أخر الاخبار

رواية سيدة القصر الفصل الخامس والعشرون 25 بقلم منال عباس

رواية سيدة القصر الفصل الخامس والعشرون 25

 رواية سيدة القصر الفصل الخامس والعشرون 25 


بعد وصول لؤى الى شقه شاديه ...
خافت شاديه عند رؤيته ...ولكنها حاولت أن تدارى ذلك الخوف ..
شاديه : انت مين .وعايز مين يا جدع انت ..
لؤى : انا لؤى .مدير المصنع اللى انتى بتشتغلى فيه 
شاديه : اه ...طب وعايز منى ايه لا مؤاخذه 
لؤى : هنفضل على الباب كدا ..
شاديه : اتفضل ودعته للدخول 
جلس لؤى وهو يتفحص المكان ..
لؤى : بصى ...من غير لف ودوران ...عملتى معايا كدا ليه ...
شاديه : انا مش عارفه بتتكلم عن ايه ...
لؤى : قولت من غير لف ودوران ..وزى ما عرفت انك ..انتى اللى جيتى ليا ..هقدر اعرف مين وراكى 
وخصوصا أن عصام ..باعك وقال انك انتى المسئوله عن كل شئ
شاديه : لا والله يا بيه انا يا دوب نفذت وبس 
عصام هو اللى خطط لكل شئ ...وانا والله ما اعرف اى حاجه ..هو طلب منى اجيب ليه بنت ..ولما ما عرفتش ..قولت اجرب انا ...
لؤى بمكر فقد اوقعها فهو لم يتلقي بعصام بعد 
لؤى : يبقى نقعد كدا وتحكيلى كل حاجه بالتفصيل..

           عند وفاء 

وفاء لنفسها : كل يوم واحد يزيد وكأنها وكاله من غير بواب ...انا لازم اضع حد للمهزله دى 
نزلت وفاء الى الاسفل لتجد كلا من ريم وسندس 
يذاكران ...
وفاء : اوووف ايه الدوشه اللى انتم عاملينها دى 
انتم ما بتفهموش ..قولت انا مصدعه 
سندس : بس حضرتك كنتى فوق بعيدة عننا ..
خلاص نطلع احنا فوق ..وقامت هى وريم 
وفاء : تعالى انتى وهى رايحين ...هى وكاله من غير بواب ...رايحين جايين بمزاجكوو..
ريم : طب ايه يرضي حضرتك ...
وفاء : اللى يرضينى تروحوا مطرح ما جيتوا ..وشكم فقر علينا ...





سندس : الله يسامحك ...احنا لينا كلام مع باسم ولؤى .. بقلم منال عباس 
ريم : تعالى يا سندس ..اظن مفيش داعى من الكلام معاها 
لتجذبها وفاء من شعرها 
وفاء : بلاش اسلوب المسكنه بتاعك دا ..انتى فاكرة انتى ولا هى اولادنا ممكن يتزوجوكم احنا عائله السيوفى نناسب ..حساله زيك 
ريم بتوجع : سيبي شعرى ...
سندس : سيبيها يا ست انتى ...وتغور الجوازة اللى انتى فيها ...
وفاء : يجى سى باسم يشوف الشوارعيه اللى زيك بتكلم مامته ازااى 
ريم بصراخ من الالم : سيبي شعرى ..حرام عليكى 
على دخول لؤى 
وفاء بارتباك : يا حبيبتي انا بهزر معاكى ..انتم زى اولادى ...
تجرى ريم على لؤى وتختبئ فى ظهره وهى تبكى ...
لؤى : هو ايه اللى بيحصل هنا ..
وفاء : مفيش يا لؤى بنهزر انا والبنات شويه ..
امسك لؤى يد ريم وجدها ترتجف ...
لؤى : تمام يا طنط ..
وأخذ ريم ونادى على سندس 
لؤى : سندس ..هاتى الكتب وتعالوا الجنينه 
سندس : حاضر 
وأخذ لؤى سندس وخرجا إلى الجنينه ..
وفاء بتحذير : اياكى حسك عينك ..تقولوا حاجه للؤى ..لو باقيه على علاقتك ب باسم ..
نظرت سندس إليها بكره وأخذت الكتب وتركتها ..
وفاء : انا وراكم والزمن طويل ...

          عند لؤى 

لؤى : ايه اللى حصل يا ريم ..وليه كنت بتعيطى 
ريم : مفيش يا لؤى ...بس انا عايزة امشي من هنا 
لؤى : طنط وفاء عملت ليكى ايه ..
ريم : مفيش حاجه ...
سندس : لا يا لؤى ...عملت ..دى شدت ريم من شعرها واهانتنا احنا الاتنين ..احنا بعد اذنك هنمشي من هنا ...انا هكلم ماما وهرجع انا وريم شقتنا ..
لؤى : لا يا سندس دا مش حل ..ثم احنا مش هتكون مطمنين عليكم ...عموما طنط وفاء بقي عليها علامات استفهام كثير ...ارجوكوا استحملوا ووعد حقكم هيرجع ..وكرامتكم من كرامتنا ..
نطمن بس على لوسيا ..وبعدها كل واحد يقف عند حده .....

       عند سعاد 
منى : سعاد ..انا همشي والحمد لله انى اطمنت عليكم ....
سعاد : يا حبيبتي اقعدى معانا يومين غيرى جو ...
منى : انتى عارفه انى مش برتاح غير فى بيتى ...
سعاد : طب بس النهارده قضيه معانا ..انتى وحشانى كتير ...ويلا زمان الغدا جاهز ...واخذتها
وجدت لؤى وريم وسندس وسالم قد عاد هو الآخر ينتظرونهم للغداء 
سالم : طلب من الخادمه أن تخبر وفاء أنهم بانتظارهم ....بقلم منال عباس 
تجمعوا جميعا حول المائدة ..
وصلت وفاء وجلست معاهم وهى تتعامل بلطف وكأن شئ لم يحدث

تناولوا جميعهم الغداء 
سالم : اخبار لوسيا ايه النهارده 
لؤى : هنروح بعد الغدا علشان نطمن عليها ..
سالم : ان شاء الله خير ..
وفاء : اقوم أنا الصداع تاعبنى اووووى ...
وقامت للصعود إلى غرفتها ..
سعاد : اطلعى يا منى غيرى هدومك ....على ما اعملك احلى قهوة نشربها فى الجنينه 
منى : والله وحشتنى قهوتك يا سعاد 
صعدت منى إلى الأعلى لتشاهد وفاء تتسحب وتفتح حجرة سعاد ...اختبأت منى لترى ما يحدث وقامت بتصويرها فيديو ...لتشاهد وفاء تفتح الدولاب وتضع شئ فى أحد الملابس الخاصه ب سعاد ...وخرجت بسرعه من الحجرة ...واغلقتها 






انتظرت منى حتى ذهبت وفاء ودخلت هى الحجرة 
تفتش عن ما وضعته وفاء بملابس سعاد 
منى فى نفسها : يا ترى الست دى عايزة منك ايه يا سعاد يا خبر تكون عامله ليكى عمل ..
أخرجت الجاكت وبحثت فى جيبه لتجد أسورة من الذهب على شكل ثعبان،...
وفاء بذهول : يالهوووى ..دى تبقي هى ..دى نفس الاسورة ....
يا ترى الست دى وراها ايه تانى وعايزة منك ايه يا سعاد ...وأخذت الاسورة ...ونزلت للاسفل 

منى : استاذ سالم عايزة حضرتك فى حاجه 
سالم : اه طبعا اتفضلى ..
منى وهى تنظر إليهم بعد اذنك على انفراض
سالم : اه طبعا اتفضلى معايا في المكتب 
دخلت معه المكتب وأغلقت الباب ورائها 
منى : ................. ...................
.......................... .................. 
استمع لها سالم وهو مذهولا 
سالم : انتى متأكدة من الكلام دا 
منى : ايوا ..المهم انا مش عارفه هى دلوقتى عايزة ايه من اختى سعاد ..طيبه وطول عمرها فى حالها ..
سالم : سيبي الموضوع دا انا هتأكد منه بنفسي ..وياريت سعاد ولا اى حد يعرف ..انتى عارفه الموضوع اد ايه حساس ..
منى : فاهمه طبعا ..علشان كدا طلبت اكلمك على انفراد .......

       فى المستشفى 

وصلت ريم هى ولؤى و سندس إلى أشرقت 
ريم وهى تحتضنها ..
ريم : وحشتينى يا نانووو القصر وحش من غيرك 
أشرقت : وانتى اكتر يا روح نانووو
سندس : حمدالله على سلامتك يا نانووو
أشرقت بابتسامه : الله يسلمك 
حسام : عندى خبر حلو ليكم 
الجميع فى انتباه له
حسام : ماما هتخرج النهارده وترجع معانا تنور القصر. 
لؤى بفرحه : احلى خبر ...
أشرقت : يلا يا ولاد نروح ل لوسيا 
ذهبوا جميعا لرؤيه لوسيا 
كان مراد وباسم وسامح معها 
لوسيا بفرحه لرؤيتهم 
لوسيا : انا بجد خفيت ..حد يبقي عنده العائله الجميله دى ويفضل تعبان 
ريم وهى تجلس بجانبها : طمنينى عليكى عامله ايه دلوقت
لوسيا بهمس : عايزة أخرج من هنا 
ريم بنفس الهمس : ليه يا حبيبتي
لوسيا : الواد المز دا وأشارت إلى سامح ...هموت واتجوزه ...
ريم بضحك : يا بت اسكتى هتفضحينا ..اتألى شويه 
لوسيا : بحبه اعمل ايه بس ..
لتقاطعهم سندس بضحك : عاملين نفسكم بتتوشوشوا واحنا كلنا سامعينكم 
لوسيا بكسوف : بجد 
سامح بضحك : ايوا بجد 
مراد بضحك : ربنا يهنيكم يا حبيبتي
باسم : انا من رأيي اول ما لوسيا تخف نتجوز كلنا ..
ونظر الى سندس اصل انا كمان مستعجل 
ليضحك الجميع ...
لؤى : والنبي خفى بسرعه يا لوسيا ...
أشرقت : أن شاء الله الفرح ديما يكون عندنا ..
حسام : باسم هى نتيجه التحاليل امتى ...
باسم : ساعه كدا تكون خلصت ونطبع التقارير 
مراد : ربنا ييسر الامور ....
حسام : تعالوا ننزل الكافيتريا ونترك لوسيا ترتاح
سامح : بعد اذنكم هقعد انا معاها 
مراد بحب : تمام يا ابنى 
 و نزل الجميع إلى الكافيتريا .... بقلم منال عباس 

لوسيا : شايف يا سامح .كلهم هنا وماما برضو ما جيتش 
سامح : يمكن لسه تعبانه ...هو انا مش كفايه 
لوسيا : انت وحدك تكفينى ..فرؤيا الحبيب غذاء للقلب قبل الجسد ..

       فى الكافيتريا 
حسام : عملتى ايه يا ريم يا بنتى فى موضوع التصميمات
ريم : خلاص جيبتها يا اونكل ..وفى تصميم جديد بدأت فيه ...
حسام : برافووو عليكى .
باسم : ما تيجى يا سندس افرجك على مكتبي هنا 
سندس : عن اذنكم 
أشرقت : اتفضلى يا حبيبتي ...وانت يا لؤى 
خد خطيبتك وأخرجوا اشربوا حاجه برا وتعالوا بعد ساعه نطمن على نتيجه التحاليل 
لؤى : حبيبتى يا نانووو اللى فهمانى وحسانى ديما ...

أخذ لؤى ريم وخرج إلى أحد الكافيهات القريبه من المستشفى 
لؤى وهى يجلس بقربها 
لؤى : انتى حلوة اوووى كدا ليه 
ريم : وبعدين معاك بتكسفنى كدا 
لؤى : اموت انا فى الخدود التفاح دى ....
ريم : انا فرحانه أن نانووو هتخرج وترجع معانا 
على الاقل فى وجودها طنط وفاء ..بتعمل ليها حساب ...
لؤى : مش عايزك تخافى من حد ..وطنط وفاء ليها وقفه على تصرفاتها دى ...المهم قوليلى ...
ريم : نعم ...
لؤى : وصلتى لايه فى المذاكرة 
ريم : الحمد لله قدرت ألم اللى فاتنى 
لؤى : عايزك على طول متفوقه ...
ريم : أن شاء الله
لؤى : حلمك ايه يا ريم 
ريم : اتجوزك ...ويبقي عندى مستشفى اخصص فيها جزء بالمجان اعالج فيها الناس الغلابه ..
لؤى : أن شاء الله نحقق حلمك سوا ...

        عند باسم 
يأخذ باسم سندس مكتبه 
سندس : الله مكتبك حلو أوووى يا واد يا دكتور
باسم : انت الاحلى يا شقيه 
سندس : انا شقيه !!
باسم : هو فى حد مجننى وقالب كيانى غيرك 
سندس : ازاى دا انا كيوت وهاديه ..
باسم : غمضى عنيكى 
أغمضت سندس عينيها ..ليقترب منها باسم ويلبسها أسورة فى يدها 
فتحت سندس عينيها 
سندس : الله جميله اوووى اوووى ..بس دى بمناسبه ايه 
باسم : بمناسبه انك فى حياتى 
سندس : الله ..دكتور ورومانسي كمان ...دا انا محظوظه ..
باسم : انا اللى محظوظ بيكى وطبع قبله على شفتيها 
سندس : القبله بتاعتك دى بحس انها بنج 
باسم باستغراب : بنج ازاى 
سندس : اقصد زى حقنه البنج بحس بيها بتمشي فى دمى وبعدها بفقد السيطرة على نفسي 
باسم : طب وبعدين ..
سندس بضحك : بعدين دى بعد المأذون بقي وفتحت الباب وخرجت تجرى 
باسم وهو يلحقها تعالى يا مجنونه احنا فى المستشفى ...

يمر الوقت ويجتمع الجميع لمعرفه نتيجه التحاليل 

باسم : انا روحت جيبت نتيجه التحاليل 
بس لقيت تحليل تانى مغلق باسم ريم 
لؤى : تحليل تانى بتاع ايه 
حسام وهو ينظر إلى أشرقت ليعالج الموقف : تلاقيه غلطه من المعمل ..هات وانا اتصرف وافهم فى ايه وأخذه منه بسرعه ..ثم أكمل يلا طمنى 
فتح باسم التحاليل الخاصه ب لؤى و ريم و سندس و سامح والتحاليل الخاصه به ..ليجد .......

تمتلك مدونه دار الروايه المصريه مجموعة 
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
 واستمتع بقراء جميع الروايات الحصرية والمميزة

تعليقات



    حجم الخط
    +
    16
    -
    تباعد السطور
    +
    2
    -