أخر الاخبار

رواية رفيق دربي الفصل الثاني 2 الاخير بقلم عبير حسان

رواية رفيق دربي الفصل الثاني 2 الاخير

 رواية رفيق دربي الفصل الثاني 2 الاخير

وسألت سؤال بتلقائية: مش غريبة إنك لسه تعرفني قريب واتقدمتلي
ابتسم: من أول ما عيني اترفعت عليكِ وأنا متأكد إنك هتبقي حلالي
فاطمة: طيب ما أنت عينك ممكن تترفع على أي حد؟
علي ابتسم: أنتِ أول وحده عيني تترفع عليها...إن شاء الله هيبقي في نصيب واقولك السبب التاني بعد كتب الكتاب..
ابتسمت بخجل: أنت جاي وكلك ثقة ما شاء الله 
علي: أنا واثق في ربنا، وواثق إنه هيستجيب دعواتي 
ابتسمت: إن شاء الله، ردي هيوصلك مع خالي.

*فضلت تلات أيام أصلي استخارة وكل مرة ببقى مرتاحة أكتر من اللي قبلها فوافقت وخالو سامح كلم علي واتفق معه وعلي طلب كتب كتاب على طول في الحقيقة كنت متوترة بس خالي طمني بجملته " اضمنهولك برقبتي يا فاطمة، إن ده الشخص اللي يستحقك وهيصونك ويشيلك جوه عنيه" فوافقت إنه كتب الكتاب يبقي آخر الأسبوع والنهارده اليوم الموعود 




المأذون: موافقة يابنتي إنه علي حامد يبقي زوجك وسندك في دنيا والآخر إن شاء الله.
جوبت بفرحه: موافقة ...فسمعت زغريط كتيرة وبعدين بدأ المأذون يتكلم ويقول: بسم الله فقد وردت عدة أحاديث في فضل الزوجة الصالحة وما تجلبه من الخير والسعادة للزوج منها:
قول النبي صلى الله عليه وسلم: من سعادة ابن آدم المرأة الصالحة، والمسكن الصالح، والمركب الصالح . رواه أحمد بإسناد صحيح.
وقوله صلى الله عليه وسلم: ما استفاد المؤمن بعد تقوى الله تعالى خيرا من زوجة صالحة، إن أمرها
فاطمة: أطاعته، 
المأذون: وإن نظر إليها
فاطمة: سرته،
الشيخ: وإن أقسم عليها 
فاطمة أبرته، 
الشيخ:وإن غاب عنها 
فاطمة: نصحته أو حفظته في نفسها وماله. 
المأذون: ربنا يبارك فيكِ يابنتي 
وكده نقدر نقول...
 بارك الله لكما وبارك عليكما وجمع بينكما في خير. 

لقيت علي بأس إيدي ورأسي: حبيتك من أول يوم شوفتك فيه يا سكني ومسكني..بحبك 
ابتسمت بخجل: وأنا كمان حبيتك وبحبك يا قرة عيني
فهلل..الله أكبر لقد أشرق قلب علي 

_خلاص صحيت يا علي هصلي القيام اهو 
=قصدك التهجد يا حبيبتي 
قولتله بتردد: إيه الفرق ما بينهم؟
رد بحب: أولا متردديش إنك تسأليني في أي حاجة.. أنا موجود هنا عشانك وعشان أرافقك في رحلتنا للجنة.
فاطمة: ربنا يحفظك ليا يا حبيبي..وتفضل رفيق دربي في دنيا والآخرة إن شاء الله 
علي: إن شاء الله يا قلب علي..تعالي بقا أقولك الفرق بين صلاة التهجد وقيام الليل




وقال العلماء إن التهجد يكون بعد النوم ليلا ولو لفترة، ثم الاستيقاظ للصلاة فقط دون غيرها من العبادات، أما قيام الليل فيكون بالصلاة، والذكر، والدعاء، وقراءة القرآن، وغير ذلك من العبادات في أي ساعة من ساعات الليل.
 وقد ورد عن الصحابي الجليل الحجاج بن غزية رضي الله عنه ما يدل على هذا الفرق، حيث قال: "يحسب أحدكم إذا قام من الليل يصلي حتى يصبح أنه قد تهجد، إنما تهجد المرء يصلي الصلاة بعد رقدة، ثم الصلاة بعد رقدة، وتلك كانت صلاة رسول الله صلى الله عليه وسلم له"، وفقا لدار الإفتاء المصرية.
إذا فهمتِ يا قلب علي وأم الحسين..
 ضحكت أنا بقوله: تالله أنني فهمت يا أبا الحسن 
علي: ربنا يكرمنا بالحسن والحسين عشان نبقي عائلة قمر زيك كده ..يلا صلي عشان الفجر مش فاضله غير ساعة وعشان تصحي بدرى هاجي أخدك ونخرج بكره 
رديت بحب: حاضر يا حبيبي، مع السلامة

علي بغيرة: أنتِ هتنزلي كده 
بصيت بإستغراب: في إيه 
_ الخمار قصير طوليه 
=حاضر 
_وغيري شوز أو البسي شراب 
=هزيت رأسي: حاضر 
_فين جوانتي 
=ياربي يا علي حاضر اهو 
علي هو بيبصلي: أنا حاسس خدودك فيها حاجة 
رديت بخضه: أبدا والله هي كده طبيعية 
علي بجدية: عاوزه نقاب أنتي 
رديت: علي 
علي بصلي ببراءة: هننزل نجيبه النهاردة 
رديت: مش دلوقتي يا علي احنا اتفقنا 
قرب مني وباس إيدي: قلب علي...هنجيب النقاب النهاردة 
لا لا كده غلط أنا ضعفت ليه : خلاص يلا نجيبه 
قرب باس رأسي: فلذ علي من جوه 

* بالله يا جماعة زوجي ده قمر قمررر..
احنا وماشين كان بيحكي إنه مشغول جدا وعنده مشاكل في شغل فهنضطر ناجل الفرح حقيقي زعلت بس قدرت إنه غصب عنه وقررنا خلاص هناجل الفرح اللى كان بعد أسبوعين..شد انتبهي احنا وبنتكلم ست كبيرة في السن قاعدة على جنب وبتطلب حاجة لله حقيقي المنظر وجع قلبي جدًا ست في العمر ده المفروض تكون مرتاحة على السرير مش قاعدة على الأرض... لقيتني ببص لعلي بدموع وهو فهمني وراح ساعد الست بشيء مادي




الست: ربنا يرزقك يا بني ويسعدك ويوسعها في وشك ويفرج همك ويرضى عليك ربك...وفضلت تدعيله وأنا مبسوطة بيه ومبسوطة أكتر إنه زوجي 
علي بابتسامة: اللهم آمين يارب العالمين يا أمي...يلا
مسكت إيده جامد: ربنا يحفظك ويباركلي فيك يارب 
باس إيدي: ويباركلي فيكِ يا حبيبتي 
أخدنا اليوم كله يعتبر بره والحمدلله انبسطنا كتير، روحنا البيت وكنا هنقولهم على قررنا إننا هناجل الفرح بس خالو صدمنا لما قال الأمور في شركة اتحلت بفضل الله وتقدر تاخد إجازة مفتوحة كمان..

وقتها أدركت إنه دعاء الست استجاب وده يعلمنا الصدقة يا جماعة الصدقة دى أهم وأحلى حاجة ربنا بيقدملنا الرزق بيها...حقيقي من بعد اليوم ده وأنا بقيت بساعد قد مقدر حتى لو بجنية...وفضل الله اتجوزنا أنا وعلي وحقيقي كانت حياتنا سعيدة أكيد كان فيها خلفات بس الحمدلله كان حد فينا بيبادر إنه يصالح التاني في أسرع وقت وأنا عشان ست مسيطرة و وليا كلمتي هو بيجي يصلحني " مسيطرة إيه بإمارة إنها لبست النقاب قبل الفرح بأسبوعين هههه" 

كنا قاعدين قدام التلفزيون وبناكل لب 
أنا وببص على الب: علي 
علي وهو مركز مع التلفزيون: كبده 
بصتله وربعت إيدي: علي 
علي بصلي: قلبه 
_أنا عاوزه اشترى سواك
=بصلي بإستغراب: سواك !
_رديت بحب وخجل: اه عشان لم تدخل عليا وتلقيني بستاك تقولي 
حظيت يا عود الأراكِ بثغرها 
 أما خفت يا عود الأراك أراكَ
لو كنت من أهـل القتال قتلتك 
ما فـاز منـي يا سِواكُ سِواكَ

_لقيت صوت ضحكته جلجلت الشقة: أنتِ شكل الحمل مأثر عليكي ههههه
=طيب خلاص مش لازم سواك بص الب ومثلت أنني بستاك بيها 
_ههههههه عاوزني أقولك إيه 
حظيت يا لب بثغرها 
أما خفتِ يا لبايه من القتالِ 
ضحكت: يا علي مضحكنيش يأخي الموضوع جد 
علي: والله انا خايف أن اللي في بطنك دى تكون بنت تبقي كارثة 
رديت بإستغراب: ليه 
علي بضحك: هتطلع رومانسية أوفر 
بصتله بحزن: هي بقيت كده يا علي بالنسبالك رومانسيتي أوفر 
علي بصدمه: بالله ما ناقص هرمونات حمل خالص هاتي دماغك ابوسها..هاتي ايدك ابوسها هاتي خدودك ابو..
بعت إيده بالعافية هو محاوط وشي: خلاص خلاص أبعد أنت ما صدقت.. 
علي بحب: ياستي بحبك الله
ابتسمت بخجل 
فهلل علي وهو بيقول جملته الشهيرة: االله أكبرر.. لقد أشرق قلب علي من جديد.
.....
الحمدلله ربنا رزقنا بنت وعلي سماها "فاطمة"
 وبعدها بتلات سنين رزقنا بتوأم فقررنا نسميهم الحسن والحسين عشان نبقي عائلة قمر وربنا يقدرنا ونربي عيالنا تربية صالحة ادعولنا يا جماعة حتى لو كنا من الخيال بس على الأقل الدعوة هتردلكم تاني..

"وقول لرفيق الدربِ  
لو كل الدياري أغلقتْ 
لفتحها لكَ قلبِي من جديدِ
فأنتَ المسكن والمأمن 
ورفيق الروحِ ليوم الوعيدِ".

تمتلك مدونه دار الروايه المصريه مجموعة 
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
 واستمتع بقراء جميع الروايات الحصرية والمميزة

تعليقات



    حجم الخط
    +
    16
    -
    تباعد السطور
    +
    2
    -