القائمة الرئيسية

الصفحات

رواية حياة الفهد الفصل التاسع عشر 19 بقلم الكاتبة المجهولة

رواية حياة الفهد الفصل التاسع عشر 19

  رواية حياة الفهد الفصل التاسع عشر 19 


فهد بصدمة : ايييييييه.... اتعصب : كيف يعني مشيوا وسابوا البيت +

جميلة بتوتر : مخبراش يافهد... تعالي يلا ارتاح انت لساتك تعبان

فهد بعصبية : مش تعبان ولازفت انا لازم اشوفها
طلع تليفونه واتصل برقمها مردتش فضل يتصل كتير بس تلفونها مغلق

فهد بزعيق : ازاي يعني تمشي وتسيب البيت ملهاش راجل تاخد اذنه

سالم : فيه ايه يافهد صوتك عالي ليه ياولدي

فهد بتوتر : حياة يابوي سابت البيت ومشيت وتلفونها مغلق

سالم : كيف يعني تسيب البيت زهرة... يازهرة

فهد : عمتي وحسام كمان مشيوا

سالم : مشيوا كيف اني مش فاهم حاجة فيه ايه ياجميلة

جميلة وطت راسها للارض واتوترت وخافت.. وكله واقف ساكت 
سالم بزعيق هز ارجاء القصر : حد يفهمني فيه اييييه
وكمل بحدة : آيه احكيلي ايه اللي حصل وعمتك وبتها سابوا البيت ليه؟

آية بتوتر : يابوي عمتي زهرة وامي اتعاركوا امبارح بالليل وعمتي قالت لما اخوي يفوق بالسلامة ان شاء الله هتاخد حياة وتمشي

سالم بحدة : آييية احكي كل اللي حصل بالتفصيل

آية : لما خدتوا اخوي علي المستشفي....... وحكتله اللي حصل

سالم بص للجميلة بعصبية : جميلة اللي اية قالته ده صحيح... انطقيييي

جميلة بدموع : ان... اني اسفة ياخوي حقك عليا بس والله كنت خايفة على ولدي

سالم : ياخسارة ياجميلة بتطردي خيتي من بيتها... ده بيتها قبل مايكون بيتك.... زهرة ملهاش غيري اني ومحمود بعد ما ابونا مات ووصانا عليها تاجي مرتي تطردها من بيتي انتي غلطتي ياجميلة وغلطتك واعرة قوي




سابها ومشي كانت بتعيط بحرقة فهد بصلها بعتاب وكان ماشي
جميلة مسكت ايده : فهد ولدي سامحني ياولدي اني عملت أكده من خوفي عليك

فهد بلوم : لو كنتي خايفة عليا فعلا ياما مكنتيش سبتيها تمشي وتبعد عني... ربنا يسامحك ياما

وطلع اوضته وسابها بتعيط
ياسمين قربت عليها : خلاص ياما اهدي اكيد ابوي واخوي ميقصدوش

جميلة بعياط : اني عملت أكده من خوفي على ولدي ابوكي مهيسامحنيش واصل ياياسمين

..... في القطر....
حياة سرحانة في اللي حصل كل حاجة كانت هتتظبط وفي يوم وليلة بعدت وسابت كل حاجة وراها

___فلاش بااك ___
حياة رجعت مع هشام ومحمود وحسام البيت
كانت رايحة اوضتها زهرة نادت عليها هيا وحسام
دخلو اوضة زهرة وزهرة قفلت الباب

تستمر القصة أدناه

زهرة بجمود : جهزوا نفسكوا هنرجع القاهرة بكرة

حياة بصدمة : ايه.. ليه ياماما؟!

زهرة بحزم : هو دا اللي عندي جهزوا شنطكوا هنمشي الصبح بدري

حسام مسكها من كتفها وقعدها علي السرير بهدؤ
حسام بهدؤ : فيه ايه يازهرة مالك؟!

زهرة اترمت في حضنه وانفجرت في العياط : انا مش وحشة كدا ياحسام عمري ما فكرت في الفلوس انا بعدت حياة عن أعمامها علشان مياخدوش ورثها وبيتها اللي هو زكرى من ابوها... انا مش عايزة فلوس ولا عمري ابيع بنتي

حياة حضنتها بدموع : فيه ايه ياماما ليه بتقولي كدا

حسام : اهدي ياماما واحكلنا فيه ايه

زهرة حكتلهم اللي حصل وهيا بتعيط
حياة بتماسك : انا موافقة ياماما هنرجع القاهرة احنا مبقاش لينا شغل هنا مش مضطرين نتحمل أذية اكتر من كدا

زهرة بعياط : حياة انا عارفة انك بتحبي فهد افضلي انتي هنا وانا همشي ياحببتي انا مههدمش حياتك وتخرب بيتك بأيدي يابنتي

حياة حضنتها : انتي احسن ام في الدنيا وهتفضلي الاحسن في نظري حتى لو بحب فهد بس حبي ليكي أكبر بمراحل و هو اذاني وطنط جميلة جرحتك بكلامها احنا هنرجع بكرة مش هنيجي هنا تاني لأن مبقاش لينا مكان في العيلة دي

حسام بمرح : متزعليش يازوزو انتي احلى ام في الدنيا كفاية ابو وردة بتاعك اللي مطلع عيونا

زهرة بضحك بين بكائها : اهبل

حياة : انا هطلع احضر شنطتي وانت كمان ياحسام يلا

حسام : تمام

___باااك___
حياة دموعها نزلت غصب عنها وزهرة لحظتها ومسكت ايدها
زهرة : اسفة

حياة جمدت على ايدها : متعتزريش.... ونامت على كتفها

بعد عدة ساعات القطر وصل القاهرة.. نزلوا وركبوا تاكسي وراحوا بيتهم

حسام راح بيت ابوه وزهرة وحياة راحوا بيتهم

زهرة فتحت الباب ودخلوا الشنط ودخلوا
حياة : انا هدخل انام شوية في اوضتي عشان وحشتني اوي

زهرة : بتحاولي تخبي وجعك عليا انا عارفة انه وحشك ونفسك تكلميه

حياة : هو وحشني اوي بس مش قادرة اسامحه

زهرة : انتي لو مكنتيش سامحته مكانش وحشك انتي بتحبيه ياحياة؟!

حياة بتوتر : ان.. انا هدخل انام... ودخلت

زهرة : هتفضلي كده لحد امتى يابنتي ربنا يهديكي

....... في الصعيد.....
فهد في اوضته نايم علي السرير 
فهد بحزن : ليه كل مانقرب من بعض بنبعد اكتر كدا تمشي وتسبيني هونت عليكي.... والله كنت هعوضك عن كل حاجة.. وحشتيني اوي ياحياتي

تستمر القصة أدناه




تلفونه رن مسكه بأمل انها تكون هيا.. بس طلع سيف
فهد : الو ياسيف

سيف بمشاكسه : ايه يامعلم الصنارة شبكت

فهد بتماسك : حياة سابت البيت

سيف بصدمة : اييه انت بتهزر صح... سابته ليه وراحت فين؟!

فهد : امي اتعاركت مع عمتي امبارح لما اتعبت واتهمتها انهم السبب وكلام تاني وعمتي اخدت حياة ورجعوا القاهرة

سيف : تصدق وتؤمن بالله هتصدق ان شاء الله... انت عيل نحس ياض يافهد ايه ياعم المشاكل دي كلها

فهد : سيف انا مش ناقص رخامتك

سيف : طب هتعمل ايه؟!

فهد : معرفش

سيف : انا عندي فكرة

فهد : قول اخلص

سيف : بس هتنفذلي اللي انا عايزه

فهد : اخلص ياحيوان

سيف : هعتبرها موافقة... بص انا حفلة التكريم بتاعتي بكرة وانا همشي النهاردة بالليل تعالي معايا وروحلها و اهو بالمرة تحضر الحفلة

فهد : طب وايه الفكرة في كده ماانا اصلا كنت هروحلها

سيف : مليش دعوة انا قولت فكرة وعايز تنفذلي طلبي

فهد : طلب ايه؟،

سيف بترجي : تجيب ياسمين معاك الحفلة والنبي

فهد باعتراض : لا ابوي مش هيوافق انتوا لسه مش اتخطبتوا

سيف : هاجي دلوقتي واجيب المأذون واتجوزها

فهد : انت عندك خال اهبل يلااا 1

سيف بتحذير : اتلم

فهد : ماهو بالعقل كدا هتيجي تقول لابويا ايه تعالي اقعد عشان اكتب كتابي على بنتك

سيف : سيب ابوك عليا وملكش دعوة انت

فهد : وياسمين فكرك انها هتوافق ومش عايزة فرح زي باقي البنات ولا ايه

سيف : هنبقا نعمل الفرح بعدين... وبعدين ياسمين هتوافق اصلا انا مترفضش

فهد : انا مليش صالح اللي اعرفه اني هسافر لحياة وبكرة بالكتير هكون في القاهرة

سيف : اشطا اجهز وانا جاي اكتب كتابي دلوقتي

فهد قفل في وشه : عبيط
بص لصورة حياة اللي جنبه : جايلك ياحياتي...

الباب خبط
فهد : ادخل

جميلة دخلت وشايلة الصينية وبدموع : مش هتاكل ياولدي

فهد : مش جعان




جميلة حطت الصينية : انت تعبان ولازم تاكل عشان دواك يافهد عشان خاطري ياولدي

فهد : هيا دوايا ياما وانتي حرمتيني منها ليه ياما عملتي كدا مش كفاية اللي انا عملته فيها.... انتي ظلمتيهم ياما ظلمتيهم كتير
فهد قام دخل الحمام وساب جميلة اللي بتعيط

تستمر القصة أدناه

طلعت من الأوضة ونزلت تحت

.... في اوضة هايدي.....
هايدي : ألوو... كيفك ياود عمي

حسام : ايه لحقت اوحشك

هايدي بتوتر : هااه لااه اني كنت بطمن عليك بس...بحزن : مشيت ليه وهملتني لحالي

حسام : كان لازم امشي انا مرضاش ان امي تتهان ياهايدي بس متخافيش هاجي اخدك في أقرب فرصة صدقيني

هايدي : مستنياك ياود عمي

حسام بمشاكسة : طب ايه مفيش حاجة حلوة

هايدي : زي ايه

حسام : يعني كلمة حلوة اي حاجة بقى ياست نشفتي ريقي

هايدي : اني هجفل سلاام

حسام بنفاذ صبر : ماشي ياهادي ماشي

هايدي اتنهدت بحب : اتوحشتك جوي ياحسام

..... في اوضة سالم......
جميلة : سالم عشان خاطري رد عليي متعملش فيا أكده

سالم بجمود : امشي ياجميلة اني عايز انام

جميلة بدموع : طب كلك لقمة عشان خاطري.... اني عارفة غلطي ومعترفة بيه ابوس يدك سامحني

سالم : غلطك كبير قوي ياجميلة انتي عارفة اللي طردتها دي مين دي تبقي اختي من لحمي ودمي انتي صغرتيني قدامها لو روحت اجيبها عمرها ماتقبل ترجع معايا.... هيا زنبها ايه هيا وبتها ابنك هو اللي غلط هو اللي ضرب بتها وجرحها وانتي عملتي ايه روحتي سمعتيهم كلام زي السم... زهرة اختي عمرها ماجريت ورا الفلوس ياجميلة لو كانت أكده مكانتش اتخلت عن نصيبها ليا اني ومحمود مع اننا اترجناها تاخد ورثها بس هيا قالت لاااه مش هتعرف تتصرف فيه قالتلنا الفلوس مش كل حاجة اني كل اللي طلبااه منكم انكوا تبقوا سند ليا ولما احتاجكوا القاكوا جنبي قالتلي عايزة محسش اني وحيدة ويتيمة في الدنيا....وفي الاخر جت مرتي وصغرتني قدامها وطردت خيتي من ألبيت.... اطلعي برا ياجميلة امشي اني عايز انام

جميلة طلعت برة الأوضة وفضلت تعيط : يارب اني والله عملت أكده عشان كنت خايفة علي ولدي سامحني يارب وخليهم يسامحوني

عدي عدة ساعات والبيت جوه هادي مفيش اي بهجة

واحد من الحرس : سالم بيه... سيف بيه جه برا وعايزك ومعاه سعد الرفاعي

سالم بجدية : خشي جوه ياحرمة منك ليها......
 وجه كلامه للحارس : خليهم يدخلوا

سيف وسعد وصبحة والمأذون دخلوا
سالم : يا اهلا وسهلا البيت نور

سيف : منور بناسه ياعمي

سالم : اتفضلو اقعدوا

قعدوا وسعد وسالم متجنبين النظر لبعض
فهد وهشام ومحمود جم وانضموا للقعدة

سيف : بصراحة ياعم سالم اني جاي اكتب كتابي على ياسمين النهاردة

سالم باستغراب : بسرعة أكده دا انت حتى مخدتش رائي.

تستمر القصة أدناه

سيف بمزاح : خلاص بقي ياعم سالم متحبكهاش هنكتب الكتاب دلوقت ونعمل الفرح بعدين

سالم بضحك : انت اهبل يالا انت محسسني اني لاقيها قدام باب جامع

سيف : والنبي والنبي يلاا ياعم سالم اني مسافر بكرة مصر وعايز اخدها معايا

سالم : وتاخذها معاك ليه ولا انت رايح ليه اصلا

سيف : عندي حفلة تكريم وزير الداخلية هيكرمني وعايزها تشوف انجازات جوزها قرة عينها

فهد بسخرية : والله وبقيت ليك انجازات ياود صبحة... لمؤخذة ياخالة

صبحة بضحك : وانت خليت فيها لمؤخذة ياولدي

سيف : هنتكلم كتير عاااد الراجل مستني... ابدأ يامولانا
.
سالم : بس.....

سيف بمقاطعة : قول يامولانا

سالم : استني ياض ناخد رأي العروسة

سيف : موافقة ياعمي.... خلص يامولانا

بعد شوية.....
(بارك الله لكما وبارك عليكما وجمع بينكما في خير)

صبحة زغرطت وياسمين كانت متخبية في المطبخ ومعاها البنات باركوا ليها

سالم : تعالي ياياسمين

طلعت وهيا مكسوفة سيف قرب عليها وحضنها
سيف بهمس : بقيتي ليا ياياسمينتي..... بحبك يابت المنياوي

ياسمين بعياط : واني كمان بحبك اخيرا ياسيف

سيف بتأكيد وحب : اخير ياقلب سيف

فهد : اوعا ياض اختي
وخدها حضنها : مبروك يانور عيني

ياسمين : الله يبارك فيك يا خوي

فهد حضن سيف : ياقادر

سيف بفخر : عيب عليك

العيلة كلها باركت ليهم

سالم وقف قدام سعد : مبروك ياود عمي حافظوا عليها دي أغلى ما ليا

سعد : متخافش ياود عمي هيا زي بتي بالضبط

سالم : تسلم 

سيف : ياجماعة اني هروح دلوقت واجي بالليل اخد ياسمين وفهد عشان نروح القاهرة

جميلة : فهد انت هتسافر ياولدي؟! ... انت لساتك تعبان هتروح ليه؟!

فهد : رايح اجيب مرتي ياما

سيف وأهله مشيوا والبنات راحوا مع بعض اوضة ياسمين وفضلوا يرقصوا ويحتفلوا بس دا ميمنعش انهم مفتقدين حياة وجنانها 
خلصوا احتفال و كل وحدة راحت اوضتها

....... في القاهرة.......
.... في اوضة حياة......
نايمة على السرير وماسكة صورته اللي ظاهر فيها بكل كبرياء وغرور
حياة بدموع : ياترا عامل ايه دلوقتي وحشتني وحشني غرورك وعصبيتك حتى مفكرتش تيجي ورايا للدرجادي مفرقاش معاك.. نستنى يافهد!!... بس انا مقدرش انساك

تستمر القصة أدناه




زهرة دخلت : حياة تعالي عملت كوبايتين قهوة تعالي نقعد في البلكونة زي زمان

حياة بابتسامة : حاضر ياماما

حياة طلعت وقعدو مع بعض في البلكونة
زهرة : الجو جميل

حياة : اوي اوي

زهرة : حابة تتكلمي في حاجة

حياة اتنهدت : ليه ياماما مكتوب علينا الفراق والعذاب طول عمرنا ليه منعش حياة سعيدة من غير مشاكل ليه دايما اللي بنحبهم هما اللي بيجرحونا

زهرة : بصي ياحياة ربنا بيدينا مشاكل عشان يختبر صبرنا وقوة تحملنا ربنا مهيحملش اي حد فوق طاقته.. الفراق دا سنة الحياة اننا نبعد مش بيستمر بيبقا غير الصادق اللي بيحب بجد ومهما طالت المشاكل والابتلاءات ربنا في نهاية الطريق هيعوضك بحاجة عمرك ماحلمتي بيها.... المشاكل اللي في حياتنا دي زي البهارات حياتنا بتبقي مملة من غيرها هتكون كل الايام زي بعضها مفيش انسان في الدنيا عايش من غير مشاكل ياحببتي... احنا بقا دورنا ايه اننا نسعي ونعمل اللي نقدر عليه بقلب صافي و نستني عوض ربنا

حياة : فعلا يازهرة معاكي حق كل كلامك صح شكرا اوي كلامك ريحني.

زهرة : انتي هبلة يابت بتقوليلي انا شكرا انا امك ياهبلة.... وبعدين بصي لنص الكوباية المليان اكيد حياتك فيها الحلو زي مافيها الوحش

حياة حضنتها : انتي الحلو اللي في حياتي يازوزو

زهرة : وانتي حياتي كلها ياقلب زوزو..... يلا عشان ننام

حياة : تعالي نامي معايا النهاردة

زهرة بابتسامة : يلاا

دخلو اوضة حياة وزهرة خدتها في حضنها ولعبت في شعرها لحد مانامت وزهرة كمان نامت

....... في الصعيد.......
سيف : ايوا يافهد انا تحت عند البوابة يلا تعالوا

فهد : تمام انا جاهز

فهد نزل من اوضته وكله شوق انه هشوفها اخيرا عايز يوصل في أسرع وقت ويقابلها
راح لاوضة ياسمين وكانت جاهزة واخدها وطلعوا
سالم : خدوا بالكوا على حالكم

فهد : متخافش يابوي مع السلامة

ركبوا العربية وفهد جنب سيف وياسمين ورا وسيف ساق بيهم

....... بعد ساعات وصلو القاهرة....... 
فهد : وصلني على بيتها

سيف : يسطا انت عبيط في حد يروح لحد الفجر... هنروح شقتي اللي هنا وبكرة الصبح تعالالها

فهد : تمام

وصلو شقة سيف ودخلوا
سيف : فهد اوضتك اللي هنا زي ماهي روح نام فيها وانا وياسمين هنام في اوضتي

فهد : ليه معاكوا سوسن في البيت عايز تنام مع اختي في نفس الأوضة

سيف : دي مراتي يااهبل

فهد : ولو برضو مش هتناموا مع بعض وانا موجود... انت هتنام معايا وهيا هتنام في اوضة لوحدها

سيف : اشوف فيك يوم يابن المنياوي

فهد وهو متجه للاوضة : خمس دقايق والقاك نايم في الاوضة... ودخل




سيف لياسمين : معلش ياحببتي اخوكي رزل بس متخافيش بكرة نبعته لمراته ونرتاح منه
بأس راسها : تصبحي علي خير ياياسمينتي

فهد : سييييييف

سيف : جاااي اهووو..... سلام لاخوكي ياكلني

ياسمين بحب وخجل : وانت من اهل الخير

سيف راح عند فهد وياسمين دخلت اوضة سيف ونامت على سريره وغطت في نوم عميق

........ الصبح......
زهرة : ايوا ايوا جاية اهوو

فتحت الباب وتفاجأت بفهد
زهرة بصدمة : فهد

فهد : حياة فين ياعمتي

زهرة بعصبية : وانت عايز حياة ليه مش مكفيك اللي عملته فيها

فهد بندم : ياعمتي والله انا غلطان وعارف اني اذيتها بس انا عايز اشوفها واعتذر منها ارجوكي ناديها

زهرة حست بندمه وصدقه : هيا نزلت تقعد على النيل شوية وتشم هوا

فهد : ألقاها فين بالظبط

زهرة : قريبة من ألبيت هنا مش هتلاقي غيرها اصلا لأنها بتحب تنزل في الوقت دا لما ميكونش فيه حد

فهد وهو بينزل السلم بسرعة : تمام شكرا ياعمتي... شالله يخليكي

زهرة بضحك : مجنون

........ على شط النيل............
قاعدة سرحانة والهوا بيداعب وشها و تقريبا مفيش غيرها هيا وشوية صيادين بتشم الهوا النقي ونسيم الصبح اللي بتعشق ريحته وبتبص علي الأمواج وأفكار كتير بتدور في عقلها

_وحشتيني

تمتلك مدونه دار الروايه المصريه مجموعة 
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
 واستمتع بقراء جميع الروايات الحصرية والمميزة

تعليقات