رواية معلمة من الصعيد الفصل الثاني والاربعون 42
في المدرسة في مكتب موده قاعدة بتفكر في الرسالة
موده: مش غريب الموضوع ده شوية اشمعنا ياخد الشباب بس ليه احنا لا ليه مش عايزين اي بنت و ليه كانوا بيعملوا غيث حلو كده و يدخل عز
عز: موده
موده: نعم
عز: سرحانة في أي
موده: بفكر في ام الحوارات دي
عز: في حاجة غريبة يا موده
موده: حاجة واحدة حاجات حاجات
عز: في حاجة مهمة جدك كان مختفي مع غيث ازاي كان جاي معكم
موده: اي ده ثواني هو جدو مكنيش عندكم جوا و طلع عشان ياخد معنا
عز: مش فاهم
موده: احنا لقينا جدو قدام الفيلا واقف و قال إنه كان منتظر هنا لما عارف اننا جاين عشان يطمن علينا أنا صدقت كلامه لما لقيتكم محدش قام يطمن عليه
عز: لا مكنيش جوا أنا كنت داخل قبلكم بعشر دقائق مكنيش في حد اساسا
موده: بسم الله ما جدك جيه ازاي
عز: مش فاهم و مش عارف و يدخل سليم
سليم: السلام عليكم
:وعليكم السلام
عز: تعال يا جدو أقعد
سليم: تمام يا بني عاملين اي ولاد
عز: الحمدلله
سليم: و انتي يا بنتي عاملة اي
موده: الحمدلله
سليم: اي بقي مش ناوين تفرحوني بطفل صغير كده يارب تكون الشقة بتاعت هيام عجبكم
عز: رينا يسهل يا جدو اه الشقة جميلة
سليم: طيب الحمدلله
موده: بس احنا هنمشي في أي اقرب وقت
سليم: تروحوا فين
موده: نرجع شقتنا
سليم: اه تمام قولت هتمشوا فين استغربت انتوا بس اقعدوا اليومين دول في الجناح لحد ما نعرف مين دول و بعد كده أمشوا براحتكم و يلا يا بنتي فرحني بطفل صغير
موده: حضرتك عارف اني ماجلة موضوع الاطفال فترة كنت اتكلمت مع حضرتك في الموضوع ده قبل كده اني مش عايزة اطفال دلوقتي نسيت ولا اي
سليم: اه اه افتكرت معلش يا بنتي السن بقي يلا بعد اذنكم و يقوم يمشي و تقوم موده تتأكد أنه مشي
عز: ماجلة موضوع الاطفال أنا جيت جنبك اساسا
موده: عز ده مش جدو
عز: نعم يا اختي
موده: اقسم بالله طيب بذمتك أنا اتكلمت مع جدو قبل كده في موضوع الاطفال اساسا بالعكس أنا كنت بقوله اني عايزة أطفال كتير الراجل ده مش جدو
عز: بس يا موده انتي بتقولي ده جدك شكله و كل حاجة
موده: صدقني ده مش عارف علينا حاجة و لا حتي الاسماء مش لحظت
عز: بس امبارح كل واحد يقعد في اوضة مين و عارف الغرف و الاسماء انتي بتقولي اي بس
موده: طيب انا عمري ما اتكلمت معه في موضوع الاطفال و كمان حاجة جدك بيتكلم عادي كاني مفيش حاجة عكس قبل كده و ازاي بيقول ارجعوا شقتكم براحتكم جدك حتي لو اتغير هيفضل ورانا لحد ما نرجع الجناح الشخص ده مش هو صدقني
عز: احنا شكلنا في خطر
موده: و خطر كبير اوي فين جدو
عز: محدش لازم يعرف الموضوع ده
موده: تمام
عز: أنا هروح عندي حصة و خلي بالك من نفسك
موده: تمام اتفضل و يخرج عز
موده: اي فليم الرعب اللي انا فيه ده و الباب يخبط
موده: ادخل
تامر: صباح الخير
موده: صباح النور يا مستر تامر اتفضل
تامر: كنت عايز حضرتك في حاجة
موده: اتفضل اتفضل يا مستر تامر سامعك
تامر: أنا كنت عايز اتقدم ليارا
موده بصدمة: نعم
تامر: عايز اتجوز يارا قولت اطلب من حضرتك تكلمي والدك عشان اجي
موده: حضرتك مستوعب انت بتقول اي يارا بنت ١٨ سنة و حضرتك ٣٠ انت بتهزر
تامر: السن مش مهم و انا هخليها تكمل تعليم
موده: يا استاذ تامر يارا صغيرة و غير كده مستحيل تتجوز دلوقتي
تامر: أنا سمعت انها هتتجوز جاد
موده: ده كلام هزار و حتي لو جدا اظن جاد مناسب ليها فرق السن كبير يا استاذ تامر حضرتك عايز عروسة تكون في العشرين كده و بعدين معلش أنا سمعت اني حضرتك متجوز قبل كده
تامر: اه اتجوزت مرتين
موده: والله و جاي تطلب اختي اللي الصغيرة و هتكون اول جواز ليها انت بتهزر
تامر: افهم من كده انك رافضة
موده: اكيد و مستحيل حد يوافق من اهلي اساسا اتفضل علي شغلك يا استاذ تامر
تامر: تمام يا موده لينا كلام كتير و يمشي
موده: هي ناقصك انت كمان اي القرف ده
*****
في مكتب تامر تدخل رويدا
رويدا: تامر تامر
تامر: عايزة اي يا رويدا
رويدا: اللي انا سمعته ده صح
تامر: سمعتي اي
رويدا: انك عايزة تتجوز يارا
تامر: اه و انتي مالك
رويدا: مالي ازاي انت مش بتحبني
تامر: احبك طيب صل علي النبي احبك اي انتي فترة و خلصت
رويدا: انت بتقول اي
تامر: يلا من هنا عشان احنا في مدرسة
رويدا: في مدرسة انت كنت بتقولي انك بتحبني أنا أنا
تامر: فترة و خلصت و انتي الي هبلة
رويدا: أنا هفضحك قدام المدرسة كله يا حيوان
تامر: طيب تعالي شوفي الفيديو يمكن تغيري رايك
رويدا: فيديو اي و تاخد الموبايل
رويدا: ده ده مش انا
تامر: ده في بيتكم يا ماما فوقي
رويدا: انت عملت كده امت مستحيل اقسم بالله مستحيل
تامر: مستحيل اي الفيديو قدامك و في بيتكم و في اوضتك اي انشر الفيديو و نشوف مين اللي يفضح مين
رويدا: انت حيوان و كلب أنا عمري ما هسيبك
تامر: أن شاء الله يلا من هنا بقي و تخرج رويدا و بتعيط
ماهر: رويدا مالك
رويدا: مفيش
ماهر: انتي جاي من عند تامر و بتعيطي كده ليه
رويدا: اي لا مفيش حاجة حاجة دخلت في عيني بس
ماهر: رويدا هو عملك حاجة
رويدا عيطت
ماهر: ردي عليا حصل اي
رويدا: مش قادرة
ماهر: طيب تعالي في مكتبي
*****
في فصل جاد
يوسف: الفصل وحش من غيركم يا موسي انت و جاد اوي
مروان: جدا والله
تيا: البت رويدا اتاخرت كده ليه
فيروز: مش عارفة هي فين
يارا: قالت هتروح تجيب حاجة و تجي
فيروز: هي غرام مش بتجي بقالها يومين ليه
ايات: تعبانة شوية
يوسف: تعبانة مالها
ايات: في مشاكل بين أهل و هي تعبانة
يوسف: طيب احنا لازم نروح نشوفها
امجد: تروح فين
يوسف: اشوفها
وائل: يوسف أهلها صعبيين اوي لو حد فينا راح هيحصل مشكلة ليها البنات يروحوا و نطمن عليها احنا
يارا: تمام بنات نروح انهاردة بعد المدرسة
خلاص: تمام موافقين
موده: قاعدين كده ليه
يوسف: عادي فينكم المدرسة بقيت غريبة اوي
موده: جدا يايوسف
يوسف: اظن الافراح خلصت نشوف موضوعنا بقي
موده: اظن ده مش مكان مناسب نتكلم عندي في الجناح بكرة بليل كلكم تكونوا موجودين
وائل: كلنا كلنا
موده: اه كلكم و يلا عشان نبدا الحصة
*****
في مكتب ماهر
ماهر: ممكن افهم في أي طالعة بتعيط من عند تامر ليه
رويدا: أنا أنا
ماهر: احكي بدون كسوف و افتكري اني اخوكي الكبير و متخافيش أنا هتصرف
رويدا: الفيديو اللي مع تامر لو واصل لاهلي هيموتني يا مستر
ماهر باستغراب: فيديو اي
رويدا: اني انا و انا و هو أنا أنا
ماهر: أنا مش فاهم ياريت توضحي
رويدا بعيط: مش عارفه اقولها
ماهر: انتي قصدك انك انتي و هو يعني اللي انا فهمته
رويدا: اه
ماهر: نعم انتي بتهزري
رويدا: اقسم بالله ما اعرف ده حصل ازاي و الله العظيم أنا عمري ما خليته يقرب مني حتي ازاي ده حصل
ماهر: هو كان بيجي البيت عندكم
رويدا: اه عشان الدرس بس علي طول خالو مهدي معنا ازاي ده حصل أنا مش عارفة أنا مش فاكرة اس حاجة والله صدقني يا مستر مش عملت كده
ماهر: طيب اهدي اهدي في حل باذن الله
رويدا: حل اي ده لو حد شاف الفيديو
ماهر: هو انتي شوفتي الفيديو كامل يعني هو اقرب منك
رويدا: أنا شوفت لحد ما كنت علي السرير و بعد كده اخد مني الفون
ماهر: بس يبقي مفيش حاجة حصلت و هو كداب متخافيش بيعمل ده كله عشان مش تقولي لحد
رويدا: بجد
ماهر: اه اهدي كده دلوقتي أنا هتكلم رحاب عشان تاخدك و تروحوا الدكتور بتاعها و نتأكد
رويدا: ماشي بس بالله ما حد يعرف تاني
ماهر: صدقني محدش هيعرف أنا لو كان ينفع اروح معكي العيادة كنت روحت بس لازم ست تكون معكي عشان كده هكلم رحاب و اجي اوصلكم يلا تعالي معايا
رويدا: أنا خائفة اوي
ماهر: متخافيش أنا معكي يلا بينا
عز: ماهر بقولك اي مالك يا رويدا
ماهر: مفيش حاجة تعبانة شوية و لقيتها واقفة تعبانة قولتلها تعالي عندي المكتب بدل ما تقع و دلوقتي هروح اوصلها بيتهم
عز: الف سلامة عليكي تمام تحب اوصلها و تقعد انت
ماهر: لا خليك بس خلي بالك من مراتك الخطر عليها كبير
عز: تمام خير باذن الله الف سلامة عليكي يا رويدا
رويدا: الله يسلمك
ماهر: يلا يا رويدا
رويدا: يلا و يمشوا
عز: في حاجة غريبة
*****
فيلا سليم في جناح عز و موده
غيث: منورين و الله
رحاب: بنورك يا اخويا
بيري: رحاب معلش ممكن تجيبي المخدة دي
رحاب: تمام يا حبيبتي اتفضلي
بيري: معلش تعبتك معايا
رحاب: ولا تعب ولا حاجة و بطلي هبل
غيث: هو مفيش حد في البيت ده
رحاب: الكل في المدرسة و الستات كلهم تحت
غيث: و انتي قاعدة ليه مش في المدرسة ليه
رحاب: تعبانة قولت اقعد انهاردة
غيث: لا الف سلامة عليكي بسرعة بقي عشان عايز الطفل ده يكون ولد و يكون اسمه غيث كمان
بيري: يا بني اسكت شوية
غيث: الله بتكلم معها أنا هنزل اتمشي شوية
بيري: اهمد يا غيث الدكتور قال تقعد بلاش الحركة الكتير
غيث: هروح اشوف جاد و موسي و اجي تاني
بيري: تمام اتفضل
غيث: تمام بعد اذنكم و يمشي
رحاب: اه الواحد تعبان اوي
بيري: ربنا يكملك علي خير يا حبيبتي
رحاب: يارب
بيري: هي زهراء فين
رحاب: راحت الكلية
بيري: افتكرت قاعدة هي و حاتم
رحاب: من امت يعني يا اختي بيقعدوا بدون محرم
بيري: نسيت صح مفيش حد هنا اهم اسبوع و يتكبوا الكتاب و يقعدوا علي طول مع بعض
رحاب: اه ربنا يكملهم علي خير عشان دول بقي اللي تعبوا انتوا كتبتوا علي طول هم بقالهم اربع شهور مخطوبين
بيري: اه ربنا يكملهم علي خير مش كتير بردو ناس بتقعد سنين بردو
رحاب: حاتم كان ناوي يقعد سنة خطوبة بس طبعا عشان عمو نبيل في قال عادي خلاص يكتب كده كده هو واثق من زهراء في كل حاجة
بيري: ربنا يشفي عمو عايز يطمن علينا كلنا
رحاب: ربنا يطمنه يارب
بيري: انتي بقيتي في الشهر الكام صح
رحاب: لسه في الاول يا اختي
بيري: ربنا يكلمك علي خير يارب
رحاب: يارب و موبايلها يرن
رحاب: زوجي قرة عيني
ماهر: السلام عليكم
رحاب: وعليكم السلام اي فينك
ماهر: بقولك البسي و انزلي أنا قدام الفيلا
رحاب: ليه في حاجة
ماهر: البسي بس و انزلي
رحاب: حاضر بس ليه
ماهر: لما تجي هقولك
رحاب: تمام حاضر سلام و تقفل
بيري: مالك في حاجة ولا اي
رحاب: مش عارفة بيقولي البسي و انزلي
بيري: يمكن عايز حاجة خير يا حبيبتي
رحاب: باذن الله هبعتلك طنط معلش هروح اشوفه عايز اي
بيري: تمام يا حبيتي أنا كويسة دلوقتي الحمدلله
رحاب: الحمدلله
****
في القسم
حاتم :حضرتك لسه مصصم أنه حد من المدرسة
:انت مش شايف التقرير بيقولك في عربية مخدرات خرجت من المدرسة
حاتم: يا فندم طيب انا بدور و مفيش اي خيط نمسك غير التقرير دي
:تنزل المدرسة بكرة يا حاتم من غير ما حد يعرف و يتم تفتيش المدرسة كلها تمام
حاتم: تمام يا فندم
:كاميرات المراقبة تشوفها كلها لازم نعرف مين دول و ازاي يقدروا يخرجوا بدون اي ظهور ليهم
حاتم: هنعرف باذن الله
:أنا شاكك في حد يا حاتم
حاتم: مين يا فندم
:جدك
حاتم: نعم مستحيل
:شاكك في شبه جدك الراجل اللي كان معك امبارح لما جيتوا عشان نكمل تحقيق في موضوع غيث مش جدكم يا حاتم
حاتم: أنا متأكد أنه مش سليم و حاطت مراقبة علي الشخص ده بس مين يعمل كده و زي ما سمعت غيث مفيش اي حد كلمه
:تاجر المخدرات من عندكم يا حاتم حد منكم مش عايز حد يجي جنب أهل بيتكم و بذات الستات
حاتم: حضرتك عندنا احنا ازاي بس
:أنا بقولك اللي أنا شاكك فيه يمكن غلط
حاتم: تمام يا فندم هوصل باذن الله
:خلي بالك من نفسك يا حاتم انت في خطر دلوقتي تجار المخدرات ده مش ساكتين هيفضلوا وراك
حاتم: خير باذن الله
:و كمان حاجة ده مش واحد بس دول كتير اوي انت لسه حاطط مراقبة علي المطعم
حاتم: اه يا فندم بس بقاله فترة قافل مش عارف ليه بيقولوا اني صحابه سافروا
:تمام بردو خليك حاطط المراقبة احسن يحصل حاجة يلا انت قدها يا حاتم ربنا معك
حاتم: يارب
*****
عند ماهر في العربية كان قاعد هو و رويدا لحد ما رحاب جات
رحاب: السلام عليكم رويدا في أي
ماهر: اركبي و هقولك
رحاب: تمام و تركب
رحاب: في أي بقي
ماهر: عايزك تروح مع رويدا الدكتور بتاعتك
رحاب: ليه
ماهر: هتروحي معها أنا حجزت لكم و يمشي بالسيارة و يكتب لرحاب رسالة
ماهر: خدي يا رحاب موبايلي كده ثواني
رحاب باستغراب :تمام و تشوف الرسالة و تقرأها
رحاب: نعم اي الكلام ده
ماهر: صوتك اهدي و شاور علي رويدا
رحاب: انتي متأكدة يا رويدا
رويدا: و الله متأكدة
رحاب: طيب اهدي خير باذن الله اطلع يا ماهر
ماهر: تمام
****
فيلا سليم علي السفرة
سليم: فين ماهر و رحاب
زهراء: عندهم مشوار مهم يا جدو
سليم: تمام سهام بعد كده اعملي الفراخ متحمرة
سهام باستغراب: متحمرة
سليم: اه أي الغريب
سهام: حضرتك عمرك ما حبيتها متحمرة و عمرك ما اكلتها غير مشوية
سليم بتوتر: اه اه بقيت احبها كده هات عصير
كلهم يبصوا لبعض باستغراب
سليم: في أي
اسماء: بابا انت عمرك ما بتشرب عصير ممنوع اساسا منه
سليم: اه بردو معلش كان نفسي فيه أنا اكلت الحمدلله هطلع انام و يطلع
نبيل: في أي
كاظم: بابا ماله اليومين دول
صابر: الحاج بقي غريب اوي من ساعة ما راجع من امبارح ،موبايل موده يرن و ترد
عز: مين
موده: رقم غريب
عز: افتحي الصوت
:جدك قدام الباب عارفنا انكم عرفتوا اني ده مش جدكم و احنا نفذنا خطتنا خلاص اطلعوا خدوا جدكم من قدام الباب الكل يجري برة كان سليم مرمي على الأرض
نبيل: بابا
:جدو يجروا كلهم عنده
كاظم: شيلوا بسرعة يا شباب
صابر: اطلبوا الدكتور بسرعة
****
عند ماهر في العربية قاعد منتظر رحاب و رويدا و يجوا و كنت رويدا في صدمة
ماهر: اي طمنوني
رحاب: اطلع بس
ماهر: في أي يا رحاب
رويدا بعيط: ازاي أنا معرفيش ده حصل ازاي
ماهر: يعني الكلام ده صح
رحاب: الدكتور أكد الكلام
ماهر: انتي متأكدة من الدكتور ده
رحاب: أنا معرفش مين اللي فوق ده انا بجي عند دكتورة بس مش موجودة انهاردة قالوا الاتنين زي بعض كويسين لو مستعجلة ادخلي
ماهر: طيب يا رويدا اهدي كده يمكن
رويدا: والله ابدا يا مستر والله لا مهدي كان بيقعد معنا علي طول ازاي ازاي و الله لا
رحاب حضنتها: طيب اهدي احنا هنتصرف
رويدا: بابا لو عرف هيموتني
رحاب: اهدي يا حبيبتي اكيد انتي كويسة
رويدا: طيب ما الدكتور بيقول كده ليه
رحاب: معرفش بس خير باذن الله
رويدا: هعمل اي دلوقتي
ماهر: انتي دلوقتي مش هينفع تروحي بيتك هيظهر عليك الخوف و التوتر
رحاب: تعالي اقعدي عندي في الجناح مش مامتك و والدك مسافرين اساسا و قولتلي اني خالك عنده شغل صح
رويدا: اه بس قالي هيرجع انهاردة
ماهر: طيب يارا يمكن ده حصل وقت ما خالك بيسافر
رويدا: لا والله خالي مش بيسافر دي اول مرة اساسا و رايح اسكندرية صد رد علي طول
رحاب: طيب اهدي خير باذن الله يلا يا ماهر عشان نروح
****
فيلا سليم الدكتور يخرج من اوضة سليم
:هو كويس الحمدلله بس اخد مخدر كتير
كاظم: يعني صحته كويس
:الحمدلله كويس بس سيبه نايم شوية و بكرة هيقوم
نبيل: تمام يا دكتور تسلم عز مع الدكتور
عز: تمام اتفضل و يمشوا
سهام: أنا هدخل أقعد جنبه
نبيل: تمام يا حبيبتي
اسماء: و انا كمان هقعد
سهام: لا اطلعي انتي لبنتك
اسماء: هقعد هنا شوية و انتي شوية عشان تشوفي جاد بردو
سهام: تمام و يجي ماهر و رويدا و رحاب
ماهر: في اي
نبيل: مفيش حاجة يا حبيبي اهد
ماهر: عز قالي كل حاجة جدو كويس
كاظم: الحمدلله كويس
ماهر: الحمدلله يلا يا رحاب خدي رويدا و اطلعوا فوق
رحاب: تمام تعالي يا حبيبتي و يطلعوا
ماهر: رويدا هتقعد عندنا يومين
نبيل: تنور يا بني بيتها بس هي كويسة
ماهر: اه ٦بي مش عايزين تقعد لوحدها ف هتقعد هنا
نبيل: تمام يا بني تنور يلا يا بنات اطلعوا كل واحدة علي اوضتها جدكم مش هيقوم دلوقتي يلا
*****
في جناح رحاب و ماهر
رحاب: ارتاحي دلوقتي يا رويدا و بكرة ربنا يحلها
رويدا: خالو مهدي
رحاب: طيب ردي
رويدا: خائفة
رحاب: ردي متخافيش
رويدا: تمام و ترد
مهدي: حبيبتي عاملة اي
رويدا: الحمدلله بخير فينك
مهدي: معلش مش هقدر اجي انهاردة بعتلك دادة عشان تقعد معكي انهاردة و بكرة و هيجي بعد يومين
رويدا: لا خلاص انا عند تيا و هقعد عندها اليومين دول
مهدي: اللي يريحك خلي بالك من نفسك و اوعي تاخدي درس و انا مش موجود فاهمة ولا لا
رويدا: مهدي انت سيبتني مرة مع مستر تامر لوحدنا و خرجت
مهدي: عمري ولا هعملها عشان مش مرتاح ليه اساسا بس بتسالي ليه
رويدا: لا عادي
مهدي: تمام يلا روحي نامي عشان المدرسة و ملئ بالك من نفسك
رويدا: تمام يا حبيبي و تقفل
رويدا: اهو سمعتي عمرنا ما كنا لوحدنا
رحاب: أنا مصدقة يا حبيبتي مش بثق في تامر ده اساسا
رويدا بعيط: أنا مش قادرة افتكر حلحى
رحاب: طيب قولي كده اي البي كان بيحصل انتي قولتي أنه قال اني بيحبك
رويدا: حاضر
فلاش باك
تامر: فهمتي كده
رويدا: اه يا مستر
تامر: اي بقي أنا قولتلك اني بحبك مش عارف ردك
رويدا: ردي اي يا مستر
تامر: لو مش بتحبني اقدر امشي
رويدا بكسوف: لا لا بس بس
تامر بضحك: لا شكلك بتحبني و انا كمان اوي المهم بقي و يمسك ايديها
رويدا: لا و تبعد ايديها
تامر: ليه انا بحبك
رويدا: بردو يا مستر مش هينفع
تامر: طيب تمام بلاش مستر خليها تامر
رويدا: حاضر و يدخل معكي بالعصير
مهدي: العصير
تامر: تسلم يا استاذ مهدي
مهدي: بالهنا رويدا عاملة معك اي
تامر: رويدا من الممتازات ربنا يباركلكم فيها
مهدي: يارب
باك
رويدا: دي كانت اول مرة نتفق أننا بنحب بعض هو كان بيضحك عليا بحبه
رحاب: طيب في مرة بعتله صور لكي
رويدا: اه بس و الله صور عادية مفيش فيها أي حاجة
رحاب: تمام طيب كملي
رويدا: مش قادرة حقيقي
رحاب: طيب نامي و بكرة نكمل كلامنا
رويدا: تمام
****
تاني يوم في اوضة سليم موده قاعدة جنبه و بدا يفوق
سليم: اه و بص جنبه كانت موده نايمة علي طرف السرير ابتسم بتعب و حاط أيده علي شعرها قامت بخضة
موده: جدو انت كويس
سليم: اه الحمدلله يا حبيبتي نائمة كده ليه
موده: عشان اخد بالي منك
سليم: أصيلة يا موده بعد ده كله انتي اللي قاعدة جنبي
موده: انت جدي بردو و لازم اخد بالي منك
سليم: سامحني يا بنتي
موده: طيب بلاش كلام كتير و اهد و حضنته
سليم: أنا عارف اني عملت حاجات كتير لكي بس سامحني ندمان اوي يا بنتي
موده: خلاص يا جدو محصلش حاجة أنا نسيت اساسا و باست أيده
سليم: ربنا يحفظك ليا فين الباقي
موده: طنط سهام و طنط اسماء كانوا قاعدين كلو الليل هنا بس خليتهم علي الفجر يروحوا يشوفوا بيري و جاد
سليم: مالهم بيري و جاد و انا كنت فين أن حاسس اني نامت كتير اوي اخر حاجة فاكرها لما كنت بصلي الفجر و بعد كده مش فاكر اي حاجة
موده حكت كل حاجة
سليم: لا حول ولا قوة الا بالله المهم انكم كويسين صح
موده: الحمدلله بخير
سليم: مين دول بقي
موده: مش عارفين يا جدو
سليم: خير باذن الله عاملة اي مع عز
موده: كويسين الحمدلله _ انضم لقناتنا علي التيليجرام 👇
سليم: ربنا يهديكم علي بعض عز ملوش دعوة يا موده أنا السبب في ده كله هو كان عايز بقولك بس انا كنت خايف تسيبني و تمشي أنا عارف اني كنت بحبكم حب امتلاك يعني عايزكم تكون جنبي علي طول بس خلاص انا اتغيرت عايزين تقعدوا اقعدوا مش عايزين تقعد ادعي ربنا انك ترجعوا تقعدوا معنا تاني البيت وحش من غيرك يا موده ارجعي كلمي عز بالله عليكي عيشوا حياتكم بلاش حزن و زعل بالله عليكي
موده: حاضر يا جدو و يجي عز
عز: صباح الفل عامل اي يا جدو
سليم :الحمدلله يا بني ده كله يحصل لينا يا عز
عز: العصفورة بتاعتي قالتلك
موده: هو اللي سألني
عز: تمام تمام
موده: المهم تروح البيت تجيب هدومي و تجي
عز: اجيب الحاجة ليه
موده: عشان انا هقعد مع جدو
عز: و الله
موده: اه
سليم: متروحش لوحدك
عز: قالتلك دي كمان
موده: أنا قولتله كل حاجة
عز: برافو شطورة طيب ما تخليها تكلمني عشان و ربنا بلف وراها في كل مكان
سليم: دي حاجة بينكم و موده طيبة و باذن الله كل حاجة هتكون خير
عز: باذن الله تعالي عشان عايزك
موده: قاعدة مع جدو
سليم: روحي يا بنتي مع جوزك و ابعتلي سهام عشان اجهز و انزل علي الفطار
عز: خليك هنا يا جدو احسن
سليم: لا هنزل أقعد معكم
عز: علي راحتك يا جدو و يلا يا اخت عندنا مدرسة
*****
في المدرسة في فصل جاد
فيروز: هي رويدا فين
يارا: في الفيلا عندنا
فيروز: ليه
يارا: معرفيش جات امبارح مع ماهر و رحاب و قعدت عندهم
تيا :البت دي فيها حاجة غريبة
ايات: طيب نروح نشوفها بعد المدرسة
يوسف: احنا كده كده هنروح نشوف جاد و موسي و كمان موده عايزة نكون كلنا هناك انهاردة
:تمام
****
بعد وقت المدرسة كلهم قاعدين في الجنينة
يوسف: الف سلامة عليكم يا شباب
جاد: الله يسلمكم أنا بقيت كويس الحمدلله اهو
مروان: الفصل مضلم من غيركم حقيقي
موسى: حبيبي تسلم
تيا: مالك يا رويدا قاعدة سرحانة بيه
رويدا: تعبانة شوية
موده: منورين و الله بقالنا كتير مش اتجمعنا كده
يوسف: عايزة اي يا موده
موده: عايزة سلامتك يا يوسف
يوسف: تسلمي
غيث: مساء الخير
:مساء الفل
مروان: والله والله واحشنا فينك يا عريس
غيث: مخطوف يا اخويا عريس اتخطف
عز: ممكن نتكلم جد بقي
غيث: اتفضل
حاتم: ازاي ياخدوك محدش عمللك حاجة
غيث: و ربنا ما اعرف أنا مستغرب زي زيكم حتي شاكت أنهم حاطين في الاكل حاجة لحد ما الراجل اللي هناك أخد من الاكل
موسى: اصل غريبة ليه المعاملة دي
غيث: أنا شاكك اني تاجر مخدرات ده عارفنا
موده: والله ما كلنا عارفين كده
عز: ده شخص عارفنا و خايفين علينا عشان كده بس مين
غيث: و ليه متقوليش أنه قصده كده عشان نفكر في حد فينا انت يا ماهر
ماهر: بس يا بني
غيث: يبقي حاتم اه رائد و عامل فيه محترم
حاتم: لو مقعدتش ساكت هقوم اعرفك الرائد ده هيعمل اي
غيث :حاضر طيب مين مين
عز: أنا شاكك فيك اصل
غيث: يا عم صل علي النبي ده هيكون حالي و انا تاجر مخدرات ده انا عليا اقساط كتير والله لسه فاضل قسط في الأجهزة الكهربائية سيبني في حالي يا بني ده حال تاجر مخدرات
عز: اه صح انت عارف تاكل
غيث: باكل عندكم بس انا في حاجة شاغلة بالي
ماهر: خير
غيث: اللي كان عامل شكل جدكم قال هنقعد هنا طيب دلوقتي احنا هنمشي ولا هنقعد الاكل عندكم حلو و ببلاش و انا لسه عريس و صرفت كتير اوي
حاتم: امشي من هنا يا غيث امشي
عز: اه صح هم اي فكرتهم أننا نقعد كلنا في بيت واحد
غيث: اكيد عشان كلنا نكون تحت عيونهم
ماهر: صح طيب هنعمل اي
عز: و نوقف شوية يا جدعان و بلاش لعب معهم
غيث: أنا عايز حقي و حق مراتي أنا اتضربت و مراتي اتضربت اقسم بالله ما هسيبهم
ماهر: كل حاجة هتجي باذن الله و رسالة توصل للشباب
يوسف: اي ده
مروان بصدمة: مستحيل و يبصوا لرويدا
رحاب: في أي
جاد: لو سمحت يا رحاب ابعدي اي الفيديو ده
رويدا: فيديو اي
يوسف: الفيديو ده اتبعت لنا كلنا دلوقتي شوفي شوفي
رويدا بعيط: و الله مش عملت حاجة والله
مروان: ازاي و مين اللي في الفيديو
ماهر: بس انت و هو مش عايز اسمع صوت واحد فيكم
يوسف: ردي علينا مين اللي معكي ده ردي علينا و اي الفيديو المعفن ده انتي يا رويدا انتي تعملي كده
رويدا: والله لا
موده: في أي
عز: شوفي الفديو و تاخد الموبايل
موده: اي ده
رحاب: بس يا جماعة رويدا مش عملت حاجة
موده: تمام بس اي ده و مين ده ط و موبايل رويدا يرن
مروان: ردي شوفي مين
رويدا: حاضر و ترد
تامر: المرة دي بعت الفديو لصحابك و خالك بس المرة الجاية هينزل للكل احترامي نفسك بقي و ابعدي عني فاهمة ولا لا و يقفل
رويدا: يلهوي يلهوي الفيديو واصل لمهدي يلهوي يلهوي و تطلع تجري
رحاب: رويدا اصبري
ماهر: اهدي محدش هيعملك حاجة
جاد: ده صوت تامر
يوسف: اه هو تامر يا رويدا
تيا: بس يا شباب اهدوا عشان نفهم
مروان: نفهم اي ردي علينا
رويدا: كفاية كفاية و تجري و الكل كان بيجري وراها و تقف قدام باب الفيلا لما شافت مهدي قدامها و كان راح عندها ......
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا