أخر الاخبار

رواية خادمة الصقر الجزء الثاني الفصل الثالث والثلاثون 33 بقلم يوستينا سامي

 

رواية خادمة الصقر الجزء الثاني الفصل الثالث والثلاثون 33 بقلم يوستينا سامي

رواية خادمة الصقر الجزء الثاني الفصل الثالث والثلاثون 33


#خادمة_الصقر
#الجزء_التاني 
33
في فيلا الحديدي 💪

يزن كان واقف في اوضه معاذ بيجهز عشان كتب الكتاب و معاذ بيعمله الجرافته

يزن بخنقه / اوووف انا هتخنق يا عم بقولك ايه انا مليش في الجو القفيل ده قلعني يا عم الجرافتة دي 

فهد كان قاعد على الكرسي وهو برده لابس بدله
وقاله /يا واد يا معفن انضف ولو مره واحده 
في حياتك ده النهارده كاتب كتابك



يزن بغيظ مسك ازازه البرفان اللي موجوده 
وقاله/ ما هو عشان النهاردة كتب كتابي ما تخلينيش
 افتح دماغك النهارده خليها بكره يا فهد 

معاذ /بس يا ابني انت وهو بقى الله ده انتم مزعجين جدا وانت اظبط نفسك بدل ما اديك قلم يحولك 🤬
خليني اظبطلك الجرافتة

يزن كان واقف قدامه بملل /ظبط يا اخويا ظبط ما هي ناقصاك بقولك ايه هو مين اللي هيبقى وكيل العروسه تفتكر

معاذ /صقر قرر ان هو يبقى وكيل ميرا وانت ابوك هيبقى وكيلك وانا وخالد هنبقي شهود

فهد بقمسة / ليه انت و خالد بقي .. ما انا اللي اشهد ايه معييش بطاقة مثلا 

يزن ضحك / معلش يا فهود يا حبيبي شايلينك للتقيلة لما أطلق باذن الله 

معاذ بضحك / يا ساتر يارب نقي الفاظك بقي يا بني . 
ويلا بقي علشان كلهم مستنين تحت .

مفاجاه سامعوا الباب بيخبط وكريم دخل واستاذن ان هم ينزلوا عشان يقعد مع يزن شويه
________________________________________________

في الاسماعيليه 🙈
في المخزن 😟

لارا فاقت من اثر المخدر اللي عاصي كان حاطه ليها و كانت بتبص حواليها بصدمة و خوف 

لارا مايكة راسها بوجع / اي ده اي الصداع ده .. هو انا فين عاصي 😟😟 

لارا قامت من مكانها و بدات تخبط علي الباب 
و هي بتزعق / انتوا مين و ليه حابسيني هنااا .. افتحوا الباب حد يفتح الباب و يرد عليا طب فين عاصي عملته فيه ايه يا ولاد الكلـ*ب 



لكن برضو محدش رد عليها رجعت قعدت علي الارض بخوف و قعدت تعيط جامد / ياربي .. هو ايه المكان الزفت ده
انا هتجنن معقول عساف هو اللي عمل كدة 
لا طبعا ايه اللي انا بقوله ده طب عاصي تعبان و مش محمل اي حاجة يارب طمني عليه 

و قعدت لارا تعيط بخوف و طلعت السلسلة اللي لابساها و عليها جزء من المديلية عاصي اللي مكتوب عليها اسمه و ركبتها في السلسلة اللي عساف كان جايبهالها و فضلت حضناها 

________________________________________________

عند كريم و يزن 🌺

كريم كان بيبص لابنه بفرحة/ والله و كبرت يا يزن و بقيت عريس .. انا مش مصدق نفسي

يزن ابتسم / لا صدق نفسك يا عم كريم ابنك كبر و هيخليك جد قريب اوي .. بس يكون في علمك انا معديلك حركة اختفائك انت و ياسمين بمزاجي

كريم ضحك / معلش خليها عليك بقي .. المهم كلمني عن احساسك متوتر و لا ايه 

يزن بحرج / متوتر جدا جدا مش قادر اقولك لدرجة اني سالت فهد . تخيل انا اخد بنصيحة فهد 

كريم حط ايده علي وشه و قعد يضحك / يا خبر ابيض ده انت مرعوب بقي علي كدة ..و قالك ايه ابن خالد

يزن / هيقولي اي يعني قالي ده الطبيعي علشان في الأول بس عارف لما تاخدوا علي بعض هيبقي اصعب بقي 
يعني بجد عيل رخم ...الا صحيح فين ياسمين 

كريم بتوتر / اه ياسمين .. فوق بترتاح شوية و انا هروح اصحيها دلوقتي تجهز 

يزن بستغراب/ هو انت بتقلقني ليه يا كريم .. انا حاسس ان ياسمين مش كويسة و ده راعبني 

كريم بهزار / لا بقولك ايه الاوهام دي شيلها من دماغك علشان تعرف تركز ولا انت عايز تقصر رقابتنا 

يزن عدل هدومه بغرور / عيب بقي ده انا يزن يا ريس

و قعد كريم و يزن يضحكوا مع بعض و فرحة كريم كانت متتوصفش ابدا و كان حاسس ان حلمه اتحقق و اطمن علي ابنه .

________________________________________________

في اوضة جميلة كانت جميله وقمر ونغم مع ميرا بيساعدوها ميرا كانت لابسة فستان ابيض رقيق جدا و طويل لكن مشكلته انه كت و رافعة شعرها لفوق و الميكب كان سيمبل 

ميرا بفرحة / بجد الفستان حلو اوي... بس يارب يزن ميقفش علشان هو كت و ينكد عليا 

نغم بهزار / طيب يبقي يفتح بوقه ابن ياسمين ده و انا هربيه .. الا صحيح فين ياسمين انا حساها متغيره اوي

ميرا/ ايوة يا نغم.. تفتكري تكون تعبانة مثلا 

قمر / ما بلاش بقى كلامكم اللي يقلق ده هو انتم مبتعرفوش تفرحوا ابدا عادي كانت في مشوار مع كريم ورجعت تعبانه و بترتاح في اوضتها شوية

جميلة/ ايوة وبعدين اصلا كل حاجه حصلت النهارده فجاه منغير تخطيط فأكيد مرهقة 



جميلة قربت علي نغم و حضنتها /علفكرة البيت كان ضلمة اوي منغيرك يا نغم بجد كنت مرعوبة اوعي تعملي كدة تاني 

قمر بعصبية نادرا لما بتطلع / تعمل كدة تاني .. طب ده انا كنت ولعت فيها بجد المره دي بقي لاني مش هقدر اشيل البيت ده كله لوحدي 

نغم ضربها علي ضهرها / يا واطية يعني ده اللي فارق معاكي بس .. عموما اطمنوا انا قاعدة علي قلبكم لاخر العمر .. اوعوا بقي اروح اطمن علي ياسمين 

و خرجت نغم من الاوضة و لقت فهد واقف برا و ماسك التليفون نغم باعجاب / بسم الله مشاء الله .. ايه الحلاوة دي 
ابني جان يا ناس 

فهد ضحك و قرب و حضن نغم / لا و النبي يعني ينفع اتجوز تاني صح 

نغم ضحكت / طلاما بتتكلم بثقة كدة يبقي نسمة تحت
 في الجنينة مش كدة 

نسمة خرجت من الاوضة و هي لابسة فستان بينك رقيق
 و كانت بتحاول تلبس السلسلة 

نسمة / يسلام ده علي اساس ان فهد بيتكسف او بيخاف مني. لا هو بيقول كدة قدامي عادي 

نغم ضحكت / ربنا يخليكوا لبعض يارب و تتهنوا بس ايه العسل ده يا نسمة قمر يا حبيبتي بجد 

نسمة بغرور / امم الناس هتفتكرني سينجل و يجيلي عرسان 

فهد بغيره / اه علشان يبقي نهايتهم النهاردة يا لذيذة 

نغم /امم اوبا خناقة طيب انا هطلع اجهز نفسي .. اوعوا بقي 

و راحت نغم اوضتها و فهد بص لنسمة بتقيم / ماشي فستان مش بطال .. تعالي البسك السلسلة 

وقربت نسمة و فهد بدا يلبسها السلسلة بحب و كان قريب منها و ده كسف نسمة اوي 

نسمة بتوتر / في اي يا فهد ما تبعد شوية .. ممكن اي حد يجي في اي وقت عيب كدة ميصحش 

فهد و هو بيحط ايده علي وسطها / عيب ليه ما انتي مراتي ده اساسا مافيش حد هيفتح بوقه بحرف واحد بقولك ايه ما تقربي هاتي بوسه

نسمة اتكسف و زقته و كانت لسه هتجري منه بس فهد جري وقف قدامها علي السلم / اي فاكره اني هتنازل عن البوسه مثلا والله لو عملتي ايه هاخدها يعني هاخدها 

و قرب فهد و شد نسمة ليها و باسها بحب و غفل انه علي السلم و وقتها خرج كريم و يزن 

كريم / الله يكسفك يا اخي . بقي ده اللي كنت بتاخد منه نصالح ده طلع خيبة خالص

يزن / الله يحرقك يا اهبل.. علي السلم 



نسمة ضربت فهد بالكوع في بطنه و طلعت جري للاوضة 

فهد حاطط ايده علي بطنه / عاجبكم كدة .. اهي طارت علفكرة البيت ده بقي رخم اوي و بيقطع علي الواحد و في الاخر بتقوله عايزين حفيد 

و سابهم فهد و هو بينادي علي نسمة / انتي يا بت 
تعالي هنا ... ده انتي مراتي والله 

كريم ضحك / ده عايز يجبلنا عيل علي السلم.. تعالي نطلع نشوف امك يا ابني 

و كريم و يزن راحوا يطمنوا علي ياسمين و يقعدوا معاها شوية 
______________________________________________

في المخزن عند لارا 

لارا كانت قاعدة خايفة و منتظرة اي حد يدخل عليهااتفاجات بمختار داخل المخزن .

لارا بستغراب كانت بصالة و هي مش فاهمة حاجة 

مختار ببتسامة / معلش انا اسف جدا علي الطريقة اللي جبناكي بيها هنا يا بنت عساف باشا 

لارا قامت و مسكته بجراه من هدومه و بدات تزعق بعصبية و صوت عالي/ انت مين و عايز مني ايه .. و فين عاصي عللا تكون اذيته 

مختار لوهله سكت و اتفاجاه بشجاعتها و شخصيتها اللي تشبه عساف

مختار مسك ايديها و نزلها و قالها / انا مختار السيوفي 
و في خلال بكره بالكتير هبقي جوزك 

لارا اتصدمت من كلامه / انت بتقول ايه يا بني ادم انت انت مجنوووون .. فين عاصي انطق 

مختار قرب و حط ايده علي راسها / عاصي خلاص سلمك ليا و اخد التمن يا حبيبتي.. انا مختار عمه 

لارا اتصدمت و زقت ايده بعيد عنها و حطت ايديها علي بقها بصدمة .. 

مختار بتريقة / انتي بتعيطي من الفرحة انا حاسس بيكي انا هسيبك ترتاحي بقي شوية و هرجعلك بكره 

و خرج مختار و لارا وقعت علي الارض بصدمة و هي بتعيط بانهيار / لاااا مستحيل .. ايوة مستحيل عاصي يعمل فيا كدة.. عاصي بيحبني هو كداب ايوة كداب و ابن كلب و عساف هيجي يلحقني 
و حاولت لارا تهدي نفسها ..اهدي يا لارا .. عساف هيجي يلحقني .. انت فين يا بابا 

______________________________________________ 

في بيت عساف 🤫

همس قاعدة جمبه علي الكنبة و بتعيط بخوف 

همس / يعني ايه مش لاقيها يا عساف.. هتكون راحت فين يعني 

عساف قام و ضرب التربيزة بايده / لو كنت اعرف كان زماني مرتاح .. حتي اللي اسمه عاصي ده مختفي يا همس انا بجد تعبت و مش عارف اعمل ايه 



همس قامت و اترمت في حضنه و هي بتعيط/ طب كلم صقر يمكن يكون بعرف حد .. او خالد و يزن قولهم يقفوا جمبك ما انت علطول معاهم 

عساف كان بيطبطب عليها و عمال يفكر في كلامها ياترا هيكلم حد منهم ولا لاء 

________________________________________________

في جنينة الفيلا .. عند الاسطبل كانت كارمن كانت واقفه ولابسه فستان احمر عريان من عند الكتف لكنه طويل وبتشرب عصير

عز كان متابعها بعينه واول ما شاف انها هناك راحلها وكان لابس بدله زرقاء شيك جدا 

عز اعجاب صفر وقالها / بصراحه شكلك زي القمر باختلاف ان الفستان عريان يعني و دي حاجة مش مستحبة 

كارمن بصتله بهزار / ميرسي .. بس انت ايه اللي جابك هنا بتحب الخيل

عز / بصراحه ولا بحبه ولا بكرهه يعني عادي لكن انتي شكلك بتحبي الخيل قوي

كارمن / جدا اكثر حاجة بحبها تقريبا مفيش حد بيحب الخيل غير انا ومعاذ تقدر تقول وراثة عن خالد بابا حتى صقر مش بيحب الخيل قوي

عز بهزار / بس يزن بيركب خيل على فكره ..حب الطفوله

كارمن قعدت تضحك وقالتله / انت لسه فاكر يا عز ده انا قولت نسيتني و خصوصا انك من ساعتها مش بتكلمني تقريبا احنا كنا صحاب مصلحة 

عز قرب منها باعجاب / اخس ...مصلحة اي بس اوعي تقولي كدة .. بس الفتره اللي فاتت كان عندي مشاكل في شغلي كتير و بصراحة كنت محرج اوي اكلمك 

كارمن بدات تتمشي برقة و عز كان مصدوم من جمالها
 و بيتفرج عليها باعجاب 

كارمن / اممم بتتحرج طيب جاي تقف معايا ليه روح اقف مع صاحبك كتب الكتاب قرب 

و لسه كارمن هتخرج برا عز مسك ايديها و شدها ناحيته و قالها/ تعالي هنا ..رايحة فين و بعدين مالك غلسة ليه النهاردة انتي مكنتيش كدة 



كارمن / ايه ده ايدي انت عارف لو في حد من اللي هنا شافك ممكن يعمل فيك ايه

عز قرب منها اكتر بحب و كان تقريبا فقد كل تركيزة و عقله قدام رقتها و دلعها عليه من اول الحفلة / مش فارق معايا كفاية اني ابقي جمبك 

معاذ دخل / لا والنبي.. انت مش فارق معاك حد 

شد معاذ عز من جاكته / سيب البت ياض .. انت بتعلق بنت عمي يلا انت 

كارمن اتخضت منه / معاذ خضتني .. اي جو المخابرات ده ده يزن معملهاش 

معاذ / ده علشان يزن مشفكوش .. وانت بقي بتستغفلنا يا اخ عز و جاي تعلق واحدة من عيلة الحديدي عادي كدة

عز بتوتر / اعلق ايه بس يا معاذ انا محترم لعلمك و غرضي شريف و النعمة 

كارمن بقلق / خلاص بقي يا معاذ بلاش فضايح علشان خالد و صقر ميسمعوش

معاذ/ و مين قالك اصلا اني هقول لخالد او صقر انا هسلمه ليزن بايدي اخليه يتسلي عليه

عز / لا لا انا موافق اتسلم لاي حد الا يزن .. ده غبي يا عم
 و ايده طارشة 

كارمن ضربته في كتفه/ بس يا اهبل انت متعرفش خالد 

وفجاه دخل صقر وشافهم وهما واقفين ومعاذ ماسك عز من الجاكيت بتاعه

صقر بستغراب / انتوا بتعملوا ايه هنا وسايبين الناس بره يلا عشان كتب الكتاب قرب يبدا وهو فين اصلا يزن و ميرا

كارمن بتوتر / ميرا مع نغم فوق في الاوضه لسه بتجهز 
انا هروح اشوف خالد اطمن عليه 

معاذ وهو بيبص لعز / ويزن فوق في الاوضه مع كريم شكله بيديله نصايح قبل الجواز 

صقر / طب انت ماسك عز ليه كدة سيبه و اطلع استعجلهم 

معاذ حاضر يا بابا وسحب يعز من الجاكيت وقاله/ انت هتيجي معايا لاني مش مرتاحلك اصلا

و بعد حوالي ساعة اتجمعوا كلهم و كان اغلب المعزومين 
هما الصحاب المقربين اوي .. 

ياسمين و نغم و قمر كانوا مع ميرا في الفيلا 

اما نسمة و كارمن و جميلة كانوا بيتكلموا مع بعض في الجنينة

معاذ و فهد و عز واقفين يضحكوا مع يزن و يحفلوا عليه 

علي جنب .. كان خالد و كريم و صقر 
خالد بهزار / والنبي يا كريم قولي ايه احساسك و انت شايف ابنك الوحيد بيتجوز 

كريم ببتسامة / مش عارف .. بس مطمن انه خلاص لقه حياته و هيستقر و .. 
والنبي ما عارف حاسس بايه الموضوع جيه بسرعة كدة 



صقر ضحك / الايام بتجري اوي . معقول مين يصدق ان يزن بيتجوز .. يزن اللي كنت باخده علي رجلي الاعبه و كان بيقولي يا صقر يا صقر حطني علي العجلة علشان اسبق معاذ 

خالد و كريم ضحكوا اوي .. خالد بصلهم بستغراب 

خالد / انا عن نفسي ما حسيتش كل الاحاسيس دي لان فهد الله يكرمه بوظ كل احلامي 

كريم بحده/ بقولك يلا يا خالد متعكننش عليا وانا فرحان . كريم بدا يبص لصقر وخالد بقلق وقال / بذمتكم مش اليوم ده كان محتاج عساف انا اصلا مش متخيل يعني ايه بجوز ابني وعساف مش موجود 

خالد بحده/ لا يا حبيبي ما تجيش على نفسك قوي كده عايز تجيبه هاخد مراتي وعيالي و نمشي عادي يعني 

صقر/ بس يا ابني بقى .. وبعدين يا كريم انت مين قالك اني ما كلمتش عساف انا كلمته كثير قوي بس هو مش بيرد ربنا يستر بقى ويجيب العواقب سليمه ويلاقي بنته..

خالد / صحيح هو فين ادهم.. مش ملاحظين ان هو مختفي بقاله فتره والغريب ان يزن ما جابوش النهاردة .. هو في حاجة 

صقر / لا طبعا انا سالت عليه يزن وقالي ان هو مسافر وحاولت اكلمه اكثر من مره بس موبايله غير متاح .. انت تعرف عنه حاجة يا كريم 

كريم اتوتر وقال / اعرف عنه حاجه ... لا طبعا معرفشي انتم عارفين انا وادهم مش قريبين من بعض قوي .. ادهم قريب من عساف اكثر 

وقعدوا يتكلموا مع بعض لحد ما نزلت ميرا وكانت بفستانها الرقيق الابيض اللي كله انبهر بيه .. يزن قرب منها و مسك ايديها و قاله بصوت واطي / ده انا هطلع عين امك بس استني .. ايه اللي انتي لابساه ده 

ميرا بتوتر و صوت واطي / طنط نغم اللي جبتهولي والله
 يا يزن.. بس والنبي بلاش تقفش ده النهاردة كتب كتابنا 

يزن بغيظ و صوت واطي جدا / هقلبه عزااا علي دماغك انتي و اهلك كلهم 

قربت من يزن لما حست ان الوضع مش مطمن 
وقالتله/ في حاجه يا عريس في حاجه مضايقاك يعني
 قولي وانا اصلحهالك

يزن بغيظ / لا ابدا هيبقى في ايه 
و قرب منها / كدة برضو ده انتي ناقص تنزلي مراتي 
بالمايو يا نغم ماشي ماشي صبرك عليا بعد الفرح 

نغم بتريقة / اللي عندك اعمله يا ابن ياسمين يا معقد
  يلا عشان نكتب كتاب يلا يا عقد 

وفعلا قعدوا وكتبوا الكتاب 🥰🌹
وميرا كانت فرحانه جدا والفرحه ما كانتش سايعاها ويزن كان متغاظ جدا من الفستان و اول ماشاف فيه تصوير ..قام بحركة لا ارادية قلع الجاكت و حطه علي كتفها .

عز ضحك و شد يزن من دراعه / ايه اللي انت بتهببه ده يا ابني الكاميرات بتصور 

يزن بغيظ / ما عشان كده بغطيها ده يومها معايا اسود بس اما نروح 

واحتفلوا مع بعض ويزن كان مكلبش في ميرا جدا ومش مخليها حتي تعرف ترقص مع البنات 
وكانت كل ما تقوم يزغرلها لحد ما جات نغم واخدتها غصب عنه عشان يرقصوا مع بعض وهو قام رقص مع ياسمين امه 

و فعلا اليوم كان حلو اووي و اخيرا يزن اتجوز ميرا 🌼

علي جنب صقر جاله تليفون من عساف و فعلا سابهم و راحله جري 
_______________________________________________

في بيت عساف

صقر / اهدي يا عساف .. بطل تقلق نفسك يمكن راحت مع الزفت اللي اسمه عاصي ده 

عساف / لا انا مش مطمن ...قلبي بيقولي انها مش كويسة. يا صقر .. انا حاسس ان حصلها حاجة 

صقر / لا متقولشي كدة و اهدي انا هقلب الدنيا عليها

و فاجاه و هما قاعدين جاله اتصال من رقم غريب 

عساف بخوف / الو مين معايا 

مختار بشماته / ايه معقول تكون نسيت صوتي اخس 
عموما مش مشكلة انا مختار السيوفي 



عساف بعصبية قام وقف و اتكلم بصوت عالي/ وحياه امك ما هرحمك انت و ابن ... فين بنتي يا مختار .. قول لابن اخوك ميلعبش في عداد عمره

مختار ضحك بتريقة / يا عيني عليك يا عساف . عارف كان نفسي اشوفك قدامي دلوقتي و انت قاعد تحت رجلي و اشوف خوفك و كسرتك دي ... ياه متعة يا اخي 

عساف بخوف/ بنتي فين يا مختار .. بلاش تدخل عيلة صغيره في مشاكلنا 

مختار ضحك بعلو صوته / يا اخي متقولش كدة .. بقي لارا دي عيلة لا انت كدة ظلمتها طب ده هكتب كتابي عليها بكره .. يا خساره كان نفسي اعزمك يا حمايا والله 

و قفل مختار السكة في وشه و عساف مكنش مصدق اللي بيسمه عساف بصدمة / انت بتقول ايه انت اتجننت ... 

 و بص عساف لصقر بخوف و صقر كان مصدوم من اللي بيحصل ..

صقر قرب ناحيته / مالها لارا .. متخفش يا عساف هترجع تاني صدقني 

عساف قعد علي الكرسي بصدمة / بنتي الوحيدة يا صقر ضاعت بسببي .. مختار اللي خطفها 
______________________________________________

في فيلا مختار ☺️

مختار قرر انه يرجع القاهرة علشان لو حصل اي حاجة يبقي موجود في فيلته و اول ما عاصي شاف عربيه مختار و هي بتتحرك جري ناحية تامر 

عاصي كان بيضرب في تامر بغشوميه عشان يصحي وبيقوله /قوم يا اخي بسرعه .. قبل ما حد يدخل علينا 

تامر بتعب/ بتصحيني ليه ما خلاص محبوسين هنا لحد ما الفرح يتم

عاصي /لا ما احنا هنهرب وهننقذها معانا .. ومش عايز منك استفسار دلوقتي خالص قوم معايا قوم

وشد عاصي تامر وكان بيحاول يسند عليه وخصوصا ان الجرح تعبه جدا وتامر اتصدم لما خرجوا من الاوضه وبتفاجئ بباب سري موجود في الطرقة ينزلهم سلم كبير و بيطلعوا منه على الجنينه من الخلف 

في الجنينة ..

تامر بندهاش/ الله ايه عالم ديزني اللي احنا فيه ده 

عاصي حط ايده بسرعه على بقه قاله/ اخرس يا حيوان هتفضحنا .. المخزن من باب اللي ورا خد بالك عشان في رجاله هناك 

و دخل عاصي هو و تامر وبداوا يضربوا الرجاله اللي واقفه على المخزن و كان عددهم اتنين وحولوا انهم ما يعملوش صوت عشان الرجاله اللي بره ما يجوش .. و دخلوا المخزن 

في المخزن 😟
 عاصي اول ما دخل شاف لارا قاعده ووضامة رجليها وسانده راسها على رجليها وبتعيط 

عاصي / لارا ما تخافيش انا عاصي انتي كويسه صح

لارا قامت بسرعه وجريت على عاصي حضنته /كنت فين انا كنت بموت هنا .. عاصي خدي من هنا ارجوك 

عاصي بعدها عنه وقالها /متخافيش يا لارا هنخرج من هنا 
ان شاء الله يلا ...يلا يا تامر هاتها وتعالى 

و رجعوا تاني للباب الخلفي و كان الباب مفتوح و معلهوش حراس و ده اللي صدم لارا و تامر بس مكنش في وقت يتكلموا و لقوا كمان عربية ركوبها و مشيوا ..

______________________________________________

في العربية 🤪

تامر / هو ايه اللي حصل هناك ده .. و المصحف انا لو بكتب كتاب عن اللي حصل ده هيتصنف عالم ديزني 



لارا / انا مش مصدقة اللي حصل هناك ده .. عاصي هو عمك ده بيكرهك اوي ليه كدة تخيل جالي و قالي انك انت اللي جبتني عنده .. هو ليه بيعمل كدة 

عاصي و هو بيسوق العربية بتعب و بيحاول يبعد عن مكان الفيلا بصلها بحزن/ و انتي صدقتيه يا لارا 

لارا حطت ايديها علي كتفه/ عمري ما هصدقه انت بتقول ايه يا عاصي .. ده انت اكتر واحد بثق فيه 

عاصي بحزن / بس انتي كان لازم تصدقيه يا لارا لاني فعلا عملت كده
استوووووووووووووووووووووووووووووووووب 

تمتلك مدونه دار الروايه المصريه مجموعة 
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
 واستمتع بقراء جميع الروايات الحصرية والمميزة

تعليقات



    حجم الخط
    +
    16
    -
    تباعد السطور
    +
    2
    -