رواية حبيبة يوسف الفصل الاول 1 بقلم مي امين

أخر الاخبار

رواية حبيبة يوسف الفصل الاول 1 بقلم مي امين

رواية حبيبة يوسف الفصل الاول 1

 رواية حبيبة يوسف الفصل الاول 1 

بطلي بقا حركات العيال بتاعتك دي مش كل ما حد يقولك كلمة تزعقي وتتقمصي 
حبيبة بصدمة: حركات عيال! 
يوسف : ايوا حركات عيال ، تقدري تقوليلي دينا أختي عملتلك ايه عشان تضربيها قدام كل اللي قاعدين كدا ، مش دا عيب ؟ بس الظاهر اني دلعتك كتير ، من هنا ورايح مفيش لا نادي ولا تليفون ولا كلية لمدة اسبوع وهتفضلي محبوسة هنا أما اشوف اخرتها معاكي 
حبيبة : أنا عايزة ارجع بيتنا مش عايزة اقعد هنا 
يوسف رفع ايده وكان هيضربها بس هي خبت وشها بسرعة وهو نزل ايده تاني وجه يخرج من الاوضة 
حبيبة بانهيار : عايز تضربني يا يوسف ، أنا بكرهك ، عارف يعني ايه بكرهك ، وبكره دينا أختك عشان هي السبب في اللي حصل دا 



يوسف سمع كلامها وخرج وهي حضنت صورة وقعدت تعيط علي الارض : ليه كدا يا بابا تسيبني لوحدي انت وماما ، هنت عليكوا ياريتكوا أخدتوني معاكو ، مش عايزة اقعد لوحدي هنا ،يوسف بقا وحش يا بابا وعايز يضربني ،أنا زعلانة منه ومش هكلمه تاني أبدا 
برا يوسف واقف وسامعها ومش قادر يدخل لها حس بحد حط ايده علي كتفه 
يوسف: خير يا أمي في حاجة 
سمية: سلامتك يا حبيبي ، بس حرام عليك يا يوسف انت كنت قاسي جدا عليها 
يوسف: لازم تتعلم يا أمي متعملش كدا ، هي غلطت ولازم تتعاقب 



سمية: براحة يا ابني دي لسه عيلة ، انت أدري واحد بيها دي تربيتك 
يوسف: يظهر اني غلطت في تربيتي 
سمية: يابني حبيبة متعملش كدا غير لما يكون في سبب قوي ، أكيد دينا عملت لها حاجة انت عارف اختك طول عمرها بتغير من حبيبة ، فكر كويس يا حبيبي ومتقساش علي حبيبة مهما كان 
يوسف: حاضر يا أمي، تصبحي علي خير .
دخل يوسف اوضته وقعد علي السرير ودماغه سرحت وافتكر أول يوم حبيبة دخلت فيه البيت من 10 سنين 

فلاش باك : 

يوسف : مالك يا ماما بتعيطي ليه ومين اللي كان بيكلمك في التليفون ؟



سمية: يوسف الحقني مني أختي وجوزها عملوا حادثة وهما جايين عندنا وهما دلوقتي في المستشفى 
يوسف : طيب يلا بسرعة نروح ليهم 
وخرج يوسف مع والدته وراحوا المستشفي 
يوسف: لو سمحتي في حادثة عربية جات دلوقتي اقدر أعرف هما فين 
ممرضة: في حالتين لسه العمليات والبنت اللي معاهم خرجت من شوية 
يوسف بصدمة: بنت !! 

تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة 

   ( اترك تعليق ليصلك كل جديد قراءه ممتعه للجميع )

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -