أخر الاخبار

رواية خادمة الصقر الجزء الثاني الفصل الرابع والثلاثون 34 بقلم يوستينا سامي

 

رواية خادمة الصقر الجزء الثاني الفصل الرابع والثلاثون 34 بقلم يوستينا سامي

رواية خادمة الصقر الجزء الثاني الفصل الرابع والثلاثون 34


#خادمة_الصقر
#الجزء_التاني 
34

عاصي بحزن / بس انتي كان لازم تصدقيه يا لارا لاني فعلا عملت كده

لارا بصدمة بصتله / انت بتقول ايه يا عاصينت بتهزر صح

تامر بحده / مش وقته الكلام ده يا عاصي هو انت مش شايف حالتها عاملة ازاي.

لارا بصتلهم بصدمة و فاجأه لقت نفسها بتعيط بخوف من مجرد الفكره و قالت / مش وقته ايه يعني هو اللي عمل كدة فياا .. وقفلي العربية بقولك وقف العربية دي و كلمني زي ما بكلمك 

....عاصي بصلها و مردش عليها و كان مكمل في طريقه 

لارا بصريخ / بقولك وققققف 



عاصي بستغراب / اوقف ايه يا مجنونة انتي احنا في صحرا

لارا قربت من الدركسيون و بدات تحوده / لو موقفتش اقسم بالله لاخليك تعمل حادثة .. وقف بقولك 

..وقف عاصي العربية و نزلت لارا منها و عاصي و تامر كمان 

عاصي بحده / ادينا نزلنا .. ايه اخره جنانك بقي انتي عارفة لو رجالة مختار وصلولنا دلوقتي هيعملوه ايه فينا 

لارا / انا عايزة اعرف ايه اللي انت قولتهولي في العربية ده انت كنت طول الفتره اللي فاتت دي بتضحك عليا 
يعني عساف كان عنده حق لما قالي انك كداب 

لارا بدات تعيط جامد و كانت بتبص لعاصي بوجع و هو مقدرش يستحمل نظرتها و بص في الارض

لارا بدموع لكن بتتكلم بقوة / لا متسكتشي ..اوعي تسكت دلوقتي خالص... رد عليا انت عملت فيا كدة يا عاصي هونت عليك 

عاصي بحزن / انا عارف اني مهما اعتذرتلك عمرك مهتسامحيني .. بس كفايه انك تعرفي اني ضحيت بكل حاجة علشان ما حبتش اظلم بني ادمة و هربتك

لارا بعياط/ بس انت محبتنيش صح 
لانك لو فعلا حبيتني عمرك ما كنت هتحطني في مقارنه 
مع اي حاجة حتي لو كانت غالية 

عاصي بحزن / انا فعلا محبتكيش 
 لارا انا عارف انك انتي حبيتيني بس والله غصب عني معرفتش احبك ...انا اسف .. والله العظيم اسف

لارا بصدمة / يعني كل اللي انت قولتهولي وعيشتهولي ده علشان فلوس ده انا ضحيت بكل حاجه عشانك سبت ابويا واهلي 

وفجاه علت صوتها بوجع / انا لارا اتكسر بسببك انت انا اللي عمر قلبي متعلق بحد ..يوم ما يتعلق ..يتعلق بيك انت .. طب ليه اذيتك في اي علشان تعمل فيا كدة 

عاصي بحده / كان نفسي ارجع حقي وانتي كنتي الطريق الوحيد لده عارف اني غلط بس كان لازم اضحي بشوية من مبادئي علشان اعرف اعيش ... على فكره انا زي زيك انا حبيت قوي و اتسبت عشان فلوسي راحت مني وعمي خد فلوسي انا مجرب احساسك و عارفه كويس قوي .

...لارا بصتله بكسره و مقدرتش ترد عليه وسابته ومشيت وراحت قعدت علي الرصيف 

تامر بخوف قرب منها/ قومي يا لارا احنا لازم نمشي من هنا .. احنا في صحرا قومي 

لارا شدت ايديها منه / مش عايزة اشوف حد فيكم انا عندي استعداد افضل هنا لحد ما اموت ولا اني اركب معاكوا 
او اشوفكوا ابعدوا بقي 

..و حاول تامر كتييير انه يهدي لارا او يقنعها لكنها كانت رافضة تماما و اضطروا انهم يمشوا و يركبوا العربية..

في العربية 😟



تامر بستغراب/ هو احنا هنسيبها بجد يا عاصي حرام انت مش شايف حالتها عاملة ازاي دي ممكن تعمل حاجة في نفسها 

عاصي بوجع / لا هنطلع قدام شوية بالعربية نستناها 

و قعدوا في العربية فتره لحد ما تاكدوا انها ركبت مع عربية و عاصي و تامر طلعوا وراها بالعربية 

_____________________________________________

جميله كانت واقفه مع معاذ 🙈

جميله بضحك/ بس بجد ميرا لايقة جدا على يزن و هتستحملوا شفت عمل ايه لما شافها بالفستان بجد مش طبيعي

معاذ / يزن ده متخلف والله بس عنده حق الفستان كان عريان وهي زي القمر فكان لازم يغير عليها يعني انا لو مكانه كنت هعمل كده 

جميله بحرج / معاذ هو انت عمرك ما حبيت اصل يعني عمرك ما جيت قلت لبابا ان انت معجب واحده او نفسك تتجوز كدة يعني . وبعدين زي ما انت شايف تقريبا العيله كلها ارتبطت ما عدا انا وانت 

معاذ ضحك / صح والله كلهم مرتبطوا حتى الواد يزن المعقد اتجوز اهو .. بس اكيد حبيت يعني حبيت واحدة في الجامعه و حبيتهت قوي بس طلعت بتحب واحد صاحبي

جميله بصدمه حطت ايديها على بقها / انت بتهزر وانت عملت ايه

معاذ / ولا حاجة عرفتها على صاحبي دوت وخليتهم يتجوزوا ده انا شهدت كمان على عقد يا حاجة 

جميلة ضحكت / يا جبروتك انت .. و دلوقتي 

معاذ /بصراحه مش عايزه اتجوز خالص بقولك ايه سيبك مني قوليلي انت موحشتيش ادهم 

جميله توترت/ ايه.. لا بس اشمعنا يعني

معاذ بتريقه / والنبي بلاش الجو الفكسان ده لو وحشك بجد انا ممكن اخدك عنده 

جميله بلهفه /بجد طب هو فين يزن قال ان هو مسافر هو انت عارف هو مسافر فين او هيرجع حتى امتى 

معاذ / هيرجع قريب قريب قوي .. بس بصراحه وجودك معاه الفتره دي هيقويه قوي يا جميله ادهم في مصحه للادمان 



في اللحظه دي جميله حط ايدي على بقها بصدمه وكانت بصه لمعاذ بخوف وبدات تدمع/ ايه اللي انت بتقوله ده ادهم .. ادهم مستحيل يعمل كده ده كان مدرب في نادي ازاي يضيع صحته وشبابه كده مستحيل 

معاذ/ انا بقولك عشان تساعديني مش عشان تعايريه 
يا جميله و خدي بالك الموضوع ده سر 

جميله بدات تبص حواليها بقلق ليكون حد شافها ومسحت دموعها بسرعه وقالت / انا عايزه اروحله قوي يا معاذ عشان خاطري ساعدني 

معاذ ابتسم / خلاص اتفقنا 

مفاجاه وهم بيتكلموا صقر كلم معاذ وقاله على مشكله لارا
_____________________________________________

في الفيلا 👏

كانت ميرا و يزن قاعدين بيكلوا مع بعض

ميرا برقة / خلاص يا يزن علشان خاطري.مكنش فستان بقي 

يزن بغل/ فستان .. ده انا هولع فيكي يا ميرا واقفالي تستعرضي قدام الناس

ميرا بدلع / كان نفسي شكلي يبقي حلو و يعجبك اعمل ايه بقي بحبك و نفسي الفت انتباهك 

يزن حب رقتها دي و قرب منها / هو انتي لسه هتلفتي انتباهي .. يا شيخة حرام عليكي ده انا بنهار هنا و الله لتلمي علشان العيلة لسه موجودة بدل 

ميرا بدلع قاطعته في الكلام / لا خلاص هسكت خالص بس ممكن تضحك شوية انت مكشر في وشي من الصبح 

يزن مسك ايديها و باسها / ماشي هضحك بس بقولك ايه هو انتي جعانة ما احنا ممكن نمشي نروح ناكل في الاوتيل حتي محدش هيبصلنا في اللقمة ولا اي رايك يا عسل انت .. حتي بالمره اشوف الفستان كويس

ميرا ضحك جامد بصوت عالي و فاجأه كريم و معاذ قربوا ناحيتهم 

معاذ / يزن عساف عايزك ضروري.. لارا اتخطفت 

يزن قام من مكانه بصدمة / انت بتقول ايه . اتخطفت ازاي .. طب يلا بسرعة انت لسه هتتكلم

و جري يزن هو و معاذ و فهد و خالد و كريم لبيت عساف و ميرا كانت واقفة مصدومة وحزينة علي يومها اللي باظ بس حاولت تداري علي كل اللي موجودين 
______________________________________________

في بيت عساف 😭

يزن كان بيتكلم في التليفون وقفلوا وقعد قدام عساف اللي حالته كانت صعبه قوي وقاله / لو سمحت اهدي .. عساف انا مش قادر اشوفك كده ورحمه جدي لارا هترجع ولا مختار ولا عاصي ولاحد هيقدر يلمس منها شعراية واحده 

كريم / يزن سيب عساف احنا نقعد معاه اتصرفوا انتوا بس اهم حاجه متخليش حد في الاعلام يعرف المصيبه دي

وفعلا خرج يزن وفهد ومعاذ من الكومباوند وقفوا في الشارع  

يزن خبط ايده في العربيه جامد/ انا اللي غبي وحيوان وديتهاله على طبق من دهب وساعدتها انها تهرب معاه

معاذ/ احنا مش هنتكلم دلوقتي في اللي عملته كان صح 
ولا غلط .. يزن انا اللي يهمني ان هي ترجع عساف بيموت بالبطئ 



فهد بعصبيه / عاصي ده ليه اختي مش كده وحياه امه لاحسره عليها و اندمه علي اليوم اللي فكر يعمل كدة 

يزن/ لا يا فهد متدخلش انت في الموضوع انا اللي هجيبها البنت دي هتبقى كارت نضغط بيها على عاصي 
ايه رايك يا معاذ

معاذ حط ايده علي راسه بتعب / عايزني اقول ايه يا يزن 
 انا اخر حاجه كنت ممكن اتوقعها اننا نستقوي علي بنت .

يزن بعصبيه/ طالما دخلوا معانا في حرب يبقى يستحملوها لاخرها معاذ انا وعز هنقلب الدنيا على مختار في اي مكان يخصه وعايزك انت تجيب البنت دي و خد فهد كمان 

معاذ / ماشي .. اخته اسمها وعد تقريبا

و اتفقوا مع بعض و كل واحد راح في اتجاه علشان يلاقوا لارا 

_____________________________________________

في فيلا الحديدي
في اوضة ادهم 

ياسمين كانت واخده ميرا في حضنها / ادينا انا وانت هنقضي اليوم مع بعض 
بقولك ايه يا حبيبتي انا مش عايزاكي تزعلي او تاخدي على خاطرك من يزن بس عساف هو اللي مربيه ولازم يقف جنبه

ميرا/ لا خالص والله مش زعلانه ..انا اللي كنت هقوله يروح بس انا زي اي بنت كنت بحلم يبقي جمبي وكان نفسي ياخدني في حضنه و احسن ان بقي ليا سند بجد بس .. والله ده كان كل طموحي 

ياسمين ابتسمت بفرحه / يا حبيبتي .. هو انت بتحبي يزن للدرجة دي يا ميرا 

بصتلها ميرا واتكسفت وطت راسها / انا ما عرفتش يعني ايه حب الا معاه هو .. بحبه اوي يا طنط اوي بس خايفة من عصبيته المفاجاه دي 

ياسمين ضمتها في حضنها اكتر و قالتلها / اوعي تخافي يا بنتي .. ده انتي الوحيدة اللي هتقدري تروضتي يزن بجد .. يلا بقي ننام ساعتين محدش عارف بكره في ايه 

و فعلا ميرا اطمنت اوي في حضنها و ناموا هما الاتنين مع بعض 

_____________________________________________

في اوضة نغم و خالد ❤️

كارمن قاعدة عمالة تهدي في نغم اللي عمالة تعيط جامد 

كارمن / انا مش فاهمة بتعيطي ليه دلوقتي .. انتي مالك باللي حصل بس يا نغم 

نغم بدموع/ انا غلطانة يا كارمن اني ساعدتها تهرب بس كانت صعبانة عليا اوي انتي مشفتيش حالتها كانت ممكن تعمل حاجة في نفسها زي جميلة



كارمن قربت من امها و حضنتها / طب خلاص انتي كانت نيتك خير .. بطلي عياط بقي وحياتي عندك علشان خاطري انا يا ماما 

نغم حضنتها/ ادعيلها ربنا يرجعها لابوها بالسلامة لارا غلبانة اوي و متستهلش ان كل ده يحصلها .. يارب يا كريم رجعها بالسلامة

كارمن / والله بدعلها ... 

و فضلت كارمن تهدي في امها لحد ما هديت و نامت 

_____________________________________________

قدام فيله عاصي كان في رجاله كتير حرسه الفيلا لكن معاذ وفهد راحوا ومعاهم الجرادات و الحرس و عددهم كان كبير و قدروا انهم يدخلوا الفيلا 

في فيلا عاصي 🙈

وعد كانت بتتفرج علي التليفزيون و هي بتضحك فاجاه سمعت صوت ضرب نار 

وعد بخوف وقفت بعيد عن باب الفيلا و كانت بتبصله برعب /ايه ده ايه الصوت ده يا ماما .. انت فين بس يا عاصي .. يا دادة انتي فين الحقيني والنبي

خرجت تفيده من المطبخ انت كويسه يا ست وعد ..ايه صوت الضرب اللي برا ده 

وعد بعياط / مش عارفة حاجة .. انا خايفة اوي تفكري عمي يكون جاي يعمل فيا حاجة .. انا قولت لعاصي ميسبنيش كدة 

و فاجاه الباب اتكسر و دخل معاذ و فهد و معاهم رجالة كتير و وعد اول ما شافتهم صرخت باعلي صوت و اترمت في حضن الدادة 

فهد بحده / هي دي يا معاذ مش كدة 

معاذ بثبات / اه هي

وقرب فهد من الدادة و شد وعد من شعرها و كانت بتصرخ بعياط 

فهد/ صرخي يا روح ا*مك هو انتي شوفتي حاجة لسه ده انتي نهايتك هتبقي علي ايدي انتي و اخوكي اللي فاكر نفسه دكر .. تعالي 

وعد بعياط / انا معملتش حاجة والنبي سيبني .. والنبي الحقيني يا دادة هيخدوني 

ووقعد وعد علي الارض و هي كانت بتترعش جامد اوي و فهد مسكها من دراعها و كان بيشدها من علي الارض بعنف علشان يخرجها من باب الفيلا و معاذ كان بيبصلها بنظرات شفقه

فهد تعب من جرها في الارض / انتي هتقرفيني ليه يا بنت .. 

و ضربها بالقلم جامد و وعد صرخت .. في اللحظة دي معاذ قرب منهم 

معاذ / اوعي يا فهد متضربهاش .. انا اللي هاخدها يلا اطلع علي العربية . يلا 

وقرب معاذ منها بثبات ومهتمش لدموعها وقومها من على الارض بقوه وشبه شالها على ظهره طلع بيها علي العربية و راحوا لشقة يزن .

________________________________________________

في فيلا مختار اللي في القاهرة 🥰

مختار كان قاعد علي الكرسي و حواليه رجالة يزن و جاردات من عيلة الحديدي

مختار بتريقة / انا مش فاهم ايه لازمة اللي انتوا بتعملوه ده و رجالة و جاردات .. هو انت فاكر ان الجو ده هيعدي بسهولة 

ضحك مختار / انا لو عايز اوديكم ورا الشمس هعمل كدة ..ولا انت مسمعتش عن مختار السيوفي 



يزن بعصبيه/ لا طبعا سمعت عن عره ابن السيوفي الصغير وتاريخه الوسخ اللي انت عارفة و مصر كلها عارفاه
و لو انت فاكرني هسيبك تبقي غلطان ده انا وحياه امي هدفنك صاحي.. و لاخر مره بسالك فين لارا 

مختار بتريقه/ و انا لاخر مره هجاوبك معرفشي . انا مش عارف والله يا باشا مين اللي اداك الاخبار الغلط .. انا مخطفتش حد و اديك اهو بتفتش الفيلا من غير قرار نيابه كمان .. يعني انا بعمل باصلي معاكم 

عز جاله بعد ما فتش الفيلا كلها هو كل الرجالة / يزن مافيش حاجة هنا 

يزن بعصبية / يعني ايه يا عز . ايه الارض انشفت و بلعتها 
ما تدوروا كويس 

مختار ضحك / ريحوا نفسوا مافيش حد هناا و انا راي انادي الخدم يعملولكم طقم ليمون تهدوا اعصابكم . يا حرام انت مش شايف رجالتك بتنهج ازاي 

يزن بغل / ماشي يا مختار .. اه و ابقي وفر الليمون ده لرجالتك اللي مرمية برا زي النسوان و متنساش تشرب قهوة علي رجالتك برضو اللي ماتوا .. يلا يا عز 

و خرج يزن و عم و الرجالة من فيلا مختار اللي كان متغاظ اوي من يزن و الحركة اللي عملها 

و عدي اليوم و محدش كان عارف مكان لارا و يوها بليل مختار عرف انهم هربوا و امر كل رجالته يدوروا عليهم قبل ما عيلة الحديدي توصلها 

________________________________________________ 

تاني يوم الصبح ❤️

في فيلا الحديدي 
كانوا كلهم قاعدين مع همس و بيواسوها و مش عارفين يوصلوا لحاجة و فاجاه لقوا يزن و عز داخلين الفيلا 

كارمن و ميرا اول ما شافوهم جريوا عليهم 

كارمن / يزن طمنا .. ايه اللي حصل لقيتوها 

يزن بتعب / لا لسه .. بس ندور متقلقوش انا طالع اجيب حاجة من فوق و اغير هدومي نازل ..استني هنا يا عز 

و طلع يزن و معاه ميرا الاوضة

كارمن بصت لعز اللي ملامح التعب و الارهاق مرسومة على وشه . قربت منه و حطت ايدها علي كتفه / انت شكلك تعبان اوي .. اعملك قهوة

عز ابتسم بتعب / لا يا كارمن مش قادر اشرب حاجة 
متقلقيش هنلاقيها 

كارمن بخوف / عز ممكن تخلي بالك من نفسك لو سمحت 

عز ابتسم بحب / لو انتي عايزة كدة يبقي عنيا .. علفكرة شكلك كدة احلي من غير ميكب ولا افورة 

كارمن بستغراب ضربته في كتفه/ هو انت فيك حيل تعاكس دلوقتي ده انت موميا يا جدع 

عز مسك كتفه بستغراب / ايه يا بت الصحة دي .. دي ولا صحة يزن

كارمن ابتسم/ لا انا اعجبك اوي لعلمك .. لما اكلمك ابقي رد عليا طمني عليك... او حتي رد برسالة ممكن

عز مسك ايديها بحب / حاضر والله كل ما تتيح الفرصة هعمل كدة ..و انتي خليكي معاهم و ربنا يجيب العواقب سليمة .

في اوضة يزن 😂
ميرا كانت واقفة جمبه و هو بيغير هدومه و ملامح الارهاق طاغية علي وشه و جسمه .

ميرا / يزن انت كويس صح 

يزن / امم .. 

و لبس هدومه و اخد الورق اللي كان عايزه و لسه هيخرج من الباب سمع صوت عياط ميرا .. رجع تاني و بصلها بخوف و ميرا جريت عليه حضنته 

ميرا بعياط / خلي بالك من نفسك يا يزن .. والنبي فكر فيا ان انت لو حصلك حاجة انا هموت وراك 

يزن كان بيطبط علي ضهرها / متخفيش يا ميرا انا هبقي كويس اول ما الاقي لارا ... كفاية عياط بقي انا مش ناقص بالله عليكي 

ميرا خرجت من حضنه / انا اهو كويسة اوي .. يلا اتحرك علشان متتاخرشي 

يزن ابتسم / خلاص كدة بعد ما اخدتي اللي انتي عايزاه مني بتمشيني .. ماشي يا ميرا بس لعلمك بعد كدة مش هيبقي في حضن الا بمقابل 

و قرب يزن و باسها من خدها و خرج من الاوضة و طلع علي بيت عساف هو و عز 

____________________________________________

في بيت يزن 
 كان معاذ و فهد و معاهم وعد بس حابسينها في اوضة 

معاذ بغيظ / اهي طلعت متعرفش حاجه تقدر تقولي بقى هنعمل معاها ايه 

فهد مستغرب / انت بتصدق حوارات الحريم اكيد تعرف فين مكان اخوها يعني انت عبيط يا معاذ و انا هعرف اخليها ازاي تقر بلسانها 

دخل فهد الاوضة عليها و كانت نايمة على السرير و فهد قرب منها و دلع كوباية ماية في وشها و شدها من شعرها و قومها علي السرير 



وعد بخوف/ في ايه .. انا معملتش حاجة

فهد بكره / طبعا معملتيش حاجة بس اخوكي عمل 

وفجاه لقت قلم نزل على وشها بغل/ اخوكي خطفها خطف لارا
 وقلم نزل على خدها التاني / و لحد دلوقتي مش عارفين نوصلها و انتي عاملة نفسك مش عارفة حاجة .. لا انتي مش متخيلة انا ممكن اعمل فيكي ايه 

وعد بصريخ ودموع / والله ما اعرف اي حاجه عنه صدقني .. هو ممكن يكون دخل حياه لارا اه بامر من عمي بس انا مش عارفه حاجه صدقني مش عارف حاجه .. والنبي بقي سيبوني 

فهد بغل شدها من بلوزتها علشان يخوفها منه اكتر لكن معاذ اتصدم و بعده عنها وهو بيتكلم بعصبيه / كفايه بقى كده يا فهد من امتى واحنا بنمد ايديها علي حريم .. و هتوصل اننا نعتدي عليهم 

فهد / اه هتوصل ...و ده من يوم ما عرفنا ناس زي دول ناس ولاد ستين كلب 

وبص لوعد و قالها / وشرف امي اللي اتعمل في لارا ليترد فيكي الضعف .. وهتشوفي 

وبص لمعاذ بعصبيه وقاله / تعالى بقى يا حنين نطلع بره الاوضه اشوف ايه حكايتها معاك 

خرجوا برا الاوضه ومعاذ كان بيزعق لفهد وكانوا بيتخانقوا .. 

_______________________________________________

في بيت عساف .

كانوا قاعدين بيفكروا في اماكن لمختار ممكن يكون مخبي لارا فيها و فاجاه لقوا الباب بيخبط و صقر قام فتح الباب و شاف لارا قدامه و كان شكلها موجع للقلب

صقر بلهفة قرب منها و حضنها / لارا .. انتي كويسة يا بنتي 

لارا بصتله بكسره و دموع محبوسة في عينيها و ووقعت بين ايديه مغم عليها 

_______________________________________________

في المستشفى كان عاصي راح علشان الجرح اتفتح و اتلوث و حالته كانت صعبة و تامر كان قاعد جمبه 

عاصي بتعب / كلمت حد من الحرس عشان يطمني على وعد

تامر/ ممكن تهدى بقى شويه احنا خلاص كلها ربع ساعه ونرجع للفيلا ونطمن بنفسنا

كمل تامر كلامه بهزار وقاله/ بس قول لي انت ازاي عرفت حوار المخبى اللي في الفيلا ده وازاي الباب الخلفي كان فاضي ما عليهوش حرس و العربية مستنية برا .. اي ده مصاحب جيمس بوند يا خواتي 

عاصي ابتسم بتعب وقاله / كنت شاكك فيه وشكي كان في محله بس عمري ما تخيلت ان هو ممكن يفكر يتجوز واحده قد عياله بس كنت حاسس انه ممكن يخلص عليا انا علشان الورث 

علشان كده ظبطت مع اكتر من واحد من الحرس بتوعه و خليت ليا عيون جوا علشان لو حصل حاجه يخرجوني من الفيلا ده اللي حصل 

تامر/ اه عشان كده فهمت حوار المخبا ده 

عاصي بوجع / لا حوار المخبا ده ما حدش يعرف عنه اي حاجه الا انا و عمتي الله يرحمه وواحد كمان 

تامر استغرب / مين ..عمك هي الفيلا دي مش بتاعه مختار

عاصي بوجع وحزن/ لا بتاعه ابويا الله يرحمه الباب هو نفسه مكنش يعرف المخبا ده ..انا عرفته من خالد الحديدي لما كان بيتسحب منه ساعة ما ابويا وصل الفيلا 

تامر بصدمه / خالد الحديدي كان بيسحب منه ليه انا مش فاهم حاجه . وهيعمل كده ليه اصلا

عاصي بوجع / عشان ابويا ميعرفش ان هو كان مع اخته في اوضه النوم وانا شفته بعيني وقتها وساعتها عرفت المخبا و عرفت بعلاقته مع عمتي 

تامر بصدمة / ده بتقول ايه 😳😳

عاصي بوجع / بقولك تاريخ عيلتي المشرف اللي بفتخر بيه يا تامر 
استوووووووووووووووووووووووووووووووووب 

تعليقات



    حجم الخط
    +
    16
    -
    تباعد السطور
    +
    2
    -