رواية غيث وغزل الفصل الثاني عشر 12 بقلم حبيبة الشاهد

 رواية سيدة القصر الفصل السابع والعشرون 27 

بعد مرور الوقت ينام جميع أبطالنا 

يأتى شخص غريب وملثم إلى حجرة ريم ويمشي على أطراف أصابعه ...

ثم يقترب من السرير ليرفع الغطاء عنها فهو يريد أن يق*تلها........ خ*ن*قا ....

ولكن فجأة يضأ النور عليه 

يحاول ذلك الشخص أن يهرب ولكن لؤى يمسك به 

ويوسعه ضربا ...بلكمات متتاليه ...

يصرخ ذلك الشخص من الالم 

الغريب : خلاص يا باشا ..حرمت يا باشا ...ارجوك سيبنى ...يستيقظ من فى الفيلا ويذهبون إلى مصدر الصوت ...

أشرقت بخضه : لؤى مين دا ..ايه اللى بيحصل 

باسم : فى ايه يا لؤى ..وفين ريم 

تأتى ريم من حجرة لؤى 

ريم بخوف : لؤى انت كويس 

لؤى : اتصل يا باسم بالشرطه ..

وفاء بارتباك : فى ايه بس ..يا لؤى ..تلاقيه راجل غلبان ..جاى يسرق ولا حاجه 

حسام : انتى بتدافعى عن واحد زى دا ..

سالم : لازم نسلمه للشرطه ..

باسم : ايوا صح ...

وفاء وهى تنظر ل ريم بغل : طب نشوف يمكن يكون محتاج ..ولسوء حظها 

يرفع لؤى الماسك عن وجهه 

لتصرخ ريم : عصااام ..

وفاء تنظر لها بذهول فهى لا تدرى أنها تعرف عصام 

عصام بخوف : انقذينى يا ريم 

وفاء : قول بقي انك انت وريم عصابه وجايين هنا علشان تسرقونا ....

عصام وهو ينظر إليها باستغراب ..لتشير إليه وفاء بان يصمت ...

لؤى بضحك : والمفروض أننا نصدق مش كدا ..

يا ترى ريم وهى صاحبه القصر ..هتسرق نفسها !!! ...

سندس : ريم ..هو دا عصام اللى حكيتى عنه 

ريم : ايوا يا سندس ...

حسام : احنا لسه هنتكلم ...اتصل يا باسم بالشرطه 

أشرقت : قبل ما تتصل يا باسم عايزة اعرف مين عصام دا ...وازاى دخل القصر ...وايه اللى جابه حجرة ريم ...

لؤى : انا احكيلك يا نانووو ..وقص عليها قصه الفتاة التى ادعت عليه أنه يريد اغت*ص*ابها 

وانه عندما استرجع كاميرات المراقبة شاهد ذلك الشخص ..

لؤى : هتقول مين وراك ...من غير كدب ولا اسلمك للشرطه ..

عصام : ابوس ايدك ..يا باشا ..انا غلطان ..ما تقطعش عيشى ..

لؤى : يبقي تتكلم ..

عصام : انا هقول كل حاجه...

وقص عليهم كل شئ من اتصال تلقاه بتدبير إلى فكرة تلك الفتاة ل لؤى ...وانتقالا ..إلى حجرة ريم 

بهدف اخافتها كى تترك المكان ..

أشرقت بقلق : مين اللى بيطلب منك كدا ...

عصام : الست وفاء 

وفاء : انت مجنون ..ايه الكلام دا ...انت ازاى تتهمنى اتهام زى دا ...اكيد انتم مش مصدقينه ...

لؤى : لأ هو مش كداب ..يا طنط وفاء ..وانا عندى الدليل ...بقلم منال عباس

لما طلعت اوضتى علشان انام ...حبيت اجيلك علشان موضوع الاسورة ..وكنت هطلب منك تعتذرى ل طنط سعاد وأسرتها ...علشان نرجع زى الاول ...ولكن للاسف قبل ما اخبط على الباب سمعتك بتتكلمى مع حد فى الفون 

وفاء : ايوا كلها ساعه وكله يروح فى النوم ..انا هفتح ليك باب الفيلا واول ما تطلع السلم اول حجرة أمام السلم دى حجرة ريم ...عايزاك تخلص عليها ..بأى طريقه ..وليك مليون جنيه هيكون فى حسابك من بكرة ...

وقتها عرفت انك عمرك ما هتتغيرى ..دا غير انى شوفتك وانتى بتسلم شنطه فلوس لنفس الشخص دا قبل كدا ..

وفاء : كدب كدب ...ما حصلش 

يستكمل لؤى : وقتها اتصلت على ريم وطلبت منها نبدل الحجرات ...وخليتها راحت اوضتى ...

وانا جيت هنا مكانها ..ووضعت المخدة وغطيتها ووقفت ورا الباب ..

وفاء : انتم السبب انتم اللى خليتونى اعمل كدا ..

آينور : ما خلفيتش ...آينور ماتت ..انتم بتكدبوا ...

القصر دا ملكى انا واولادى ...

باسم بحسرة : يا خسارة بجد يا خسارة وصلتينا لايه ...

حسام : لولا أنك بنت عمنا ..كنا اول ناس نسلمك للشرطه ...انت مستحيل تكونى انسانه ...

أشرقت : هنلوم على عصام دا ازاى وانتى اللى طلعتى وراه ...بقلم منال عباس 

حسام : سيبه يا لؤى ..

لؤى : ازاى اتركه بعد كل اللى عمله دا 

أخرج لؤى ورقه وقلم ..وجعله يكتب إقرار على نفسه بكل ما فعله ..

لؤى : لو فكرت تمس حد من عائلتى تانى اعرف انى اول واحد هوصلك لحبل المشنقه ....

بعد أن كتب عصام اعتراف على نفسه 

خرج من القصر بسرعه لينفد بجلده ...

أشرقت : أظن بعد اللى حصل دا ..مالكيش وجود بينا ...من الصبح تمشي من هنا ..

وفاء : مش هتحرك من هنا ...القصر دا ملكى انا ..ملكى انا ...

باسم : كفايه بقي ..حرام عليكى ....

يأخذها باسم إلى حجرتها ويغلق الباب 

باسم : ممكن افهم كل حاجه 

وفاء : انا بعمل كل دا علشان احافظ على حقوقك انت واختك 

باسم : مين فينا ابنك ...انا ولا لوسيا ؟؟

وفاء : انت شكلك اتجننت

باسم : لا انا فوقت ..فوقت من الوهم اللى عيشتيه لينا ...

وفاء بتمثيل : بقي انت يا باسم تشك فيا وتقع في الأرض ...

باسم بخوف : ماما ..ماما فوقى 

وفاء : بكرة الايام تثبتلك كل حاجه ..وأنى اكتر حد بيخاف عليكم وعلى مصلحتكم ...

باسم : خلاص يا ماما ..أهدى وتعالى استريحى 

والصبح نشوف هنعمل ايه ...

يتركها باسم ويدخل الى حجرته ...

      عند أشرقت 

أشرقت : ايه العمل يا ولاد ...مراد فى ظروف وحشه ..مش عارفه هيلاقيها منين ولا منين 

مش كفايه موضوع لوسيا ...

حسام : فعلا يا ماما ...ارجوكى حاولى تسامحيها ..على ما نطمن على لوسيا...

لؤى : بس دى كانت عايزة ..ت*ق*تل ريم 

ريم : خلاص يا لؤى ..والحمد لله جات سليمه ...علشان خاطر اونكل مراد ..وكمان باسم ولوسيا مالهومش ذنب ..علشان نبعدهم عن أهلهم 

انا عيشت طول عمرى من غير عائله ...وعارفه اد ايه الاحساس دا صعب ..

حسام : نفس احساس ومشاعر آينور ..كانت ديما طيبه وتحب تقربنا من بعضنا ...مش عارف ازاى 

اختفت فجأة ...ومين اللى دفناها ...

سالم : كل دى تساؤلات ..لازم نعرف إجاباتها ..

أشرقت : دلوقتى كل واحد يروح يستريح فى اوضته ..والنهار ليه عينين ..بقلم منال عباس 

وانا هنام هنا مع ريم ...

ريم بفرحه : تنورينى يا نانو 

  يغادر كل فرد الى حجرته وكل فرد يفكر في ما حدث ..... 

          عند وفاء 

وفاء : ليه كل دا بيحصل معايا ...انا رتبت لكل حاجه ...ازاى آينور ليها بنت ...

انا تابعتها ...لحد ما ولدت ...وانا اللى عملت المستحيل ...واخدت البنت ...

          فلاش باااااااك

مراد : انتى عديمه الدم ...كل اللى يهمك القصر وبس ...انا بجد بقيت مش طايق العيشه معااااكى 

بعد اللى عرفته دا ..انك ورا وفاة آينور ...يبقي لازم اطلقك ...مش هقدر اعيش مع واحدة خططت لقتل اختى ...

وفاء بتمثيل : انا ..انا ما عملتش حاجه ...هى اللى هربت ...علشان تروح تتجوزه ...وهى اللى عملت الحادثه ...

مراد : انا سمعتك بودانى وانتى بتحكى لحد فى الفون انك انتى اللى قطعتى الفرامل ...

وفاء : اكيد سمعت غلط ...ثم مش هينفع نطلق دلوقتى ..

مراد : ليه أن شاء الله

وفاء : علشان انا حامل 

مراد باستغراب : حااامل ..

وفاء : ايوا يا مراد ...حامل ...

مراد : الدكتور قال إن صعب تخلفى تانى ..

وفاء : ربنا فوق الكل 

مراد : بفرحه ..الحمد لله 

وفاء : انت ظلمتنى يا مراد 

مراد : خلاص يا وفاء حقك عليا ...عايزك تستريحى 

      عودة من الفلاش 

وفاء : انا رتبت لكل دا ...وانتظرت لما آينور خلفت 

ودفعت كتير واخدت بنتها ...مين ريم دى ...لازم اعرف الحقيقه ....

      يمر الوقت على أبطالنا ليأتى الصباح

يتصل مراد على باسم 

باسم : الو 

مراد : تعالى يا باسم بسرعه ..لوسيا تعبانه جدا 

والطبيب ..بيقول لازم العمليه بسرعه ..

باسم : اطمن يا بابا ...انا جاى حالا 

يطرق الباب لؤى 

باسم : ادخل 

لؤى : صباح الخير يا باسم 

باسم بحرج مما فعلته والدته : صباح الخير

لؤى : انا عارف انك مضايق من اللى حصل بالأمس 

بس عايز اقولك أننا اخوات واتربينا مع بعض 

واللى حصل مش هيضيع السنين دى كلها 

يحتضنه باسم 

باسم : ودا عشمى فيك ...والدتى فعلا غلطانه 

بس هى تعبانه وانت عارف هى مرتبطه بالقصر ازاى 

ادينا فرصه ..تخلص عمليه لوسيا وهنمشي كلنا ...

لؤى : دا بيتكم ..ودا رأي ريم ..

باسم : مش عارف ريم هترضي تتبرع ل لوسيا ولا لأ بعد اللى حصل

لؤى : ريم دى مفيش اطيب منها ..تعالى نروح لها 

ذهبوا إلى حجرة ريم 

حيث كانت ريم تستعد للذهاب إلى لوسيا 

طرق لؤى الباب 

أشرقت : ادخل 

القوا تحيه الصباح عليهم 

باسم : لوسيا تعبانه اوووى ولازم العمليه في اسرع وقت

ريم : وانا مستعدة ...يلا بينا 

أشرقت بخوف : انا خايفه عليكى يا ريم 

ريم : ادعي لينا يا نانووو 

لؤى : يلا بينا والباقى يبقى يحصلنا ...

سندس : انا خلاص جاهزة خدونى معاكم مش هقدر اترك ريم لوحدها 

ذهبوا جميعا إلى المستشفى

سامح : الحمد لله انكم وصلتوا لوسيا تعبت اوووى 

باسم : اطمن أن شاء الله هتكون بخير 

وطلب من الجميع تجهيز حجرة العمليات 

مراد : انا خايف عليهم اوووى 

باسم : دى عمليه فرصه النجاح فيها كبيرة جدا ..ودا بسبب التطابق الشديد بينهم ..وهنا عندنا اكبر الأطباء لعمل العمليه 

لؤى وهو ينظر إلى ريم : ريم انا ما صدقت لقيتك 

لو مش عايزة تعملى العمليه وتتبرعى قولى ...

ريم : لا يا لؤى ...لوسيا بحسها اختى ..وانا عندى ثقه فى ربنا ..اطمن ..

احتضن لؤى ريم 

لؤى : فى حفظ الله ورعايته 

ريم : فى حفظ الله ..

سندس ببكاء : خلى بالك من نفسك ..وارجعى علشانى ..انتى اختى يا ريم 

ريم : اطمنى حبيبتى ...ادعيلى بقي 

تم تجهيز حجرة العمليات وحجز كل من لوسيا وريم فى نفس الحجرة للمتابعه قبل العمليه 

وقف كلا من مراد و سامح بالخارج 

حيث وصلت ...بقيه الأسرة ...ومعهم وفاء التى تتظاهر بالتعب 

أشرقت : طمنوني لوسيا وريم عاملين ايه 

مراد : ادعى ليهم يا ماما ...

يمر أكثر من ساعتين فى حجرة العمليات 

كان الجميع ينتظر فى حاله من التوتر والقلق ..سوا وفاء ..التى كانت تنتظر أن تفشل تلك العمليه ...

خرج الطبيب من حجرة العمليات ليخبرهم ....

شاهد👈الفصل الثامن والعشرون

تمتلك مدونه دار الروايه المصريه مجموعة 

من أكبر الروايات المتنوعة الحصرية والمميزة

اكتب ف بحث جوجل دار الروايه المصريه

 واستمتع بقراء جميع الروايات الحصرية والمميزة

تعديل المقال