رواية حياة الفهد الفصل العاشر 10
جميلة قامت من النوم مفزوعة : ياساتر يارب مين بيصرخ أكده
سالم بخوف : ده صوت ياسمين قومي نشوف مالها +
... في اوضة فهد...
كان صاحي وسمع صوت اخته بتصرخ باسم سيف الدم اتجمد في عروقه
حياة صحيت بخضه : فهد ايه الصوت ده
فهد مردش وطلع من الأوضة بيجري بسرعة وهيا وراه
..... في اوضة ياسمين.....
جميلة وسالم دخلو لقيوها مرمية علي الارض فاقدة الوعي والتلفون جنبها
فهد دخل وشاف المنظر ده شالها بسرعة ونيمها علي السرير
حياة بسرعة وتوتر : انا هجيب مياة
عدى دقايق والعيلة كلها اتجمعت في اوضة ياسمين
فهد جاب ازازة برفان وحط علي كمه وقربه من انفها لحد ما فاقت وجميلة أعطته الماية وشربها
ياسمين بعياط : سيييييف... سيييييف لاا متموتش سيييييف
فضلت تعيط بطريقة هسترية وتنادي باسمه جميلة خدتها في حضنها وفضلت تهدي فيها وفهد قام وقف بعيد مش بيتحرك ودماغه بتودي وتجيب..... حياة شافته ووقفت جنبه ومسكت ايده جامد بتحاول تهديه
سالم : فيه ايه ياياسمين مالك يابتي
ياسمين بعياط وشهقات : سييف يابوي ه.. هو كلمني وبعدها سمعت ضرب نااار سيف مااات يابوي ماات ااااه سيييييف
سالم غمض عينه بألم وفي لحظة افتكر فهد بص في الأوضة بقلق لقيه واقف في ركن لوحده وحياة جنبه شكله مصدوم بس عيونه فيها ضعف وخوف
راح عنده وربت علي كتفه بحنيه : فهد ياولدي....
فهد بصدمة : سسيف.. مماتش يابوي... هو هيعيش صوح؟!
سالم بوجع على حالة ابنه : ده عمره ياولدي ده قضااء ربنا
فهد اتعصب وبدأ يكسر كل حاجة تقابله بعصبيه كان زي الوحش وبيزعق بصوت عالى هز جدران القصر : لااا هو مماتش مماتش... هو عايش وهيفضل جنبي وهسامحه.... اني عارف انه ميقصدش يزعلني...... اااااه..... سيييف
سالم قدر يمسكه بصعوبة وخده في حضنه والدموع اتجمعت في عينيه علي حال ابنه والضعف اللي ظاهر عليه
حياة قاعدة جنب ياسمين وبتعيط على حالة فهد وياسمين
بعد شويه تلفون فهد رن برقم غريب
فهد بهدؤ وضعف : الووو
الشخص بسرعة : الو معاك الظابط ايمن زميل المقدم سيف بصراحة المقدم سيف اتصاب أثناء المهمة وإصابتة خطيرة انا لقيت الرقم ده متسجل على تلفونه باسم اخويا ياريت تبلغ عيلتك وتيجوا فورا احنا رايحين مستشفى****
فهد قام بسرعة وفرحة : تمام تمام انا جاي حالا
سالم : خير يافهد مين اللي بكلمك دلوقت
فهد بص لياسمين وراح عندها ومسك وشها بحنان : سيف بخير هو بس اتصاب وهيروح المستشفى انا هروحله دلوقت
تستمر القصة أدناه
ياسمين بسرعة وسعادة : بجد ياخوي
فهد بابتسامة : بجد ياقلب اخوكي
ياسمين بتوتر وسرعة : اني هاجي معاك
فهد : لاا ياحببتي مش هينفع اخدك معايا الوقت متأخر
ياسمين بعياط : ابوس يدك ياخوي خدني معاك مش هقدر اقعد اهنيه لازم اشوفه
فهد بص لسالم وسالم حس بحاجتها الشديدة انها تروح معاه
سالم بهدؤ : خدها معاك يافهد
فهد : غيري خلاقاتك بسرعة عشان منتأخرش
كله طلع بره وقعدوا تحت في الصالة في جو من التوتر وفهد راح يغير هدومه وحياة راحت وراه
حياة : خد بالك من نفسك يافهد
فهد بضعف وخوف اول مرة يظهر قدام حد : هو هيعيش صح ياحياة؟!
حياة حضنته : ان شاء الله هيعيش يافهد هو مش هيسيب ياسمين وحدها ولا هيسيبك هيعيش عشانكوا
فهد اخيرا سمح لدموعه تنزل وحضنها جامد لدرجة انها حست اعضامها هتتكسر بس مهتمتش : انا جرحته اوي ياحياة وانا عارف انه مش بقصده يخوني نفسي يرجع واشوفه وانا هسامحه والله هسامحه ونرجع زي الاول
حياة مسحت على ضهره بحنيه : هيرجع يافهد وهتبقوا احسن من الاول كمان
فهد : يارب ياحياة يارب
فهد غير هدومه وياسمين كمان ونزلوا ركبوا العربية ومشيوا وهو ساق بأقصى سرعة
سالم : تعالي معايا ياهشام هنروح بيت الرفاعي
محمود : ليه بيت الرفاعي دلوقت ياخوي
سالم : لازم نعرفهم اللي حوصل لودهم المشاكل اللي بينا ملهاش علاقة بده سيف كان صاحب فهد واني كنت بحبه كيف ولدي بالضبط
هشام : حاضر ياعمي
...... في القاهرة في منطقة التسليم.....
ايمن : سيف قوم يابطل احنا مسكنا داغر خلاص وده بفضلك
سيف كان فاقد الوعي تماما
ايمن بزعيق : هاااتو نقالة هناا بسرعااااة المقدم سيف متصاب
الإسعاف اخدوا سيف وكل المصابين واتجهوا للمستشفى
...... قدام بيت الرفاعي....
سالم خبط علي الباب وسعد وصبحة كانوا صاحيين لأنهم عارفين ان معاد مهمة سيف دلوقتي ومستنين يطمنهم
سعد فتح الباب واتفاجأ بسالم
سعد بضيق : عايز ايه ياود المنياوي
سالم بجمود : اني مش جاي اتعارك معاك اني جاي اقولك انهم كلموا ولدي وقالوله ان ولدك اتصاب وهو دلوقت في المستشفى
صبحة شهقت وصوتت : يامرك ياصبحة ولدي... اني عايزة ولدي اااه ياحبيبى ده لسه صغير
وبدأت في نوبة عياط سعد راح عندها
سعد بهدؤ محاولا التماسك : خلاص ياصبحة ولدك زين وهيرجع بالسلامة ان شاء الله
تستمر القصة أدناه
صبحة : اني عايزة اشوفه ودوني لولدي
سعد : قومي يلا هنروحله
سالم : هشام روح معاهم متفارقهمش واصل
سعد : مفيش داعي احنا هنروح لحالنا
سالم : مينفعش تسافروا لوحدكم هشام هيجي معاكم وهو عارف الطريق زين ده مش عشانك ده عشان سيف
سعد هز براسه..
هشام : تعالي معانا ياعمي هوصلك القصر ونطلع من هناك علي القاهرة
ركبوا العربية ووصلوا القصر حياة كانت في الجنينة وشافتهم لما وصلوا
هشام : اني هطلع اجيب سلاحي وراجع عشان الطريق ليل ومش عارفين اللي ممكن يحصل
سالم : ماشي ولدي
سالم نزل وقف جنب حياة وهشام دخل القصر
سالم : واقفه أكده ليه يابتي
حياة : قلقانة اوي علي فهد ياخالو هو شكله تعبان اوي... هما جايين هنا ليه!!
سالم : هشام هيوديهم المستشفى عند سيف
حياة : والنبي ياخالو هروح مع هشام
سالم : ميصحش يابتي الدنيا ليل والطريق واعر
حياة : عشان خاطري ياخالو انا لازم اكون جنب فهد
سالم بتنهيده : ماشي ياحياة روحي يابتي
هشام نزل وركب العربية وحياة جنبه واتجهوا للقاهرة
...... ع الطريق في عربية فهد.....
ياسمين بتعيط وفهد قلقان وخايف علي صاحب عمره
وقف العربية ومسك ايدها : متبكيش ياخيتي هو هيبقي زين متخافيش
ياسمين : يارب ياخوي يارب... اني مش عايزة غير انه يبجي زين والله اني مسمحاه هو عمره مافكر يأذيني واللي عمله ده كان غصب عنه
فهد : عارف عارف ياياسمين انه مكنش يقصد وان شاء الله هيرجع بالسلامة واحسن من الاول كمان 1
ياسمين ابتسمت براحة وفهد كمل سواقة وهو بيحاول يتماسك لكن جواه خوف كبير
* عدي ساعات وفهد ياسمين وصلوا القاهرة وراحوا المستشفى
فهد للموظفة : المقدم سيف الرفاعي في اي اوضة
الموظفة : هو في العمليات دلوقتي يافندم
فهد بصدمة : في العمليات ليه! هو إصابته خطيرة
الموظفة : معرفش يافندم كل اللي اعرفه انه واخد رصاصة وجات قريبة من القلب واول ماوصل دخل العمليات 3
فهد بتوتر : طيب فين اوضة العمليات
الموظفة : الدور التاني الأوضة اللي في نهاية الممر
فهد وياسمين طلعوا علي السلالم جري لحد ما وصلوا مكانش قدام الأوضة غير الظابط ايمن
فهد : دي الاوضة اللي فيها المقدم سيف
تستمر القصة أدناه
ايمن : ايوا حضرتك مين
فهد بسرعة : انا... انا فهد اخو سيف
ايمن : المقدم سيف بطل قام بدور عظيم في المهمة لولاه مكانش داغر في السجن دلوقتي
فهد : هو ايه اللي حصل
ايمن : فريقنا اشتبك مع العصابة والمقدم سيف اتقدم واتسلل لحد ماوصل للمكان اللي فيه داغر وقتل كل الرجالة اللي بيحموه واشتبك مع داغر واتفوق عليه بس واحد من رجالته قدر يهرب ومسك السلاح وضرب رصاصة جت في المقدم سيف.... اخدناه ع المستشفي هو وكل الضحايا بس...
فهد بحذر : بس ايه!
ايمن : بس الدكتور قال انه الرصاصة جت في مكان قريب من القلب وصعب نطلعها لازم من عملية بس هتكون خطر على حياته وهو حاليا حالته خطيرة وفي العمليات
ياسمين كانت هتقع فهد سندها
ايمن : انا هروح اطمن علي المصابين المقدم سيف بلغني اني اوصل الورقة دي لواحد اسمه فهد المنياوي اتفضل
ايمن مشي وفهد قعد ياسمين علي الكرسي وقعد جنبها وفتح الورقة وبدأ يقرأ
(فهد لو الورقة دي في ايدك دلوقتي هكون انا مش معاك انا مش زعلان اني هموت انا بس زعلان اني هموت وانت مش مسامحني وياسمين كمان كان نفسي تاخذني في حضنك اوي يافهد وتودعني بس يلا مليش نصيب انا غلطت وبتحمل نتيجة غلطي وحيات اي حاجة حلوة عشناها مع بعض تسامحني يافهد خلي روحي مرتاحة والله مكان قصدي انا بحبك اوي انت اخويا مش صحبي
قول لياسمين تسامحني يافهد انا والله بحبها ومكنتش حابب نوصل للوضع دا قولها متزعلش لما اموت ومتعيطش ومتضيعش دموعها على واحد حقير واذاها زيي انا اسف اسف على كل حاجة وحشة عملتها معاكوا
اخوك سيف الرفاعي )
ياسمين بعياط : مسمحاك ياسيف مسمحاك والله بس ارجعلي اني مقدرش اعيش من غيرك ياود عمي
فهد حضنها ودموعه نزلت : هيرجع هيرجع ياياسمين ربنا يقومه بالسلامة
فضلو قاعدين شوية وأهل سيف وصلوا بعد ماعرفو المكان
صبحة : ولدي ولدي فين يافهد عشان خاطري يابني طمني
فهد : سيف في العمليات ياخالة صبحة وهبقي زين ان شاء الله
فهد لحياة : ايه اللي جابك ياحياة
حياة بهدؤ : مينفعش اسيبك انت وياسمين في موقف زي ده لوحدكوا
الدكتور طلع كلهم جريوا عليه
سعد : طمني يادكتور ولدي بخير صح
الدكتور بأسي : احنا عملنا كل اللي نقدر عليه بس المريض شكله مش متمسك بالحياة خالص ادعوله في الكام ساعة الجايين ويعدوا علي خير
صبحة : يارب يارب احميه ليا اني مليش غيره
ياسمين فضلت قاعدة وبتعيط وفهد بعد عنهم ووقف في ركن لوحده حياة راحتله
فهد : كله بسببي انا السبب ياحياة لو كنت سامحته مكنش كل دا حصل
تستمر القصة أدناه
حياة حضنته : لا مش انت السبب يافهد دا قدره واحنا منقدرش نغير فيه حاجة ادعيله يافهد
عدي كام ساعة في هدؤ تام وفجأة المكان اتملي بالحركة والممرضات بيدخلوا ويطلعوا من اوضة سيف
فهد الدكتور : فيه ايه سيف ماله
الدكتور مردش عليه وفهد اتعصب دخل دكتور تاني
فهد مسكه بعصبية وطلع مسدسه وصوبه علي راسه وزعق : رد عليااا وفهمني فيه ايييييه انطق
الدكتور بخوف : المريض قلبه وقف ولازم نلحقه والا هيروح مننا
فهد : اقسم برب العرش لو سيف جراله حاجة لقتلكوا واشرب من دمكو فاهم
الدكتو بخوف : فاهم فاهم بس سبني عشان الحقه
فهد سابه والدكتور دخل وعملوله انعاش وبردو مصحيش
واحد من الدكاترة طلع : المريض فاقد الأمل في خالص تقريبا بيعاني من أزمة نفسية ومش عايز يعيش احنا جربنا العلاج الجسدي مجابش نتيجة مفيش حل غير العلاج النفسي لو حد قريب منه هنا يدخل يتكلم معاه يحاول يديه امل
فهد وياسمين في نفس واحد : انا هدخل
فهد : انا وهيا هندخل
الدكتور : واحد بس مينفعش اتنين ممكن واحد يدخل دلوقتي وبعده يدخل واحد تاني
فهد دخل بسرعة من غير كلام وقعد علي الارض ومسك ايده بدموع : سيف انا فهد فهد صاحبك قوم ياخويا عشان خاطري انا مسامحك ياسيف انا اسف عارف اني قسيت عليك اوي بس قوم انا مقدرش اعيش من غيرك ياخويا قوم وانا هعملك كل اللي انت عايزه وهساعدك تتجوز ياسمين انا عارف انك بتحبها
الدكتور بسرعة : قلب المريض بدأ يستجيب استمر افضل كلمه 3
فهد طلع ودخلت ياسمين ليه
ياسمين اول ماشفته انهارت من العياط وراحت عنده ومسكت ايده جامد : سيف قوم ياود عمي اني ياسمين حبيبتك... جوم ياسيف ومتوجعش قلبي عليك انت عارف اني مقدرش اعيش من غيرك انت وعدتني مش هتهملني وحدي واصل فين وعدك ياود عمي قوم اني مسمحاك ياسيف مسمحاك ياحبيبى قوم عشان تاجي تطلب يدي من اهلي وهنتجوز
الدكتور : ارجوكي كفاية كدا اطلعي برا المؤشرات بدأت ترجع طبيعية
هنا ياسمين انهارت ومسكت ايده جامد مسمعتش حتى كلام الدكتور مش عايزة تسيبه : سييييف قوووم عشان خاطري بعدوا عني هو عايزني انا بعدووا
فهد دخل واخدها وطلعها برة بصعوبة وبدأ يهديها وحياة خدتها في حضنها وبدأت تقرأ قرأن
عدي يوم كامل وسيف اتنقل لاوضة عادية والدكتور قال انه هيفوق بعد ٢٤ ساعة
فهد : جيتي ليه ياحياة كده هتتعبي مكنش له لزوم تيجي
حياة : لازم اكون مع جوزي في محنته واقف معاه
فهد فرح من كلامها : ربنا يخليكي ليا ياحياتي
تستمر القصة أدناه
حياة : ويخليك ليا.... ياسمين شكلها تعبان اوي
فهد بحزن : هيا تعبت اوي في اليومين اللي فاتوا مبطلتش عياط
حياة : بتحبه اوي ربنا يجمعهم مع بعض... انت هتخليهم يتجوزوا صح يافهد
فهد اتنهد : هنشوف الموضوع دا بعدين المهم سيف يقوم
الممرضة : المريض اللي في الأوضة دي فاق
ياسمين جريت علي الأوضة ودخلت بسرعة لقيته لسة بيحاول يفتح عينه وبيقاوم الضوء
اخير قدر يفتحهم وشافها قدامه فكر انه حلم
سيف بوهن : ياسمين!!
ياسمين بدموع : حمد الله علي سلامتك ياود عمي
سيف بعد تصديق : انتي بجد هنا؟!
فهد دخل بابتسامة واسعة : لا هناك ياخويا
سيف بفرح : فهد انت كمان هنا بجد ولا انا متت ودا حلم.... وحاول يقوم
فهد راح عنده بسرعة وحضنه وجمد علي حضنه
سيف بتأووه : اهه
فهد بقلق : ايه مالك اناديلك الدكتور
سيف : اهدي اهدي انا كويس انت بس ضغطت علي الجرح
فهد : معلش مكانش قصدي
سيف مسك ايده : انا اسف يافهد سامح.....
فهد بمقاطعة : مسامحك ياسيف مسامحك ياخويا
سيف بحب : ياااه وحشني اوي كلمة اخويا منك يافهد
صبحة و سعد دخلوا واطمنوا علي سيف وهشام كمان دخل اطمن عليه
حياة : حمد الله ع سلامتك ياسيف
سيف بابتسامه : الله يسلمك تسلمي ياحياة
فهد بضيق ومسك ايد حياة جامد : اسمها مرات اخوك.. وانتي اسمه حضرت المقدم
سيف ضحك : بتغيري يابيضة
فهد جز ع سنانه : سيف اتلم والا......
سيف : والا ايه هتضرب واحد مريض هاااه هاااه قولها..... عشت وشوفت فهد المنياوي بيغير
فهد : راعي انك تعبان والا كان زماني مكسرلك اعضامك
هشام : اني هروح اجبلكوا حاجة تكلوها انتو مكلتوش من امبارح
سعد : هاجي معاك ياولدي
صبحة : واني هروح الحمام
طلعو وبقي في الأوضة فهد وحياة وسيف وياسمين
...... في الصعيد.......
قدام اوضة حسام
هايدي خبطت عليه ووقفت قدام الباب بأحرج وهو فتح وشافها في الاول فرح بس بعدين أظهر الجدية
هايدي بتوتر : اني... كنت عايزة اعتزرلك علي طريقتي معاك متزعلش مني بس اني أكده مبحبش اختلط بحد
حسام بمزح : متوحدة يعني طب ياستي اعتزارك مقبول 1
هايدي بضيق : تصدق اني غلطانة اني جيت اعتزرلك انت بارد ومعندكش حيااا
حسام : استني بس رايحة فين ياهايدي ياجعفر
حسام ابتسم وصقف بايده زي الأطفال وراح علي اوضة زهرة
زهرة : عايز ايه يااخرة صبري
حسام : احم... عايزك تنادي عم محمود وطنط سعدية عشان هتقدم لهايدي
زهرة : وانا مالي ياخويا روح انت ناديهم واتقدم وابقا قول قدامهم طنط سعدية دي هيحفلوا عليك تحفيل موووت
حسام : ماشي يا وزو مقبولة منك يلااا بقا وبطلي دلع
زهرة رمت في وشه الشبشب : شكل ابو وردة وحشك مين دي اللي بتتدلع يلااا
حسام : شكرا يانبع الحنان
زهرة : سيد متقولش كدا عيب احنا
حسام بصراخ : يلااا بقا شالله تنستري هموووت واتجوز البت ياجدعان
زهرة : خلصانة هجوزهالك 3
حسام : لولولولويييي
زهرة جمعت العيلة وقعدوا وحسام قاعد مكسوف وساكت وكلهم ساكتين وملوا من القعدة
زهرة بهمس : ماتتكلم يااهبل
حسام : لاء يالا نروح هنيجي في وقت تاني
زهرة : اخلص يالاا الناس زهقوا
حسام : نسيت اللي حفظته
زهرة : اخلص ياحسام الراجل هيحلف ماهو مجوزهالك
حسام : حاضر حاضر
....... في المستشفى.....
سيف : يعني انت سامحتني بجد يافهد
فهد بسخرية : لا كده وكده
سيف : بطل رخامة.....انا كنت سامع واحد بيقول قوم ياسيف وهعملك اي حاجة
فهد بجدية : لا مش انا علي فكرة ومقولتش كدا
سيف : كداب اوووي.... احم حيث كدا بقا انا طالب منك ايد ياسمين واوعدك هحافظ عليها ومش هخليها تحتاج حاجة ابدا وهحطها في عنيا
ياسمين وشها قلب الوان واتكسفت وحياة ابتسمت اما فهد اتقلبت ملامح وشه للضيق والعصبية
فهد بجدية وضيق :.........
..... في الصعيد......
حسام بتوتر : احم... بصراحة ياعم محمود انا...... كنت عايز.... عايز أغلى حاجة عندك
محمود رفع حاجبه : كيف يعني مش فاهم... عايز فلوس لو عايز قول ياولدي متتكسفش
حسام : لا لا ياحج مستور والحمد لله
زهرة نغزته في كتفه واتكلم بهمس : ايه اللي بتقوله دا ياعبيط اخلص وقول الكلام صح
حسام بسرعة وغمض عينه بقوة : بصراحة انا طالب ايد هايدي
محمود :..........
شاهد👈الفصل الحادي عشر
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا