أخر الاخبار

رواية حياة الفهد الفصل الاول 1 بقلم الكاتبة المجهولة

رواية حياة الفهد الفصل الاول 1

 رواية حياة الفهد الفصل الاول 1 

حياة : ياربي يعني يوم مااهرب اهرب بفستان فرحي وكمان اروح الصعيد
تذكرة للصعيد ياحج شالله تنستر

= بصلها وللفستان اللي كانت لبساه : مينفعش كدة يابنتي تحطي راس عيلتك ف التراب فكري تاني وارجعي. +

حياة : ايه ياحج هو انت تعرفني ماتجيب التذكرة وانت ساكت

_ خدي بنات اخر زمن ربنا يهدي

حياة بعصبية : ربنا يهدك 1

مشيت وهيا متعصبه وجريت عشان تلحق القطر واخيرا ركبت




_كل اللي كانو في القطر كانوا بيبصولها بستغراب طبعا ماهو حدث تاريخي عروسه هربانة يوم فرحها وبالفستان كمان ومش لاقية غير القطر اللي تركبه؟!

= الست اللي قصادها بتوشوش اللي معاها : شوفتي اهي دي اخرة اللي يدلع بناته ويسيبهم براحتهم

_ الست التانية : تلاقي اهلها قالبين الدنيا عليها

=وحده تانية : مش مكسوفة وهيا هربانة كدا

_ ياترا حكايتها ايه

= تلاقيها ماشية مع واحد وهربت عشان تروحله

حياة اتعصبت من كلامهم : والنبي ياحجة لما تحبي تستفسري عن حاجة ابقي تعالي اسأليني متألفيش من عندك وبعدين وملكيش دعوة بيا
" اتضايق من نظرات الناس وكلامهم الساخر ونامت شوية

= ياعروسة قومي ياعروسة وصلنا

حياة بنعاس : هاااه في ايه ياعم بتصحيني ليه

= وصلنا دي اخر محطة

حياة : دي الصعيد

= ايوا... بقولك ايه راجعي نفسك تاني اللي بتعمليه دا مش صح

حياة : انا طلبت راأيك؟! هل انا طلبت رأيك؟!

= انا بديكي نصيحة كأخ

حياة : تسلم ياباشااا وفر بقا نصايحك لحد غيري

سبته ونزلت من القطر مشيت شوية لحد ما وصلت لاول القرية وطبعا ماسلمتش من نظرات الناس ووشوشتهم عليها

حياة : ياربي هعرف ازاي البيت دا... احسن حاجة اني امشي واسأل الناس...... تعالي ياسكر تعالي

= آني مش سكر آني ملح ههههاهاي

حياة : اممم واضح انك رخم وهتتعبني

= انتي عروسة هربانة

حياة بزهق : ايوا ياسيدي

= غمز : طب ماتاجي اتجوزك

حياة : انت بتقول يلا ماتتلم




= الحق عليا آني عايز اساعدك مش احسن ما اهلك يلاقوكي ويطخوكي عيارين يجيبوا اجلك

حياة : بسم الله الرحمن الرحيم انت طفل انت؟! 
طيب عايز تساعدني ممكن تقولي بيت عيلة المنياوي فين؟!

تستمر القصة أدناه

= هاتي بوسة واني اقولك

حياة : انت متأكد انك طفل برئ امشي ياض مش عايزة منك حاجة

مشيت شوية كمان لحد ماتعبت وكانت عطشانة
وصلت عند أرض زراعية وكان في ازازة ماية ع الارض خدتها بسرعة وشربت وغسلت وشها

= مش عيب لما عروسة حلوة زيك تهرب يوم فرحها

حياة بضيق : اللهم طولك ياروح
لفت وشي وانا بنفخ بضيق
اول ماشافته بحلقت شاب طويل وجسمه رياضي ملامحه حادة وعيونه رمادي لابس تيشرت وبنطلون رياضه 
ايتا ايتا ايتا لحظة ياجماعة ماالصعيد فيها شباب جامدة اهو اومال مبنجيش هنا ليه

_ هتبحلقي كده كتير عاااد

يخربيتك بوظت اللحظة بص متتكلمش تاني
حياة : انت مالك ياجدع انت اهرب ولا لاء دا شئ مايخصكش

_ اه دا انتي طلعتي من البندر كمان وبنت البندر جايه تعمل ايه ههنيه في الصعيد

حياة : قولتلك انت مالك متتدخلش في اللي ملكش فيه

_ خوفت اني كده يعني

حياة بعصبية : بقولك ايه انا مش فضيالك اخلص عايز مني ايه

_ هعوز منك ايه يعني المايه اللي طفحتيها دي بتاعتي

حياة : لو اعرف مكنتش شربتها وبعدين خلي عندك دم دا اللي سقي كلب دخل الجنة 1

_ يعني انتي كلب 2

اتعصبت ورفعت صباعي في وشه : لم نفسك انا سكتالك من الصبح

_قرب شوية : عتعملي ايه ؟!

اتوترت ورفعت فستانها وخدت نفس عميق وطلعت تجري بسرعة
الجري الجدعنه كلها ياجماعة انتو بتقولو ايه




حياة بارتياح : هوووف اخيرا خلصت منه.......لو سمحتي ياطنط بيت عيلة المهدي فين 1

= اتكلمت بسخرية : طنط؟!... امشي شوية هو رابع بيت ع اليمين

حياة : شكرا......
اخيرا وصلت.. كان قصر كبير اوي مش بيت تقريبا دا اكبر بيت هنا ف الصعيد

كان الباب مفتوح دخلت القصر من جوة كان تحفة فضلت اتفرج بانبهار لحد ما حد حط ايده علي كتفي اتخضيت
= خير ياعروسة عايزة مين

حياة : احم.. ممكن اقابل الاستاذ سالم المنياوي؟!

= ارتاحي اهنية دقيقه لحد ما اندهلك ع البيه الكبير

حياة : تمام

بعد شوية جه واحد كبير في الخمسينات كدا وشه باين عليه الطيبة اول ماشافها ابتسم عرفت انه افتكرنها

_حياة؟! 
هزت راسها وعلى وشها ابتسامها وهو فتح دراعاته عيوني دمعت وجريت عليه حضنته

_ ازيك ياحياة عاملة ايه يابتي

حياة بدموع وفرحة : كويسة الحمد لله

سالم : اكده ياحياة ماتسالوش علينا انتي وامك
عيطت كتير ومقدرتش تتكلم 
سالم : مالك يابتي بتبكي ليه وايه الفستان اللي انتي لبساه ده

مقدرتش تتكلم من العياط ومسكت ف حضنه جامد
= اهدي ياحببتي... يابهية هاتي كوباية لمون للهانم

_امرك يا بيه

شربت اللمون وهديت شويه وبدأت تحكيله كل حاجة
سالم : يااه يابتي كل دا مريتوا بيه بس متخافيش انتي دلوقتي معايا....... نادي البنات من جوه خليهم ياجوا يسلموا عليها يابهية

كلهم جم وسلمو عليها وهما فرحانين 
الحاجة جميلة وايه وياسمين وهشام....الا وحده هيا مكانتش مبسوطة 'هايدي' حسيتها مغرورة لأن هيا وحياة علاقتهم مش قوية زي ايه وياسمين




قعدوا مع بعض شوية
حياة : هعمل ايه دلوقتي انا خايفة يعرفو مكاني

سالم : متخافيش ياحياة انا فكرت في الحل وان شاء الله هتكوني بخير طول ما انتي اهنية وسطينا

= ياامي اني رجعت....بهية جهزي الغدا

سالم : تعالي يافهد في ضيفة عندنا

فهد : حاضر ياابوي.... ايه ده انتي بتعملي ايه هنيه

حياة بصدمة : انت!!

سالم : انتو تعرفو بعض

حياة اتوترت : ل.... لا وانا هعرفه منين
فهد وقف مستغرب انها في بيته وبيبص ليها باستفهام وسالم لاحظ دا

سالم بهدؤ وترقب : تعالي يافهد سلم علي عروستك 1

_ نعم!!.......

تمتلك مدونه دار الروايه المصريه مجموعة 
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
 واستمتع بقراء جميع الروايات الحصرية والمميزة

تعليقات



    حجم الخط
    +
    16
    -
    تباعد السطور
    +
    2
    -