رواية زينب الفصل الاول 1 بقلم هي جنته

أخر الاخبار

رواية زينب الفصل الاول 1 بقلم هي جنته

رواية زينب الفصل الاول 1

 رواية زينب الفصل الاول 1 


عايزه اعرفكم بنفسي انا زينب بابا مات من 

٣سنين وللاسف بخاف من الرجاله لانه حصلي 

حادثة تحرش وانا صغيره وبقي عندي فوبيا 

منهم وللاسف اخدت الثانويه بس بالرغم اني 

كنت متفوقه وطالعه من الاوائل عشان اشتغل 

واصرف علي امي واخواتي ايه ٧سنين 

وعمر١٠ سنين هما لسه صغيرين وماما كانت 

بتشتغل وتصرف علينا بس بقت مريضه 

معدتش تقدر تشتغل لينا جار اسمه عمي 

عبدالله هو راجل كبير في السن  

وطيب جدا وبيحبني وبيخاف عليا زي بنته 

شغال عند رجل اعمال مشهور جدا اسمه خالد 

الانصاري وجابلي شغلانه عنده هشتغل 

سكرتيره شخصيه بس مش عارفه اعمل ايه  

انا خايفه لانه راجل ولاني منتقبه وعمي 

عبدالله خايف لنقابي يبقي عقبه قدام شغلي 

وقالي تعالي معايا ونقابله ونشوف هيقول ايه 




اتوضيت وصليت استخاره ودعيت ربنا انه لو 

فيها خير يقربها مني ولو فيها شر يبعدها عني 

نمت وصحيت الفجر وصليت وقرأت وردي 

وجهزت الفطار لماما واخواتي وجهزت 

شندوتشات المدرسه وصحيت اخواتي 

ولبستهم ووديتهم المدرسه ورجعت لماما 

صحيتها وفطرتها واديتها علاجها وطلبت منها 

تدعيلي ولبست وخرجت روحت لعمي عبدالله 

عشان اروح معاه لقيته مستنيني قدام البيت ومن هنا تبدأ قصتي 

زينب:السلام عليكم ياعمي اتأخرت عليك 

الحاج عبدالله: وعليكم السلام ياحبيبة عمك 

متأخرتيش ولا حاجه يلا اركبي العربيه 

زينب وهي خايفه:معلش ياعمي ممكن ناخد تاكس ولا نركب الاتوبيس 

عبدالله بعد مفتكر حاجه :معلش يابنتي والله 

نسيت متزعليش مني يابنتي 




زينب :ولا يهمك ياعمي انا اللي مش قادره اتخطي الحادثه دي 

عبدالله:لا يازينب لازم تنسي واحمدي ربنا ان ربنا نجاكي منها 

زينب:والله حمداه ياعمي لولا حضرتك كان زماني ميته دلوقتي 

عبدالله :بعد الشر عنك يابنتي ربنا يطول عمرك 

ويخليكي لامك تعالي هناخد تاكسي عشان منتأخرش 

شاور لتاكسى وركب قدام وهي ركبت ورا 

لوحدها وبعدوصولهم وطلع عم بدالله محبوب 

في الشركه كلها والكل بيسلم عليه ويصبح 

وانا ماشيه معاه حسيت ان هو صاحب الشركه 

ووصلنا لمكتب صغير عنده سكرتيره لما 

شافت عمي عبدالله وقفت وقالتله 

روان :اتأخرت ليه ياحاج دا الباشا مبطلش 

سؤال عليك من بدري ادخل بسرعه 

عبدالله:ليه في ايه طب زهقان ولا عامل ايه 

روان:شكله متضايق ربنا يستر 

خبط ودخل لوحده وقال لزينب استنيني هنا 

عبدالله :صباح الخير ياباشا حضرتك سألت عليا 

خالد باشا :ايه اللي اخرك لحد دلوقتي ياحاج 
انت تعبان ولا حاجه 

عبدالله:لا يابني ولا تعبان ولا حاجه اللي 

اخرني كنت بجيب البنت اللي قلتلك عليها هي معايا برا 

عبد الله:تحب تشوفها 




خالد:لا مش لازم اشوفها مش انت بتقول انها 

بنت مؤدبه ومتربيه ومحترمه ومتعلمه 

عبدالله:والله ياباشا دا كله فيها بس محجبه بزياده 

خالد:محجبه بزياده ومالو علي الاقل مش احسن 

من الانسات اللي كل يوم بيشيلونا ذنوب روح 

وريها مكتبها وعلما الشغل كويس مدام انت ناوي تتقاعد 

:عبدالله:حاضر ياباشا تحت امر 

اكلمكم شويه عن خالد هو شاب في اوائل الثلاثينات اسمراني ورياضي وبيصلي وملتزم شويه كان متجوز وعنده بنوته قمر اسمها ليان 
عندها ٤ سنين بس لسان وأروبه 

عند عبدالله وزينب

عبدالله :تعالي معايا هنروح اوريكي المكتب 

زينب بفرحه : هو انا اتقبلت ياعمي 

عبدالله ايوا يابنتي اتقبلتي تعالي اوريكي مكتبك واعلمك الشغل 

دخلو المكتب وعمي عبدالله كان هيقفل الباب 

زينب قالته: عمي بلاش تقفل الباب 

اتنهد عبدالله وقال: شكل المشوار هيبقي 

طويل وصعب يازينب عايزك الفتره دي تدربي 

نفسك علي ركوب التاكسيات مع السواق بس وقفل الابواب لهتتعبي اكتر 

زينب دموعها نزلت وقالت: غصب عني والله  

عارف ياعمي لولا اني محتاجه الفلوس 

مكنتش خرجت من البيت ابدا 

عبدالله:عارف يابنتي ربنا يكون في عونك 

بدأت زينب الشغل وعمي عبدالله بيعلمها كل حاجه 
عبدالله :معلش روحي ودي الاوراق دي لخالد باشا في المكتب 

زينب:حاضر ياعمي 

وصلت زينب وخبطت واذنلها بالدخول 

زينب ووشها في الارض:السلام عليكم 

خالد وهو بيبص عليها وبصدمه:وعليكم السلام انتي مين وازاي تدخلي هنا بدون استئذان 

زينب: حضرتك انا زينب وخبطت علي الباب قبل مدخل 

خالد: زينب مين 

زينب: انا السكرتيره الجديده

خالد وهو بيزعق: السكرتيره الجديده منتقبه 

وعبدالله مقليش ليه انك منتقبه 

عمي عبدالله جه علي الصوت 

عبدالله :ايوا ياباشا انا قلتلك انها محجبه 




بزياده وحضرتك قلت ومالو 

خالد: خودها واخرجو دلوقتي 

خرجت زينب وهي منهاره ومش عارفه هي كدا بقت مطروده ولا ايه 

ودا اللي هنعرفه البارت القادم ان شاء الله 
ياريت الكل يقول رأيه اكمل ولا لأ
زينب 
بقلم هي هى جنتة
السلام عليكم ورحمة الله وبركاته 

اليوم معاكم الفصل الثاني من قصتي الجديده 

زينب 

عبدالله :معلش يابنتي شويه كدا لما الباشا 

يهدي هدخله واتكلم معاه وان شاء الله مش هتمشي 

زينب: بعد اذنك ياعمي هدخل اصلي ركعتين لله 
عبدالله:ماشي يابنتي

دخلت زينب صلت ودعت ربهاوهي بتبكي انه 

ييسر لها اللي فيه الخير وبتبص لقت بنوته 

جميله عمرها ٤ سنين قاعده جنبها وبتعمل زيها 

مشت ايدها علي راسها وقالتلها انتي اسمك 

ايه ياعسوله 

ردت عليها انا ليان 

زينب :الله اسمك جميل خالص

ليان :وانتي اسمك ايه وشغاله هنا من امتي

زينب :ههههههههه اسمي زينب ودا اول يوم ليا

ليان :الله اسمك حلو انتي قاعده كدا ليه 

زينب :كنت بصلي وبدعي ربنا 

ليان:بس انتي كنتي بتبكي حد زعلك قوللي 

زينب بتنهيده: اصلي تقريبا كدا صاحب الشغل 

هيمشيني النهارده

ليان:صاحب الشغل خالد هيمشيكي ليه

زينب:عشان انا منتقبه وهو شكله مبيحبش 

المنتقبات وانا كنت محتاجه الشغل أوي 

ليان : خلاص متزعليش ومش هتمشى من هنا ابدا ودا وعد 

زينب وهي بتضحك علي برائتها وعلي لسانها 

وعد هههههههههه انتي جميله يا لي لي ممكن ادلعك بلي لي

ليان:موافقه وانا ممكن اقول يازوزو 

زينب :وانا موافقه بس انتي مقولتليش انتي هنا مع مين 

ليان : مع بابا انا هروح عندو وهجيلك تاني ماشي 

زينب :ماشي 

عند خالد خبط الباب خبطات خفيفه هو 

عارفها وقال ادخلي 

دخلت وهي زعلانه ومكشره 

خالد: مالك ياقلبي مين زعلك 

ليان :انت ياخالد اللي مزعلني 

راح عندها واخدها وقعدها علي رجله ليه 

ياقلبي زعلتك في ايه 

ليان:عايز تمشي صحبتي  

خالد:مين صحبتك دي وهمشيها منين 

ليان: زينب صحبتي عايز تمشيها عشان منتقبه 

خالد: صحبتك وهي من امتي وهي صحبتك  

واصلا من امتي وانتي عندك اصحاب غيري 

ليان:من النهارده بقت صحبتي ويلا اندهلها 

عشان تصالحها وتخليها هنا عشان انا بحبها 

خالد مستغرب ومصدوم لان ليان من يوم 

موت امها وهي مش بتتكلم مع حد غيري 

ضغط علي زرار عالمكتب وقال :عمي عبدالله 

هات زينب وتعالي 

دخل عبدالله وزينب 

عبدالله ايوا ياباشا زينب اهي 

وقف خالد وهو بيتفحصها بعنيه وهو بيلف 

حواليها وفي نفسه ازاي وهي كدا خطفت قلب ليان 

وزينب مضطربه وقلقانه وخايفه بس عندها 

ثقه في ربها انه مش هيخزلها 

خالد: انتي زينب ؟ وعندك كام سنه ؟

زينب :ايوا حضرتك وعندى ١٩ سنه 




خالد: لسه صغيره اوي من النهارده ليكي 

شغلانتين اولا سكرتيره ليا والتانيه مربيه 

لليان بتعرفي ولا لأ لو مش هتقدري قولي من 

دلوقتي ولو مش هتعرفي تتعاملي مع ليان بردو قولي

زينب :ان شاء الله هقدر انا ليا اخواتي 

صغيرين وانا اللي بتعامل معاهم

خالد بعجرفه :هو انتي هتحكيلي قصة حياتك 

عمي عبدالله عرفها الشغل هنا عامل ازاي 

وخدها تجيب هدومها وحاجتها وتيجي الفيلا 

هتعيش فيها عشان خاطر ليان 

زينب :انا مش هقدر اسيب امي واخواتي دول 

محتاجيني وكمان مش هقدر اعيش مع راجل غريب عني 

خالد يبقي متجيش هنا تاني دا شرطي لو 

وافقتي تعالي لو موفقتيش مشوفش وشك هنا 
عبدالله ياباشا دي بنت مسكينه بتجري علي 

امها المريضه واخواتها ومش هتعرف تسيبهم لوحدهم 

خالد: بعصبيه دا اللي عندي 

دا كله وزينب بتبكي وليان ماسكه في ايدها 

وبتبكي هي كمان

تمتلك مدونه دار الروايه المصريه مجموعة 
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
 واستمتع بقراء جميع الروايات الحصرية والمميزة

تعليقات
ليست هناك تعليقات
إرسال تعليق



    وضع القراءة :
    حجم الخط
    +
    16
    -
    تباعد السطور
    +
    2
    -