أخر الاخبار

رواية زينب الفصل الرابع 4 بقلم هي جنته

رواية زينب الفصل الرابع 4

 رواية زينب الفصل الرابع 4 


خالد:اللي عايز اقولهالك دلوقتي ممكن تقبلي تتجوزيني علي سنة الله ورسوله 

زينب بصدمه : ايه اتجوزك يعني ايه مش فاهمه 

خالد:ايوا نتجوز انا وانتي بس مش زى مانتي 

فاهمه هنتجوز جواز مصلحه 

زينب بأنفعال:يعني ايه بردو عايزه افهم 

خالد:اهدي بس وانا افهمك بصي انا بنتي 

محتاجه ام تهتم بيها وتكون بتحبها وتخاف 

عليها وانتي محتاجه حد يقف جنبك ويبقي 

سند ليكي في الحياه وطبعا انتي موفقتيش 

انك تيجي تعيشى عندي انتي واخواتك لأنك 

بتخافي من ربنا ودا بجد ابهرني بيكي  

وبشخصيتك فمفيش حل غير انك تيجي 

تعيشي معانا وانتي مطمنه ومش خايفه من 

حد ولا خايفه علي نفسك الا لما نتجوز دا 

انسب حل وأمان ليكي 

زينب وهي متوتره :بس انا مقدرش اتجوزك 




خالد:ليه انتي بتحبي حد 

زينب :لالالا الحمد لله عمري ما كان ليا في الحاجات دي 

خالد:طب خلاص يبقي مفيش اي موانع اننا 

نتجوز وكمان جوازنا هيبقي علي الورق انتي 

هتيجي انتي وامك واخواتك تعيشو معانا انا 

وليان انتي هتخلي بالك من ليان وانا هخلي 

بالي منك ومن امك واخواتك وياستي مرتبك 

هيفضل ماشي زى ماهوا ولو عاوزه تفضلي 

في الشركه ماشي ولو حبيتي فيوم من الايام 

تمشي مش هقدر امنعك دا حقك بس لما ليان 

نفسيتها تتحسن لان بنتي صعبانه عليا ومش 

مستحمل اشوفها كدا ها قولتي ايه 

زينب :هصلي استخاره وهرد عليك 

خالد:خلاص ماشي ولما تقرري اتصلي عليا 

والله يازينب لوافقتي مش عارف انا هرد جميلك دا ازاى 

دخلو عند امها واطمنو عليها ولعبت زينب مع 

ليان هي واخواتها وخالد اتعرف علي ام زينب 

وحس انها ست طيبه جدا واخواتها لذاذ 

خالص وهيبقو اصحاب واخوات لليان 

وبعدكام يوم رجعت امها البيت وزينب كل 

يوم تصلي استخاره وتدعي وتفكر في امها 

واخواتها ومستقبلهم لان عيشتهم هتختلف 

عن الاول من الفقر والجوع والعوز الي عيشه 

مرتاحه ومش هتشيل هم حاجه وحد تقدر 

تتسند عليه صحيح هي بتخاف تقرب من 

الرجاله واستحاله يكون بينها بين اي راجل 

علاقه عشان حادثتها زمان بس يمكن دى 

فرصه ان محدش هيقرب لها فقررت تتصل بيه 

خالد قاعد في مكتبه ورن فونه فرح لما بص 

ولقي رقم زينب 

خالد: السلام عليكم 





زينب بتوتر:وعليكم السلام استاذ خالد انا....

وافقت علي موضوع الزواج ممكن تيجي 

تتكلم مع ماما وعمو عبدالله لان انا مليش قرايب 

خالد بفرحه: خلاص ماشي ان شاء الله بلغي 

الحاجه انا هكون عندكو بكرا بعد المغرب 

عشان اطلبك منها وانا هقول لعمي عبد الله 

زينب :ان شاء الله تشرف 

خالد:ضرب الجرس علي عمي عبدالله وقاله 

لو سمحت تعالالي حالا 

عبدالله :خير يابني في حاجه 

خالد :خير ياحاج هتيجي معايا بكرا نطلب 

زينب للجواز 

عبدالله :زينب ؟زينب مين 

خالد:ههههههههه زينب ياحاج زينب انتي 

نسيتها ولا ايه 

عبدالله بزهول :زينب بتاعتنا دى 

خالد:ايوا هي بنت متدينه ومحترمه وجدعه 

وهي انسب حد ليا ولا انت معترض عليا 

عبدالله:لا ابدا والله دا انت سيد الناس 

ومفيش في احترامك وحنيتك 

خالد:دا من زوقك ياعمي اعمل حسابك بقي 

هاجي اطلبها منك بكرا المغرب ماشي 

عبدالله:ماشي يابني دا انت تنور 

عند زينب راحت لامها ومسكت ايديها وباستها 

وقالت لها ماما حبيبتي عايزه اقولك علي 

حاجه انا ......انا جالي عريس 

امها صباح :هههههههه عريس مره واحده 

مش لس بدري عشان تفكري في الحاجات دي

زينب:ماهو انتي لما تعرفي مين العريس مش 

هتقولي كدا ومش هترفضيه

امها:مين ياختي العريس اللي ميترفضش دا 

زينب:خالد بيه 




صباح:خالد بيه بجد طب ازاي وانتي موافقه 

زينب: ايوا موافقه راجل محترم وبيحبني 

وبنته كمان بتحبني والراجل عايز يتقدملي 

 هو جاي بكرا المغرب شوفي بقي هنعمل ايه انا مفيش معايا اي فلوس 

صباح :متشيليش هم ربنا هيفرجها روقي 

البيت وهاتي من عند خالتك طقم شاي عشان 

نقدمله فيه وروحي هاتي كيلو حلويات من 

عند عمك صالح شكك وهاتي حاجه ساقعه من عند عمك حسن 

تاني يوم زينب جهزت كل حاجه وجهزت 

نفسها واخواتها وامها واستعدو للقاء العريس 

وبعد صلاة المغرب خبط الباب 

فتحت الباب ودخل عمي عبدالله وخالد وليان
 

 ليان جرت علي زينب حضنتها وزينب شالتها 

 عمي عبدالله:السلام عليكم يابنتي 

اتفضل ياخالد بيه 

زينب:وعليكم السلام اتفضلو

خالد :ازيك يازينب 

زينب :الحمد لله اتفضلو 

خالد:وطي علي ايد صباح وباسها ازيك يأمي عامله ايه 

صباح :استغفر الله يابني انا الحمد لله بخير 

اتفضل اقعد هاتي حاجه نشربها يازوزو 

زينب :حاضر ياماما 

عمي عبدالله :صلي علي النبي يام زينب 

خالد بيه جاي وطالب ايد زينب علي سنة الله ورسوله 

صباح: يابني احنا نوديهالك خدامه 

خالد : ربنا يبارك في حضرتك انا مش عايز 

خدامه انا عايز زوجه وام لبنتي ومش هلاقي افضل من زينب 

صباح :بس يابني بنتي لسه صغيره واحنا ناس علي قد حالنا 

خالد:يأمي انا عارف كل حاجه وانا حابب 

اقولك ان حضرتك وآيه وعمر هتيجو تعيشو معانا
صباح :لا يابني انا مقدرش اطلع من بيتي 

واسيب حياتي وعمري وذكرياتي 

خالد:يأمي مش هسيبك هنا عشان زينب 

هتقلق عليكي ومش هتستحمل تبعد عنك 

وعن اخواتها وكمان انتي تعبانه وعايزه حد 

يراعيكي هجيبلك ممرضه تفضل معاكي 

وهجيب مدرسه للاولاد فمتشيليش هم حاجه 

صباح :معلش يابني سيبني افكر دى مش 




حاجه سهله دا جواز  

خالد:تحت امرك يامي فكري براحتك وبلغيني 

بقرارك وتأكدي انك لوافقتي هبقي اسعد انسان في الدنيا 

صباح:ربنا ييسر اللي فيه الخير يابني 

خالد :استأذن انا يلا ياليان 

ليان:سيبني هنا مع زوزو ياخالد 

زينب :معلش سيبها وانا هخلي بالي منها 

خالد عشان واثق في زينب :خلاص ماشي 

بس خليكي شطوره واسمعي كلام زوزو 

زينب :سمعت اسم زوزو حست بحاجه غريبه عليها مش فاهماها

دخلت صباح وزينب غرفتها

صباح :فهميني ايه الكلام اللي سمعته دا يعني ايه هنروح نعيش هناك 

زينب ببكاء شديد:ياماما انا مقدرش اعيش 

من غيرك انتي واخواتي ومش هقدر اسيبك 

وانتي تعبانه بالله عليكي ياماما وافقي عشان 

نرتاح كلنا عجبك يعني الفقر اللي احنا عايشين 

فيه عجبك انهم جم النهارده مفيش في بيتنا 

حاجه للاكل ولا معانا ولا مليم ومش معانا 




نجيب علاجك عجبك اروح اجيب نص العلاج 

شكك ولولا الدكتور كان صاحب بابا مكنش 

هيعطيني واروح اجيب الحلويات والببس 

شكك ياماما مش عايزه اخواتي تتبهدل 

اعلمهم ازاي واكلهم ازاي وانا بحالتي دى 

الحمد لله انه قابلني علي عيوبي وافقي بالله عليكي 

امها اخدتها في حضنها وقلتلها خلاص ياقلب 

امك كفايه متعيطيش ماشي يابنتي اتصلي 

عليه وقوليله اني موافقه خلاص بس عندي شروط 

زينب وهي بتحضنها خلاص ماشي ياغلي عندي من نفسي

اتصلت علي خالد وقالتله تعالي بكرا عشان 

تتفق مع ماما هي وافقت 

ياتري هي هتتفق علي ايه وايه هي شروطها 

تمتلك مدونه دار الروايه المصريه مجموعة 
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
 واستمتع بقراء جميع الروايات الحصرية والمميزة

تعليقات



    حجم الخط
    +
    16
    -
    تباعد السطور
    +
    2
    -