رواية خادمة الصقر الجزء الثاني الفصل الرابع والعشرون 24
#خادمة_الصقر
#الجزء_التاني
24
خالد ببتسامة/ اي ده عز .. ده انت حماتك بتحبك اوي جاي في ميعاد الاكل بالضبط تعالي ادخل
عز باحراج /لا لا بالهناء والشفاء انا كنت جاي بس عشان اقابل يزن هو جه هنا .. انا عارف ان هو سايب البيت
خالد بضحك/ لا اسمها مطرود من البيت بعد اذنك عدل معلوماتك يا حضرت الضابط
صقر /وبعدين معاك بقى يا خالد بلاش كلامك ده تعال يا ابني اقعد كل وبعد كده نشوف فين يزن يلا بسم الله
عز اتحرج اكتر وقاله/ لا يا صقر باشا انا تمام مش جعان اصلا
كارمن برقه متصنعه وكله لاحظ / لا طبعا لازم تيجي تاكل ده انا حتى عامله اغلب الاكل لوحدي مستنيه اعرف رايك يا ريت تتغدي معانا .. يعني لو مش عايز تحرجني
فهد هو بيقلد طريقتها/ ايوه لو مش عايز تحرجها اقعد يا عز وحياه ابوك و خلصنا
وعز قاعد معاهم ياكل معجب جدا من الاكل وبص الكارمن وقالها / بجد تسلم ايدك يا انسه كارمن الاكل يجنن
نغم بتريقه / يا حبيبي انت صدقت هي اصلا ما بتعرفش تقشر برتقانة .. ده خالد هو اللي عامل الاكل كله
كارمن باحراج / ماما اي الكلام ده طب لعلمك انا عامله معاه كتير قوي حتى اساليه مش كده يا خلود
خالد بابتسامه/ اه اه طبعا طبعا كارمن عامله كل حاجه معايا لعلمك ماعدا الطبخ
كلهم فضلوا يضحكوا و كارمن كانت محرجة جدا و بعدالغداء عز كان واقف في الجنينه بيتكلم في التليفون ومستني خالد و صقر يخرجوا عشان يتكلم معاهم في موضوع مهم
كارمن وهي ماسك طبق حلويات /تفضل بقى اكلنا يبقى نحلي معروفة
عز ضحك / انتم بتغذوني ليه كده يا جماعه انتوا لو هتذ*بحوني علي العيد مش هتعملوا كده
كارمن ضحكت / طب كل و ياريت تقولي رايك على فكره انا اللي عامله البسبوسه دي و والله مش كدب
انا بعرف اعمل الحلويات كويس جدا
عز باعجاب / طب ما لازم .. انتي تبقي تخصص حلويات يعني علشان مشاء الله زي القمر
كارمن ابتسمت اوووي و عز كان بيتفرج علي ضحكتها و غمزاتها اللي كانت خطفاه .
كارمن بفرحة/ انا مش هعتبرها معاكسة بس هعتبرها مجاملة حلوة بصراحة
عز / بس انا كان هدفي معاكسة الصراحة يا كارمن
اتكسفت كارمن جامد وعز تضحك من قلبه على شكلها وغمز لها وقالها / يارب الستر من عندك يارب
في اللحظه دي قرب صقر وخالد وكارمن اتخضت ودخلت الفيلا بسرعة
خالد رفع حاجبه بستغراب/ هو انتوا كنتوا بتقولوا ايه علشات البنت تخاف كده و تدخلت بسرعه جوا
عز اتوتر وبدا ياكل في البسبوسه من غير ما يبص لخالد وخالد بص الصقر اللي كان واقف بيضحك لانه كان ملاحظ الاعجاب اللي بينهم
خالد / واد يا عز اوعى تشككني فيك .. الا كارمن انا بغير عليها من اقل حاجة ..هااا
عز / ايوه طبعا دي الانسة كارمن دي زي اختي والله
المهم انا كنت جاي اكلم حضرتك في موضوع يزن هو الفتره دي متغير قوي ولقيته بيدور و طلع ملف واحد بس قديم اوي
خالد بتوتر/ اسمه ايه الواحد ده يا عز وليه شغل تفكيره كده
عز / بصراحه انا عرفت ان هو اسمه جابر يبقى والد والدته وعرف ان هو كان محبوس علي ذمة قواضي
و واحد اسمه يوسف كمان .. واول ما شاف المعلومات دي اتسرع تقريبا وخرج من المكتب وهو متعصب جدا و من وقتها مش عارف اوصله
صقر بصدمه حط ايده على وشه وقال/ يا نهار اسود ايه المصايب دي ما احنا كنا كويسين هو لازم يزن ده يفتح في اللي فات
خالد بزعل / المشكله مش في دي دلوقتي يا صقر مشكله في انه ممكن يواجه كريم وياسمين و انت فاهم بقي .. استغفر الله العظيم يارب
صقر/ احنا كده مش مكتوب لنا نفرح ابدا ...انا هطلع لمعاذ اخليه يروح يدور عليها
________________________________________________
يزن وقتها كان متضايق جدا مش عارف يروح فين تقرر يروح شقه ادهم لانه كان مقتنع ان ادهم اكيد موجود هناك بس اتفاجئ من البواب انه بقاله كثير جدا ما جاش الشقه بتاعته
يزن متوتر / يعني ايه يا عم عتريس .. ادهم مش في شقته ..اومال هيكون راح فين بس
عتريس / ما خابرش يا بيه والله ده حتى ما كلمنيش ابعت حد يوضب بالشقه و يجيبله طلباته
يزن / خلاص خلاص انا هتصرف شكرا يا عم عتريس
وراح يزن ركب عربيته وكلم سعيد التُربي وعرف ان ادهم موجود هناك وبقاله اكتر من يوم بتحرك بعربيته وراح على التُرب
في المقابر .
يزن قرب ناحيته و قعد جمبه برغم انه كان قاعد ساند راسه علي رجله و بدا يتكلم / تفتكر اللي بتعمله في نفسك ده هيريحك مثلا.. انت ليه مصمم تموت نفسك بالبطئ يا ابني ما تعقل بقي و اكبر يا ادهم انت مبقتش صغير
ادهم رفع رأسه و بصله / اعيش لمين و لايه اصلا امي و ماتت و ابويا و حصلها .. حتي جميلة كانت عايزة تموت
و تسيبني يا يزن
يزن بغيظ/ انت متخلف يا ابني ولا شكلك كدة .. انت اللي سبتها يا ادهم فوق .. انت اللي وقفت قدام اخوها و قولتله مش عايزها انا عمري ما شفت واحد زيك عايز يعذب نفسه كده
ادهم بتريقه /والنبي واللي بتعمله مع ميرا اسمه ايه يزن انا وانت شبه بعض قوي باختلاف المواقف فما تجيش تعمل عليا انا كبير و سيبني في همي
يزن بحزن / ميرا دي اسوء واحدة انا شفتها و اول واحدة تضحك عليا
المهم مش كده احنا لازم نمشي من هنا
وقام وقف و بدا ينفض هدومه / والله حرام عليك يا ادهم جايبني مقابر ده انا بخاف اعدي من قدامها حتي
ادهم ضحك بتريقه / وظابط بقى وقرفنا بالجيم والعضلات والبادي بيلدنج
يزن ابتسم علشان يخليه يضحك وقاله / لا لو سمحت دي نقره ودي نقره تانيه خالص . يلا هات ايدك واسند عليا انا اخوك ياض
فعلا ادهم سند على يزن وخرجوا من المقابر وطلعوا على الشقة .
_____________________________________________
في اوضه جميله 😉
معاذ وجميله واقفين مستنيين كارمن واول ما طلعت معاذ قرب وامسكها من قفاها
معاذ / جرى ايه يا بنت انتي بقالنا كتير مستنينك هو احنا شغالين عند ابوكي واحنا ما نعرفش
كارمن ببلطجه/ طب نزل ايدك دي يا شبح عشان ماتوحشكش وبعدين انا بنت خالد الحديدي فطبعا شغالين عنده ولا انتوا نسيتوا نفسكم
جميله ضحكت علي طريقتهم و قالت / سبحان مغير الاحوال شوف اللي بيتكلم دي كانت لسه حالا تحت بيتكلم بمنتهى الرقه مع استاذ عز صح يا معاذ
معاذ بضحك / اه والله ده انا كنت لسه هقولها انت بتتفرجي على ياسمين عز من ورانا ولا ايه وبعدين بلاش تتكلمي بصوت الشتوي وحياه امك عشان ليه ناس
كارمن اتغاظت اوي / و طبعا ناسه دي تبقي امك صح
معاذ اتصدم و قام مسكها من قفاها / ام مين يا جزمة لمي لسانك ده و دخليه جوا بدل ما اولعلك فيه
كارمن/ قلتلك نزل ايدك وقولي بقى عايزني في ايه
معاذ بعصبيه / برغم انك عيلة ندلة وما تستاهليش بس انتوا اخواتي الصغيرين برضو
وطلع من الشنطه الهدايا شوكليت من بره مصر مخصوصه لجميله لانها بتحبها جدا وطلع لكارمن الساعه اللي كان نفسها تلاقيها
كارمن / واو الساعة دي انا مكنتش لاقياها و خالد قالي هجبهالك .. هات حضن ياض يا عز
جميلة بفرحة/ والله انت اخ قمر .. انا هديك بوسة و حضن كبييير اوي اوي
معاذ بتريقة / والله انا حاسس اني شهريار بالاحضان دي كلها
صقر فتح الباب وكان سامع اخر الحوار وقال / طيب يا اخ شهريار قطعنا عليك عزلتك .. تعال عايزينك تحت في موضوع مهم
ونزل معاذ مع صقر ودخل المكتب ولقى خالد وعز قاعدين مستنينه وشكلهم متضايق
معاذ بضحك / في يا جماعه وحدوه في ايه . ايه التكشيره دي ما احنا كنا لسه بناكل بره وحالتنا زي الفل ولا انت دخلتك علينا شؤم مثلا يا عز ولا في ايه
صقر / معاذ بس عيب يا ابني اقعد عشان تفهم اغلب الحوار خالد احكيله عشان مش قادر اتكلم
خالد بص لمعاذ ومد ايده علشان يسلم عليه / منور يا استاذ معاذ والله .. احنا كنا محتاجينك في موضوع مهم وخطير
معاذ بيقلد طريقه خالد الجدية وقاله / وانا معاك يا باشا انا فدا الوطن يا خالد بيه ..
خالد سقفله بهزار / وربنا لولا ان انت مولود من قبل ما اتجوز نغم كنت افتكرتك انت اللي ابني
عز كان بيضحك علي كلامهم و صقر مصدوم من هزارهم
صقر بجديه/ خلاص خلصت هزار نتكلم بجد بقى معاذ احنا عايزين نوصل ليزن باسرع وقت شوف بقى هتجيبه ازاي
معاذ / ممكن يكون مع ادهم يا بابا .. خلاص ما تقلقوش انا هدور عليها بس هو ايه الموضوع هو عمل مصيبه مش كده
خالد / يا ريت تدور من غير ما تسال وخلي فضولك بعدين ممكن يا استاذ معاذ
معاذ / وهو كذلك يا جماعه خلاص اعتبره نفسكم في ايد امينه قبل بكره هيكون يزن عندكم وعليه ادهم هديه
و خرج معاذ من الفيلا علشان يدور عليهم ..
_____________________________________________
في اوضة نسمة و فهد 🤣
نسمه كانت نايمة في اخر السرير وعماله تشد البطانيه من فهد بغيظ
نسمة / بقولك ايه انا اتخنقت منك انت عمال تشد البطانية وواخدها كلها لوحدك
فهد بحده / وحياه امك .. ما انتي اللي نايمة اخر السرير طبيعي يعني ما توصلش ليكي. اقربي كدة مني علشان تعرفي تتغطي
نسمة بغل/ ده بعينك انك تقرب مني يا بتاع لارا يا واد يا ملزق يا غلس
فهد قام و قعد علي السرير بعصبية / ايوا ارجعي تاني للجعفر اللي كنت اعرفه ..و بعدين مين يا بت اللي ملزق ده انا سكر كدة و البنات بيرموا عليا اكوام اكوام
نسمة بغيظ قربت منه علشان تعضه من كتفه / يا رخم .. والله لاعضك 😁
فهد بيزقها بعيد عنه و هو بيضحك / ياما هتكليني .. ابعدي يا بت عني ..
نسمة بترمي عليه المخدة / لا هعضك يا فهد .. بقي واقف تحضنها قدامي و مش مراعي مشاعري و اني مراتك
فهد بحده / طب و عمر اللي كان واقف بيسبلك و عايزك تطلقي مني ده اسمه ايه بقي
نسمة / اسمه انه بيحبني بجد و كان طالب ايدي من بابا قبل ما المصيبة دي تحصل
فهد اتصدم و قرب منها و مسك ايديها بحزن / وانتي كنتي بتحبيه يا نسمة .. كنتي هتوافقي عليه
نسمة / واحد بيحبني اوي حتي بعد الفضيحة اللي حصلتلي متمسك بيا عايزني اكره .. علفكره يا فهد عمر بيحبني من اول يوم ليا في الكلية مش زيك يوم و تدور علي واحدة غيري
فهد / والنبي .. طيب يا نسمة و انا هطلقك علشان تروحي للي هيقدرك و يحبك مش زي يا بت الناس
نسمة اتغاظت جدا من كلامه وانه بيلامض معاها لكن حاولت متبينش و قالت ببرود / ماشي احسن برضو
فهد مسك الشبشب بتاعه و مسك نسمة من شعرها / احسن في عينيك يا بنت الجزمة انتي هو ايه اللي احسن ده انتي لو شوفتي قفاكي كدة مش هطلقك ابدا
نسمة مسكته من رقبته وعضته/ وانت ابقي خدها في حضنك كويس يا حنين ..و ربنا المره الجاية هولع فيك يا فهد
و فضلوا يتخانقوا كدة لحد ما تعبوا و قرروا يناموا
_____________________________________________
في الجنينة 😭
نغم كانت واقفه وسرحانه خالد قرب منها وقالها / طب بذمتك الفيلا ما وحشتكيش هان عليكي تفضلي بعيده عنها طول الفتره دي
نغم بحزن / قصدك هان عليك تطردني منها وتطلقني يا خالد .. معقول بعد العمر ده كله هونت عليك حتي لو كنت غلطانة ما انت ياما غلطت و انا سامحتك و قبلت اكمل برغم خيانتك
خالد بوجع / ليه بتفتحي في السيره دي دلوقتي يا نغم
ليه بتحاولي تكرهيني نفسك فيا ..صدقيني انا ماقدرش استغنى عنك
خالد شدها لحضنه و قالها / نغم انت مش بس مراتي و ام عيالي انتي اهم و اكبر انجاز في حياتي اصلا كل حاجة حلوة حصلتلي علشان انتي معايا
نغم / وجاي دلوقتي تطلب مني ايه يا خالد اسامحك تاني وارجعلك صح ... لا يا خالد كفايه قوي لحد كده انا مش هرجعلك الا لما تحس بقيمتي بجد سلام .
ومشيت نغم من الفيلا وخالد قعد وهو متضايق جدا لانه كان فاكر انه هيعرف يصالحها بسهوله بس لقاها فتحت في ذكريات وماضي فات عليه اكثر من 15 سنه
خالد بحزن / شكلك شايلة في قلبك كتير يا نغم .
________________________________________________
في بيت ادهم 😔
معاذ دخل الشقه ولقى الاثنين قاعدين مراهقين قدام التلفزيون
معاذ ببرود / يا ساتر استر كنت عارف اني هلاقيك مع المصيبة ده .. يزن تعالي عايزك
يزن بتعب / بقولك ايه يا معاذ انا على اخري ومش طايق اسمع صوت حد .. فاطلع برا
معاذ حدف عليه المخده / مش بمزاج اهلك هو .. يلا خالد عايزك في حوار مهم و بعدين انت قاعد مع الواد ده ليه .. ده تلوث وربنا
ادهم بحده / بقولك ايه ملكش دعوة بيا ولا توجهلي كلام و كفاية اني سمحتلك تدخل البيت بتاعي وانا مش طايق ابص في وشك بعد ما ضيعت جميلة مني
معاذ بعصبيه / اسم جميله ده ما يتنطقش على لسانك تاني والا قسما بربي هقطعهولك .. سامع ياض
وبعدين انا اللي ضيعتها منك ليه ده انا جبتك وقفتك قدامي زي الراجل وسالتك عايزها ولا لا بس انت عيل تافه وفاشل اتخليت عنها .. صح ولا لاء
ادهم بوجع / صح بس عشان خفت اتعلق بيها و تضيع مني زي ما كل حاجه حلوه بتضيع مني برده
ما كنتش هستحمل يا معاذ جميلة تسيبني في يوم من الايام عشان كده قلت مش بحبها
معاذ / ايوه ايوه افضل انت كده علق مشاكلك وعقدك على الشماعه دي .. لكن الحقيقة مش كدة صدقني الحقيقة انك مش راجل يلا و مش عايز تتحمل المسئولية ابدا
ادهم بغيظ مسك الطبق الازاز اللي كان قدامه و حدفه عليه / انا راجل غصب عنك و عن اهلك
معاذ بمفاجاه / بقي بتحدف عليا الطبق يا تافه . طب وربنا لاربيك يلا
يزن وقف في النص يحوش بينهم / بس انت و هو انتوا اتجننتوا ولا ايه.. هو انتوا عيال علشان تعملوا كدة .. وانت يا معاذ كفاية تجريح يا اخي هو مش ناقص .. يلا تعالي ننزل نشوف خالد عايز ايه
يلاااا يا معاذ مترخمش اوي كدة يا اخي
و اخده يزن و نزله من شقة ادهم..
______________________________________________
في مخزن قديم من شكله يوحي ان في اغلب الحشرات
كانت ميرا واقعة علي الارض رافضة الاكل و واضح من ملامحها انها مستسلمة للموت..
دخلت امها و هي متغاظة منها اوي / اي هتفضلي فاكره نفسك قوية لحد امتي .. اعمل فيكي ايه تاني اكل و ماية ومنعاهم عنك انتي ليه دماغك ناشفة كدة
ميرا بصتلها بوجعه وبناظره تانيب وما رضيتش ترد عليها
امها / اللهم طولك يا روح يا بنتي انا مش عايزه اذيكي .
افهمي لو فضلتي راكبه راسك كده كلنا هنموت اعقلي بقي يا ميرا
ميرا ابتسمت بوجع وبرده فضلت السكات وفي اللحظه دي امها فقره صبرهاوقالتها / لو انت مستنيه يزن يعبرك فانسي يا ميرا اللي زي ده مستحيل يفكر انه يتجوزك او حتى يحبك
ميرا بدات دموعها تنزل غصب عنها وقالت بصوت ضعيف موجوع / لو اخر يوم في عمري مستحيل اتجوز خيري مستحيل اتجوز واحد فكر في يوم ياذي يزن .
و في اللحظة دي
استووووووووب تفتكروا حصل ايه 🤣❤️
شاهد 👈 الفصل الخامس والعشرين
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا