رواية وردة يونس الفصل السادس 6
ورد نامت ويونس فضل قاعد يفكر هيعمل ايه معاها لحد ما نام مكانه على الكنبه وبعدها بكام ساعه الكل صحى على صوت صراخ ورد و يونس قام مفزوع وراح ناحيتها وهي بتعيط
يونس بقلق: مالك
ورد بخوف وبتشاور على البلكونه
عند مها كانت لسه هتصرخ لما شافت السلا*ح بس واحد منهم كتم نفسها بسرعه
يونس بص باستغراب وشاف البلكونه الباب بتاعها مفتوح وهو كان قافله والكل اتجمع عندها فى الأوضه
نبيل بقلق: مالك يا حبيبتى
ورد : ك..كان فيه حد هنا
ماجد: حد مين يا حبيبتى
ورد : انا شوفت حد واقف هنا بس ضهره كان ليا وفكرته يونس ولما اتعدلت لقيت يونس نايم وهو خرج من البلكونه بسرعه
آمال: وانت ازاى محستش يا يونس
يونس: معرفش مكانش فيه صوت ولا حاجه ويمكن اتفتحت من الهوا
نبيل: اكيد بيتهيألك يا ورد
ورد : والله شو.......
نبيل بمقاطعة: ارتاحى دلوقتي بس ونامى وبعدين نتكلم ويلا كله يروح ينام
ياسمين: الساعه بقيت ٧ يا جدى
نبيل : ماشى خليهم تحت يجهزوا الفطار
آمال: حاضر يا عمى
الكل خرج ويونس بص ل ورد اللى دموعها نزلت بحزن وخوف وقعد جنبها
يونس بهدوء: نامى انتى دلوقتي عش......
ورد قاطعته بانفعال: والله كان فيه حد هنا صدقنى
يونس : تمام اهدى انا مصدقك بس ارتاحى دلوقتي
ورد هزت راسها بحزن ونامت و يونس نزل والكل اتجمع ع الفطار
نبيل: ورد نامت ؟
يونس : ايوه
ياسمين: مينفعش كده مش كل شويه نخليها تنام وهي زعلانه ومحدش يسيبها لوحدها لأنها بتفضل تعيط
يونس بصلها باستغراب
_ محاضراتك بتخلص الساعه كام ؟
ياسمين: يعنى على ٢
يونس : كويس وانتى راجعه عدى عليا فى الشركه
ياسمين: حاضر ، بالمناسبه يا جدى ورد مش هترجع الكليه بتاعتها بقا ؟
نبيل: صح فكرتينى دكتور أحمد كلمنى وقال إن فاتها كم كبير ولازم تنزل وتحضر بقا
ياسمين بفرحه: حلو اوى لما ارجع هكلمها ونروح انا وهي مع بعض
نبيل : ماشى كويس
يونس اتكلم بتوهان : كليه ايه ؟!
نبيل: بنت عمك فى هندسة يا حبيبى
يونس اتصدم وبص ل امه وابوه اللى بصوله بشماته وانتصار
ياسمين ببرود : لا متتصدمش يا ابيه دى من أوائل الدفعه كمان
يونس سابهم ومشى على الشركه وهو لسه مش مستوعب وقابل فهد
فهد باستغراب: مالك يا يونس
يونس بشرود : طلعت متعلمه وبتدرس هندسة
فهد : هي مين؟
يونس: ورد
فهد بصدمه: ازاى ده ؟
يونس : مش عارف بس ......
الباب خبط ودخلت السكرتيرة بتاع فهد
_ يونس بيه فيه ظابط بره وعايز يقابل حضرتك
يونس باستغراب وتوتر: و. ده جاى ليه ي....
الظابط دخل ومعاه عساكر
_ مطلوب القبض عليك يا يونس بيه
يونس : ليه ؟
_ بتهمه ق*تل مها عبدالسلام
يونس...........
شاهد👈الفصل السابع
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
( اترك تعليق ليصلك كل جديد قراءه ممتعه للجميع )
اكتب تعليق برايك هنا