقيت حد فجأة قعد جمبي .
بصيت بسرعة وقولت 
_ليل!
كانت باصة للبحر وقالت 
_كنت عارفة إن هلاقيك هنا..زي كل مرة بتتخانق فيها معايا..بتيجي تقعد ف المكان ال بحبة.
مش عارفة لى جيت بس انا حابة اتكلم معاك ومش عارفة اسكت اكتر من كدا..
حولت ابعد كتير وكل مرة بفشل.
انا بقيت فاشلة ف كل حاجة
فاشلة ف انى احل مشاكلى وفاشلة ف انى اواجهه مشاكل..
حتي الهروب فشلت فى 
عياطي زاد اكتر وقولت
أنا عشت حياتي كلها بتجنب المشاكل؛ بحاول متعاملش معاها لحد ما جت عليا لحظة أدركت إن أنا مش بحل مشاكلي؛ اللي بعملة دة حل مؤقت.. 
جيت دلوقتى علشان اقولك كمان انى فشلت ف انى ابعد عنك، وفشلت كمان ف انى احاول انساك. 
اترميت ف حضنة ومكنتش عاوزة اسيبة..
بقالى كتير محستش الاحساس دا 
بصتلة وقولت
_كُنت غلطانة لما قولت انى مبحسش معاك بالأمان بس انا دلوقتى بقولك انى مبحسش بالأمان غير وانا معاك..

كنت سامع كلامها ومش مصدق انها رجعت!!
بوست راسها وقولت 
_اوعدك انى دايما هعمل اقصى ما ف امكانى علشان تبقى دايما حاسة بدا.. ولما تبطلي تحسي ب الأمان اعرفى ساعتها انى مش هكون موجود ف الدنيا 
_ارجوك متأذنيش تانى؛ انا بحبك 
ضميتها وقولت 
_وانا عمرى ما فكرت اذيكى..محدش بيأذى نفسة
بصتلة وقولت 
_انتَ تعرف هناء منين !
انتَ ال بعتهالى صح 
_هناء مين ال بعتهالك 



_هناء ال كلمتك عليا النهاردة.. 
_وانتِ تعرفى هناء منين..دي واحدة شغالة عندى ف الشركة وطلبت منى خدمة 
_تشغلها حد من غير ورق!
_بالظبط..ثوانى انتِ عرفتي كل دا منين 
_ما هو انا الحد ال من غير ورق 
_اصلا !!
قولت بضحك
_اصلا..
سكت شوية وقولت
_مش هتحاول تجرب تمشى!
حطيت ايدي ع بطنى وقولت 
_دلوقتى بقيت اتنين مش حد واحد..
بصتلها وقولت 
_إبقيلي انتِ بس وبناقص الكُل 

لو سألتني اي اصعب علاقة عن الحب هتكون اجابتي الجواز.
الجواز بعد ما الطرفين عاشو عن حب شافو بعض من غير انبهار، عيوبهم بقت واضحة المسئولية بقت اكبر وكل حاجة بقت مكررة وقتها بيظهر سؤال فعلا صعب هل الحب كفايا علشان افضل عايش ف الدايرة دي..!

      "هروبك مما يؤلمك سيؤلمك أكثر،لاتهرب تألم حتي تشفى"       
لازم نواجه كل شيء، حتى الحاجة الصعبة؛ لأن لو واجهتها يبقا انتَ على طريق للشفا من وجعها، لكن لو هربت هتفضل تخزن الوجع جواك لغاية ما تنفجر..حتى الوجع بيعلم ويقوي..
#تمت

تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة 

   ( اترك تعليق ليصلك كل جديد قراءه ممتعه للجميع )

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -