أخر الاخبار

رواية احببت منتقبة الفصل الرابع 4 بقلم ياسر الانصاري

رواية احببت منتقبة الفصل الرابع 4

 رواية احببت منتقبة الفصل الرابع 4 


صهيب عينه ف الأرض بس الصوت مش غريب عليه بدأ يرفع عينه وفجاه ...  

صهيب. الزهراء ؟

الزهراء . دكتور صهيب !

صهيب وقف من مكانه وبصلها . الحاج مصطفي يبقي ابوكي !

الزهراء بانكسار . با الضبط كدا

محمود والحاج مصطفى قاعدين مش فاهمين اي حاجه

مصطفي باستغراب .انتي تعرفيه منين يا بنتي 

الزهراء. حضرته يبقي الدكتور بتاعي ف الجامعه يا بابا 

محمود قاعد هيموت من الذهول ازاي يعني 

محمود . طبعا خلاص كدا يا حاج انتا اطمنت ع بنتك وبنتك اطمنت عليك. دلوقتي هترجع الحجز بقي لحد لما نشوف حاله الراجل الي ف المستشفي دا ايه 

الزهراء . حجز ؟

محمود . لا هقعده في لوكندا

صهيب قطع كلامهم. محمود عم مصطفي مش هيدخل الحجز 

محمود باستغراب . ازاي بس يا دكتور 

صهيب . زي ما قولتلك كدا تشوفله اي مكان تاني انتا شايف سنه وحالته 

محمود . يا صهيب بس ...

صهيب. مبسش يا محمود لو اخوك غالي عليك فعلا هتعرف تعمل دا. 

الحاج مصطفى وبنته مستغربين معقوله دول اخوات .

محمود. ماشي يا صهيب بس يكون في علمك النيابه بكرا الصبح هتكون في المستشفي وأقل ما فيها دا لو الراجل قام بخير هيكون شروع في قتل ودي تهمتها كبيره اوووووووووووي ، انا ممكن اخدمه يوم اتنين اسبوع عشانك لكن مش هقدر اقضي عقوبته كلها كدا. لازم يتصرف دلوقتي ويشوف محامي شاطر 

صهيب بحزم . محمود خلال اسبوع كل حاجه هتكون خلصت معلش شوفله مكان كويس هنا وانا دلوقتي هتحرك ع المستشفي الي فيها المصاب واحاول الاقي حل 

محمود مستغرب من رد فعل اخوه ليه بيعمل كل دا وعشان مين 

قطع تفكيره دخول العسكري. في واحده بتقول انها مراته يا فندم

صهيب بص لأخوه. محمود أبتسم. دخلها يبني احنا مش قد عدواه الدكتور صهيب وكلهم ابتسمو . 




ودخلت صفاء 

صفاء بلهفة.. ابو الزهراء انتا كويس يا اخويا 

مصطفي. انا بخير يا ام زهره متقلقيش 

صهيب . ست الكل حمدالله على السلامه بس دا مش وقت عواطف اطمني علي عم مصطفي عشان نتحرك دلوقتي ع المستشفي 

صفاء بزهول . مستشفي ايه !

 مصطفى. يا ام الزهراء الدكتور يبقي اخو البيه معاون المباحث ودكتور بنتك ف الجامعه وكتر الف خيره مرضيش يخليني انزل الحجز والباشا اخوه واصلهم الطيب قبل دا. والدكتور صهيب عاوز يوقف معايا ويساعدني ويشوف حل مع المصاب
 ‏
 ‏صفاء بدمعه فرحه ف عيونها .. ربنا يباركلك يبني ويعالي مقامكم يارب 
 ‏
 ‏صهيب قام وقف. ها يا محمود عرفت هتخليه فين !
 ‏
 ‏محمود بتردد. هخليه ف اوضه النبطشيه وخلاص بس وحيات امي حاسس اني رفضي من الشغل هيكون ع ايدي( وضحك). ضحكو كلهم 
 ‏
 ‏مصطفي بابتسامه . ربنا ما يجيب حاجه وحشه يبني انتا بتعمل خير وهتلاقيه قدام .. بس انتا أو الدكتور مش مضطرين لداه وكمان ...
 ‏
 ‏صهيب قاطعه. عم مصطفي صلي علي حبيبك النبي (ص)  
 ‏
 ‏مصطفي. عليه افضل الصلاه والسلام
 ‏
 ‏صهيب. بس كدا يلا يا ست الكل جاهزه نتحرك 
 ‏
 ‏محمود. دلوقتي يا صهيب ؟
 ‏
 ‏صهيب . يبني انتا مش قولت اني النيابه بكرا هتكون ف المستشفي . يبقي مفيش قدامنا وقت اصلا 
 ‏
 ‏محمود ساكت بس بيبتسم 
 ‏
 ‏صفاء. انا جاهزه يبني ، يلا يا الزهراء 
 ‏
 ‏وبا الفعل اتحركو نزلو تحت وطلعو معاه لحد عربيته 
 ‏فتحلهم الباب وركبو 
 ‏
 ‏صهيب .. اخدتي عنوان المستشفى واسم المريض يا امي. 

 ‏صفاء. اه يبني اهم 
 ‏
 ‏صهيب اخد منها الورقه واتحرك ع هناك وكل شويه عينه بتيجي في عين الزهراء ومرة ف عين امها. 
 ‏دخلو المستشفي ومش عارفين يكلمو مين صهيب وقف قصاد مكتب كدا. 
 ‏
 ‏صهيب. السلام عليكم . حضرتك كنت عاوز اسال عن (___) هو جيه في حادثه عربيه 
 ‏
 ‏الموظف بابتسامه . وعليكم السلام، موجود يا فندم في غرفه ١١٤ 
 ‏
 ‏صهيب. اشكرا جدا 
 ‏
واتحرك هو وصفاء والزهراء للاوضه 
كانت واقفه ناس قدام الأوضه وسألوه. محتاج حاجه حضرتك ؟

صهيب معلش كنت حابب اطمن علي عم خالد واتكلم معاه كلمتين كدا. 

واحد منهم. طيب استني بس الدكتور يخرج من عنده 

صهيب بابتسامه. تمام والف سلامه عليه 

خرج الدكتور وصهيب كان اول واحد كلمه 

صهيب . دكتور بعد اذنك ممكن اعرف حالته ايه ومسموحله با الكلام ولا لا 

دكتور باستغراب . مين حضرتك ؟

صهيب . دكتور صهيب جمال . دكتور بكليه الطب جامعه القاهره

الدكتور بابتسامه. اهلا بيك يا دكتور بص هو حاليا بيغير ع جرحه ممكن ع ما نشرب القهوه في مكتبي تدخله 

صهيب بابتسامه. مش عاوزين نتعبك يا دوك 

الدكتور. ولا تعب ولا حاجه يا دكتور. اتفضلو. دخلو

 المكتب وصهيب طلب قهوه وطلب عصير لصفاء والزهراء 

صهيب. ممكن اعرف حالته ايه بقي يا دكتور !

الدكتور. كسر ف الدراع الشمال والرجل اليمين وكان فيه نزيف داخلي بس قدرنا نسيطر عليه وشويه كدامات وجروح خفيفه كدا 

صهيب اتنهد. طيب الحمدلله الكسور دي بسيطه

الزهراء وامها مبسوطين بكلام الدكتور ومش عارفين لو صهيب مكانش معاهم كانو عملو ايه. 

صهيب بابتسامه.نقدر ندخله دلوقتي بقي 

الدكتور . لسا بدري يا دكتور وعلي العموم شرفت ومكانك ف اي وقت هبعت معاك حد يدخلك لحد الاوضه

صهيب شكره وخرج ومعاه صفاء والزهراء وممرضه 

الممرضه . حضرتك زميل الدكتور وائل !

صهيب .لا مش زميله 

الممرضه . اصل دكتور وائل معندوش حد مميز يعني فا قولت اكيد حضرتك زميله 

صهيب بضيقه . يا انسه قولتلك مش زميله الدكتور ربنا يباركله بيعمل الواجب 

الممرضه وهي مبتسمه . طيب دي الاوضه ولو احتجت اي حاجه اي حاجه قول بس يا شيماء

صهيب فهم غرضها .. شكرا يا انسه 

وطبعا برغم الموقف الي هما فيه إلا أن الزهراء مولعه من جواها من الممرضه دي ونفسها تجيبها من شعرها

صهيب. السلام عليكم حمدالله على السلامه يا راجل يا طيب. 

خالد. الله يسلمك يبني ، بس حضرتك مين 

صهيب. متستعجلش اوووووووووووي كدا الاول بس اطمن عليك وبعدين اعرفك بنفسي. ع العموم انا الدكتور صهيب جمال. وعمي هو الي خبط حضرتك با العربيه وجاي اشوف حضرتك ايه الي يرضيك بس بعيد عن المحاكم والكلام دا. 
   



صهيب توقع اني الراجل هيشتمه أو ع الأقل يطرده بس الغريبه اني الراجل ابتسم.
 تعويض يعني ؟
 ‏
صهيب. لا طبعا يا عم خالد قصدي مصاريف العلاج ،
 مصاريف بيتك لحد لما تقوم كدا يعني
 ‏
خالد. بص يبني لو حد المفروض يدفع تعويض هيكون انا 

كلهم استغربو. صهيب . ليه بتقول كدا يا عمي 

خالد . لاني انا السبب في مرمطه الراجل في الأقسام وبعدين هو معندوش غلط دا الراجل عمل المستحيل عشان يفاديني لكن للأسف انا الي كنت غلطان ووقفت قدام العربيه با الضبط

صهيب. وليه عملت كدا يا عمي 

خالد . مش بايدي يبني انا كنت معدي ف الشارع وبحسب محتاج مصاريف قد كدا. ودروس العيال قد كدا وماشي في دوامه فجاه لقيت نفسي قدام عربيه بتخبطني وع فكره يبني عمك دا لو مكنش عمل رد الفعل دا مكنتش هتبقي مجرد كسور كنت هروح فيها. ربنا يباركله يارب 

صهيب مبتسم. يعني يا عمي مش هو السبب في الي حصلك. 

خالد. لا طبعا يبني واقول دا قدام الكل لو حابب تجيب الشرطه دلوقتي وهقول الكلام دا. 

صهيب ابتسم بفرحه. لا يا عمي ملوش لزوم انتا ارتاح دلوقتي وبكرا كدا كدا النيابه هتاخد اقولك وقولهم الي حكيته دا. وع العموم متشلش هم حاجه بيتك وعيالك مسئولين مني انا وان شاء الله تخف وتبقي بخير واشوفلك شغلانه مرتاحه وتادي الغرض كمان
 
خالد بدموع ف عيونه. ربنا يباركلك يارب ويخليك لشبابك يبني 

صهيب .يلا بقي احنا هنسيبك محتاج اي حاجه يا عم خالد 

خالد . ربنا يباركلك يبني هحتاج ايه اكتر من كدا. 

صهيب نده علي ممرضه وطلع فلوس من جيبه 

صهيب. تجبيله اكل وعصير وغيرهم وتخلي الباقي علشانك وخدي بالك منه 

الممرضه. حاضر يا دكتور 

خالد. يا دكتور ممكن اطلب منك طلب 

صهيب. اتفضل 

خالد . قرب مني يبني 

صهيب قرب من ناحيته واتفأجا با الراجل بيحضنه بدمعه في عينه. 

صهيب. ربنا يبارك ف عمرك يا ابويا. وانا هعدي عليك بكرا أن شاء الله 

خرج صهيب، وصفاء وزهراء مبسوطين اوووووووووووي من جواهم بس مستغربين لسا في خير ف الناس كدا. 

ركبو العربيه. واتحركو

صهيب. ست الكل مش هنقول حاجه لعم مصطفي لحد لما نتأكد الصبح الراجل طيب وكل حاجه بس منضمنش الظروف وعم مصطفي مش حمل صدمات دلوقتي.
 
صفاء بابتسامه. عين العقل يبني. ربنا يبارك فيك ويقدرنا نرد جزء من جمايلك. 

صهيب وقف العربيه. جمايل ! جمايل ايه طيب بصي يا ست الكل لو مش بتعتبريني زي ابنك قولي الكلمتين دول تاني 

صفاء بضحك. لا طبعا مش هقول حاجه انتا زي ابني واكتر والله 

صهيب ضحك. ايواه كدا. واتحرك وراح المديريه طمن مصطفي ومحمود وعرض عليهم يرتاحو لحد الصبح

 كلم والدته.

عائشه. ايواه يا حبيبي اتاخرت ليه
 
صهيب . معلش يا امي المهم حضري مكان عندنا ضيوف النهارده 

عائشه.. ماشي يا حبيبي اعتبره جاهز. 

قفل معاها المكالمه. 

صفاء. يبني مش عارفه اقولك ايه والله بس معلش النهارده سبني اطمن ع جوزي وخليني جمبه 

لسا صهيب هيرد. 

صفاء. ولو بتعبرني زي امك اعملي الي عوزاه
 



صهيب بابتسامه.. ماشي يا ست الكل مش هتكلم المره دي. انا هروح اجيب عشاء ع السريع كدا واوعو حد يتكلم يلا سلام عليكم

وخرج جاب الاكل واكلو وسابهم في اوضه النبطشيه لحد الصبح وهو قاعد مع اخوه في المكتب رغو كتير وحكاله الي حصل.

كان الصبح صبح اتحركو ع المستشفي وكانت معاهم صفاء والزهراء

وصلو المستشفي وبا الفعل الراجل ثبت ع كلامه وطبعا تم إخلاء سبيل مصطفي بدون اي ضمان 
خرجو كلهم مبسوطين ورايحين ع المديريه يطمنوه بس صهيب استسمحهم يشتغلو عم مصطفي شويه وضحكو كلهم

صهيب دخل اوضه النبطشيه. 

مصطفي خير يبني طمنوني وبيبص لصهيب ومراته وبنته ومحمود 

صهيب. عمي انتا مؤمن بالله وعارف اني كل شي قدر ونصيب مكتوب 

مصطفي بحزن. عارف يبني عارف قدر الله ما شاء فعل. محمود بيه انا بشكرك من قلبي علي وجودي هنا بس تقدر ترجعني الحجز. وانتا يا دكتور مفيش كلام يوصف شكري ليك. ولسا هيتحرك. 

محمود . حضرتك رايح فين ؟

مصطفي . هرجع الحجز 

صهيب بابتسامه وفرحه. لا انتا هترجع مكان تاني خالص. يلا علي بيتك يا عم مصطفي .. إخلاء سبيل بدون أي ضمانات 

تمتلك مدونه دار الروايه المصريه مجموعة 
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
 واستمتع بقراء جميع الروايات الحصرية والمميزة

  

 
 ‏

تعليقات



    حجم الخط
    +
    16
    -
    تباعد السطور
    +
    2
    -