رواية حياة الفهد الفصل الحادي عشر 11
حسام غمض عينه واتكلم بسرعة : بصراحة ياعمي انا طالب ايد هايدي بنت حضرتك
محمود في الاول استغرب من طلبه وسالم مبينش اي ردة فعل
محمود : والله ياولدي اني موافق انت اه اهبل ومخك ضارب حبتين ومش يبان عليك انك دكتور بس محترم 1
حسام باحراج : ولازمتها ايه محترم بعد كل ده ياعمي 1
زهرة بضحك : بكرة لما يتجوز هايدي يعقل يااخويا هههه
محمود : اني عن نفسي موافق بس لازم نشوف رأي عمها وأخواتها
سالم بجدية : اني موافق ياخوي حسام محترم وهيصون بتنا
محمود : علي بركة الله احنا نستنى هشام وفهد لما ياجوا بالسلامة ونشوف رأيهم بس لازم تاخد رأي ابوك ياولدي
حسام : اكيد ياعمي انا كلمته وفهمته كل حاجة وهو قالي اخد موافقتك وهيجي نقرأ الفتحة ونعمل خطوبة على طول
محمود : ربنا يقدم اللي فيه الخير ياولدي
........ في المستشفى.....
" فهد رسم علي وشه علامات الضيق والعصبية بمهارة
حياة مسكت ايده وبصتله برجاء وهو غمز ليها غمزة بسيطة وفهمت بس اخفت ابتسامتها
سيف بسرعة : والنبي يافهد ماترفض والله بحبها وهسعدها ومش هخليها تحتاج حاجة
فهد بجدية : احم..احم... سيف انا مش......
سيف بتمثيل : ااااه... اه مش قادر
فهد بخوف جري عليه : سيف مالك فيه ايه؟!
سيف بخبث : تعبانة اوي يافهد حاسس اني هموووت مش قادر
فهد بقلق : طب... اهدي اهدي هناديلك الدكتور
سيف : لا لااه مش عايز دكتور
فهد : اومال عايز ايه... اعملك ايه
سيف : جوزني ياسمين.... بالله عليك ماترفض والله بحبها ياجدعان
فهد ضربه ف كتفه بعصبية وجز علي سنانه : انت غبي يعني انا اخاف عليك وانت قاعد بتهزر
سيف بضيق : اااه... ايدك ياعم... وبعدين ماانت اللي كنت هترفض
فهد بزعيق : انت سمعتني رفضت ولا قولت لا
سيف بزعيق مماثل ونسيوا انهم في مستشفى : ايوا انت قولت سييف انا مش...
فهد بسخرية : ما الحيوان مش سابني اكمل
سيف : كمل يااخويا... اكيد هتقول انا مش موافق والله يافهد لو نطقتها لاخد البت واهرب
ياسمين بغيظ : بت اما تبتك يازفت
فهد : ابقا اعملها وانا اطلع بروحك في أيدي
حياة بزعيق : باااااااااس.... اسكتوا مش عايزة اسمع ولا كلمة
كله سكت وبصوا لبعض بغيظ وحياة بصتلهم بعصبية
حياة : ايه بتتخانقوا زي الاطفال.... كله يسكت مش عايزة اسمع نفس
تستمر القصة أدناه
كله سكت وبصوا لبعض بضيق ولحياة بغيظ كبير
حياة بصرامة : انت ياسيف مس....
فهد بصلها نظرة حارقة
حياة بتوتر : احم حضرة المقدم انت مسمعتش باقي كلام فهد ومش اعطيته فرصة يكمل
سيف بعصبية : ما هو.....
حياة برقتلهب نظرة تحذير مرعبة وسكت : ششش اسكت.... وانت يافهد كمل اللي عايز تقوله
فهد بعصبية : انا كنت هقول اني مش هلاقي احسن منه آمنه علي اختي بس البيه ميعرفش يسكت دقيقتين علي بعض ممكن يولع لو سكت
سيف بفرحة : سيبك من الحتة الأخيرة دي.... يعني انت موافق بجد يافهد!!
فهد بجدية : ايوا موافق انا صعيدي ياجدع انت ومرجعش عن كلمة قولتها واااصل
سيف : الله عليك يافهد الصعيد اخيرا ياولاه هتجوز
ياسمين اتكسفت وطلعت برة بسرعة
حياة بابتسامة : انا هشوفها.... وطلعت
سيف : انا مش مصدق يافهد اخيرا هتجوز ياسمين حب عمري
فهد : خلي عندك دم وراعي انك بتتكلم علي اختي
سيف : ومراتى المستقبلية ياخويا
فهد : سيف ياحبيبى انت حاسس باللي بيحصل محدش موافق غيري يعني لحد ماعيلتي وعيلتك يوافقوا هتكون عجزت واسنانك وقعت
سيف اتنهد بحزن وسند راسه علي المخدة : انا تعبت والله يافهد مبقتش عارف القيها منين ولا منين.. اعمل ايه ؟
فهد : متخافش ياصحبي انا معاك وهقنع ابويا وعمي وان شاء الله يوافقوا هما وأهلك
سيف : يارب ياصحبي.... المهم انت عامل ايه مع حياة
فهد بغيرة : قولتلك متنطقش اسمها علي لسانك
سيف : خلاص ياعم اهدي.... شكلك وقعت يافهد الصعيد
فهد : مين دا اللي يقع انا دا انا فهد المنياوي علي اخر الزمن وحدة ست توقعني
سيف بمكر : مش هيا دي الست اللي انت مكنتش بتبطل كلام عليها
فهد بتوتر : لا أنا متكلمتيش عليها انا مشوفتهاش غير مرة ولا مرتين
سيف بخبث : ياجدع اومال مين اللي كان بيروح يراقبها وهيا في الجامعة
فهد : عادي يعني بنت عمتي وكنت بطمن عليها
سيف : بنت عمتك برضو علي العموم انا عارف انك بتحبها بس بتكابر وهتقع يافهد وتقول سيف قال
فهد بضيق : سيف أخرس وخليك في المصيبة اللي انت فيها
...... برا قدام الأوضة......
حياة بضحك : شكل عروستنا اتكسفت اوي
ياسمين بكسوف وسعادة : انا مش مصدقة ياحياة فهد اخوي وافق وهتجوز سيف
حياة بتنهيدة : متنسيش اهلك وأهله
تستمر القصة أدناه
ياسمين بحزن : اني خايفة قوي ياخيتي نفسي يوافجوا ونتجوز اني وهو ونعيش مع بعض
حياة : ان شاء الله يحصل ربنا يسعدك يا قلبي
ياسمين بخبث : بس شكله فهد اخوي بيغير عليكي قوي ايه الدنيا
حياة بتوتر : عادي يعني ولابيغير ولا حاجة
ياسمين : بتحبيه؟!
حياة : لا مبحبوش احنا متجوزين غصب وعايشين مع بعض عادي ومكناش نعرف بعض اصلا
ياسمين باستغراب : ازي مش كنتوا تعرفوا بعض
حياة : اخر مرة شفنا بعض لما كان عندي عشر سنين وبعدها مجتش الصعيد ولا هو جه عندنا القاهرة ولما تقابلنا يوم كتب الكتاب مكناش نعرف بعض
ياسمين : ازاي يعني فهد اخوي مش عرفك
حياة : عادي يابنتي متقبالناش لما كبرنا واكيد شكلنا اتغير فبالتالي معرفناش بعض
ياسمين : لاه فهد كان يعرفك ويعرف شكلك زين لما كبرتي
حياة باستغراب : دا اللي هو ازاي يعني بقولك متقبالناش
ياسمين بتوتر وشرود : هااه خلاص خلاص انسي
....... في الصعيد.....
في غرفة ايه كانت بتتكلم في التلفون
ايه : واني كمان اتوحشتك قوي
هشام : ياربي بحب لقطة قشطة
اية اتكسفت. : هتاجي ميتا؟
هشام بحب : لو عايزانى اجي دلوقت هاجي
ايه : احم.... اني هقفل
هشام بضحك : ماشي ياقمر مع السلامة
سعد : يلا ياولدي الناس تلقاهم هيموتوا من الجوع
هشام : اه.. اه يلا ياعم سعد.
....... في غرفة سيف......
صبحة : كل ياحبيبي تلقاك تعبان يا حبة عيني
سيف بحب : تسلمي ياما
سعد : خد يافهد كل انت ومرتك
فهد : تسلم ياعم سعد اني هاخد حياة وياسمين ونتغدي في مطعم
ياسمين : اني هفضل أهنيه ياخوي مع هشام خد حياة وروحوا انتوا
فهد : لا تعالي معانا يلا
ياسمين : لااه ياخوي اني أكده هرتاح اكتر
فهد : تمام مش هنتاخر خليك معاهم ياهشام
فهد اخد حياة ونزلو ركبوا العربية وراحوا المطعم
...... في المطعم.....
طلبوا الاكل وقعدوا ياكلوا
حياة : القاهرة وحشتني اوي ووحشني بيت بابا وزكرياتي اللي هنا
فهد : شكلك كنتي متعودة علي الخروج لما كنتي هنا
حياة : ياااه دا انا مكنتش بروح بيتنا اصلا بس اكتر خروجه بحبها لما كنت بطلع مع بابا وزوزو
تستمر القصة أدناه
فهد : زوزو.!!....
حياة : زوزو دي مش بس امي دي كل حياتي اختي وصحبتي وامي وكل حاجة عندي كانت بالنسبالي كل حاجة هيا وبابا وحسام وبعد ما مات بابا بقت هيا وحسام اهم اتنين في حياتي
فهد بغيرة : اممم وبعد ما اتجوزتي؟!
حياة بتوتر : انت مبتاكلش ليه
فهد بضيق : باكل اهو
قعدو شوية ساكتين
حياة : احم الفراخ دي طعمها تحفة.... دوق
ومدت الشوكة عند بوقه
فهد مسك ايدها وكلها من ايدها
حياة حست برعشة في جسمها وضربات قلبها عليت
وشدت ايديها بسرعة
فهد ضحك : دوقي انتي بقا
وقرب الشوكة عند بوقها
فضلو ياكلوا في بعض وهما مبسوطين وبيضحكوا وحياة بتحكي عن زكراياتها اللي في القاهرة مع والدها
" خلصوا اكل وفهد طلب الحساب ودفع وطلعوا برة
فهد ركب العربية وحياة فتحت الباب ولسه هتركب قفلته ورجعت تاني
فهد استغرب وبص عليها.. راحت عند طفل صغير كان واقف في الشارع بيعيط
حياة بزعل ونزلت لمستواه : انت بتعيط ليه فيه قمر بيعيط؟!
الطفل بحزن : ماما بعتتني اشتري حاجات وانا ضيعت الفلوس ولو رجعتلها من غير الطلبات هتزعقلي
حياة : ياحياتي انت متزعلش طب بص ايه رأيك نبقى صحاب
الطفل : موافق
حياة بابتسامة ومدت ايدها : انا حياة
الطفل وهو بيسلم عليها : و انا تميم
حياة : ماشي ياتيموو خد الفلوس دي واشتري الحجات وروح لماما عشان متزعقلكش
تميم : لا مينفعش اخد حاجة من حد
حياة بزعل : امم مش احنا قولنا هنبقا صحاب يبقا تقبل الفلوس مني... وبعدين ياسيدي انا مش هديهملك كدا ببلاش انا هاخد منك حاجة في المقابل
تميم : هتاخدي ايه انا معييش حاجة
حياة بطفولة : اممم هتاخدي ايه ياحياة هتاخدي ايه ..... ايوااا هاخد بوسة جميلة من تيموو القمر
تميم باسها في خدها وحضنها : مرسي انا حبيتك اوي
حياة : ياروحي وانا اكتر.... يلا بقا روح لماما عشان متتاخريش عليها
تميم مشي وحياة وقفت وبتلتفت عشان ترجع العربية لقيت اللي في وشها واللي متابع الموقف من اوله
حياة بخضة : بسم الله الرحمن الرحيم خضتني
فهد بضيق : متبوسيش حد تاني
حياة : افندم! دا طفل يافهد
فهد في نفسه : يخربيت جمال الاسم لما تقوليه ياشيخة
فهد : احم احم... بردو لو امك حتى متبوسيهاش
وسابها وراح عند العربية
تستمر القصة أدناه
حياة خبطت كفوف ايديها ببعض بحيرة : مالو دا... وراحت ركبت جنبه
فهد بجدية : لطيف اوي الموقف اللي انتي عملتيه مع الطفل دا قلبك ابيض وطيبة
حياة بابتسامة هادية : انا معملتش حاجة انا بحب الأطفال ومبحبش اشوف دموعهم فطبيعي اعمل كدا
فهد ابتسم و شغل العربية ومشيو راحوا المستشفى
راحوا اوضة سيف وقعدوا شوية وضحكوا وهزروا
بعد شوية فهد راح اخد اذن خروج لسيف بسبب اصراره انه يطلع من المستشفى والدكتور وافق و سيف طلع من المستشفى وركبوا العربيات واتجهوا للصعيد 1
...... في الصعيد.....
.... تحديدا قدام غرفة هايدي....
حسام بابتسامة : انا طلبت ايدك من ابوكي وهو موافق انتي أيه رأيك
هايدي : بس اني مش موافقة
حسام : مش موافقة ليه يعني وانا فيا ايه غلط ولا انتى بتحبي حد؟
هايدي بتوتر : لاا ه مبحبش حد وبعدين انت مالك ياراجل انت خليك في حالك واني مش موافقة اتجوزك وخلاص
ودخلت وقفلت الباب
حسام : هتوافقي ياهايدي وهنتجوز انا عارف انك بتحبيني
..... في الصالة....
سالم : حمد لله علي سلامتكم ياولدي
فهد : الله يسلم يابوي عاملين ايه
سالم : الحمد لله ياولدي في نعمة
فهد : تدوم يابوي
محمود : عايز اكلمكوا في موضوع يافهد انت وهشام
هشام وفهد : اتفضل
محمود : الدكتور حسام متقدم لهايدي واني وسالم موافقين انتوا ايه رايكوا
هشام : اني عن نفسي موافق المهم رأي العروسة
فهد : واني رائي من رأى هشام هو اه واحد رزل واني معطقهوش بس محترم وهيحافظ عليها
هايدي جت من وراهم : بس اني مش موافقة يابوي
محمود : واحنا معندناش بنات تقول رأيها هتوافقي ورجلك فوق رقبتك
سالم : اهدي بس يامحمود... وانتي يابتي مش موافقة ليه الراجل زين واخلاقه عالية وهيصونك
هايدي بعياط : مبتحبوش ياعمي مش عايزة اتجوزه
محمود بصرامة : اللي قولته هو اللي عيتنفذ هتتجوزي يعني هتتجوزيه ده آخرة اللي يدلع بناته
هايدي عيطت وجريت علي اوضتها وايه راحت وراها
فهد : أكده غلط ياعمي ليه تجبرها علي حاجة هيا مش ريداها في الاخر دي حياتها
....... في غرفة حسام......
حياة بفرحة : الله يعني هيبقى عندنا فرح مبروك ياحس حس
حسام : الله يابارك فيكي ياقلب حس حس المهم البت دي مش موافقة مش عارف هعمل ايه
حياة : متخفش ياسطا هتوافق وهتتجوزها هيا تطول اصلا تتجوز الدكتور حسام الالفي... هروح انا بقا اغير هدومي وارتاح شوية
حسام بحب : ماشي يابكاشة
....... برة.......
محمود : لاه مش غلط دي عاداتنا البنيه ملهاش رأي واحنا اللي نختار العريس هيا توافق من تم ساكت
فهد بعصبية : غلط اكبر غلط ازاي هتعيش مع واحد هيا مش رايدااه وترجعوا تقولوا في مشاكل ماهو من العادات الغلط بتاعتكوا دي
محمود بسخرية : وكان فين كلامك ياود المنياوي لما ابوك اجبرك تتجوز حياة
فهد بزعيق : اني عمر ماحد اجبرني علي حاجة اني فهد المنياوي عارف يعني ايه يعني فهد الصعيد اللي تتهزله شنبات محدش يقدر يجبرني علي حاجة اني مش رايدها وموضوع جوازي ده متجوزها عشان ارضى ابوي بس.. اني وافقت عشان اني عايز أكده وعشان احميها يعني جواز مصلحة ومسكت أعمامها وبقت بأمان يعني وقت مااعوز اطلقها هطلقها
"حياة كانت معدية وسمعت كلامه ودموعها نزلت وجريت علي اوضتها
سالم بزعيق : فااااهد الزم حدودك واعرف انت بتتكلم مع مين اللي بتكلمه ده يبقي عمك واللي بتتكلم عليها تبجي بنت اختي ومرتك انت كبرت اه بس مش هتكبر علي ابوك انت فاهم
فهد : اني مغلطش في حد يابوي بس عايزكوا تعرفوا ان عمر ماحد أجبر فهد المنياوي علي حاجة اني بعمل اللي اني عايزه
سالم بهدؤ محاول التماسك : اطلع شوف مرتك الاول وحسبنا بعدين علي كلامك ده
فهد باستغراب : مرتي مالها!!
سالم جز علي سنانه : مرتك سمعت كل اللي قولته يابيه وانك بتقول علي جوازكوا مصلحة وانك هتطلقها
فهد الدم اتجمد في عروقه معروف ان وقت عصبيته مبيحسش باللي بيقوله وبيقول كلام قاسي علشان كدا مبيحبش يتعصب على حد غالي عليه
جري علي فوق وفضل يخبط على باب الاوضة
...... في بيت الرفاعي.....
صبحة : حمد لله على سلامتك يا ضنايا
سيف : الله يسلمك ياست الكل
سعد : حمد الله علي سلامتك يا ولدي
سيف : الله يسلمك يابوي... احم كنت عايزك في موضوع أكده
سعد : موضوع ايه ياولدي؟! ارتاح الأول انت طالع من عملية صعبة
سيف : اني زين الحمد لله مش تعبان..... احم اني قررت اتجوز يابوي
صبحة زغرطت بفرحة : مبروك ياولدي
سعد : مبروك ياولدي بس هيا مين العروسة؟!
سيف بجمود وحذر : ياسمين بنت سالم المنياوي
سعد اتعصب وجز ع سنانه واتكلم بزعيق :........
..... في قصر المنياوي......
" فهد بيخبط عليها ومش بترد وقلبه اتقبض وخاف ليكون حصلها حاجة أو تأذي نفسها والعيلة كلها اتجمعت عند اوضتهم
زهرة بدموع : حياة افتحي ياحببتي افتحي يابنتي ومتوجعيش قلبي عليكي
فهد : حياة لو مفتحتش هكسر الباب.. حياة هكسر الباب.!!
فهد لسه بيبعد عشان يكسر الباب فجأة الباب اتفتح و.....
شاهد👈الفصل الثاني عشر
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا