رواية نفوس مريضه الفصل التاسع والعشرون 29
......
طلعت لولا شقتها وفتحت الباب بتعب وهي دخله
حست بعادل اللي شدها في حضنه وقفل الباب
عادل:الف الف مبروك يا روحي
لولا بغضب :عادل انت بتعمل ايه هنا.. وايه اللي جابك
عادل :جيت احتفل معاكي بجوازك يا روحي
دفعت لولا عادل بغضب وبعدت عنه
: يعني ايه تحتفل معايا بجوازي.. انا خلاص مش عايزه اعرفك تاني.. ووصلنا للاحنا عايزينه.. وانت اتخلصت مني كفايه لحد كده.. مش عايزه اشوف وشك.
عادل بسخريه :مش عايزه تشوفي وش مين ياحبي .. هو انتي فاكره اني هجوزك ل معتز و هابعد عنك
لولا :اومال انت عايز ايه.. مش قولت هتتجوز نور وانك بتحبها.. وانا هتجوز معتز..
وانسب ابني لي عايز ايه بقى..وبنسبالي انا اول ما دا يحصل انا هطلق من معتز وهمشي ومش عايزه اعرف حاجه لا عنك ولاعنه.. وهنسي الفتره الزفت اللي قبيلتكم فيها
عادل بضحك : تمشي تروحي فين يا لولا انا قدرك .. انا ماقدرش اسيبك تبعدي عني .. تعرفي ان انا حبيتك اكتر
اول ما معتز قرر يتجوزك
لولا :حبتني عشان معتز قرر يتجوزني.. ونور
عادل :مالها نور.. انا كنت فاكرها حاجه تانيه.. وقولت دي اللي هطلع عليه القديم والجديد و جوازه أدبس فيها. بس محظوظ حتى وهو مجبر تبقى نور مراته مجبر.. وانا عشقتها اعمل ايه
لولا :هو انت بتعمل كده ليه. وليه بتحقد على معتز كده .. هو عملك ايه ل كل دا.. برغم اني بكره بس بروده انا عمري ماشفته عمالك حاجه .. دا يعتبر عايش معاك دا اللي يشوفكم يقول عليكم أخوات مش اصحاب..انت ليه كده
عادل بحقد : لانه ديما عايش دور مش بتاعه عايش دور الضحيه وهو عنده كل حاجه..
واحد غيره كان زمانه مرمى في ملجاء ولا دار أيتام ل مجهولين النسب ماهو ابن حرا.م
بس ازاي دا ابن صلاح صادق
الكل بيتمناله الرضا وفي الاخر مش عاجبه..
لولا :انت كنت عارفه موضوع صلاح ومعتز دا
عادل بضحك : هو قالك..
طبعا كنت عارف..
هو اللي بردوه اللي قال في قاعدة شرب..
اومال انا اختارته ليه يكون ابوا اللي في بطنك.. لانه زيه.. بس عارفه ايه اللي مجنني يا لولا
لولا بسخريه :و ياترى ايه اللي مجنن سعتك
عادل بغيظ : يعني انه ابوه يحبه ويتمنى انه يقرب منه ويشتغل معاه ممكن يبقي دا عادي
بس ان ميرفت تحبه.. وهي مرات ابوه
لا ومش كده وبس
دي خسرت ابنها بسبب معتز وامه..
تحبه ليه معرفش
.. لا والادها لما يغيب عنها تفضل تتصل عاليا..
كمل عادل بتهكم وهو بيولع سجاره :
قال عشان تطمن عليه..
حتى أخوه ديما بيحميه وواقف جانبه..
و مستعد يضحي بنفسه عشانه برغم انه اخوه من ابوه و بس..
ومعتز باشا مش عاجبه..
وحتى لما يتجبر على الجواز تبقى نور مراته..
ويلقي نفسه ويشتغل الحاجه اللي بيحبها.. هو جايب الحظ دا منين اشمعنا هو
لولا : كل دا غل وحقد جواك عليه
عادل :حقي.. طيب شوفتي يوم مادخل المستشفى الكل كان حوليه ازاي..
شوفتي وهم خايفين عليه
هو في ايه احسن مني
من يوم ماعرفت وانا بتمنى اكون مكانه
اعيش حياته اللي مش عاجبه دي ولو دقيقه واحده.. احنا مافيش حد يدور علينا يالولا زيه
قاعد عادل وسند ظهره على الكرسي وسرح مع دخان سجارته :تعرفي يا لولا انا في مره تعبت وكنت محتاج عمليه
مالقتش حد جانبي..
ابويا لما عرف ماهتمش اصلا انا فين
عايش حياته مالوش دعوه بحد خالص
وأمي كل اللي يهمها اصحابها و النادي.. وهتقضي الصيف السنه دي في انهي بلد
واخويا سافر بعد المصيبه اللي عملها
ماكنش في حد جانبي غير معتز تخيلي ..
كنت بحس منه اني مثير للشفقه
.. وهو ديما شايف نفسه احسن مني ...
على ايه مش فاهم.. انا احسن منه.. انا مش ابن حرام زيه.
لولا :انت ايه.. انت مجنون.. معتز دا صاحبك اومال لو عدوك كنت هتعمل ايه.. انت بتحقد على حياته اللي هو بيتعذب بيها
.. انت مستحيل تكون بني آدم وبتحس ..
.. انا بكر.هك.. وبكره اليوم اللي شوفتك فيه.. وبكره نفسي اني سلمت ل بني آدم حقير زيك
عادل :عيب يا لولا.. عيب تغلطي فيا انا بزعل كده.. وانتي عارفه اني زعلي وحش.. وبعدين ماتكرهيني.. هو انا قولتلك حبيني
لولا : امشي اطلع بره.. اوعي تقرب مني تاني عشان اقسم لك اني هروح احكي لمعتز كل حاجه ومش هيفرق معايا تهديدك
عادل ضحك بسخريه :وانتي فاكره انه هيصدقك.. واعملي كده يا لولا.. وساعتها هتفنن في اللي عمله فيكي..
لولا بكاء : انا ايه اللي وقعني معاك انت مريض..
عادل طبطب عليها: انتي اللي غلطانه ياروحي..
عشان اللي تهرب حبيبتي من أهلها.. هتلقي الكل يدو.س عليها ولو ماكنتيش قبلتني كنتي هتقبلي غيري
اصل المرضا كتير اوي في الزمن دا..
وانتي حلوه حلوه اوي يا لولا.. جمالك يخطف العين..
لولا :ارجوك سبني في حالي وابعد عني.. ارجوك يا عادل
عادل :هو احنا هنقضي الليل كله كلام ولا ايه يلا عشان نحتفل سوا..عشان عندي شغل مهم اوي الصبح.. اصل اخويا راجع من السفر.
خلص كلامه وهو بيقرب عليها ولولا بتبعد عنه بخوف
وبداء يتقرب منها
عدا وقت وخرج عادل من الشقه و لولا قاعد تبكي.. وقامت تغير هدمها اللي اتقطعت
وهي بتفكر كلامها مع معتز وحست انها ظلمته ونور كمان ماتستحقش تقع مع عادل ابدا
فلاش باك
لولا بصراخ :معتز سوق براحه انت ماشي بسرعه كده ليه.. براحه كده هنعمل حا.دثه.
معتز بغضب :اخرس تعرفي اخرسي.. مش عايز اسمع صوتك
لولا :هتمو.تنا وتقولي اخرسي .. طيب نزلني يا معتز انا حامل
معتز بصلها بغضب وويد سرعة السياره اكثر
لولا :لا لا يا معتز هدى السرعه.. طيب
معتز تجاهلها وشد زجاجة مشرب صغيره وفتحها.
شدتها لولا منه و رمتها من الشباك
معتز بصلها بغضب :انتي ازاي تعملي كده كده
لولا بخوف :مش انت قولت انك بطلت
معتز :بطلت اه .. انتي مش خر.بتها.. جي تعيشي الدور
وصل معتز ل العماره بتاعتها :انزلي.. انزلي
لولا :انت زعلان عشان نور صح .. هو انت بتحبها يامعتز
معتز : ماتجبيش اسمها على لسانك فاهمه..
لولا : اشمعنا هي فيها ايه يفرق عني
معتز بتهكم : انتي بتقرني نفسك بيها لا فوقي يا لولا دا مجرد المقارنه مابينكم هبقي بظلمها
لولا : للدرجادي انا وحشه
معتز :لا للدرجه دي هي اللي مش شبهنا
لولا : خلاص روحلها يا معتز وابداء معاها حياتك..
معتز :وانتي فاكره انها هتقبل بيا بعد اللي حصل.. ..و العيل اللي في بطنك دا مصيره ايه.. وانتي هتعملي ايه
لولا : وانت مالك شايل همي ليه.. روح شوف حياتك .. انجد نفسك من المستنقع بتاعنا زي ما اخوك قال.. ابعد يامعتز..
معتز :انت عايزه ايه ها.. روحتي قولتي اني جوزك ليها وانك حمل مني.. ودلوقتي تقوليلي روحلها.. انتي عايزه ايه.. انزلي يلا انزلي
نزل معتز وفتح باب العربيه وخارجها منها وركب وساق بأقصى سرعه..
......
لولا :انا لازم اخلص منك يا عاد؛ل
......
...
معتز وصل لولا و رجع قعد على البحر مكانه وفي ايده زجاجة مشروب ومرصوص حوليه غيرها كتير
فتح اللي في ايده عشان يشربها
عايز ينسى نفسه وعيلته ونور قبلهم
رفاعها على بقه ولسه هيشرب
لقى نفسه بيبعدها وبيرميها بعيد
مع أول صوت ل اذان الفجر
و كأنه بيحذره من شربها
استغرب انه ل لأول مره يسمعه..
كأنه عمره مانتبه لي قبل كده
وحط راسه بين رجليه وضم نفسه
حاسس انه تايه
تخيل نور جانبه وهي بتوسيه واديها بتمسح على شعره.. هو محتاج وجودها.. مش عايزها تبعد.. معقوله خسرها.. بعدت عنه من قبل مايقربوا حتي
حس بأيد اتحطت على كتفه وصوت هادي :
انت كويس يابني
رفع معتز راسه ولف يبص للشخص دا
راجل في الخمسينات من العمر
عنده داقن خفيفه
ولابس قميص ابيض وبنطلون وجاكت اسود
الراجل : مالك يابني مابتردش ليه
ايه اللي مقاعدك على البحر كده في البرد دا
نطق معتز بصوت مبحوح :ماعنديش مكان اروحه
الراجل قاعد جانبه :ليه هي الدينا ضاقت بيك أوي كده. مش لقى مكان فيها
معتز : بالعكس الدنيا وسعه اوي عليا وحاسس اني غريب فيها.. ضايع وتايه ومش لقى حد جانبي
الراجل طبطب على كتفه : ما لازم تتوه يابني طول ما الازايز دي حوليك.. انت ملعو.ن بيها.. مطرود من رحمة ربنا.. عايز يبقى حالك عامل ايه
معتز :كنت بحاول ابطلها وابطل كل حاجه غيرها.. بس يظهر ان اللي زي ماينفعش يتغير. ولا حتى لي توبه.. اول ماقررت اتوب الدنيا كلها اتهد.ت فوقي دماغي
الراجل :باب التوبه مفتوح للناس كلها يابني لحد ماتشرق الشمس من الغرب .. وبعدين انت فاكر لما تقول ها توب.. دنيتك كلها هتتصلح..و شيطانك هسيبك كده بساهل تتوب .. قوم معايا يابني نلحق صلاه الفجر وبعدين نتكلم
معتز بخجل : اصلي الفجر.. روح يا شيخ.. وسبني في حالي.. اللي زي ماينفعش يدخل بيت ربنا
الراجل :ليه ماينفعش بيت ربنا مفتوح ديما للكل
معتز :هدخل بيته باي عين.. دا انا حتى مبعرفش اصلي
الراجل ببساطه :اتعلم تصلي ربنا خلقنا في الدنيا عشان نتعلم.. كلنا بنتعلم يابني عشان نوصله
معتز : هيقبلني ازاي واقف بين اديه اقوله ايه..
الراجل :قول اللي انت عايزو طلع كل اللي في قلبك.. مش هتلاقي حد يسمعك غيره ويداوي قلبك غيره..
قرب انت بس..
ابدا الخطوه الأولى..
دا ربك كريم بيفرح بتوبة عباده
بس ابداء.. دا ربنا اللي قال
: إذا تقرب العبد إلي شبرا تقربت إليه ذراعا، وإذا تقرب إلي ذراعا تقربت منه باعا، وإذا أتاني يمشيا أتيته هرولة
معتز :ذنوبي كبيره قوم
الراجل :
لو لم تذنبوا لذهب الله بكم، وجاء بقوم يذنبون فيستغفرون فيغفر لهم.. دا ربنا اللي قال كده
طول ماهو سايبك في الدنيا بتتنفس.. فهو مستنيك ترجع وتوب لي عشان يغفرلك..
قوم معايا يابني قوم
قام معتز ومشي مع الراجل ودخل الجامع لأول
مره وبداء الشيخ يعلموه ازاي يتوضأ ويصلي
وحفظه سورة الفاتحه والاخلاص
ووقف الراجل أمام باللي في المسجد
ووقف معتز في الصف وراه
و لأول مره يقف بين أدين ربنا ويسمع كلامه والقرآن
واول ما سجد فضل ساكت كتير
مش عارف يقول ايه والكلام بيخرج منه على هيئة دموع
خلصوا صلاه والشيخ قعد جانبه
واتجمع حوليه مجموعه من الناس في حلقه
وبداء الشيخ يرتل بصوت دافي
حس معتز انه صوت القرآن بيخترق كل خليه بجسمه وحس بدفه غريب مع صوت الشيخ
ووقف الشيخ عند ايه وبص ل معتز كأنه يوجهه لي
في قوله تعالى: قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ [الزمر:53]؟
َوعشان يختم تلاوته بايه اخري
يقول الله تعالي : وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ [سورة البقرة:186].
الكل بداء يرتل من بعد الراجل بصوته شويه وبداءه مع بعض يسبحه و يذكروا الله ومعتز كان بيتفرج عليهم بستغرب جو مش بتاعه ماجربوش قبل كده
بس حاسس انه قلبه مرتاح حب المكان
والراحه اللي حاسس بيها وقلبه هدي
احساس الدفه غمره فاجأه
ومع طلوع النهار انتهت الحلقه
وكل واحد صلى ركعتين
وبداءه يخرجوا
الشيخ بص ل معتز :هشوفك تاني
معتز ابتسم :اكيد هاجي تاني اكيد
بس انا معرفتش اسمك
الراجل ابتسم :هلال عمك هلال
........
دخلت.. هاله الاوضه علي نور بعصبيه
قوم يانور ردي عليا.. انا هفضل مستنيه حضرتك تصحى لامته
نور اقعدت على السرير بهدوء :نعم يا ماما خير
هاله :هو معتز طلقك
نور ابتسمت بتهكم :وبتقوليها وانتي فرحانه اوي كده ليه يا أمي
الام :نور انا سبتك امبارح ومردتش اتكلم معاكي ولا خليت ابوكي يكلمك.. وشكلك كان يغني عن حد يتكلم معاكي.. وانا مانمتش طول الليل
فاردي عليا عدل.. جبتي حاجتك وجيتي ليه
نور :ماما لو قولتك ان انا اللي هطلب الطلاق من معتز واني مش عايزه ولا ورث ولا حاجه.. ايه رائي حضرتك ..
الام :نور انتي بتهزري صح
نور :ليه هو مش كل دا انتم بتعملوا عشاني... انا مش عايزه حاجه
و انا فعلا خدت حاجتي وهطلق ورحت ل مكرم عشان يشهد ان انا اللي طلبه الطلاق
الام بصراخ :لا انتي كده اتجننتي.. انتي ليه عملتي كده.. عايزه ابوكي يق. تل. ك. صح
نور بصدمه :نعم يا أمي .. ليه.. عشان عايزه اعيش حياه طبيعيه .. هي الشركه دي أهم مني.. انا بنتكم الوحيده.. انتي حتى مسألتنيش انا ليه كان شكلي كده امبارح.. او عايزه اعمل كده ليه.. دا ياسين سألني ليه كنت معيطه وانتي حتى مافكرتيش تسأليني
الام بصدمه :هو ياسين كمان عرف انك طلبه الطلاق.. انا لازم اكلم مكرم.. وانتي ترجعي لشقتك دلوقتي فاهمه
نور بصتلها وابتسمت.. هو دا اللي لفت انتباهك في اللي انا قولته يا ماما قالتها في سرها
نور بهدوء :ماما انا عايزه انام.. ممكن تطفي النور وانتي خارجه
الام بغضب من برود نور :.. تنامي ايه هو انتي لسه هتنام.. قومي روحي شقتك.. او روحي شغلك وانا هقول لمكرم انك في الشغل وحاجتك هبعتهالك هناك
نور بحزن :.. ماما انا تعبانه ومش قادره اتكلم.. فا سبني انام ارجوكي.. عشان انا لو قومت من هنا.. انا مش هرجع الشقه ولا هروح شغلي.. انا هسبلكم الدنيا كلها وارتاح .. حلو كده
الام :.. انتي فيكي ايه يانور مالك بتتكلمي معايا كده ليه.. هو دا اللي اتعلمتيه من البيه اللي عشتي معا
نور بدموع :ماما انا تعبانه .. هو انتي ليه مش حسه بيا
الام :تعبانه مالك يعني
نور بضيق :عايزه انام ينفع انام ممكن تسبيني انام
الام : نامي يانور.. نامي وانا هشوف حل للمصيبه اللي انتي عملتيها.. ولما تصحي نبقى نتكلم.
نور :اطفي النور معاكي وانتي خارجه واقفلي الباب
قالتها نور وشدت الغطا على رأسها ورجعت تنام تاني
... وكل تفكرها انها عايزه تمشي وتبعد عن الكل من ساعة ما رجعت من امبارح وهي دخلت اوضتها ورفضت تتكلم مع حد
وبتاخد في مهدي.. ما هي مش من حقها تبكي او تصرخ.. مش من حقها تنهار.. مسكت علبة المهدي خدت اخر برشامه فيها.. ورجعت تنام تاني تهرب من الواقع اللي اتفرض عليها
...... .........
خرج خالد من المطار وهي بيفتح زراعيه ليحتضه اخوه
.. وحشتني اوي يابرو ايه الغيبه دي
خالد :انت اللي وحشتني يا دولا ماقولتلك تعال عيش معايا هناك انت اللي حابب هنا
عادل :طيب اسيب هنا ل مين وجمال هنا لمين
خالد :يابني الجمال الأوروبي حاجه تانيه.. اووف
عادل : لا يا عم انا بعشق الجمال الشرقي .. الون الامحي والعيون السود.. بحر عينها المظلم قادر يغرقني فيه خيال جمالها خيال يا خالد يا خويا
اركب اركب
قالها عادل وهو بي كب العربيه وركب خالد جانبه
خالد :انت بتتكلم على حد معين ولا ايه.. شكلك
وقعت يا عادل
عادل :وقعت.. الا وقعت بس واقعه تستاهل
خالد :لا لازم تعرفني عليها
عادل :قريب قريب اوي.. اومال فين مراتك والعيال ماجبتهمش ليه
خالد :اجيبهم فين.. دا حصل مشكله هنا هحلها على السريع وارجع تاني
.......
دخلت ام نور الغرفه بغضب
قوم يا ست نور شوفي
مين عايزك كفايه عليكي كل دا نوم الليل جه وانتي لسه مكانك نايمه
اتعدلت نور على السرير وهي حسه بدواخه ومش قادره تفتح عنيها ونطقت بتعب:نعم يا أمي مين عايزني
في واحده عايزاك بره قومي شوفيها
نور :حاضر
قامت نور من السرير وحسه ان نبض قلبها بيضعف والدوران بيزيد
خرجت وهي بتتسند على الحيطه.. وفتحت عينها بستغرب وهي بتاكد ان لولا اللي قدمها لان صورتها مشوشه تماما
نور بستغرب وتعب :انتي ايه اللي جابك هنا
لولا :نور معتز قرر يتجوزني
شاهد👈الفصل الثلاثون
تمتلك مدونه دار الروايه المصريه مجموعة
من أكبر الروايات المتنوعة الحصرية والمميزة
اكتب ف بحث جوجل دار الروايه المصريه
واستمتع بقراء جميع الروايات الحصرية والمميزة
اكتب تعليق برايك هنا