رواية يونس الفصل الثاني 2
ابن عمي:مش عيب برضو يا بنت عمي تتكلمي مع راجل غريب وانتِ مش بترضي تتكلمي مع قراييك .ومش كده بس لا راجل حرامي وعايز يسرق ورث ولاد عمو
حبيبه:ملكش دعوه يا عمرو ويلا امشي من هنا
عمرو :امشي ؟! ده انا هربيكي
قرب مني وفي لحظه لقيت يونس جاب الطاسه وخبطوا وشدني وطلع يجري .بس ابن عمي مسكتش وراح قال لولاد عم يونس على مكانوا ومكانوش مصدقين عمرو في الاول بس جابهم معاه لأنهم كانوا قاعدين معاه عشان واحد منهم يبقى زميلو وهما متأكدين ان يونس هنا في القريه دي"
يونس:انا هقفل النور عشان ميشفوش الضوء من تحت الباب
حبيبه:تمام بس افتح كشاف
يونس :حاضر
"راح يطفي النور البيطفي من ورا الكراتين و وهو راجع اتكعبل ووقع"
حبيبه :انت كويس؟
يونس :مش عارف اقوم ساعديني
حبيبه :ما المشكله اني مش شايفاك اصلاً
جيت اتحرك فاتكعبلت و وقعت فوقو وفي لحظه النور رجع
يونس :اههههه
اتوترت :ان انا انا اسفه
يونس بوجع :طب قومي طب
قومت بسرعه :اه صح
عمرو:نجيب اتنين ليمون
خبطو بالطاسه :مش بحبو عايز منجا ممكن؟
شدني وطلعنا نجري
يونس:احنا لازم نتجوز
حبيبه:وده ليه
يونس :عشان اعرف اقف قصادهم
حبيبه:طب ما تقف فيها اى
يونس:هقف بمناسبتي اى ؟
بعدين هما زمانهم فهموا غلط طلاما انتِ في ارياف مش هيسألوكي على حاجه هيأذوكي على طول
حبيبه:بس انا مش عايزه اتجوزك
يونس:الموضوع ده يخلص وهطلقك وعد
حبيبه:ماشي
"روحنا لاقرب مأذون "
يونس:انا نسيت اني معيش فلوس
حبيبه:متقلقش انا معايا فلوس اقامتك
طلعتها واديتهالو:كده كده كنت هرجعهالك
يونس:شكراً
حبيبه:العفوا ً
"اتجوزنا ونزلنا روحنا الموقف لقينا عمرو هناك"
عمرو :انتِ لازم تيجي معايا دلوقتي والا هموتك
حبيبه:ليه ؟ كنت ابويا !
عمرو :كنت ابن عمك والمفروض اني قبل الغريب
يونس:ومين قالك اني غريب ؟؟ احنا متجوزين
عمرو:اى؟؟؟؟ ازاى متاخديش رأينا
حبيبه:بقولك اى انا من ساعة وفاة امي وابويا وانا البصرف على نفسي وبعمل كل حاجه لنفسي وانتوا رافعين ايدكوا خالص ده حتى محل ابويا اتقفل عشان مش عارفه ادفع ضريبة الكهربا في عز ما انت كنت واكل ورثي.
كده انت من عيلتي اصلاً !!ولا اعرفك .غير كده انا اعرف حاجات توديك في داهيه
اتوتر:انا مبعملش حاجه غلط توديني في داهيه
حبيبه:انت عارف لو القريه عرفت انك انت البتسرق المسجد هيعملوا فيك اى؟
ولا لما يعرفوا انك بتروح كبا.ريه!! واه معايا فيديوهات ليك وانت بتسرق الجامع كمان
عمرو:انتِ عايزه اى دلوقتي؟؟
حبيبه:تسيبني في حالي
عمرو :وميراثك هتسيبي؟
حبيبه:لا هاخدو بطريقتي
عمرو :تبقي وريني لو اخدتي مليم
حبيبه:هو انت مبتتعلمش ؟ بطل تنفش ريشك عشان شكلك بيبقى وحش في الاخر
يونس:يلا يا حبيبه الاتوبيس جه
حبيبه:سلام يا عامورا
حبيبه :احنا دلوقتي هنعمل اى؟
يونس:مش عارف
حبيبه:يعني اى مش عارف يا يونس؟ انت مش عارف احنا رايحين فين ؟
يونس :لا
حبيبه:طب احنا ركبنا الاتوبيس ده على اى اساس
يونس :الاتوبيس التذكرتو معايا فلوس تكفي ليها
حبيبه:برافو عليك بجد .حسبي الله ونعم الوكيل فيك انا اى الخلاني اساعدك اصلاً
يونس:بس انتِ مساعدتنيش
حبيبه:بص بقا يا يونس انا بساعد الناس بدون مقابل عشان افرح حد بس ولما اشوف حد فرحان بسببي بفرح ومش بطلب منك حاجه قصاد مساعدتك بس متنفيش كل حاجه بعملها كده لأن جو الغرور ده مش هيمشي معايا .
يونس:انا مغرور؟ مش كفاية ان انااا قعدت في قريه مقرفه زي قريتك
حبيبه:باين عليك مش مغرور خالص . بعدين انت مين يعني ؟ واحد هربان من الناس عشان هيقتلوا هيروح يقعد في فندق خمس نجوم
يونس:انا فكرت في كده بس كانوا قافلين عليا الطريق
حبيبه:انت انسان رخم بجد
ابتسم :شكراً ده من زوقك .فكري بقا هنعمل اى ؟
حبيبه:هبيع الاسوره الدهب الانا لابساها
"روحت بيعت الاسوره وخدت الفلوس وروحت في قريه الاتوبيس نزلنا قريب منها واجرت شقه صغيره كدا عشان يتبقى معايا فلوس للأكل .والست الانا أجرت منها الشقه لما عرفت الحكايه راحت جابتلي هدوم من عندها هي وجوزها"
الست:لو عوزتي اى حاجه انا موجوده انا زى ماما
حبيبه:شكراً .معلش تعبتك
الست :ولا تعب ولا حاجه
"مشيت وسابتني "
يونس :هو انا هقعد في الشقه المعفنه دي ؟انا كنت عايش في شاليهات وعندي بدل الفيلا سابعه
حبيبه:لو مش عجبك روح عيش في الشاليه والفيلا
يونس :لا والله
حبيبه:اه والله .اه صحيح قوم يلا ساعدني عشان هنضف الشقه
يونس:يعني انا هنضف معاكي ؟
حبيبه:للأسف اه
يونس :انا اسف انا مش بنضف
حبيبه:تمام زى الفل .المطبخ والحمام لو دخلتو هزعلك وهتقعد في اوضتك بس الانا مش هنضفها اصلاً
يونس:اكيد ارحملي من اني انضف
حبيبه:يعني مش رخم ومغرور بس لا ومقرف كمان
يونس:مبحبش حد يهزقني وانتِ شغاله تهزيق كده هقوملك
حبيبه:هتقوم تعمل اى؟ ها
يونس:انا هدخل الاوضه
حبيبه:يلا بالسلامه
"نضفت الشقه ومسحتها وقعدت اتفرج على فيديوهاتي انا وعائشه صاحبتي الله يرحمها وغصب عني قعدت اعيط"
يونس :انتِ كويسه؟
مسحت دموعي:اه متقلقش
يونس:هو انا المدايقك؟
حبيبه:لا
همس في ودني:طب فين المساحه والمكنسه عشان الاوضه وحشه اوي وانا قررت انضفها
ابتسمت:تعالى وانا هساعدك
"قعدنا ننضف فيها ولأن يونس مكانش متعود كان بيتزحلق كل شويه وانا اقعد اضحك .ولأول مره بعد وفاة عائشه التنضيف ده يبقى حاجه سهله ومليانه ضحك بالنسبالي "
يونس :اخيراً خلصنا .
حبيبه:يونس انت طفل اوي وانا بحبك
يونس :طبعاً يا بنتي انا اصلا اتحب
بصيتلوا بقرف
ضحك:خلاص خلاص تعالي نعمل اكل
ابتسمت:نقطة تغير حلوه
يونس:طلاما انتِ بقيتي مراتي هدور على الحاجه البتريحك واعملها
حبيبه:بس ده زواج مؤقت
يونس:يعني اضربك عقبال ما ننفصل يعني ولا اى؟
ضحكت:لا وعلى اى يلا نقوم نعمل الاكل
"يونس راح اشترى مكرونه وجه عمل السلطه وانا عملت المكرونه واكلنا بعدها خرجنا نتمشى "
يونس :انتِ كنتي قولتيلي انك بتروحي كليه صح
حبيبه: اه بس السنه دي اوقات كتير مش بروح
يونس:ليه ؟ بسببي صح!!
حبيبه:انا عرفك من قد اى اصلاً ؟ مكملتش شهر
يونس:امال ليه
حبيبه:محدش بيعدي السنه دي غير البيدفع وانا معيش مزانيه تخليني ادفع لكل ماده ف كده كده هسقط
يونس :طب ما تشتكي
حبيبه:انت عايش في عالم تاني يا يونس. انت فاكر انهم هيعملوا حاجه!! فكك
يونس:انتِ ادايقتي ولا اى خلاص هغير الموضو....
حبيبه:هششششش انت شايف الانا شايفاه
يونس: فين؟
حبيبه :على ايدي بص
يونس:اى ؟ مش فاهم برضو
حبيبه:في نقطة مطره نزلت وده معناه ان المطره هتمطر ان شاء الله
يونس:والمطلوب؟
حبيبه :هنروح اقرب غيط
يونس:اى الغيط ده كمان ؟
حبيبه:حقل زراعي يا يونس
شديتو :يلا نسأل الناس
يونس:يا ستي اصبري بس يلا نروح
حبيبه:انت مش هتيجي معايا
شدني في شارع تاني :لا هيجيلنا برد يلا نروح
طلعت اجري اول ما شوفت غيط في اخر الشارع:روح انت
جري ورايا لحد ما وصلت للغيط والمطره كانت اشدتيت
يونس:يلا نروح
حبيبه:نروح اى بس تعالى غمض عينك واجري
يونس:يا ستي بطلي هبل
طلعت اجري:اعمل زي بس
مسك شكاره من على الارض ونفضها وطلع يجري ورايا ويحطها فوقي راسي عشان المطره
حبيبه :يونس جرب عشان خاطري
يونس :عشان خاطرك بس
"طلعت اجري معاها واحنا مغمضين ومره واحده اتخبطنا في حيطه .راسي واجعتني جامد وفتحت عيني براحه لقيتها بتضحك وهي ماسكه راسها وقتها نسيت اني اتخبطت اصلا وقعدت اضحك معاها .ولأول مره اكون فرحان اني شايف حد بيضحك "
حبيبه:انت كويس ؟
يونس :اه .راسي وجعاني شويه بس
حبيبه :طب تيجي نجري تاني؟
يونس:وتضحكي ؟
ضحكت :موافقه
"رجعنا نجري تاني واحنا بنضحك لحد ما المطره وقفت فروحنا .....مرت الايام وانا ويونس لقينا شغل بس المرتب شبه معدوم والفلوس المعانا خلصت وبدأنا ندور على حاجه تانيه نبيعها وملقناش غير التليفون بتاعي"
يونس:طب تليفونك؟
حبيبه:لا تليفوني لا . في ذكريات مهمه مش هترجع تاني
يونس:طب وهنعمل اى دلوقتي مفيش حل تاني
حبيبه:معرفش يا يونس
يونس:طب خلاص انا هتصرف
"نزل واتأخر جامد........."
شاهد👈الفصل الثالث
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا