أخر الاخبار

رواية خادمة الصقر الجزء الثاني الفصل الاربعون 40 بقلم يوستينا سامي

رواية خادمة الصقر الجزء الثاني الفصل الاربعون 40

 رواية خادمة الصقر الجزء الثاني الفصل الاربعون 40 


في القسم ..

عز بصدمه / ايه اللي انت بتقوله ده يا مراد جريمه قت*ل مين اللي ما*ت .. 

مراد بشماتع / راجل و مراته يخصوك 

عز اترعب من الفكره و قام من مكانه و جري علي مراد و مسك هدومه / لا .. يزن .. يزن مستحيل يموت سامع 

مراد اتخض من هجوم عز الفجائي ده و لاحظ الدموع 
اللي اتجمعت في عينه من مجرد الفكرة

مراد / اهدي يا عز .. انا معرفش فين يزن اساسا بس ام ميرا و جوز امها لاقوهم علي الطريق الصحراوي مدبو*حين 

عز بعد عن مراد و غمض عينيه بوجع و بيحاول يسيطر علي اعصابه و قاله بغيظ / سيبني يا مراد و اطلع برا.. انت ايه 
يا اخي معندكش دم ..اطلع برا 

و خرج مراد برا المكتب و هو مصدوم و بيسال نفسه معقول عز بيحب يزن للدرجة دي .. برغم ان سبب حوارات يزن عز اتجازي في شغله 

في المكتب 🤍
 قعد عز و سند راسه بارهاق و طلع تليفونه و بعت ليزن ريكورد / يزن ابقي كلمني ضروري .. ضروري يا يزن 

و ساب التليفون و سند علي المكتب بتعب / استغفر الله العظيم يارب.

و نزل بعدها عز يعرف تفاصيل الحادثة دي و كان متاكد ان خيري اللي عمل فيهم كدة ووقتها كارمن حاولت تكلمه كتير لكن هو كان سايب تليفونه فمردش .

________________________________________________
في اوضة كارمن 🙊

كانت قاعدة في اوضتها و هي متغاظة / بقي كدة يا عز مش بترد عليا .. طيب ماشي بس خليك فاكرها والله لو كلمتني تاني ما هرد عليك يا عز 

و رمت كارمن التليفون علي السرير بقلق / طيب ما يرد عليا يطمني بس عليه و بعد كدة يقفل .. ليه يا عز مصمم تخوفني عليك كدة 

وبدات ترن تاني كارمن لانها كانت حاسه فعلا ان عز تعبان لحد ما اخيرا رجع مكتبه ومسك تليفون ورد عليها

عز بتعب / ايوة يا كارمن

كارمن بعصبيه/ هو انت تكلمني وقت ما تحب ووقت ما انا اكلمك عشان اطمن عليك تذلني كده طب على فكره انا مش هكلمك تاني ومش عايزه برضو اعرفك ثاني

عز بصوت مرهق / كارمن اهدي والنبي انا تعبان اوي 
و مش قادر علي زعيق 




كارمن قلقت عليه جامد وقعدت على السرير بخوف انت كويس صح في حاجه حصلت في الشغل

 عز / اول مره اعرف ان يزن غالي على قلبي كده جالي معلومه من شوية انه ممكن يكون اتاذي حسيت ان الدنيا بتلف بيا و كاني خسرت اخويا

كارمن بخوف/ يزن حصله ايه يا عز 

عز / متخفيش .. هو كويس و الموضوع ميخصهوش 
بس انا من ساعتها اعصابي سايبة اوي و قلقان 

كارمن اخذت نفسها براحه وقالتله / طالما كويس ليه قلقان يا عز اهدى ولا اقولك حاول تروح ترتاح شويه انت شكلك تعبان قوي 

عز / انا كويس ما تقلقيش بس انتي ايه اللي مصحيكي لحد دلوقتي

كارمن بحراج / كنت عايزه اطمن عليك الاول وبعدها هنام انت بقيت كويس صح

عز ابتسم / اهو كويس يلا خشي نامي تصبحي على خير .

وقفل عز معها تليفون وبص للتليفون بحب / اعا يااما امتي يجي اليوم اللي يتقفل عليا انا و انتي باب يا كارمن

______________________________________________

في المركب 🌺

ميرا كانت نايمة في حضن يزن في الاوضة و فاجاه قامت من نومها مفزوعة و هي حاطة ايديها علي قلبها 

يزن بخضة / في ايه يا ميرا .. مالك انتي كويسة. اي ده هو انتي بتترعشي كدة ليه يا حبيبتي

ميرا بصتله و الدموع مالية وشها / مش عارفة يا يزن 
قلبي مش مطمن خالص .. انا خايفة اوي 

يزن قرب منها و باس راسها / معقول تخافي و انتي معايا يا حبيبتي.. تعالي في حضني تلاقيكي بس حلمتي بكابوس 

ميرا مسكت جامد فيه و بدات تتكلم بعياط / لا مش كابوس .. يزن وحياتي عندك تعالي نرجع تاني . انا خايفة اوي قلبي مش مطمن 

يزن و هو بيطبطب عليها / نرجع ايه بس ما احنا كدة كدة هنرجع بعد يوم .ميرا اهدي انا مش فاهم ايه سبب عياطك بهستيريا كدة .. حصل ايه لكل ده 

ميرا قربت و اترمت في حضنه و كانت بتتنفض بخوف لدرجة انها صعبت علي يزن جدا و حاول انه يحتاويها 
و اخدها علي سطح المركب و قالها اول ما الفجر يطلع هيتحركوا في طريق الشاطئ 

علي سطح المركب ✨
ميرا و هي نايمة في حضن يزن و هو مغطيها بالشال بتاعه ..

يزن بحب باس راسها / ها حاسة باي دلوقتي هديتي صح 

ميرا بصتله بخوف / انا مش ههدي الا لما نرجع تاني 

يزن ضمها ليه اكتر / هنرجع يا حبيبتي والله لنرجع

ميرا بصت ليزن بخوف و اتكلم بصوت حزين

ميرا / يزن انا هدخل الحمام .. ممكن تيجي معايا  

يزن/ تعالي يا ميرا .. قومي انا معاكي اهو متخفيش

و نزل معاها تحت واول ما دخلت الحمام طلع يزن تليفونه
 واتفاجاه بالريكورد بتاع عز و ده خلاه يقلق شوية لكن مبينشي قدام ميرا و بعت لعز يفهم منه الحكاية ..




_____________________________________________ 

تاني يوم الصبح 🌄

في اوضة جميلة كانت واقفة عمالة تنقي طقم حلو تلبسه علشان أدهم و جايبة كارمن علشان تساعدها 

جميله بلهفه / ها ما قلتيش ايه رايك في الفستان الاحمر ده ولا الفستان البينج ولا الازرق هو بيحب اللون ده اوي عليا 

وبصت على كارمن لقيتها قاعده على السرير ونايمه جميلة اتغاظت جدا و زقتها بغشوميه / هو انتي جايه عشان تنامي ..قومي بقي نقي معايا حاجة البسها 

كارمن / ايه يا بنت الغشوميه دي ما بالراحه شويه بدل ما اقوم اتحول عليكي .. وبعدين ادهم بيغير عليكي يا اختي متلبسيش حاجة عريانة اوعي البسيله مقفل .. يلا تصبحي علي خير

جميله /طب اقسم بالله يا كارمن لو ما قمتي دلوقتي لحميكي بالميه دي كلها قومي يا بنت ..

كارمن بتعب/ انا مش فاهمه حب ايه ده اللي من الساعه 7:00 الصبح .. ما نصحي الضهر عادي و ريني بقي هدومك علشان نتنيل ننقي

وبدات كارمن تنقي مع جميله الهدوم ونقتلها سالوبيت لونها بيج فاتح في اسود وكانت عليها تحفه و بعدها نزلت مع معاذ علشان يروحه لادهم علشان يجيبوه من المطار زي ما اغلب العيلة عارفة

________________________________________________

في البيت عز 😚

كان واقف بيغير هدومه في اوضته وحنان واقفه جنبه و بتقوله / يا ابني طب فهمني بس رايح فين وانت وشك مقلوب كده 

عز / زين كلمني وقالي ان هما راجعين فانا هروح استناه.. ربنا يستر بقي ..عارفه انا مش عارف اتلم على اعصابي
 من امبارح بالليل من ساعه ما مراد الزفت دوت لمح ان يزن ممكن يكون حصله حاجه

حنان / انا مش عارفه انت ليه ربط الناس اللي ما*توا بيزن ومراته يا ابني ولا انت غاوي توجع قلبك 

عز /يا ماما انتي ما شفتيش نظره الشماته اللي كانت في عين مراد وكانه جاي يغيظني وبعدين طالما يزن كويس هو شمتان ليه في ام ميرا وجوزها اقطع ذراعي لو ما كانش هو عارفهم معرفة شخصية 

حنان / استرها يارب .. عموما خلص هدومك وانا هعملك كوباية قهوة تساعدك تفوق شوية.

وشىب عز القهوه وراح المكتب يستنى يزن وهو حاسس
 ان الليله دي مش هتعدي على خير .

____________________________________________ 

في الغردقة 🏄
عز راح يجيب يزن من هناك و اتفاجاه بشكل ميرا و اعتقد انهم عرفوا الحقيقة وعز اول ما شاف يزن جري ناحيته بفرحة و حضنه جامد اوي
لدرجة ان ميرا استغرب و يزن اتصدم 

يزن بستغراب / انت اهبل يلا ولا ايه.. انت شارب حاجة
 يا عز .. اوعي ابعد عني 

عز بعد عنه بعد ما يزن زقه جامد وكان مبسوط قوي 
وقاله / ايه يا عم وحشتني .. مش متعود تغيب عني يومين .. دايما وشك في وشي 

يزن / ولا عز انا كده بقيت اشك فيه خد بالك .. ابعد عني
 انا مش ناقص هبل 

ميرا بخوف بصت للعز وقالتله / بقولك ايه هو في خلال اليومين دول حصل اي حاجه .. لاونكل كريم او طنط ياسمين .. عيلة الحديدي مثلا 




عز بص لميرا اللي كان وشها مخطوف وكان قلبها حاسس
 و قالها/ لا ما فيش اي حاجه اطمني .. يزن عايزك في حاجة تبع الشغل 

يزن ركب ميرا العربيه وراح مع عز بعيد شويه وقاله/ ايه حكايه الرساله اللي انت بعتهالي دي.. في ايه يا عز .. في حاجة حصلت مش كدة .. لارا 

عز قاطعه في الكلام / بس اهدى انا اتكلمت مع معاذ وهو طمني على لارا ما تقلقش الموضوع يخص ميرا
امها وجوزها لقوهم مذبو*حين على الطريق الصحراوي واضح ان خيري بدا يتخلص من كل الناس اللي مش عايزهم 

يزن في اللحظه اتصدم وبص ناحيه العربيه اللي فيها ميرا بخوف وقال / ازاي .. قت*لهم اه يا ابن الكلب 
يبقى اكيد بيحاول يلاقي ميرا عشان ياذيها بس انا وحياه امي عندي ما هخليه يلمس شعره واحده بس منها

عز / سيبك من الفكره دلوقتي يا يزن ميرا لو عرفت هتتوجع قوي دي مهما كانت مامتها اديك شايفه حالتها عامله ازاي وكان قلبها حاسس

يزن بصله باستنكار / قلبها يحس بمين لا مؤاخذه وام مين وقرف مين ماتغور ولا تولع ميرا مش غبيه عشان تفكر في واحده وس*خة زي دي .. دي باعتها وسمحت لواحد انه بيعتدي عليها ..انت عبيط يا عز

عز / يا يزن انا عارف كل الكلام اللي انت بتقوله ده بس هتفضل امها صدقني ميرا غلبانه قوي علشان كده الاحسن ليك انها متعرفش

يزن / لا لازم تعرف عشان تخلي بالها وتعرف ان من فتره الجايه هي مش هتخرج بره البيت . بس مش دلوقتي ..
 يلا علشان عايزين نوصل بدري 

وعز ويزن ركبوا العربيه ويزن بدا يسوق في طريقهم الى بيت كريم .

______________________________________________
في المصحه 🤯

جميله راحت لاوضه ادهم ومعاذ راح عشان يتمم باقي الاجراءات بتاعه خروجه

دخلت جميله واتفاجئت ان هو كان قاعد ولابس تيشرت اسود وبنطلون جينز و كان شكله مرهق شوية بس احسن بكتير من الاول واول ما عينيها جات في عينه مقدرتش تتحكم في مشاعرها و جريت عليه تترمي في حضنه و هو شالها بحب و دفن رأسه في رقبتها مكنش مصدق انها بين ايديه خلاص 

جميلة بدموع / وحشتني اوي يا ادهم .. مش مصدقة انك خلاص هتروح معايا بقي 

ادهم / لا صدقي و هتشوفيني كل يوم لحد ما تزهقي كمان كفاية عياط بقي انا مش بحب اشوف دموعك دي بتضايقني

جميلة بعدت عنه و مسحت دموعها / لا انا مش هعيط تاني ابدا .. يلاا معاذ برا تعالي نروحله 

ادهم ابتسم و بصلها باعجاب / ايه القمر ده .. هو انتي بتحلوي كل مره ازاي كدة .. هتعملي فيا ايه تاني يا جميلة 

جميلة ضحكت و قربت منه و اتكلمت بدلع / كل خير يلااا 

و شدته من ايده و خرجته من الاوضة و لقه معاذ اللي استقبله بحب و رجعوا تاني علي الفيلاا 

______________________________________________ 

في فيلا الحديدي 💪

فهد كان بيجهز عشان يطلع على الشركه ونسمه كانت واقفة جمبه تساعده وبتقوله / مش انت قلت امبارح ان انت هتاخد اجازه اسبوع ..غيرت رايك ليه 

فهد ضحك وهو بيلبس الجزمه وقالها / انا كنت بهزر امبارح اسبوع ايه ده انا لسه بتعلم ..اه صحيح انا كلمت معاذ وهو قالي انه هيشرحلك كل حاجه فاتتك علشان الامتحانات قربت 

نسمه بستغراب / يشرحلي لوحدي طب وانت 
مش معقول يعني تسقط السنه دي كمان

فهد وهو بيعدل هدوم قدام المرايه/ صدقيني مش بفكر دلوقتي خالص في الشهاده على قد ما بفكر اني اثبت نفسي في الشغل وبعدها الشهاده المهم متتحركيش كتير و ارتاحي و لو حصل اي حاجه ابقي كلميني .. اتفقنا 

و قرب فهد و باس راسها و خرج برا الاوضة علشان يلحق يروح الشركة و بعدها بحوالي ساعة دخل ادهم الفيلا و هناك صقر اتعامل و كانه ميعرفش حاجة و رحب

خالد كان بيحضن ادهم جامد وبيقوله /حمد لله على السلامه يا باشا وحشتني كل دي غيبه هونا عليك يلا

ادهم بحب /والله العظيم ماهونتوا .. حقكم عليا ده انا والله كنت بعد الايام عشان انزل مصر

جميله حبت تلحق الموقف وقالت لخالد/ بقولك ايه بقى يا عمو احتفالا برجوع ادهم بالسلامه اي رايك تعملنا كيكه من اختراعاتك الروعه 

كارمن بصتلها بغلاسة/ احبك وانت بتعزمي من جيبك ..
 ده ابويا انا وانا اللي اطلب منه مش كدة يا خلود 

و سندت كارمن علي كتف خالد بغرور لكن خالد زق ايديها 
و قالها بغلاسة / لا يا اختي مش كدة .. و نضفي قلبك شوية يا بت يا حقودة انتي جميلة حبيبة عمها تطلب اللي هي عايزاه و انا هنفذه ليها .

نغم بشماته طلعت لسانها لكارمن / احسن تستاهلي علشان دايما بتقفي في صفه ضدي يا بنت ابوكي 

كارمن اتغاظت اوي و غارت علي خالد لانها متعلقة بيه جدا
 و قالت / بقي كدة .. ماشي يا خالد بس خليك فاكرها

صقر ضحك و قرب من كارمن و حضنها / اوعي تزعلي نفسك انا هخدلك حقك منهم كلهم .. دي عالم غلسة 

خالد ضحك و دخل المطبخ و اخد نغم معاه تساعده 
______________________________________________

في شركة الحديدي 👀

فهد كان بيكلم رئيس قسم المبيعات بعصبيه / يعني ايه يا استاذ عصام عايز ترفد الموظف لمجرد انه اعترض على حاجه في خطه العمل وطلب ان هو يتناقش معاك

عصام وقف يتكلم بتناكة / يا فهد باشا ده شغلي و انل اتعينت هنا بامر من صقر باشا بنفسه و اظن هو عارف قدراتي كويس قوي وعارف اني عمري ما هسمح لموظف ما يسواش حاجه انه يتدخل في شغلي

فهد اضايق جدا من طريقه عصام في الكلام وقاله / اذا كان صقر الحديدي بذات نفسه خلى ابن اخوه الصغير هو اللي يدير معاه الشركه مش هيسمح لحتة موظف زيك انه يسمع لموظف تاني في الشغل 

عصام قام وقف من على الكرسي وقال لفهد بحده / اسمع انا ما اقبلش ابدا طريقه الكلام دي ولو انت ما تعرفنيش اسال عليا اي حد هنا لانك لسه تحت التمرين و شكلك معندكش خبره في الشغل 

في الوقت ده دخل كريم المكتب وقاله/ شكلك انت اللي ما تعرفش مين فهد الحديدي وكان المفروض قبل ما تدخله مكتبه تسال كويس وتعرف انك مش مسموحلك تتكلم بالطريقه دي معاه مهما كان فرق السن او الخبره

 احنا متشكرين جدا يا استاذ عصام على خدماتك وخبرتك طبعا تقدر تعدي على الحسابات عشان النهارده هيبقى اخر يوم ليك في شركة الحديدي ومع توصيه من عيله الحديدي مخصوص انك تقعد في البيت لحد ما نتعلم الادب والاحترام اتفضل .. اتفضل

 بصلهم عصام بغيظ وخرج من المكتب وفهد كان متضايق جدا من طريقه الحوار وبص كريم وقاله / كويس انك جيت انا كنت هضربه ده راجل مستفز ومعندوش لا احترام ولا ادب ايه الاشكال اللي بيجيبوها دي

كريم ضحك / انت عارف ان صقر هيتضايق جدا ان عصام مشي ..احنا استحملناه كتير جدا باسلوبه اللي زي الزفت ده مع الموظفين عشان بس شغله لكن طالما تجاوز حدوده معاك يبقي في داهية

فهد / ربنا يستر بس وصقر ما يقلبش عليا بس والله يا كريم انا عملتله حاجه ده داخل المكتب بقمه التناكه وبيقولي الموظف ده لازم يترفد عشان بيناقشني في الشغل ... ايه ده
ده على كده بقى خالد المفروض كان يقتلني ده انا مش بعمل حاجه غير اني بناقشة 

كريم ضحك / معلش معلش بكره هتتعود على اسلوب الشغل والموظفين كمان بس انا عايزك الشخصيتك تبقى اقوى من كده عايزك تسيطر وماتخليش حد يرفع عينه فيك انت صاحب الشركة دلوقتي 

________________________________________________

في بيت كريم 🔥

ياسمين بتحضن يزن و ميرا/ حمدلله علي السلامة يا حبايبي. قولولي عملتوا ايه بقي اتبسطوا 

يزن بارهاق / اه يا حبيبتي.. عز استناني هنا اغير هدومي 
و اجيلك .. ميرا تعالي معايا في موضوع عايز اقولك عليه 

عز / يزن بلاااش .. اسمع مني و تعالي نروح المكتب 

يزن/ بس يا عز .. يلا يا ميرا تعالي 

و مسك يزن ايديها و دخل الاوضة و قفل الباب و كان مصمم انه يواجها و خصوصا انه كان نفسه يشوف رد فعلها علشان ياكد لنفسه أن ميرا عمرها ما هتحن لامها ابداااا 

ياسمين بصت لعز /. في ايه يا ابني .. هو في حاجة حصلت 

عز / للاسف اه .. اهلها ماتوا و يزن مصمم انه يصارحها و انا بصراحة كدة مش متفائل لان ابنك غشيم اوي يا طنط . ربنا يستر 

______________________________________________ 

في الجامعة.
معاذ خلص محاضرته و كان بيحط اللاب بتاعه في الشنطة
 و سمع حد بيقوله مساء الخير

معاذ / مساء ..

و رفع راسه و شافها و هي في كامل اناقتها اللي دايما بتخطف نظره بيها و كانت لابسة فستان رقيق اسود و فوقه جاكيت جينز و سرح معاذ معاها

سيلين / احم معاذ انت مركز معايا انا بكلمك 

معاذ مسك شنطته في ايده و بصلها بغيظ و قالها / و انتي جاية و مكلفة نفسك علشان تمسي عليا ..لا يا ستي مش عايز من وشك حاجة ..

سيلين / انا عارفة اني كنت غلسة بس والله انا مش مغرورة

معاذ / هااوو انتي فاكراني هيضحك عليا تاني .. جاية تتكلمي معايا فاقوم مديكي الأمان فتهزقيني تاني خلاص انا فهمت الحالة و مش هتخدع في البرائة دي 

سيلين ضحكت اوي/ انت دمك خفيف اوي يا معاذ بجد خلاص وعد مش هزعقك تاني .. ينفع اعزمك علي حاجة
 في كافيه .. ممكن  

معاذ استغراب/ ايه يا بنت الجراءه اللي انت بتتكلمي بيها دي .. ايه مش ههزقك تاني ده انتي مستفزه قوي بقولك ايه امشي يا ستي الله يسهلك 

سيلين / حتى لو قلتلك اني نفسي قوي اشوف عمو صقر واشوف جميله وكارمن 

معاذ استغرب / ايه ده هو انت تعرفيهم يمكن عشان باباكي كان صاحب بابا الله يرحمه ما انا سمعت عنه ابراهيم العزازي

سيلين بحزن / ايوه فعلا بابا كان صاحب اونكل صقر قوي وكان بيعزه وبيعتبره من اكثر الرجال الاعمال المحترمين والمفروض انا وانت كنا اصحاب يعني ده لو فاكر 

معاذ استغرب وبصتلها بندهاش / انا وانتي كنا اصحاب ده ازاي يعني 

سيلين ابتسمت وقالتله / انا اللي جيت عندكم قبل كده الفيلا وانت لعبتني بعجله كارمن وجيت عيد ميلادك وغلست عليك يومها و وقعت التورتة علي هدومك و بعدها علطول سافرت مع امي ..اي لسه مش عارفني 

معاذ كان واقف مصدوم ومش مصدق انها رجعت تاني بعد السنين دي كلها لانه سال عليها كثير بس مكنش حد يعرف عنهم حاجة لحد ما هو نسيها اساسا 

معاذ ضحك / انتي بتتكلمي جد انا كنت حاسه اني اعرفك بس كدبت نفسي و شبهت علي اسم والدك اكتر من مره بس .. 

سيلين قاطعته / هااا موافق نروح نشرب اي حاجة في اي مكان ولا لسه قلقان مني 

معاذ حط ايده على وشه وهو بيضحك ومش مصدق من المفاجاه وقالها/ هو المفروض لما افتكر اللي انتي عملتيه فيا من 10 سنين يوم عيد ميلادي اخاف منك برده يا سيلين . يا بنت اللزينة انتي وحشتيني اوي علفكره 

سيلين اتوترت و معاذ حس بقلقها دوت وانه تسرع لما قال الكلمه ديت وقالها / طب يلا نروح على كافيه بس انا اللي هعزمك 

واخدها معاذ وراحوا كافيه قريب من الجامعه وقعدوا يتكلموا مع بعض ومعاذ كان مبسوط جدا وسيلين كمان

في الكافيه

 معاذ / ايه رايك بقى في الكافيه ده علشان تعرفي بس ان ذوقي جامد ...قوليلي بقى ليه من ساعه ماشفتيني وانت بتكرهيني برغم اني ما عملتلكيش حاجه والله 

سيلين /انا عمري ما كرهتك بالعكس كنت طول الوقت بسال بابا عليك واقوله نفسي اشوفك واروح العب معاه
 انا مكنش عندي صحاب فكان صعب انساك يا معاذ

معاذ/ يا خرابي علي الرقة .. اومال كانت فين الفتره اللي فاتت دي كلها يا طنط 
على فكره انتي لازم تيجي معايا الفيلا علشان صقر يشوفك عساف قالي ان هو هيفرح قوي .. قولتي ايه وما تخافيش والله ما هعملك حاجه

سيلين ابتسمت / وانا والله ما خايفه منك كفايه انك ابن صقر الحديدي والدك هو البني ادم الوحيد اللي ابويا كان بيثق فيه

معاذ ابتسم و مد ايده و مسك ايديها / و انتي بتثقي فيا ولا لاء فاكره يوم العجلة قولتيلي انك واثقة فيا 

سيلين سحبت ايديها بكسوف / اممم فاكره... وقتها كنا اطفال يا معاذ .بقولك ايه انا لازم امشي علشان جدتي
 و المره الجاية نبقي نظبط ميعاد اقابل اونكل صقر 



معاذ / ليه الغلاسة دي ما احنا كنا قاعدين .. طب ده حتة اول مره منتخانقش مع بعض 

سيلين ضحكت / معلش مره تانية .. هنعوضها اكيد باي 

وخرج معاذ مع سيلين عشان يوصلها لحد باب العربيه 
____________________________________________

في اوضة يزن 

ميرا / يا يزن قولي في ايه .. علفكره انت كدة بتوترني اكتر و انا بجد مش ناقصة 

يزن / لا متقلقيش .. بصي يا ميرا امبارح بليل لقوا جثت*ين علي الطريق الصحراوي مدبو*حين و لما دوروا علي اصحابهم طلعت امك و جوزها و هما دلوقتي في ...

و قبل ما يكمل يزن كلامه كانت ميرا بتصرخ بعلو 
صوتهاااا / لااااااا .. اكيد محصلش كدة .. لا يا يزن متقولش كدة بالله عليك 

و فاجاه يزن لقي ميرا قدامه واقعة علي الارض و عمالة تلطم و تصرخ و بتضرب نفسها بجنون / انا السبب... انا السبب في مو*تها ... لااااا يا يزن قولي انها عايشة... ياريتني كنت اتجوزت خيري ياريتني سبته يعمل اللي هو عايزه 

يزن اتصدم من رد فعلها لدرجة انه وقف قدامها و شدها من ايديها بقوة و عمل ....

تمتلك مدونه دار الروايه المصريه مجموعة 
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
 واستمتع بقراء جميع الروايات الحصرية والمميزة

تعليقات



    حجم الخط
    +
    16
    -
    تباعد السطور
    +
    2
    -