اسكريبت حور واحمد الفصل الثاني 2
سمعت صوت احمد بيقوله انت جاي تتقدم لمراتي
ووقتها حسيت اد ايه انا غبية وحطيت نفسي ف موقف غبي اكتر لان احمد غيرته ممكن تخليه يعمل اي حاجه وكمان زودتها وخليته يكلمه ف الشارع لسة هروح اهدي الامور بينهم واخد احمد ونمشي لقيه اداه بالبوكس وقعه على الارض ولسة هيكمل عليه جريت عليه
احمد استنى اسمعني خلينا نروح وهفهمك كل حاجة في البيت عشان خاطري يلا نمشي
نمشي ايييه انتي مش سامعة البيه جاي يتقدملك ولا تحبي اسكت لحد ماتفكري
افكر ايه يلا بس وانا هفهمك والله بس يلا بلاش تعمل حاجة احنا في الشارع
تمام ياحور يلا بينا وانت يازفت انت لو لمحتك بس حوالين حور تاني او بتحاول تكلمها حتى متعرفش هعمل فيك ايه هسبهالك مفجأة
وشدني من ايدي ومشينا على البيت
اييه انت بتجر جاموسة يااحمد ماتستنى شوية
بس مسمعش صوتك ادخلي يلا
احمد انت فاهم غلط استتى اشرحلك وبعدين حتى لو انا مقولتش حاجة انا مالي هو الي جه
طبعا ماكله من الجامعة الي حضرتك مصممة عليها ادي اخرتها واحد جايلي يتقدم لمراتي عايزاني اعمل ايه
تعمل انك تستنى تفهم وتسمع مني مش تزعق وخلاص
انت هبلة ياحور اسمع ايه هو الراجل خبطك واتأسف وانا فهمت غلط دا عايز يتجوزك يامدام
تمام يااحمد وانا مش هقول حاجه ولا هفهمك حاجة غير لما تهدا الاول
هديت اتفضلي بقى فهميني
الي انت شوفته دا انا اعرفه اه بس مش زي مانت فاهم
امال ازاي تعرفيه
دا ابن طنط كوثر لو فاكرها الي حضرت فرحنا
وابن طنط كوثر مامته معلمتوش انه ميتقدمش لواحدة متجوزة ولا ايه
مهو مجاش يتقدم من نفسه كدة
وحقيقي بحاول اني اكمل واشرحله بس خايفة من ردة فعله من الي عملته بس لازم اقوله وافهمه عملت كدة ليه طب ينفع اجري وابقى ابعتله التفاصيل ف رسالة ياجدعان ايه الرعب دا
ماتخلصي ياحور هتنقطيني كملة بكلمة ماتقوليي
حاضر استنى احم بص من الاخر انا الي قولت لطنط كوثر تخليه يجي يعمل كدة
وانا قولت كدة من هنا والاقي دا عيونه بتتحول لاحمر من هنا وتلقائي حطيت ايدي على وشي من خوفي منه مع اني عارفة انه عمره مايأذيني بس حاسة اني المرادي زودتها سيكا
حور انتي بتهزري ولا بتتكلمي بجد
هي دي فيها هزار ولا والي احنا فيه يتحمل هزار
تقريبا مكنش ينفع اقول الجملة لانه بدأ يزعق اكتر
ولما انتي عارفه انه ميستحمل هزار عملتي كده ليه بتخلي واحد يتقدملك ياحور وانتي على ذمتي انت اتهبلتي ولما الهانم مش مرتاحة معاية ماتقولي بدل كل دا
انت فهمت ايه لا يااحمد انت عارف اني نفسي اقضي عمري كله معاك واني بحبك صدقني انا عملت كدة عشان كنت فاهمة اني بحافظ على حياتنا سوا واني بصلحك
بتصلحي ايه ولا بتحافظي على ايه انتي بالي عملتيه هديتي الي بينا عارفة يعني ايه مراتي تخلي واحد يتقدم لجوزها
استنى بس واسمعني طيب
مش عايز اسمع حاجة بعد اذنك خلاص خلصنا
لا هتسمعني لانك عارف اني بحبك واكيد مكنش قصدي نوصل لكدة
مكنش قصدك لا معلش حصل خير انا خارج مدام مش هتسكتي
هتخرج فين دلوقتي يااحمد استنى عشان خاطري اسمعني الاول
ولما عايزة تقولي حاجة مقولتيهاش من الاول ليه بدل كل دا اسف ياحور بس انا مش عايز اسمع حاجة دلوقتي سلام
سابني وخرج وانا وقتها عرفت حجم الغلط الي عملته قعدت على الارض بعيط انا اه مكنش في بينا قصة الحب العظيمة قبل الجواز لاني كنت بحاول احافظ على قلبي واعصمه من حب غلط بس بعد ماتجوزنا انا بجد بقيت بحبه لقيت فيه الانسان الحنين والي بيعاملني بكل احترام بس بردو موضوع غيرته انا مكنتش بستحملها اعمل ايه دلوقتي
طب ليه خرجت يااحمد كنت هفهمك والله صدقني بحبك وكان نفسي اغيرك عشان تبقى احسن ونكمل عمرنا الجاي كله سوا كان لازم تحصل حاجة تخليك تقلل غيرتك شوية بس شكلي فشلت وهتفضل زي مانت
مخدتش بالي امتى او ازاي نمت مكاني وصحيت على اديه وهو بيشيلني وبيحطني على السرير وبيبوس راسي وخرج من الاوضة وراح ينام برا وانا فضلت بفكر ازاي افهمه واخليه يسمعني انا عارفه احمد لما بيزعل اوي بيسكت تماما ومبيرضاش يتكلم خالص نمت مكاني تاني من تعب التفكير وصحيت تاني يوم بدري لقيته لبس وخرج قومت وضبت الشقة وانا بفكر هل اعمل المكرونة والكبدة الي بيحبهم ولا هو كدة كدة ممكن مياكلش معاية ف اخدها حجة واكسل بس قولت ابدا دا قرة عيني بردو لازم اصالحه احنا رجالتنا مينفعش تفضل زعلاتة من مراتاتهم كدة كتير
عملت الاكل وزينتله السفرة بشكل حلو يمكن الباشا يرضى عننا وياكل ويتكلم لاني غلط وكان لازم اصلح غلطي
سمعت صوته بيفتح الباب جريت عليه وانا بستقبله كالعادة
وحشتني طول اليوم يااحمد
تمام
امم لسة زعلان مني طب وماله نحاول تاني دا زي جوزي يعني
طب ياحبيبي ممكن تدخل تاخد شاور على مااحضرلك الاكل
مش جعان واعملي حسابك انا مسافر كام يوم
اييه
شاهد 👈الفصل الثالث
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
( اترك تعليق ليصلك كل جديد قراءه ممتعه للجميع )
اكتب تعليق برايك هنا