رواية يوميات محمود وتقي الفصل الثالث 3
بعت صورة للكراش القديم ايام ثانوى لصاحبتى مروة وسبت الفون شوية وجيت لقيت كذا رنة من مروة
تقى:أيوة يابنتى فى ايه لكل الرنات دى
:اخربيتك اتقى ايه اللى انتى عملاه دا
تقى باستغراب:عملت ايه يا بنتى
:ايه الاستورى اللى انتى نزلتيها دى
تقى:استورى؟منزلتش استوريهات انا...استنى كدا..يا نهار اسود هو انا نزلتها استورى بدل ما ابعتهالك
:تقى حبيبتى محمود جايلك فى الطريق استلقى وعدك بقى
تقى:يا نهااااارى محمود لا لا طب سلام الحق امسحها...ودخلت على الاستورى والحمد لله محدش شافها غير مروة بس واطمنت كدا محمود مش هيشوفها و..ايه الصوت دا وايه الخبط دا
:هى فين هى فيييين
/اهدى يا محمود مالك فى ايه يابنى
:فين بنتك اعمتى فين تقى
تقى:مالك امحمود فى ايه
محمود فتح فونه على حاجة وورهالها:ايه دا يا هانم
تقى:بص هفهمك والله اهدى كدا ها
محمود بعصبية:اهدى؟مراتى منزلة صورة شاب وكاتبة الكراش القديم وعيزانى اهدى
تقى بخوف:يا محمود والله كنت هبعتها لأختك مروة والله افهمنى
محمود:اهو انتى ومروة وربنا ما هترتاحو غير أما تموتونى قريب
تقى ببراءة:بعد الشر عليك احبيبى شالله عدوينك
محمود:والله ما عارف اقول ايه
تقى بغباء:الا انت شوفتها ازاى احودة انا عملالك استثناء اساسا وكمان مظهرليش انك لحقت تشوفها يعنى
محمود:دا عشان أنا منزل الواتس الذهبى ياختى
تقى:عدم السلكان بتاعكم دا عيب والله
محمود:أو عشان اشوف العبط بتاعك ياختى. تعالى هنا يابت
تقى جريت وهو يجرى وراها وام تقى تجرى وراهم عشان تحجز ومش لاحقة وفى الاخر دخلت تقى اوضتها وقفلتها بالمفتاح ومحمود برة
محمود بزعيق:طيب يا تقى هتروحى منى فين يعنى صبرك عليا بس
تقى فتحت الباب بسرعة وعملت حركة احمد حلمى فى فيلم زكى شان وقالت:طلقنى لو مش عاجبك طلقنى..وقفلت الباب بسرعة
محمود بنفاذ صبر:اه ياربى اه
____________________&&
تانى يوم كانت مروة عند تقى وبيحاولوا يلاقو طريقة عشان تقى. تصالح محمود
تقى:انا هعمله صينية بطاطس محمرة ومعاها فرخة مشوية وازازة بيبسى وهيتصالح
مروة:محمود مبيتصالحش بالاكل
تقى:خلاص هعمله كيكة شوكولاتة وصينية جلاش بالمكسرات
مروة:محمود ملهوش فى الحلويات
تقى:هجبله ساعة رجالى شيك وحلوة
مروة:محمود مبيحبش يلبس ساعة غير ساعة بابا الله يرحمه
تقى:قومى يا مروة من جنبى قومى. اعمله ايه يعنى
مروة:غنيله
تقى:نعم؟اغنيله
مروة:اه هو بيحب صوتك ياختى غنيله بقى وانتى مراته عادى يعنى
تقى بتفكير:اممممم فكرة برضو...خلاص انا عرفت هنغنيله ايه وانتى هتساعدينى
________________&
عند محمود كان كل شوية يفتح الاستورى لأنها متمسحتش من الواتس الذهبى ويتعصب ويدايق وفجأة لقى رسالة جياله من تقى وكان فيديو فتحه واتصدم من اللى شافه كان فيديو لتقى ومروة بيغنوا اغنية لحكيم
"
ياللي حبيبك قاسي وسابك ويا عذابك آه
إنسي عذابك من أحبابك وأفتح بابك آه
ياللي حبيبك قاسي وسابك ويا عذابك آه
إنسي عذابك من أحبابك وأفتح بابك آه
(ناااار)
نار نار نار (نار)
محمود بصدمة:ايه دا وربنا مجانين دى المفروض بتصالحنى يعنى وبعدين ضحك عليها هو عارفها أنها كانت بتهزر وهى بتحبه بس هو غار عليها جدا..
:تفتكرى هيسامحنى امروة
مروة:والله ما اعرف هو اخويا اه بس معرفش بقى
تقى:خلاص انا هروحله اصالحه فوق..
تقى بتخبط على باب شقة محمود:افتح يا خاين افتح الباب دا
:يا محمود افتح خلاص والله ما هعمل كدا تانى
:افتحى انوسة انا الحب أبت
فتح محمود الباب:نعم عايزة ايه
تقى ببراءة:اسفة
محمود بجمود:لا
تقى بردح:لا بص يا خويا اوعى تفتكر هتمسكن واعيط واطلب السماح لا يابا اللى خسرنا باع دلعنا
محمود بسخرية:قوليها صح الاول طب
تقى:ولا امحمود هتسامحنى وتقول خلاص يا تقايا ولا انكد عليك نكدى وانت عارفه بقى
محمود:نكدى وانا هخلى الكراش بتاعتى القديمة تطرى عليا
تقى بعصبية:انت عارف انى كنت مقصدش يا محمود وكنت بهزر ونزلتها بالغلط وعارف انى بحبك انت بس متحاولش تعاقبنى بنفس الطريقة تمام
محمود:حسيتى بيا دلوقتى يا تقى
تقى بدلع:طول عمرى حاسة بيك يا بيبى
محمود بضحك:هههههه مش لايق عليكى يا تقى دا
تقى:عندك حق يلا ورايا عمتك عاملة طاجن عكاوى إنما جمل يابا الحج جمل..ونزلت
محمود بحسرة:عكاوى يا تقى عكاوى يا ميلة بختك يا محمود..
"وتظن انك نجوت فيهزمك طاجن عكاوى من تقى يا محمود يجيب اجلك"
شاهد👈الفصل الرابع
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا