أخر الاخبار

رواية احببت منتقبة الفصل الخامس 5 بقلم ياسر الانصاري

رواية احببت منتقبة الفصل الخامس 5

 رواية احببت منتقبة الفصل الخامس 5 


محمود . حضرتك رايح فين ؟

مصطفي . هرجع الحجز 

صهيب بابتسامه وفرحه. لا انتا هترجع مكان تاني خالص. يلا علي بيتك يا عم مصطفي .. إخلاء سبيل بدون أي ضمانات 

مصطفي . اخلاء سبيل ! يبني انا راجل كبير قد ابوك ومش حمل الهزار دا. ومتقلقش عليا انا راضي بحكم ربنا 

صهيب . هو باين عليا اني تافهه للدرجه دي يا عم مصطفي ! بقولك إخلاء سبيل بدون أي ضمانات واهو معاون المباحث قدامك أسأله

مصطفي . يبني مقصدش والله بس أنا مش فاهم ومش عارف.. يا محمود باشا كلام الدكتور صهيب بجد ؟

محمود. اه يا عم مصطفي ويلا بينا عشان نخلص اجراءت الإفراج 

مصطفي والإبتسامة في عيونه. ربنا يباركلكم يبني وراح عند صهيب ورمي نفسه في حضنه  

صهيب. بص يا عم مصطفي من شويه قولتلك انا مش تافهه اوووووووووووي كدا بس اسمحلي المره دي اكون تافهه واقولك .. كفاره يا عم مصطفي. وكلهم ضحكو 

وخرجو يخلصو الإجراءات.  

صهيب مع محمود علي جمب. 

محمود .. انا لحد دلوقتي مش فاهم حاجه ومطلبتش منك اني افهم. بس دلوقتي أنا محتاج افهم حاجه واحده بس. ليه ؟ 

صهيب. مش وقته بقي يا حوده ويلا كمل جميلك وخلص الإجراءات وخليك فاكر النهارده عندي واخر اليوم عندك ( وضحك) 

محمود .يعني ايه 

صهيب. انتا نسيت اني النهارده الخميس ومعاليك محتاجني معاك ف الزياره !

محمود. يا نهار ابيض انا كنت نسيت. انتا حبيبي يا دكتره وطلباتك اؤامر 

صهيب بضحك .. ايواه كدا. ناس تخاف متختشيش 

خلصوا كل حاجه ومحمود سلم عليهم. وعم مصطفي جيه يسلم علي صهيب 

صهيب. لا لا انا مكمل معاكم خلي السلام دا بعدين. ها اوديكم فين بقي ؟ 

مصطفي. لا بالله عليك يبني كفايه لحد كدا انتا تعبان معانا من امبارح وعشان منتكلمش كتيرر والله العظيم..

صهيب. بس بس هتحلف ع ايه. طب اقسم بالله العظيم يا عم مصطفي لو ما وصلتكم لحد البيت هيبقي فيها زعل بجد

صفاء. خلاص بقي يا ابو الزهراء الدكتور ابن اصول سيبه يكمل واجبه زي ما يحب 

صهيب. ايواه كدا يا ست الكل قوليله

وبا الفعل مصطفي وافق وطلعو قدام العربيه 

صهيب قولي صحيح حضرتك ساكن فين يا عم مصطفي 




مصطفي .. الشرقيه يبني 

صهيب بتعجب . لا لا معلش انا هشوفلكم تاكسي دي بعيدا اوووووووووووي يا عم مصطفي. 

مصطفي وزهراء وامها واقفين مذهولين من كلام صهيب 

صهيب . ف ايه بس مالكم مستغربين وربنا بهزر 
 (وضحك ). وكلهم ضحكو. وركبو العربيه واتحركو 

محمود وصل البيت. وشاف هدير قاعده تحت 

محمود. صباح الخير عامله ايه يا هدير 

هدير بلهفه. الحمدلله بخير محمود صهيب فين 

محمود. متقلقيش اوووووووووووي كدا يا ستي هو في مشوار وراجع. وبعدين مفيش شويه حب من دول لمحمود ولا ايه

هدير. انتا حبيبي يا حوده بس أنا كنت قلقانه عليه مش اكتر 

عائشه طلعت ع صوتهم. خير يا محمود ف ايه يبني انا مش فاهمه حاجه. صهيب كلمني وقال في ضيوف جايه تبات. ولا جات الضيوف ولا هو بات ف البيت 

محمود. متقلقيش يا امي صهيب ماشي في موضوع خير كدا ناس كانت محتاجه مساعدته والحمدلله اتسترت اوووووووووووي وشويه وهتلاقيه هنا 

عائشه. طيب الحمدلله يبني. انتا تعرف الناس دي 

محمود. هاااا لا لما يجي صهيب يقولك انا هطلع اظبط اموري بقي انا راجل عريس النهارده. 

عائشه بابتسامه.. ربنا يتمملك بخير يا حبيبي 

محمود. يارب يا ست الكل يلا انا هطلع بقي 

صهيب كان قرب يوصل الشرقيه وبيتكلم معاهم والطريق كلها ضحك وهزار 

صهيب. عارف يا عم مصطفي امبارح كنت ف المحاضره وشوفت الزهراء في اخر بنش وري وطبعا حسيت اني دا مش مكانها وطول المحاضره مقالتش حرف. ولما سالتها أنها زعلانه من حاجه. قالتلي وانا ازعل منك ليه وبيني وبينك ايه انتا مجرد دكتور وانا طالبه عندك. ينفع كدا يا عم مصطفي. 
( وبيبص ع الزهراء ف المرايه الي اتمنت من الاحراج الأرض تنشق وتبلعها  

مصطفي . لا طبعا يبني مينفعش زي منتا عارف هي لسا صغيره وكمان الحياه الجامعيه والاختلاط جداد عليها اعزرها يبني. وانتي يا زهراء الدكتور صهيب زي اخوكي واكتر في الجامعه 

الزهراء بخجل.. حاضر يا بابا 

صهيب بيفكر زي اخوها وبعدين معاك يا عم مصطفي بتقفل الباب في وشي من اولها ليه بس ورد. تسلم يا عم مصطفي دا العشم بردو 
( وهو بيبتسم ابتسامه صفراء. والزهراء لاحظت دا وفهمت هو فكر في ايه وابتسمت زيه 

وكانو خلاص وصلو عند البيت نزلو كلهم وصهيب بيسلم عليهم .. لكن عم مصطفي كان ليه راي تاني 

 مصطفي. انتا رايح فين ؟
 ‏
صهيب. هرجع بقي انا اطمنت عليكم وحمد الله علي سلامتكم يا عمي. 

مصطفي. بص بقي انتا هناك حلفت يمين وانا مردتش اكسره لكن تلاته بالله العظيم منتا متحرك من هنا غير لما تريح وتتغدي معانا وتشرب الشاي كمان دا لو سبتك يعني مشيت النهارده. 

صهيب. لا لا بالله عليك احنا ندفع كفاره يمين اسهل (وضحك)

مصطفي. انا كلامي خلص ويلا معانا 

صهيب . بس يا عم..

مصطفي. مبسش ويلا اتفضل قدامي انتا هنا في بلدنا وفي دارنا يعني خلاص الكلمه هنا لينا وبس( وضحك)

صهيب دخل معاهم. وكانو عملو دور شاي وقاعد بيتكلم مع مصطفي. 

صهيب. جميله خالص بلدكم يا عم مصطفي 

مصطفي. اكيد يبني بلد جدودنا وأهلنا منعرفش نعيش ف غيرها زي السمك لو طلع برا المياه مصيره الموت 

صهيب.. وحضرتك عندك كام ابن بقي يا عم مصطفي 

مصطفي . صابر ودا بيشتغل في الامارات بنشوفه كل كام سنه مره. والزاهراء اخر العنقود 

صهيب. ربنا يباركلك فيهم يا عمي 

مصطفي. تسلم يبني. انتا بقي عندك حد غير محمود بيه !

صهيب. الدكتوره هدير اخر العنقود بردو بتدرس في طب بيطري بس ايه قمر بيتنا يا عم مصطفي 

مصطفي. ربنا يخليكم لبعض يبني ويديمك المحبه بينكم

صفاء. كفايه كلام بقي يلا الغداء جاهز. 

اتحركو واكلو والأكل عجب صهيب جدا واتفاجاه لما عرف اني معظم الاكل دا عمايل ايد الزهراء 

صهيب. الحمدلله. ربنا يديمها عليكم نعمه ويحفظها من الزوال 

مصطفي. لسا بدري يبني 

صهيب . بدري ايه بس أنا حسيت اني بتعلف مش باكل اكل بني ادمين. ضحكو كلهم. 

صهيب. تسلم ايدك يا ست الكل. وتسلم ايدك يا دكتورة الزهراء. 

ردو بصوت واحد الزهراء وامها. بالف هنا وشفاء 

لمو السفره وبيشربو الشاي مع بعض. 

صهيب. عم مصطفي انا لازم اتحرك حالا صدقني لو ينفع اقعد اكتر من كدا والله ما كنت هتردد 

مصطفي. وراك ايه بس يبني لسا بدري وبكرا الجمعه مفيش جامعه

صهيب. مش موضوع جامعه والله بس النهارده رايح اخطب لاخويا ومش هينفع مكونش موجود 

مصطفي. اخوك. محمود بيه !

صهيب. با الضبط كدا يا عمي 

مصطفي. الف الف مليون مبروك يبني وعقبالك أن شاء الله. بس مقولتش ليه كنا باركنا لمحمود بيه 

صهيب. معلش يا عمي بس دا لسا كلام في الخطوبه أن شاء الله هتكونو اول المدعين. كفايه كدا بقي واستاذن انا
 
وقف صهيب وسلم علي عم مصطفي واخده با الحضن 

مصطفي. عاوزين نشوفك يا دكتور اوعي تقطع مننا 

صهيب. عيوني ليك يا عمي

صفاء. يبني مفيش شكر ولا كلام يرد جمايلك بس روح ربنا يوفقك في حياتك ويسعدك ويرزقك با الزوجه الصالحه 

صهيب خارج إرادته عينه جات في عين الزهراء بعد دعوة امها. اللهم امين يا ست الكل. يلا سلام عليكم

وخرج وقامو يوصلوه وبا الفعل ركب عربيته واتحرك 
في الطريق الفون بتاعه بيرن. 

محمود. انتا فين يبني 

صهيب اتحركت اهو من الشرقيه 

محمود. طب أنجز بالله عليك عشان منتاخرش ع الناس 

صهيب. حاضر حاضر. مفيش تأخير باذن الله. اجهزو انتو بس. وبوسلي ماما وهدير عندك لحد لما اوصل 

محمود. ماشي يا عم الحنين. سلام 

صهيب وصل البيت ونزل من عربيته هلكان من التعب. 

صهيب. السلام عليكم ورحمه الله وبركاته




عائشه جريت عليه. وعليكم السلام. انتا كويس يا حبيبي

صهيب. انا بخير يا امي متقلقيش 

محمود. شرفت يا اخويا أنجز بقي قبل ما نترفض قبل ما نروح

صهيب بضحك. يارب يا شيخ 

محمود بغضب. بتقول ايه

صهيب بضحك . بقول يارب يوفقو عليك ونخلص منك 

محمود ابتسم. يارررب يلا بقي أنجز 

صهيب طلع واخد الشاور ولبس بدله زوقها عالي اوووووووووووي وكأنه هو العريس وحط برفانه ولبس ساعته ونزل 

محمود. ايه دا بقي ؟. احنا متفقناش علي كدا. 

صهيب. في ايه بس.

محمود . في انك انتا العريس مش انا. 

وضحو مع بعض وكانت عائشه وهدير خلصو واتحركو علي بيت اميره. 

دخلو الڤيلا وفتحولهم الباب ودخلو. 

كان قاعد راجل خمسيني تقريبا حاطط رجل ع رجل والسيجار ف بوقه. 

صهيب. السلام عليكم. 

عصام البنهاوي. وعليكم السلام. اهلا بيكم 

صهيب اهلا بحضرتك. انا دكتور صهيب جمال. ودا اخويا النقيب محمود جمال وحضرتها والدتي ودي اختي 




عصام. يا اهلا بيكم اتفضلو 

جيهان ام اميره. يا اهلا بيكم نورتو وسلمت عليهم 

وبعد شويه رغي مش كتير 
صهيب. عمي محمود اخويا اختار يكمل نص دينه مع بنت حضرتك واحنا النهارده هنا عشان نطلب ايد البشمهندسه أميره. لحضرة الضابط محمود !

عصام. طبعا يبني فوق دماغنا وزيارتكم علي راسنا. ومحمود ابن ناس ومحترم وميترفض وعشان كدا يبني 
انا معنديش بنات للجواز

الكل مصدوم ومش عارف ينطق حرف 

تمتلك مدونه دار الروايه المصريه مجموعة 
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
 واستمتع بقراء جميع الروايات الحصرية والمميزة

تعليقات



    حجم الخط
    +
    16
    -
    تباعد السطور
    +
    2
    -