رواية نفوس مريضه الفصل التاسع عشر 19
فتح معتز الباب عشان يشوف مين
: لولا..
لولا حضنته وهي بتعيط : الحقني يامعتز..الحقني
معتز : الحقك من ايه وقولتلك ماتقربيش مني كده
قالها وهو بيفك اديها من علي رقبته وبيبص ل نور اللي بصتله بحزن وقامت من علي السفره
معتز: نور استني
نور بلعت ريقها بغصه: خدوا رحتكم
قالتها ودخلت الاوضه و قفلت علي نفسها الباب
لولا ببكاء مسكت ايد معتز : معتز خاليك معايا واسمعني يا معتز.. محمد ابن عمي جالي البيت ولقيته بيخبط عليا و ماعرفش.. ماعرفش ازاي عرف مكاني..وحاول يتهـ.ـجم عليا و انا هربت منه بالعافيه.
معتز بصلها بعصبيه..وشد ايده منها : وايه المطلوب مني
لولا: انك تخبيني منه.. ارجوك يا معتز بلاش تتخلي عني.. انا عارفه اني بتقل عليك. بس وحيات كل حاجه بنا بلاش تتخلي عني
.. انت مش عارف هو ممكن يعمل فيا ايه.
. وبذات لو عرف اللي حصل بنا.. وانت وعدتني انك ديما هتكون جانبي. فاكر يا معتز
معتز اتنهد بغيظ : فاكر.. خليكي واقفه هنا..و انا هلبس وانزل معاكي.. نشوف حل ل مشكلتك دي
لولا بسرعه: لا لا يامعتز انا خايفه اوي يكون شافني او يجي وريا ارجوك.. انا مقدرش انزل.. خليني هنا
معتز رفع حاجبه بستنكار : هنا فين!!؟
لولا: انا عارفه انه صعب بس.. اوعدك اني مش هعملك مشاكل خالص .. خاليني بس يومين
..يومين علي ماشوف حل وهمشي..هو زمانه عرف اهلي كلهم مكان شقتي وبيدوره عليا..ارجوك يامعتز
قالتها لولا ودفعت الباب من غير ماتستني رائه
ودخلت الشقه وفي ايدها شنطة هدمها
ركانتها علي جانب وقاعدة علي اقرب كرسي
ومعتز واقف قدام الباب متسمر مكانه وهو بيتفرج عليها:
معتز: تقعد فين دي .. يا فرحتك يا معتز معاك اتنين في الشقه.. هيولعه فيك
فاق معتز من صدمته علي صوت صراخ لولا
وهي واقفه علي الكرسي
و جاك بيقرب عليها بشر وهو بيزوم
بعد ما خارج من المطبخ
ابتسم معتز بتلقائيه وتمتم: والله تستهلي
لولا : عااااااه.. ايه دا يا معتـــــز ايه دا.. ابعده ابعده
.. انت واقف بتضحك علي ايه.. ابعده عني
معتز وهو مكانه وبيقلد نور : ماتخفيش. منه دا جميل خالص.. حتي لو عضك مش هيجيلك صعار.. دا واخد كل تطعماته
لولا زاد صراخه: معتز انت اتجننت ابعده عني... معتـــــز
معتز: يابنتي ماتخفيش.. روح يا جاك سلم عليها.. هو دا يخوف دا كيوت خالص
لولا بتعيط وهي بتترعش وجاك بيقرب منها ... هو بيزمجر بغضب وكشر عن انيابه وكانه بيتستعد ليها
لولا بهلع : معتز.. معتز ابعده بالله عليك يامعتز ابعده عني
جااااك.....
خرجت نور من الاوضه ونادت بغضب وعصبيه علي جاك
جاك بص ل نور.. ورجع بص تاني ل لولا
وهيقرب منها
نور بغضب: جااك تعال هنا
بص ل لولا بغضب وبعد عنها ووقف قدام نور
معتز بضحك : اهدي يا نور احنا كنا بنهزر معاها .. كنتي سبتيه يلعبها
نور بعصبيه : دا مش هزار يا معتز .. لو جاك اذا.ها انت مش هتعرف تسيطر عليه.. ومبسوط وانت واقف بتتفرج عليها كده
معتز بضحك : الصراحه اه
قالها و نور بصتله بغضب
وبعدين بصت ل لولا وصعب عليها منظرها وهي بتقع علي الكرسي وبتعيط ومش عارف تتنفس وجسمها كله بيتنفض
نور : انتي كويسه
لولا ماردتش عليها وكملت عياط
دخلت نور جاك الاوضه وقفلت الباب عليه..
وقربت من لولا بتردد وقاعدت علي ركبتها قدامها
ومسكت اديها الاتنين
عشان تطمنها: متخافيش خلاص حبسته
.. مابقاش موجود.. حتي بص.. خلاص مش هيقربلك
لولا وهي بتنهج وبتعرق بصوره مش طبيعيه : ابعد عني.. سبيني
وجات تقوم بس حست بدوار شديد
نور ضغط علي اديها بخفه: خاليكي قاعده مكانك وارفع راسك عشان الدوخه دي تهدا
لولا رفعت راسها وبصت لنور بستغرب وهي بتنج
نور :
خدي نفسك براحه..و اهدي..
حاولي اتنفسي بهدوء...
لولا حاولت بس مش عارفه وعيطت اكتر
نور:اهدي..اهدي و خدي نفس
لولا سمعت كلمها وهي بتبصلها
نور: وخرجيه . يلا تاني.. برافو.. تاني
فضلت نور مع لولا لحد ما تنفسها انتظم
وهديت
ومعتز واقف عند الباب مكانه يتفرج عليها. وابتسم علي شكلها ورقة تعمالها مع لولا..اللي هو بنفسه كان مستمتع بمنظرها بيضحك عليها
نور بصت ل معتز: هاتلها مياه بدل ما انت واقف تتفرج كده
معتز :حاضر
قفل معتز الباب ودخل جاب مياه ومدها ل نور
: امسكي
نور خدتها من ايده و رفعت شعر لولا عن وشها وادتها الكوب: اشربي
لولا مسكت الكوب واديها بترتعش.. وشربته مره واحده
نور: لسه تعبانه
لولا هزت راسها برفض
بعدت نور عنها ومعتز بغيره:
اشمعنا انا ها تعملي فيا كده وهي تعملي معاها كده ولا كنت عاجبك شكلي وانا واقف فوق السفره زي القرد
نور: لانها بتعاني من سينوفوبيا
معتز:يعني ايه
نور: فوبيا من الكلاب.. مش كده
لولا هزت راسها بالايجاب
نور خدت بالها من شنطة السفر بتاعة لولا لما خبطت فيها
نور بستفهام : هي ايه الشنطه دي
معتز بتفكير: اممممممم دي لا دي مش شنطه
نور: افندم
معتز: قصدي مش بتاعتي.. قصدي بتاعتي
نور: انت بتقول ايه
لولا: الشنطه دي
معتز قطعها بحده :انتي تخرسي خالص..دي ممكن تخلي جاك يروق علينا انا وانتي اسكتي
نور: ممكن افهم في ايه
معتز: بصي اظن ان احنا محتاجين نمشي جاك صح.. بعد الخضه اللي اتخضها دي .. خشي بقي غيري هدومك وانا هفهمك
نور: ايوه يعني شنطة مين دي... بردوه
معتز: ما انا هفهمك خشي بس غيري هدومك
نور: بس
معتز: من غير بس ادخلي ادخلي
خدي راحتك يا لولا البيت بيتك
نور بصتله وهو بيدفعها للاوضه: بيت مين اللي تاخد في راحتها
معتز: ما انا هقولك
نور: ايوه يعني ايه البيت بيتها
معتز: ما اصبري يا حجه شويه و ما انا هفهمك بس لما ننزل نمشي جاك يلا بسرعه
قالها ودفعها للاوضه وقفل عليها الباب
وبص ل لولا: منك لله يا شيخه
........
..
..
......
نزلت نور مع معتز ومعاهم جاك وسابوا لولا في البيت لوحدها
وهم بيتمشوا في الشارع مع بعض
نور: ها اتفضل بقا فهمني ايه شنطة السفر دي ويعني ايه البيت بيتها
معتز: بصي يا نور انا مش عارف اقولك ازاي .. بس لولا حصل معاها مشكله كده. ومطره تفضل معانا يومين
نور: هي مين دي اللي تقعد معانا.. انت عايز حببتك تعيش معايا في نفس الشقه.. وعلي كده تحب هي تقعد وانا امشي.. عشان تاخده رحتكم
معتز: علي فكر انا قولت تقعد معانا .. مش معايا
.. ثانيا لولا مش حببتي انا ولولا مجرد اصحاب وبس..ومافيش اي حاجه بنا وهي في مشكله
قالها معتز بضيق لانه حاسس انه بيكدب عليها..بسبب اللي حصل بينه وبين لولا
واقنع نفسه.. انه مابيكدبش لانه فعلا ما بيحبهاش
نور: معتز بلاش تكدب..لاني اكتر حاجه بكرها في حياتي الكدب.. لولا قالتلي انها حببتك
معتز: بص يانور..انا مافيش اي مشاعر تجمعني بلولا غير احساسي نحيتها بس بالمسؤليه مش اكتر
نور:..وانت كنت عايز تتجوزها عشان احساسك نحيتها بالمسؤليه
معتز بستغرب: مين قالك اني كنت عايز اتجوزها
نور: صاحبك هو اللي قالي قد ايه انتم بتحبه بعض..وفي علاقه بنكم واللي منعكم تتجوزه ابوك
معتز بغيظ: يخر.بيت صاحبي دا يا شيخه
وبعدين انتي كلمتيه امته اصلا عشان يقولك.. ولا تعرفيه منين
نور: مش انا اللي كلمته.. هو اللي قعد يرغي ساعه ماكنت موجوده عندك في المستشفى
معتز بغيره: يعني انا كنت محجوز في المستشفي.. وانتي قاعده بترغي مع عادل
نور بعصبيه: عادل مين دا اللي اتكلم معا.. دا بني ادم....
معتز قطعها: عارف خلاص...بص يا نور.. انا هقولك بس مش عايز الكلام دا حتي تكرريه بينك وبين نفسك..واعرفي اني بسعي اني اتغير بجد.. صدقيني
نور:قول يا معتز
معتز: كل الحكايه ان انا وعادل ولولا ومجموعه من اصحابنا كنا في مكان مش تمام
واتقب.ض علينا كلنا
وصلاح هو اللي خرجنا
وبعدها شاف لولا وكانت معصبه جدا.. فا انا حبيت اللعبه
وعرفته علي لولا..وانا بقوله دي حببتي وهتبقي مراتي قريب.. ويرحب بيها
صلاح الكلمه دي ساعتها جننته..فبقيت علطول اديقه بيها مش اكتر.. يا اتجوزها يا ام مش هتجوز خالص
نور بستغرب: هو انت ليه ديما بتحسسني انك بتتكلم عن عدو.ك مش ابوك
معتز: مش حابب اتكلمه في الموضوع دا دلوقتي
نور: طيب هو دا بس اللي بينك وبين لولا
معتز: اه والله.. انا عمري ما فكرت اصلا اني اتجوز او حتي تجمعني علاقه عاطفيه مع حد.. والمشكله اني كنت متفق معاها انها مجرد كلام قدام صلاح وهي وفقت علي كده
نور: وبعدين ايه اللي اتغير
معتز: معرفش ايه اللي اتغير.. من قبل موضوع الوصيه دا وهي بقت تقرب مني وتطلب اني اتجوزها وانها بتحبني.. وانا فعلا مستغرب.. دا حصل امته
نور: مش يمكن حبتك بجد
معتز: اكيد لا ولو هي حبتني انا مستحيل ابدلها الحب دا.. وقولتلها علي فكره
نور: اومال ليه مستمر بعلقتك بيها ليه مانهتهاش
معتز: لانها شبه حد فارق معايا واتمنيت وجوده
قالها معتز وغمض عينه بضيق.. وحست نور انه مش عايز يتكلم علي الشخص دا ..و برغم فضولها مين هي اللي اتمني وجدها
حبت تغير الكلام
نور: يعني انت عايز تفهمني انك عمرك ماجربت تحب واحده قبل كده
معتز: لو قصدك اعرف واحده فا انا تقريبا كنت كل يوم مع واحده شكل..حتي معرفش اسمائهم
نور:ايه الصراحه دي
معتز:مش عايزك تشوفيني بطريقه مش حقيقيه..انا اوحش كتير مما تتخيلي يا نور
نور:احساسك بانك حد وحش يعني انك مش راضي عن نفسك..وكافي انه يغيرك. بس انا بردوه عايزه اعرف انت ماحبتش حد قبل كده
معتز: لا يانور انا ديما شايف ان الحب دا غباء.. ومرض الناس المفروض تتعالج منه
نور:.. ليه بتقول كده.. بالعكس الحب دا اجمل هديه ربنا هدنا بيها..عشان نقدر نعيش مع بعض..ونتحمل بعض و نتجاوز بيه عن اخطاء بعض
احساس و مشاعر جميله ونقيه بتخليك ديما قادر تكمل وانت حاسس بوجود حد جانبك تتسند عليه وقت ضعفك.. وتشاركه فرحك وحزنك
معتز: ولما تدي كل مشاعرك واحساسك ل انسان ويخونك او يفرقك من غير سبب.
الحب ساعتها هتعملي بيه ايه.. يبقي الافضل اني اصون نفسي.. ضد الفيرس دا لانه مرض يانور.. واكيد اكتر مرضاكي بيعانوا من الخيا.نه و الخدلان
من ناس حبهم وماقدروش.. سواء الناس دي كانت اب اوام او حبيبي او حتي زوج وابن
نور بصتله وابتسمت: برغم كل اللي قولته دا هيفضل الانسان طول عمره يدور علي الحب..
ويداوي قلبه ومرضه بحضن من ام
واحساس بأمان من اب
ونظره شوق ولهفه من الحبيبي تدوب القلب و تتلاشت معاها الهموم
وجود حضن يحتويك.. ولمست ايد دافيه ينبض بيها قلبك من جديد بسعاده وفرح
جنب انسان عارف عيوبك وبيحبك بيها ومتقبلك بكل مافيك ومش فارق معا غير بس قلبك
معتز ابتسم مع كل كلمه بتقلها ومسك اديها بحنيه: وازاي الانسان يعرف انه بيحب
نور اتكلمت وهي عنيها بتلمع بسعاده: لما يلقي نفسه مبسوط جانب انسان معين والوقت معا بيجري من غير مايحس ويتمني انهم يفضلوا جنب بعض علطول.. مهما حولت الدنيا تبعدهم
وتحس ديما انك بتتمناله الافضل.. تكره تشوف حزنه.. ووجعه بيوجعك
انك تبقي مستعدت تضحي بنفسك في سبيل انه بس يكون بخير
معتز بضيق: زي ما قولتلك يا نور..الحب للاغبيه.. مافيش حد بيفضل غيره علي نفسه لمجرد انه بيحبه ويضحي بنفسه كمان عشانه.. .. دا الام بتر.مي ابنها اللي منها عشان سعادتها.. فازاي انسان تاني ممكن يحبك للدرجه دي
... دا مجرد كلام اشعار..كتبته ناس فاضيه مش لقيه حاجه تعملها وتسد بيها وقت فراغها
نور ابتسمت بخفه : مش كل الناس زي بعض
..بس بمانك شايف كده ياعم المشغول..لامني لما تلقي وقت فراغك و قلبك ينبض بحب حد ابقي عرفني
معتز:.. قلبي وظفته انه ينبض عشان يقوم بدوره عشان الانسان يعيش..مش عشان يحب .. عرفتي بقي انه اي كلام بيتقال.. دا الجهاز الدوري خدنا في اعدادي تقريبا انا فاكره يادكتوره
نور ضحكت بقوه:الجهاز الدوري.. كل دا وفي الاخر تقولي الجهاز الدوري روح يا شيخ دا انت فصيل انا مروحه
معتز:.. انستني بس..هو كل دا انتي عرفته ازاي
انتي حبيتي حد قبل كده
نور:.. اكيد
معتز بضيق: والاكيد دا يبقي مين
نور ابتسمت: جاك
معتز بقرف: جاك.. شبهك علي فكره ما نفس النوع
نور: شكرا يامحترم
.. يلا ياجاك
معتز:.. لا روحي ورحي انتي حلال عليكي لولا
وانا هقعد مع جاك شويه اشوف بقا الحب دا متبادل ولا من طرف واحد
شاهد👈الفصل العشرون
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا