رواية فرصه احسن الفصل الثاني 2
نى:قولي والله
الاء:ايوااا انا فرحاانه اوي
منى:الف مبروك يا روحي لكل مجتهد نصيب وانتي اجتهدتي ودا نصيبك
الاء:شكرا يا احلى اخت في العالم
سماح: خلاص يا جماعه يلا علشان الغدا وبعدين نشوف موضوع الطلاق بتاعك دا يا ست منى
الاء:ايه دا بجد الاكل جهز طب سلام بقى علشان اشوف الاصناف اللي ست الحبايب محضراها
سماح:يلا يا بنت المفجوعه
الاء:تؤ تؤ مينفعش كدا يا ماما تشتمي نفسك انا كدا ازعل
منى:هههه ما خلاص يا جماعه
سماح: ربنا يعين اللي هيتجوزها بجد
(بعد يومين)
تامر: خلاص يعنى انتو عايزين طلاق
حسن(ابو الاء ومنى): ايوا احنا منقبلش على بنتنا تعيش مع واحد زيك
الاء: ايوا منقبلش على البت منى تكون مع.مع..مع اللي بابا قاله
(سماح نغزت الاء بمعنى اسكتي)
الاء:ايييه بعمل نفسي فاهمه
سماح(بصوت واطي):اخرسي يا هبله فضحتينا
(الاءنفس النبره):حاااضر
تامر:طيب يعنى المأذون ييجي النهرده
حسن:ايوا
تامر:خلاص هاجى انا والمأذون على الساعه سبعه ومعانا كل الاوراق
حسن:ماشي وحضانه ابنك هتبقى من امه
تامر:انا اساسا مش عايزه
(منى هنا حست بكسره في قلبها وحبست دمعتها بالعافيه رغم كدا سماح والاء خدو بالهم من منى ومن زعلها. الاء ابتدت تطبطب على منى من غير ما حد ياخد باله لحد ما تامر مشي)
منى بانهيار: هوا انا ناقص فيا حاجه
سماح:لا يا قلبي انتي عسل وقمر اهو
حسن:لا يا روحي دا واحد زباله مبيقدرش النعمه اللي معاه
الاء:امال دا انتي بسم الله ماشاءالله ست الحسن والجمال دا غير انك عندك شهادات ومتفوقه كمان والف مين يتمناكي
سماح: شفتي البت الاء اخيرا قالت حاجه مفيده
منى ابتسمت بكسره وقالت: طيب هوا سابني ليه ليه راح لبنت صا*يعه كل يوم مع واحد
سماح: بصي يا حبيبتي دا واحد عينه زايغه والحمد لله ربنا كشفه على حقيقته وانتي دلوقتي قاعده في بيتك معززه مكرمه
حسن:ولو على كلام الناس الكل عارف اخلاقك وانتي اكيد مظلومه واحنا اساسا مش بنهتم لكلام الناس ومتزعليش يا ستي دا انا هجبلك سيد سيده
الاء:هما قالو كل حاجه مش فاضلي حاجه اقولها يلا بقى ربنا على الظالم والمفتري
منى:صح انتو معاكو حق وانا لازم احمد ربنا كل ثانيه وكل دقيقه انه كشفهولي على حقيقته وانا اساسا اتقفلت من الصنف كله
الاء:شطوووره يا حبيبتي انتي كدا اختي منى اللي اعرفها ولازم نحرقه عايزاكي تلبسي احلى حاجه عندك ونحتفل بقى هييييه
حسن: هههههههه البت الاء دي مزيتها انها بتطلع طلعات غريبه كدا
الاء:انااا حرام عليكو دا انا سكره طب بصو كدا دي منظر واحده داخله اولى كليه
سماح: لا بصراحه منظر واحده داخله كيجي وان
الاء:شفتو يعنى انا صغيره ومزه صح
سماح:الصبر من عندك يا رب
منى:هههه حرام عليكو انا ذنبي ايه في الهبل دا كله
الاء:ربنا يعينك دانتي هتشوفي ايام كلها ضحك وهبل
منى حضنت الاء وقالت:انتو عوضي من ربنا في الحياه
حسن: خلاص بقى سلام علشان عندي شغل
سماح:سلام ربنا يوفقك
الاء:ماااااماااا
سماح:يا بنت ال.. مش قلتلك متناديش عليا كدا بتصرع
الاء:عايزه اكل
سماح:امشي من قدامي
الاء: لاا
سماح:طيب بصى في اختراع اسمه شبشب عايزه تجربيه
الاء:لا خلاص انا ماشيه بكرامتي احسن
(بليل الساعه سبعه)
الماذون: خلاص الاجراءات خلصت
تامر: يلا يا استاذ مسعد(المأذون)
استاذ مسعد: حاضر بس قبل ما امشي عايز اقول للاستاذه منى حاجه
تامر:تمام
استاذ مسعد:......
شاهد👈الفصل الثالث
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا