رواية حبيبه يوسف الفصل السابع 7
يوسف: بحبك
حبيبة بصدمة: قلت ايه يا يوسف متهزرش
يوسف : بقولك بحبك يا قلب يوسف
حبيبة: اومال كنت عايز تتجوز غيري ليه
يوسف: دا موضوع يطول شرحه هقولك عليه بعدين ، بس كمل بهزار أنا بقولك بحبك وانتي تقولي تتجوز غيري هي الزوجة النكدية هتظهر من دلوقتي ولا ايه
حبيبة: لا يا حبيبي أنا مش نكدية ، ايه دا انت قلت زوجة ؟
يوسف بحب: طبعا زوجة ، مراتي وحبيبتي ونور عيوني .
الدكتور خبط علي الباب ودخل : ها عاملة ايه دلوقتي
حبيبة: أنا عندي ايه يا دكتور
الدكتور: مفيش حاجة بس انتي بتدلعي شوية هنعمل بس شوية اشعة وتحاليل عشان نطمن عليكي ، الممرضة هتجهزك
حبيبة: يوسف تعالي معايا
الدكتور: لازم تكوني لوحدك
حبيبة بدموع: عشان خاطري يا يوسف تعالي معايا أنا بخاف من المستشفي
يوسف : حاضر ياروحي متخافيش أنا معاكي ومش هسيبك خالص
راحت حبيبة عملت الاشعة والتحاليل المطلوبة والدكتور طلب منهم انهم يفضلوا لحد ما النتيجة تطلع ويوسف راح يجيب لها أكل وهي فضلت في الاوضة وجات تخرج سمعت الممرضة بتتكلم مع صحبتها
ممرضة ١ : حرام بنوتة جميلة زيها كدا يحصل لها كدا
ممرضة٢ : ليه هي عندها ايه
ممرضة ١: الدكتور بيقول ان عندها لوكيميا (سرطان الدم) ولازم تأخد كيماوي عشان مينتشرش في جسمها غير انها هتحتاج نقل دم علطول وكمان جسمها ضعيف جدا
ممرضة ٢ : لا حول ولا قوة الا بالله ربنا يشفيها يارب
ممرضة ١: يارب ويصبر جوزها من ساعة ما عرف وهو منهار وقدامها مبين انه قوي ربنا يعينهم يارب .
حبيبة سمعت الكلام دا وانصدمت ووقعت علي الارض وقعدت تعيط ودخل يوسف
يوسف: بيبة أنا جبتلك الاك...، ايه دا مالك في ايه وقاعدة كدا ليه
حبيبة: أنا هموت يا يوسف
يوسف اتجمد في مكانه لما سمع كلامها ورمي اللي في ايده وراح عندها وشدها قعدها علي رجله واخدها في حضنه
حبيبة: خلاص يا يوسف أنا هموت ، انا عندي كانسر
يوسف دموعه نزلت : مش هسيبك تموتي وتروحي مني ، لو هضحي بحياتي بس انتي تعيشي
حبيبة: ليه بيحصل معايا كدا يايوسف هو أنا وحشة
يوسف: بس يا عمرى متقوليش كدا ،انتي أجمل واحدة في الدنيا كلها ،ربنا بيحبك عشان كدا حطك في امتحان وعايزك تنجحي فيه ، لازم تصبري وتحمدي ربنا .
حبيبة: الحمدلله علي قضاء ربنا
يوسف: أيوا كدا ياروحي
حبيبة: أنا هروح عند بابا وماما ،الحمدلله ياربي
يوسف شدد في حضنه ليها: لا مش هتبعدي عني أبدا ، مش هسيبك ، هتتعالجي وتصحي وتبقي أحسن من الاول ونتجوز وأخلف منك بنانيت كتير شبهك كدا
حبيبة: بجد يا يوسف؟
يوسف: بجد يا روح قلبي ، الدكتور قالي انه لسه في أول ، لازم نبدأ علاج علطول ، تعالي اسمعك كلام الدكتور لو مش مصدقاني
الدكتور: متقلقيش خالص يا انسة حبيبة المرض لسه في أوله ، من الواضح انه وراثي وزي ما وضح لي الاستاذ يوسف اني والدتك كانت مريضة كانسر فدا للاسف أثر عليكي ، احنا ان شاء الله هنبتدي العلاج في اسرع وقت عشان نقدر نسيطر عليه
حبيبة : حاضر يا دكتور .
يوسف: طيب ممكن نسافر برا لو دا أفضل
الدكتور: صدقني العلاج هنا زي برا ويمكن هنا أفضل كمان وان شاء الله هتابع معاها في المركز الطبي ... في القاهرة ، متقلقوش وان شاء الله خير .
يوسف: تمام بعد اذنك يا دكتور .
بعد ما خرجوا من المستشفي
يوسف: بيبة
حبيبة بشرود: نعم يا يوسف
يوسف: هنكتب كتابنا قبل ما تبدئي العلاج بتاعك وان شاء الله لما تصحي نعمل أجمل فرح في الدنيا
حبيبة: كتب كتاب ايه يا يوسف ، أنا مستحيل اصلا اخليك توافق تتجوز واحدة محكوم عليها بالموت وتضيع حياتك معاها ، أنت تستاهل واحدة أحسن مني
يوسف شدها ومسك وشها بايده: اوعي اسمعك تقولي كدا تاني ، أنا مش هتجوز حد غيرك انتي ، ومش عايز حد غيرك أصلا ، ومتقوليش علي نفسك كدا انتي هتتعالجي وتبقي كويسة وانا معاكي وايدينا في ايدين بعض هنعدي كل حاجة مفهوم ؟
حبيبة: انت مش مجبر تعمل كدا
يوسف: أنا مجبر أعمل أي حاجة تخليكي قدام عيوني حتي لو اني اقدم روحي ليكي عارفة ليه ، لاني بحبك ، عارفة يعني ايه بحبك ، يلا نرجع القاهرة وبكرا ان شاء الله نكتب الكتاب عشان نبدأ العلاج علطول
حبيبة : يعني أنا كدا بقيت مراتك
يوسف: بقيتي مراتي خلاص
حبيبة بضعف : يوسف لو جرالي حاجة كمل حياتك من بعدي واتجوز البنت اللي تحبك وتحافظ عليك بس اوعي تنساني ، أوعي تنسي حبيبة بنتك اللي انت ربيتها ، لما تخلف بنت سميها حبيبة واحكي لها عني وربيها زي ما ربتني وقول لها انك أجمل بابا في الدنيا
يوسف: حبيبة انتي بتتكلمي كدا ليه مالك
حبيبة : عايزة اقولك حاجة أخيرة ، أنا بحبك وعمري ما حبيت حد في الدنيا دي كلها غيرك ، أنا دلوقتي هروح عند بابا وماما عشان هما وحشوني و.... غمضت عيونها للابد
شاهد👈الفصل الثامن
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
( اترك تعليق ليصلك كل جديد قراءه ممتعه للجميع )
اكتب تعليق برايك هنا