رواية حياة الفهد الفصل الثالث والعشرون 23
سيف جري وراها وهيا ماشية بتعيط
سيف : ياسمين استني ياياسمين... ياااااسمين
العربية كانت ع وشك تخبطها
شدها بسرعة لحضنه و زعق : مش تحاسبي كنتي هتموتي
ياسمين خبطته في كتفه : ابعد عني ملكش صالح بيا... ابعد
ضمها ليه اكتر وهيا حاولت تبعد عنه بس سيف كتف حركتها دموعها نزلت وفضلت تعيط
سيف بهدؤ : اسف
ياسمين بعياط : انت زعقتلي وجرحتني
سيف : اسف والله اسف جدا انا كنت متعصب وغضبي كله طلع فيكي انا عارف ان ملكيش زنب في حاجة انا اسف.... انا مش مكسوف انك مراتي ياياسمين انا اتشرف بيكي قدام اي حد انتي ملكتي مش مراتي بس اسف ياحببتي سامحيني
ياسمين : ماشي
سيف بغضب طفولي : ايه ماشي دي لا يبقا شكلك لسه زعلانة مني وهصالحك بطريقتي
وركز عيونه على خدها اللي اتوردت وياسمين اتوترت
ياسمين بخجل : لا لا خلاص مش زعلانة
سيف : لا والله العظيم مايحصل لازم اصالحك
ياسمين بغيظ : سيف اتلم احنا ف الشارع
سيف ببراءة : انتي فهمتي ايه انا كنت هقولك اسف تاني
ياسمين بتحذير : يلا ياسيف وعدي ليلتك ع خير
سيف : هههه يلا ياهبلة
مسك ايدها واتمشوا لحد ماوصلوا البيت
..... في بيت والد حياة.....
حياة خبطت وزهرة فتحتلها كانت مبتسمة ابتسامة بلهاء
دخلت وكانت مش حاسة باي حاجة حواليها
زهرة هزتها بخفة : حياة... حياة
حياة بابتسامة وهيا سرحانة بخيالها : بس بقا يافهد الله
زهرة : انا مش فهد ياروح امك
حياة اتخضت : هاااه... اه.. ايه ياماما في ايه
زهرة : لا ياختي ولا حاجة... في وحدة هبلة وسرحانة ومش حاسة باللي حواليها
حياة مسكت ايدها ولفت بيها بسعادة : انا مبسوطة مبسوطة اوي ياماما
زهرة : ربنا يسعدك كمان وكمان.... فرحيني معاكي
حياة : احم.... انا وفهد رجعنا لبعض وهو قالي انه بيحبني واعتذرلي
زهرة : ربنا يسعدك دايما ياحببتي....هااه كلتي ولا اعملك اكل
حياة : لا كلت برا هدخل بقا انام عشان تعبت اوي النهاردة
زهرة : ماشي ياحببتي
حياة دخلت اوضتها وغيرت هدومها ونامت على السرير وفضلت تفكر في اللي حصل وحياتها الجاية مع فهد لحد ما غليها النوم
تستمر القصة أدناه
...... في شقة سيف....
سيف وياسمين دخلوا وهما بيبتسموا وماسكين ايد بعض
سيف بخضة : بسم الله الرحمن الرحيم
فهد كان قاعد على الكنبة وحاطط رجل فوق التانيه وباصص ليهم ببرود
فهد : ما لسه بدري يابيه
سيف : يابني افهم بقا دي مراتي والله
فهد ببرود : خشي جوه ياياسمين
سيف برجاء : والنبي ماتدخلي هيقتلني
فهد بحدة : خشي اوضتك ياياسمين
ياسمين بصت لسيف باستسلام ودخلت اوضتها وقفلت الباب
فهد قرب من سيف وسيف فضل يرجع لورا بتعثر
سيف بتوتر : ايه ياعم انت هتتحول ولا ايه.... ياسطا ابعد كدا
فهد بقا قدامه بالضبط وبدون سابق إنذار ضربه بالبوكس في وشه
سيف بألم : اااه ياغشيم
فهد بنفاذ صبر : انا سكتلك كتير بس لو كنت سكتت اكتر كنت هموووت
فهد مشي ببرود وسيف بصله بغيظ
سيف : حسبي الله عيل غشيم
فهد : بتقول حاجة ياسيف مش سامعك كويس
سيف : لا ياحبي بقول تصبح على خير....الله ع الظالم يا اخي
فهد : خمس دقايق وتحصلني ع الاوضة وبتروحش كدا ولا كدا... فاهم
سيف : ياغبي افهم دي مراتي
فهد لسه هيلف ويرجعله سيف طاار على الحمام
فهد دخل الأوضة وغير هدومه ونام على السرير وفضل يفكر في حياة واليوم اللي قضوه مع بعض
سيف خد دش وغير هدومه ودخل الأوضة لقى فهد نايم بصله بغيظ وراح على سريره ونام
الليل عدي بهدؤه على أبطالنا وطلع شمس يوم جديد حاملة معها احداث جديدة
....... الصبح.....
زهرة بزهق : قومي بقا يااخرة صبري انا زهقت
حياة بعند : مش قايمة ياماما هه
زهرة بغيظ : طيب ياحياة خليكي نايمة وانا هفطر وانتي لما تقومي حضري الفطار لنفسك
حياة قامت من ع السرير بسرعة : ههه انتي بتتكلمي في ايه ياست الكل انا منمتش اصلاا هه قال احضر فطار قال.... روحي ياماما الله يسترك اعمليلي اكل عشان جعانة الله يخليكي
زهرة بسخرية : طفسة.... ناس متجيش غير بالعين الحمرة
زهرة طلعت وراحت المطبخ تحضر الفطور وحياة قامت غيرت هدومها واتوضت وصلت فرضها وراحت عند مامتها
حياة : تعالي ناكل في البلكونة
زهرة : ماشي يلا
طلعو البلكونة وحطوا الاكل على ترابيزة صغيرة وقعدوا قصاد بعض
حياة سمت ولسه هتاكل الباب بيخبط
حياة : مين الرخم اللي جاي ع الصبح كده
تستمر القصة أدناه
زهرة : معرفش استني هقوم افتح
حياة : خليكي انا هفتح
راحت وفتحت الباب وكان حسام
حياة : حس حس احب اقولك انك معندكش دم
حسام : حببتي تسلمي... وسعي كدا بقا
زقها ودخل وهيا بصتله بغيظ وقفلت الباب ودخلت وراه
حسام راح البلكونة عند زهرة : الله دا انا حماتي بتحبني بقا
زهرة : عايز ايه يانيلة
حسام : ماشي يازوزو مقبولة منك... ع العموم انا عارف انكو بتفطروا دلوقتي فقولت اجي افطر معاكو
زهرة : انت يابني معندكش بيت تأكل فيه كل ما تشوف وشي عايز تاكل دا ايه دا ياربي
حسام : بقولكوا ايه وسعوا كدا عشان انا اصلا زهقان وهموت من الجوع ومتأخر ع الشغل
حسام قعد وحياة كمان قعدت وبداو ياكلوا
حياة : وزهقان من ايه بقا يا سي حسام
حسام : هايدي وحشتني اوي عايز اشوفها
حياة : بطل دلع ياض انشف كدا
حسام بسخرية : قاعد مع عبده موته انا والله
زهرة : بس ياض متغلطيش في بنتي
حياة حضنتها : تسلمي يامامتي ياحببتي 1
زهرة : بنتي مش عبده موتة بنتي رفاعي الدسوقي بتاع الاسطورة دا 3
حسام : هاهاهاهاهاي في منتصف الجبهه
حياة : صحيح الضربة بتيجي من اقرب الناس ليك
حسام : سيد متقولش كدا عيب احنا اهل 2
زهرة : ولاا اخلص كل عشان تروح شغلك مش عارفة بيشتغل دكتور ازي دا
حسام : على فكرة انا دكتور محترم وليا مركزي ميغركيش اني بهزر معاكي دا من تواضعي بس
حياة : لا فعلا متواضع
حسام : شكرا شكرا لاداعي للتصفيق ودعوني اعمل في صمت
زهرة : باااااس انتو الاتنين جبتولي صداع... كلوا من سكات
حسام هو بيشاور ع زهرة : ايه اللي جاب الوليه دي هنا
حياة رفعت كتفها : معرفش ياجدع قفوشة اوي الست دي
حسام : جدا
قعدوا ياكلوا في جو أسري مليان ضحك وبهجة
فون حياة رن : ألوو
فهد : انا تحت خمس دقايق وتكوني عندي عشان تيجي معايا الشركة
حياة : فوريرة
قفلت مع فهد واخدت شنتطتها ومتعلقاتها
حياة : ماما انا هروح مع فهد الشركة عايزة حاجة
زهرة : مع السلامة ياحببتي خدي بالك من نفسك
حياة : تمام.... هتيجي ياحسام
تستمر القصة أدناه
حسام : لا ياختي سكة السلامة انتي انا لسه مخلصتش فطاري
حياة : ماشي ياطفس... باي
حياة نزلت وكان فهد مستنيها في العربية كان لابس نضارة شمس وبدلة رسميه
ركبت جنبه وهو بصلها بابتسامة هادية : صباح الخير ياحياتي
حياة بكسوف : صباح النور.... يلا
فهد بابتسامة مشرقة : يلا
ساق العربية وانطلقوا لمكان الشركة
...... في شقة سيف.....
سيف بزهق : مش عايز اروح الشغل انا
ياسمين : وانا كمان مش عايزاك تروح وتسبني لوحدي انا هخاف اقعد هنا لوحدي بس لازم
سيف بضيق : هروح واحاول مش اتأخر خدي بالك من نفسك كويس ومتفتحيش الباب لحد ولما اكلمك تردي بسرعة وكلي كويس
ياسمين بضحك : حاضر يابابا سيف
سيف داعب خدها : احلى بنوتة دي ولا ايه
وباس راسها وحضنها جامد : خدي بالك من نفسك
ياسمين بابتسامة : حاضر مع السلامة
....... في بيت زهرة.....
زهرة : قوم ياحوسو افتح الباب شوف مين لحد ماأجيب الشاي
حسام : ماشي
راح فتح الباب واتفاجأ من اللي شافه مكنش مصدق نفسه
حسام : انتي مين
_ وه نسيتني ولا ايه
حسام بتوهان : ياربي من كتر ماهيا وحشاني بقيت بتخيلها في كل حته
هايدي شاورت بايدها قدام وشه : حسااام... رد ياعم .... انت نمت ولا ايه
حسام : وكمان بتخيلها بتتكلم لا دا انا اتهبلت ع الاخر
محمود جه من وراها : هايدي واقفه أكده ليه يابتي مبتدخليش ليه
حسام : وكمان بتخيل ابوها هههه ناقص اشوف باقي العيلة داخله علينا دلوقتي
سالم وجميلة وسعدية طلعوا ع السلم وحسام اتجنن لما شافهم
زهرة طلعت : مين ياحسام... وكملت بصدمة : انتو!
سالم : كيفك يازهرة
زهرة بتوتر : الحمد لله بخير
محمود : وه هتوقفينا ع الباب أكده كتير ولا ايه
زهرة وهيا بتجاهد عشان تحبس دموعها : لل.. لا اتفضلوا
دخلو وقعدوا في الصالة وحسام لسه ع الباب
زهرة نغزته في كتفه : ايه يااهبل واقف كدا ليه
حسام فاق : ااه... ايه دا وهو دا مش حلم
زهرة : ادخل ياحسام خلص واقفل الباب
حسام دخل وقفل الباب وزهرة دخلت ووقفت قدامهم
زهرة : احم... تحبوا تشربوا ايه
سالم وقف قصادها : مش هتسلمي علينا ولا ايه
فتح ليها ايده : تعالي في حضن اخوكي يازهرة
تستمر القصة أدناه
زهرة اترمت في حضنه بضعف وعيطت : وحشتني اوي ياسالم
سالم : واني اتوحشتك اكتر ياخيتي
محمود قرب منها وحضنها وهيا حضنته وبعدين سعدية وهايدي كمان حضنوها وسلموا عليها
جميلة وقفت قصادها وراسها في الارض ودموعها بتنزل
جميلة : كيفك ياخيتي...
........ قدام الشركة....
العربية وقفت قدام شركة كبيرة تعتبر أشهر شركة في مصر وصاحبها ملياردير ؛ حياة كانت بتشوف الشركة دي في المجلات وبس... مكنتش تعرف صاحبها مين
حياة : فهد انت جايبنا هنا ليه
فهد : ايوا ما دا مكان شغلي
حياة بضحك : هههه انت بتشتغل هنا... وياترا بتشتغل ايه بتعمل شاي صح ههههه
فهد نزل من العربية وهو بيقول : طب تعالي ادوقك من الشاي اللي بعمله
حياة نزلت وراه وهو مسك ايدها ودخل بهيبته المعتاده وبدلته السودا ونضارته السودا اللي زادته وسامة وهيبه
راح عند الباب واتفتح آلياََ لوحده
الأمن وقف احتراما ليه : اهلا يافهد باشا حمد الله على سلامة حضرتك
فهد هز راسه برضا ودخل تحت نظرات حياة المتعجبة
راح عند الاسانسير وضغط على الازرار والباب اتفتح دخل وحدد الطابق اللي هيطلعه
حياة بتعجب : فهد انت بتشتغل ايه بالظبط
فهد ببرود : بتاع شاي
حياة : انت هتجنني هو في بتاع شاي يتقاله ياباشا
فهد بهمس عاشق وهو بيحاول يكتم ضحكته : سلامتك من الجنان ياحياتي..... يلا وصلنا
الباب اتفتح مسك ايدها ومشي وهيا كانت مصدمة من اللي شيفاه وماشية معاه بدون وعي
اول ماوصل كل الموظفين وقفوا باحترام وخوف وخفضوا راسهم للارض
فهد مشي بينهم بكل غرور وهو ماسك ايد حياة اللي مصدومة وصل عند المكتب
سيلا السكرتيرة بصتله بإعجاب و مخدتش بالها من حياة
سيلا بابتسامة واسعة : اهلا يامستر فهد نورت الشركة
فهد بجمود : ازيك ياسيلا
سيلا بسعادة : بقيت كويسة لما شوفتك.... وحشتني.... احم اقصد حضرتك وحشتنا كلنا
فهد بصلها بجمود ولسه هيتكلم حياة سبقته
حياة بغيرة شديدة : نعم ياروح امك مين دا اللي وحشك
سيلا بقرف : انتي مين يابتاعة انتي وازاي تكلميني كدا
حياة كانت هتتكلم فهد قاطعها بحدة : سيلا الزمي حدودك اللي بتتكلمي معاها دي تبقا مدام فهد المنياوي مراتي
سيلا بصدمة ويأس : ايه انت اتجوزت
حياة مسكت ايده وحضنته : ايوا ياحلوة اتجوز وانا مراته ياريت تتلمي بقا بعد كدا وانتي بتكلمي جوزي
تستمر القصة أدناه
سيلا اتعصبت وكانت هترد
فهد ببرود : اللي مدام حياة تقوله يتنفذ وكلامها سيف علي رقبة الكل فاهمة
سيلا بحزن : تمام يافندم
فهد بحدة : انا هدخل المكتب متدخليش حد من غير اذني واطلبي عصير الهانم
سيلا : تمام
فهد دخل المكتب و وراه حياة قفل الباب وقعد على الكرسي قدام المكتب
بص لحياة اللي اول مادخلت بصت للمكتب باعجاب وانبهار وبعدين اتضايقت.... لقيها واقفة بغيظ ومقوسة شفايفها زي لاطفال وعاقدة دراعاتها قدام صدرها
فهد قام وقف قصداها وابتسم بهدؤ : حياتي زعلانة ليه
حياة بغضب : انا عايزة افهم بقا ايه اللي بيحصل دا وانت بتشتغل ايه وليه كل دول بيقلولك فهد بيه وايه المكتب الكبير دا وأهم حاجة مين السلعوة اللي برا دي
فهد بضحكة مقدرش يكتمها : ههههه ايه دا كله دا انتي معبية بقي ههههه
حياة بغضب : متضحكش
فهد كتم ضحكته : طيب طيب تعالي نقعد وافهمك كل حاجة
مسك ايدها وراحوا عند كنبة صغيرة
قعد وقعدها جنبه ومسك ايديها
حياة بنفاذ صبر : فهمني يلا
فهد : ماشي ياستي... قوليلي عمرك سمعتي عن الفهد جروب
حياة : ايوا طبعا ومين ميعرفهاش دي أشهر مجموعة شركات في الشرق الأوسط دا صاحبها ملياردير وبعدين انا اعرف الفرع الرئيسي بتاعها اللي احنا فيه دلوقتي
فهد : طب ماانتي كويسة اهو اومال عايزة تعرفي ايه بقا
حياة : عايزة اعرف جوزي بيشتغل ايه وبعدين انا عمري ما اتخيل ادخل شركة الفهد الرئيسية
فهد : يعني دا كله ومش فهمتي انا بشتغل ايه.... طيب تعرفي مين صاحبها
حياة : لا.... بص من الاخر انت تلقاك بتشتغل هنا محاسب ولا اي حاجة متعمليش فيها راجل مهم 1
فهد : ياشيخة..... طب ازاي عارفة كل المعلومات دي عن الشركات ومش عارفة مين صاحبها
حياة : انا سمعت انه أصغر ملياردير في الشرق الأوسط وبس وبعدين اكيد هو واحد غني موت ومش بيجي الشركة وكدا..... قولي بقا انت بتشتغل ايه في الفهد جروب يافهد
فهد بصلها بيأس من غبائها وهيا قالت الكلام وبصت لملامح وشه واستوعبت اللي قالته بصتله تاني بصدمة
حياة : مش معقول هو ........ هو انت... يعني انت اللي......
فهد ضحك على شكلها : هههه ايوا انا
حياة : يابن القردة..... دا انت طلعت غني
فهد مسكها من ودانها : مين دي اللي قردة يابت
حياة : انا انا القردة ياباشا..... قولي بقا ازاي انت صاحب الشركات دي وصاحب شركه المنياوي وليه منفصلين عن بعض
تستمر القصة أدناه
فهد : بختصار لان شركة المنياوي دي بتاعت العيلة كلها وانا بعد ما اتخرجت حبيت اعمل شغل ليا لوحدي فبدأت بشركة صغيرة وتعبت لحد مابدأت تكبر لحد مابقت مجموعة شركات الفهد
حياة : وليه مش قولتلي كل دا
فهد : انتي عمرك ماسألتيني عن شغلي وانا مكنتش اعرف انك متعرفيش وبعدين انتي ناسية الظروف اللي اتجوزنا فيها انتي محسساني اني جيت واتقدمتلك وقعدنا نتعرف على بعض
حياة بحزن حاولت تخفيه : اه فعلا عندك حق
فهد فهم زعلها وعارف اللي بيدور في عقلها حب ينسيها حزنها اتكلم بمرح : بقولك ايه... ايه اللي عملتيه مع سيلا برا دا
حياة بغيظ :عملت ايه دي بت مسهوكة مش شايف اللي لابساه اقصد اللي مش لابساه
فهد : امم شامم ريحة غيرة
حياة بتوتر : مين غيران.... انا اغار من دي دي شبة السلعوة وبعدين ازاي تشغل الأشكال دي عندك
فهد : عادي البنت شغلها ومؤهلاتها كويسين فأخدت الوظيفة
حياة : برضو انت مش شايف بتبصلك ازاي دي معجبة بيك وشكلها بتحبك
فهد : بس انا مبحبهاش انا بحبك انت ياقمر
حياة : بجد يافهودي يعني انا احلى منها
فهد بأس ايديها : انتي احلى وحدة شافتها عيني في الدنيا كلها سيلا مين دي اللي تقارني نفسك بيها انتي ست البنات وست قلبي
حياة اتكسفت وخدودها احمرت وفهد ابتسم
فهد : بعشقك يافرولتي
الباب خبط وحياة بعدت عنه بسرعة
فهد بغيظ : مين؟
سيلا : انا يامستر فهد
حياة اول ماعرفت انها سيلا قربت من فهد تاني وشبكت اي يهز في كتفه
فهد فهم اللي بيدور في عقلها وابتسم بمكر : ادخلي ياسيلا
سيلا دخلت وشافت حياة متعل في كتفه واتغاظت حطت العصير على الطاوله اللي قدامهم
حياة بدلع : بقولك ايه ياانسة نيلا... اقصد سيلا ولا اسمك ايه.... الغي كل مواعيد فهودي النهاردة لانه مش هيكون فاضي هيكون معايا زي ما انتي عارفة عرسان بقا وكدا 1
سيلا بصت لفهد باستفهام وهو كان بيجاهد عشان يمنع ضحكته
فهد : تمام ياسيلا اعملي اللي حياة هانم قالته
سيلا بغيظ : تمام يامستر فهد.... عن اذنك
سيلا وصلت عند الباب وكانت هتطلع
حياة : خدي الباب في ايدك يانيلا
سيلا طلعت بضيق وقفلت الباب وفهد انفجر من الضحك
حياة : بتضحك على ايه
فهد : بضحك على انتي كان ناقص تقومي تجيبي البنت من شعرها
حياة بشراسة : ايوا علشان هيا رخمة ومش لطيفة كمان و بطل ضحك
فهد : ماشي ياستي..... وقرب منها واخدها في حضنه
تستمر القصة أدناه
حياة : فهد ابعد ايه اللي انت بتعمله دا
فهد ببراءة : الله مش انتي اللي قولتي لسيلا اننا عرسان وكدا
حياة بتوتر : كنت كنت بقول كدا علشان... علشان
فهد بترقب : علشان.... ؟!
حياة : هوف بقى بطل توترني
فهد بضحك : انا بقول نروح الفيلا احسن علشان ناخد راحتنا
حياة : انت عندك فيلا
فهد : اومال يعني عندي الشركات دي ومش هيبقى عندي حتة فيلا
حياة : واد يافهد انت طلعت غني بجد انا هبدأ احترمك
فهد عقد حاجبيه : وانتي مش كنتي بتحترميني ولا ايه
حياة : لا اقصد هضحك عليك ماانت غني بقا بس من يوم ماشوفت ومشوفتش منك لبانة حتى
فهد بضحك : وانتي عايزة مني ايه ياست حياة
حياة : هتجبيلي شوكولاتات كتير ومصاصات وكدا بقا يابو الفواهيد
فهد : هههه والله طفلة.... يلا نمشي
حياة بصرامة : استني
فهد : ايه تاني
حياة : البت نيلا اللي برا دي تمشيها وتجيب بدلها سكرتير راجل ايوا انا مش مستغنية عن جوزي
فهد : انتي مش واثقة فيا ولا ايه
حياة : واثقة فيك اه لكن فيها هيا لاااا
فهد بضحك : ماشي ياست همشيها بس بشرط
حياة : شرط ايه
فهد بابتسامه مكر: هقولك في الفيلا يلا
فهد مسك ايدها وطلعوا من المكتب وسيلا بصت عليهم بحقد
حياة بدلع : باااي يانيلا
فهد ضحك بخفوت ودخلوا الاسانسير ونزلوا ركبوا العربية وفهد اتجة للفيلا بتاعته
........ في بيت زهرة........
زهرة : الحمد لله ازيك ياجميلة
جميلة : بخير الحمد لله..... وكملت بدموع : زهرة اني اسفة سامحيني ياخيتي
زهرة : اسامحك على ايه ياجميلة
جميلة : اني عارفة انك زعلانة عشان الكلام اللي قولته ليكي لما فهد كان في المستشفى
زهرة : اللي فات مات انسى ياجميلة
جميلة مسكت ايدها : ياخيتي والله ماكنت اقصد حاجة من اللي قولتها اني قولت أكده من خوفي على فهد ومكنتش عارفة بقول ايه..... البيت ده بيتك قبل مايكون بيتي وبيت ابني يازهرة اني اسفة ياخيتي
زهرة : خلاص ياجميلة انتي مقولتيش غير اللي في قلبك حصل خير
جميلة : والله ياخيتي ماهو دا اللي ف قلبي ناحيتك اني بحبك كيف خيتي بالظبط وبعتبر حياة بتي مش مرت ولدي اني عارفة اني غلطت في حقك انتي وحياة بس والله العظيم عمري مااتمنيتلك غير الخير حطي روحك مكاني لو دي حياة اللي اتضربت بالنار انتي كنتي هتعملي ايه... اني اسفة ياخيتي
تستمر القصة أدناه
زهرة حضنتها : خلاص ياجميلة انا مش زعلانة منك
جميلة : ربنا يخليكي ياخيتي
سالم : احنا جايين ناخدك يازهرة وهترجعي معانا
زهرة : بس.....
جميلة : مفيش بس لو مرجعتيش معانا هعتبر انك مش مسمحاني
زهرة بابتسامة : ماشي..... بس بشرط هتتغدوا هنا النهاردة
محمود بضحك : بس أكده دا احنا اصلا جايين على لحم بطننا
زهرة : هدخل احضر فطار لحد ما اطبخ
جميلة وسعدية : استني هناجي معاكي
سالم : صحيح يازهرة حياة فين
زهرة : وهيا حياة قعدت في البيت من يوم مافهد جه كل يوم يجي من الصبح ياخدها وترجع اخر الليل
سالم : ربنا يسعدهم
زهرة : حسام اتاخرت ع الشغل
حسام وهايدي كان بيبصوا لبعض بشوق وفاقوا على صوت زهرة
حسام : طيب طيب ماشي
زهرة : ابقى جيب باباك وتعالوا اتغدوا معانا
حسام : اوك
حسام مشي وهايدي دخلت معاهم المطبخ يحضروا الاكل
...... في شركة المنياوي.......
آية : ياهشام جبتنا اهنيه ليه ماكنا نروح معاهم عند عمتي وخلاص
هشام : ياحببتي اني عندي شغل اهنيه هخلصه ونروح ليهم وبعدين الحق عليا عايز اوريكي مكتبي ومكان شغلي
آية : ماشي بس انا هزقق اهنيه وانت هتشتغل
هشام : لا ان شاء الله مش هتزققي لأنك هتساعديني في الشغل
آية : ماشي
طلعوا الشركة ودخلوا مكتب هشام وهو قعد على كرسي مكتبه وآية قصاده
هشام طلب الملفات وموظف جابهم
الموظف : اتفضل ياهشام بيه
هشام اخد الملفات وبص على الموظف لقيه بيبص لأية باعجاب
هشام بغضب : خير ياسامر في حاجة
سامر باعجاب : ماشاءالله ايه القمر دا
هشام : نعم ياروح امك
سامر : خير يافندم انا بصراحة بتعجب من القمر اللي قدامي ماشاء الله اخت حضرتك جميلة اوي ياهشام بيه
هشام قام بعصبيه ولف لعنده ومسكه من تلابيب قميصه : دي مراتي ياخويا مش اختي
وضربه بالبوكس في وشه : دا عشان بصيت لحاجة مش تخصك واتفضل يلا ع مكتبك ومخصوم منك شهر
سامر طلع برا وهو ماسك فكه بوجع مكان اللكملة
ايه انفجرت من الضحك
هشام بغضب : بتضحكي على ايه
آية : هههه شكلك حلو وانت غيران ياود المنياوي
هشام بجمود : متضحكيش هو دا كل اللي همك ف الموضوع
تستمر القصة أدناه
آية : خلاص بقي ياهشام هو مكانش يعرف وبعدين حرام عليك تخصمله شهر على حاجة تافهه زي دي
هشام : انه يعاكسك قدامي حاجة تافهه
آية : هو مكانش يعرف عشان خاطري متخصملوش
هشام : اهو عيونك دي اللي جيباني ورا
آية : عسل يا هيشوو عسل
هشام : تعالي ياختي ترجميلي الملفات دي خلينا نخلص
آية : ماشي ياعم متزوقش
هشام : لا هتتعاركي هتعارك
......... في فيلا فهد......
دخل الفيلا وهيا وراه انبهرت من جمالها منظمة جدا ومعظمها بالون الأسود والأثاث من الزوق الرفيع
فهد شاور بايده قدام عيونها : حيااااة... انتي هنا
حياة : يابن اللعيبة ايه الفيلا دي
فهد : عجبتك
حياة : عجبتني بس؟ دي تحفة اعااااا انا جوزي عنده فيلا كدا انا مبشوفهاش غير في الأفلام ياجدع
فهد بضحك : مجنونة
حياة : مجنونة بيك يافهدي
فهد بغمز : ماتيجي اوريكي اوضتنا
حياة بحماس : اشطا يلا
طلعوا الأوضة وكانت واسعة وجميلة اوي وفيها اوضة لتغيير الملابس وحمام
حياة : الله دي اوضتنا
فهد : اممم
حياة : انا مش مصدقة حاسة اني بحلم.... بس يعني انت كنت عايش هنا لوحدك
فهد : انا مكنتش بنزل الصعيد كتير وكل حياتي كانت هنا
حياة قربت منه بغموض : اوعا تكون بتجيب فيها بنات
فهد بضحك : لا متخافيش انا محترم
حياة بارتياح : طمنتني
فهد : مع الكل الا معاكي انتي
حياة بتوتر : قصدك ايه
فهد : هتعرفي..... وبدأ يقرب منها بخبث وهيا ترجع لورا بتوتر لحد ماكانت هتقع بس هو مسكها بايدها وشدها لحضنه
حياة بتوتر : فهد ابعد
فهد بعشق : تؤ تؤ
حياة : فهد.....
فهد بهدؤ : بحبك ياحياتي
حياة زقته : مش وقته يا اخويا يلا علشان اشوف باقي الفيلا.... وسابته وجريبت على بره
فهد بضحك : مجنونة والله
........ في المستشفى......
الممرضة : دكتور حسام...يدكتور
حسام كان سرحان وبيفكر فيها : هااه ايه يا سها فيه ايه
سها الممرضة : بقالي ساعة بنادي عليك وانت ولا هنا.. المريض اللي في الاوضة ٧ فاق
تستمر القصة أدناه
حسام : طيب روحي انتي وانا جاي وراكي
الممرضة طلعت وحسام ضرب راسه بخفة : فوق بقا وبطل تفكير
طلع من اوضة مكتبه وراح عند المريض
.......... ي بيت زهرة ..........
زهرة : يلا ياسالم اتصل بالاولاد عشان يجوا يتغدوا معنا
سالم : اني هكلم فهد وانت يامحمود كلم هشام
محمود : ماشي ياخوي
زهرة بهمس لهايدي : وانتي كلمي حسام
هايدي بكسوف : ماشي
....... في فيلا فهد......
فهد كان بفرجها على الفيلا ويراقب ابتسامتها وضحكتها وفرحتها بالمكان
كلامها الكتير واللي مش مترتب وحركة ايديها وهيا بتشاور على كل ركن وبتخطط بحياتهم الجاية مع بعض
حياة بحماس : وهنا هحط مرجيحة وهعمل هنا كوفي كورنر ووو...... فهد
بصتله باستغراب لما لقيته ساكت ومبيتكلمش
صرخت بصوت عالي علشان يسمعها
فاااااااااهد
فهد بخضة : ايه ف ايه
حياة : بقالي ساعة بكلمك وانت ولا هنا سرحان ف ايه؟
فهد بتلقائية : فيكي
حياة سكتت ووشها قلب الوان وفهد يصلها بهيام
فاق علي صوت التلفون
فهد : ألوو
سالم بسخرية : ايه يا حنين صوتك هادي أكده ليه
فهد : احم عادي يعني ولا حاجة خير ف حاجة؟
سالم : احنا اهنيه في بيت عمتك جيب مرتك وتعالوا عشان نتغدى مع بعض
فهد : جيتوا ميته ومش قولتولي ليه
سالم : النهاردة الصبح وخلص تعالي وبطل تلعب بديلك
فهد باحراج : ماشي
قفل وبص لحياة اللي حانت بتخبي وشها بين ايديها بكسوف
فهد : شكلك قمر حتى وانتي مكسوفة
حياة : لا وبطل تقول كلام يكسفني
وفهد ضحك : طب شيلي ايدك طيب
حياة هزت براسها بالنفي
فهد : طب يلا عشان هنروح عندكو العيلة كلها هناك
حياة شالت ايديها بسعادة : بجد
فهد : شيلتي ايدك دلوقتي ليه
حياة راحت تلبس حجابها : يلا بسرعة وحشوني اوي
فهد بضحك : يلا
....... في المستشفى.....
حسام : وحشتك ولا ايه
هايدي بتوتر وكسوف : ل.. لاه هو يعني عمتي بتقولك يلا تعالي عشان الغدا
حسام : فوريرة مسافة الطريق
قفل معاها واخد متعلقاته وطلع من المستشفى بسرعة وكلم حسين وراحوا بيت زهرة
........ في بيت زهرة.....
بعد ساعة كان الكل متجمع في البيت وقاعدين على سفرة الاكل والابتسامة على وشهم
اتغدوا في جو اسري مليان بهجة وخلصوا الاكل وقعدوا في الصالة مع بعض
زهرة وحياة قدموا الشاي وقعدوا معاهم
فضلو يهزروا يضحكوا مع بعض لحد ما المغرب اذن والرجالة راحوا الجامع وصلوا والستات صلوا مع بعض جماعة في البيت
بعد شوية كان الليل جه والعيلة كلها اتجمعت تاني مع بعض وقعدوا يتكلموا ويضحكوا ويدعوا ربنا يديم السعادة في حياتهم
حسام : احم... طب ياجماعة بما اننا متجمعين حابب اقولكم حاجة
الكل بصله بانتباه وهو كمل بجدية
حسام : انا كنت عايز اكتب كتابي على هايدي كمان يومين ويكون الفرح كمان
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا