رواية حبيبة يوسف الفصل السادس 6
دينا : بتحبيه ؟!
حبيبة بتوتر: هو مين دا
دينا: حبيبة مش عليا
حبيبة بدموع: بحبه أكتر من نفسي ، بس خلاص هو بيحب واحدة تانية وهيتجوزها
دينا: طب وأنتي
حبيبة: كفاية عليا أشوفه مبسوط وفرحان ، قلبي هيكون راضي ، وحبه هيفضل دايما في قلبي مستحيل يقل ومستحيل يطلع برا
دينا: طيب ليه مقلتلهوش
حبيبة: مستحيل دا يحصل وانتي مستحيل تقوليله حاجة يا دينا مفهوم متخلينيش أندم اني حكيتلك
دينا : حاضر مش هقول حاجة ، أهم حاجة بس أنتي تضحكي .
حبيبة: شكلهم جم برا تعالي نشوف عملوا ايه
دينا: ها يا ماما عملتوا ايه
سمية: الحمدلله يابنتي ناس طيبين بس أنا بصراحة مرتاحتش للبنت ، بس طبعا يوسف عايز كدا اتفقنا علي الخطوبة الاسبوع الجاي
حبيبة بهدوء: مبروك يا يوسف
يوسف : الله يبارك فيكي يا بيبة
سمية: عقبالك يا بيبة
يوسف: عقبالها ايه يا ماما دي لسه صغيرة
دينا بخبث: يابني لا صغيرة ولا حاجة انت مش بتشوف الولاد بيبصوا لها ازاي ، دول يتمنوا الرضا ترضي بس وكله هيموت ويتجوزها
يوسف: برضو لسه صغيرة ، المهم يا بيبة أعملي حسابك عشان تنزلي معايا نختار البدلة ، انتي عارفة اني مش بعرف أختار حاجة من غيرك
حبيبة: حاضر يا يوسف
تاني يوم راحت حبيبة مع يوسف وكان معاهم سلوي
حبيبة: دا هيكون حلو أوي عليك يا يوسف
سلوي بقرف: لا مش حلو
يوسف: معلش يا بيبة خلينا نشوف حاجة تانية
سلوي: بص يا حبيبي دا هيكون أشيك
حبيبة: بس دا مش ذوق يوسف
سلوي: وانتي أيش عرفك انتي ، وبعدين ايه اللي جابك معانا اصلا
يوسف : سلوي عيب كدا ميصحش ، حبيبة دي خط أحمر محدش يتكلم معاها نص كلمة مفهوم وبعدين أنا اللي جبتها معايا لاني مش بعرف أخترا من غيرها وهي أصلا معاها حق أنا مستحيل ألبس القرف دا
حبيبة: حصل خير يا يوسف ، ممكن نمشي عشان أنا تعبت من اللف
يوسف بقلق : مالك يا بيبة
حبيبة: متقلقش دول شوية ارهاق بس مش أكتر
سلوي في سرها : ايوا يختي بقا حركات البنات والمحن دا ، أنا هعرف ازاي اخليه ينساكي
سلوي: يوسف ممكن توصلني البيت عشان اتأخرت
يوسف : معلش يا سلوي ممكن انتي تروحي عشان مش هقدر أسيب حبيبة لوحدها
سلوي: طيب
ايام بتعدي
حبيبة: يوسف ممكن تيجي معايا أجيب شوية حاجات
يوسف: معلش يا بيبة أصلي عازم سلوي علي الغدا
يوسف أنا تعبانة ممكن تيجي تاخدني من الكلية
اسف اصلي بختار الدهب مع سلوي
حبيبة: اسبوع كامل بالطريقة دي خلاص يوسف نساني يا دينا
دينا: حبيبتي متقوليش كدا ،يوسف مستحيل ينساكي هو بس مشغول شوية
حبيبة: أنا مشفتهوش بقالي أسبوع وبكرا خطوبته
دينا: هو قال لماما انه هيجي بدري النهاردة عشان ياخدك تشتري فستان الخطوبة
يوسف: حبيبة اجهزي عشان نخرج نجيب كل اللي انتي عايزاه
حبيبة: ملوش لزوم
يوسف: امشي يابت اجهزي يلا
في العربية
حبيبة: يوسف انت رايح فين
يوسف : ممكن أخطفك يوم واخدها وسافروا اسكندرية
يوسف: تعرفي انك كنتي وحشاني أوي
حبيبة عيطت ...
يوسف: حقك علي قلبي أنا آسف عارف اني قصرت اوي معاكي بقالي اسبوع مش بشوفك وحقيقي يومي ناقص من غيرك ، متبعديش عني تاني
حبيبة: أنا بعدت لما لقيتك لما لقيتك نستني وبقيت مع خطيبتك محبتش اتدخل بينكو
يوسف : يا عبيطة بقا أنا أنساكي انتي ، من هنا ورايح يوسف مش هيبعد عن حبيبة أبدا
حبيبة: وخطيبتك
يوسف: عيزاني ابعد عنك ، مش موافقة علي علاقتي بيكي ، علطول بتكلم عنك وشايفك قدامي وهي مش عايزة كدا
حبيبة بخوف : طب وانت هتعمل ايه
يوسف: هبعد
حبيبة انصدمت: عني !!
يوسف: انتي مجنونة أبعد عنك ايه ، انا فركشت معاها ،مستحيل أسيبك في أي يوم من الايام
حبيبة: بس أنت بتحبها
يوسف: خليكي هنا دقيقة واحدة هجيبلك ايس كريم واجي اقولك اذا كنت بحبها ولا لا
حبيبة بابتسامة: حاضر
يوسف راح يجيب أيس كريم ورجع لقي ناس كتير واقفة وحبيبة مغمي عليها ، رمي اللي في ايده وطلع يجري عليها
يوسف: حبيبة ، حبيبة مالك ردي عليا
احد المارة: هي كانت واقفة وفجأة داخت ووقعت علي الارض ،الافضل ناخدها مستشفي
في المستشفي
حبيبة فاقت لقت يوسف قاعد جنبها وماسك ايديها
حبيبة: هو ايه اللي حصل
يوسف: مفيش يا ستي رحت أجيب أيس كريم لحبيبة قلبي رجعت لقيتها واقعة علي الارض ، الظاهر الشمس أثرت فيكي
حبيبة بخجل من قربه: طيب ممكن تبعد شوية
يوسف: من هنا ورايح مفيش بعد تاني ابدا
حبيبة: يعني ايه
يوسف: بحبك !!!
شاهد👈الفصل السابع
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
( اترك تعليق ليصلك كل جديد قراءه ممتعه للجميع )
اكتب تعليق برايك هنا