رواية ازمة نسب الفصل الثالث 3 الاخير
-انا عند نهال فى شقتها ولو مجتيش قبل ما اخلص متابعتى معاها انتى عارفة كويس ايه اللى هيحصل
قفل بوشها وهى ساقت بأقصى ما عندها لحد ما وصلت ع الشقة وضربت الجرس وفتحت ليها نهال: اهلا يا سارة اتفضلى ده انا محظوظة بقى انك جاية تزورينى
سارة: ابدا يا حبيبتى ده انا كنت معدية بالصدفة من هنا قولت اجى اطمن عليكى هو فيه حد تانى هنا؟!
نهال: ايوة دكتور ايهاب قال نعمل المتابعة هنا لانى مكنتش قادرة انزل بصراحة تحبى تشربى ايه؟
سارة: ولا اى حاجة يا حبيبتى مش عايزة اتعبك
نهال: مفيش تعب ولا حاجة انا كنت رايحة اعمل قهوة للدكتور تحبى اعملك انتى كمان!
سارة: اوك
دخلت نهال ع المطبخ وراحت سارة ع الصالون وكان ايهاب قاعد حاطط رجل ع رجل وبيبص فى ساعته: هايل جيتى فى ميعادك بالدقيقة حقيقى يا مدام سارة اكتر حاجة بتعجبنى فيكى دقتك
سارة: انتى اكيد مجنون احنا مينفعش نتكلم هنا خلينا نخرج نتفاهم برة احسن ما نهال تسمعنا
ايهاب: انا مش جاى اتناقش واتفاهم انا جاى اخلص يا تمضيلى الشيك يا اما هعرفها
سارة: بس دى فاقدة الذاكرة يعنى مش هتصدق كلامك
ايهاب: متنسيش ان انا السبب فى ان ذاكرتها مرجعتلهاش لحد دلوقتي وبعدين الكلام ده عليه ادلة يا مدام مش جايبه من دماغى وبعدين 10 مليون جنيه هيفرقوا معاكى ايه ده نص ميراثك تقريبا ده غير فضل باشا وما يحتكم عليه
كانت سارة هترد لكن نهال جات بالقهوة وبعدها استأذن ايهاب واخدها ع الغرفة عشان يعمل ليها المتابعة وبعد مرور ساعة ونص خرج وكانت سارة لسه موجودة طلبت من نهال مياه دخلت تجيبها ليها
سارة: اتفضل الشيك اهو لحامله تقدر تسحب المبلغ فى اى وقت
ايهاب بابتسامة: عال اوى
سارة: فين الورق؟!
ايهاب: تؤتؤ مش قبل ما اسحب المبلغ يا مدام انتى مفكرانى عيل وهتختم ع قفايا ولا ايه
سارة: طب اتفضل قدامى ع البنك عشان هاخد الورق دلوقتى
ايهاب: وانا معنديش مانع
خرجت نهال وبصت ليهم باستغراب استأذنت سارة ونزلت وبعدها ايهاب طلعوا ع البنك وسحب المبلغ وبعدها عطاها الورق
سارة بشر: اخيرا اخدت الورق وبكده نهال حتى لو الذاكرة رجعت ليها مش هتقدر تعمل حاجة ولا تثبت انها بنت عاصى البيلى والورث كله ليا انا وبس
فى الوقت ده فضل كان قاعد بالشركة بيفكر فى كلام نهال ويا ترى دى حقيقة ولا كدبة دخلت عليه سارة وهى فرحانة
فضل: غريبة اللى يشوفك قبل ما تنزلى ميشوفكيش دلوقتى
سارة: كان حمل وكاتم ع نفسى واخيرا خلصت منه يا بيبى
فضل بشك: هو ايه ده بالظبط؟!
سارة: الامانة بتاعت صاحبتى اصل مبحبش حد يسيب معايا امانات ببقى خايفة
فضل شاف الورق بارز من شنطتها ... دخلت سارة الحمام وهو فتح الورق واتصدم لما تأكد ان نهال اخت سارة فعلا ولما خرجت من الحمام لقت فضل باصص ليها وعروقه بارزة
فضل: ايه ده؟
سارة بتوتر: ممكن تستنى افهمك
فضل بغضب: تفهمينى ايه؟! انك واحدة انانية وكذابة انك كنتى عايزة تقت.. لى اختك وتتخ.. لصى منها بس عشان الفلوس انتى اللى زيك مش ممكن تكون انسانة ابدا انا بلعن اليوم اللى عرفتك واتجوزتك فيه انتى طالق يا سارة
فضل سابها بدون حتى ما يسمع ليها وهى طلعت تجرى وراه حاولت تتكلم معاه لكن رفض يسمعها ركبت عربيتها وساقت بأقصى سرعتها وبدون ما تاخد بالها خبطت فى عربية نقل والعربية انفجرت وولعت بيها
عند نهال كان ايهاب معاها وبيضحك: مبارك يا نهال كده ده حقك الشرعى فى ورث ابوكى تقدرى تبدأى حياتك من اول وجديد بعيد عن كل القرف ده
نهال: بجد يا دكتور انا مش عارفة اشكرك ازاى ع وقفتك جنبى انا فعلا ربنا بيحبنى لما رزقنى بيك
ايهاب: عيب عليكى انتى متعرفيش المرحومة والدتك كانت غالية عندى اد ايه المهم دلوقتى ناوية ع ايه؟
نهال: لازم اخلى سارة تدفع التمن
ايهاب: والله انا من رأيى كفاية لحد كده يا نهال انتى اخدتى حقك اهو والباقى فوضى امرك لله فيه اكيد ربنا يمهل ولا يهمل
فى الوقت ده الجرس ضرب فتحت الباب واتفاجئت بفضل بيعيط فاتصدمت: فى ايه يا فضل؟
فضل: سارة ماتت يا نهال سبب تعبك خلاص ماتت
نهال بصدمة: ان.. انت بتقول ايه ماتت ازاى؟
فضل: عملت حادثة والعربية انفجرت بيها
نهال بعياط: لا حول ولا قوة الا بالله انا... انا كنت فعلا عايزة اربيها بس مكنتش اتمنى انها تموت ابدا والله
ايهاب: شدى حيلك يا نهال وده قضاء ربنا وعدله ادعيلها وسامحيها
نهال: مسمحاها من قلبى والله مسمحاها
بعد مرور سنة نهال اثبتت انها اخت سارة من الاب وورثت فيها مع فضل وكمان اتجوزته وفضل اعترف بابنه وسجله باسمه وعاشوا حياة هادية وسعيدة
تمت
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا